نزال لصاحب الزمان عج

بااذن الله باجر. تعله المناير
وللزهره رايح تنبني گبه اومناره

كلها لظهورك سيدي منتظره الانصار
بس أشر أمن الخارطه نمحيها الاشرار
يمته لضريح الزهره تمشي افواج زوار
ونعاين لكبة الذهب تذهلها الانظار

ابصحن الفواطم. نحيي المأتم
كل شيعي يلعن قاتل الزهره بشعاره

مهدينا باجر لوطلع يكتب على الواه
فتحاً قريباً فاطمه اونصراً من الله
يطالب يجي بثار الظلع وايد الله وياه
الله ينصره الناصره وعاده الي عاداه
الكل ينصره. لوعجل امره
يملي الارض قسط اوعدل رايح فقاره

ليهسه ظلع ام الحسن ينزف
ولا طاب
شيب وشباب اتلوعت من عملة الباب
عالمحسن وخد فاطمه حتى الكلب ذاب
يالمهدي تطلع ياوكت وتصفي الحساب

ابياساعة تظهر. جيشك تحضر
كل شيعي يحسب سيدي وطال انتظاره

اليا وكت يل منتظر تبقه انت غايب
ابثار الغريب المنذبح ليمت تطالب
مهدينا جا ليمت تجي اذل النواصب
موت اوقتل سلب ونهب شفنا العجايب

شاهد وضعنه. كلش تعبنه
عبدالله ياهوه اليجي وياخذله ثاره

حگك يبو صالح تضل كل عمرك تنوح
عندك شهيد أمن الگفه بالسيف مذبوح
يادم مثل دم السبط عالغبره مسفوح
وابلا دفن جسمه ثلث تيام مطروح

عالغبره عاري. ابنص الصحاري
والرمضه تلهب والرمل يجوي ابحراره

عمك لهسه أعلى النهر وابلايه جفين
والجبهه مضروبه ابعمد والسهم بالعين
ليهسه ابو فاضل يحس ماوفه لحسين
مو مره مات أمن الخجل عباس مرتين

صابوو جربته . ودنگ رگبته
شيكلها زينب لو رجع صعبه اعتذاره

عل هزله صعدت عمتك اكبر مصيبه
واعليها شمات اشرو هاي
الغريبه
اولها تالي اميسره الجان الها هيبه
حرمه ويكيدوها بحبل والله عجيبه

تقبل شيمكم . انطگن حرمكم
ما تقبل بهذا الفعل كل الغياره

الشاعر ابو أسد البزوني

للسيدة الزهراء عليها السلام

ياعلي وصيتي *** لودنت منيتي
خلي عينك عل اميره
اتيتمت زينب ازغيره
ياعلي وصيتي

موش تبجي امدللتنه ياعلي عينك عليها
رايح افراگ الغوالي ابنيتي شيسوي بيها
تعيش خل دورالاميره لاتعيشها ابسبيها
گلها مو وكت البواجي لكربله خضم بجيها

هون أعلى زينب*** رايحه اتعذب
باجر ايگودوها اسيره
اتيتمت زينب ازغيره
ياعلي وصيتي

هواي گدام العقيله لا تكثر بالدمع
گلها خل اضم بجيها موتخلصه أعلى الظلع
باجر بحلگ الحوافر اظلوع رايح تنشلع
وعود من اضل وحيده خلها زينب تنفجع

ابلا اخو وكرايب *تسكن الخرايب
تنذبح كل العشيره
اتيتمت زينب ازغيره
ياعلي وصيتي

ياعلي هون عليها كلشي بالطف يختلف
زينب اليوم اوي اهلها وباجر الكل موعرف
شلون حال امدللتنه ياعلي ماينوصف
باجر الماطلع ضلها اتشوفها السبعين الف
تركب الهزيله***والدمع تسيله
مدنگه تمشي وكسيره
اتيتمت زينب ازغيره
ياعلي وصيتي

الله راح ايعين زينب باجر بذاك الصباح
رايح بسبعين راس يفاولوها أعلى الرماح
الف راح وسبع ميه أشاهد بجسمه الجراح
ياعلي ومن الرزايه شوكت زينب تستراح

ياكبر صبرها***الراحه ماتمرها
بالصبر والهم جبيره
اتيتمت زينب ازغيره
ياعلي وصيتي

شلون باجر حال زينب من تطب قصر اللعين
اگبالها ابسوطه الخبيث اويضرب ابثغر الحسين
اه ياسوگ الشماته الماتغض انظاره عين
أصعب احجايه أعلى زينب كافلج يالحره وين

ماهوه كفيلج***ليمته يجيلج
حيرة المسبيه حيره
اتيتمت زينب ازغيره
ياعلي وصيتي

لكربله شمحلاها تمشي وتكسر الخاطر ترد
التعطش لشوفت أخيها تذبل شلون الورد
الشافها ما جنها زينب يكثر اعليها النشد
شامخه رغم النوايب لوحجت لاماترد

ذلت العساكر***لوحجت خناجر
حرمه وتكمل المسيره
اتيتمت زينب ازغيره
ياعلي وصيتي

ابو أسد البزوني

قصيدة الاستشهاد السيده الزهراء عليها السلام

شيهود هالليله اجروحي
وانه الدافن روحي بروحي
ابجي الحالي مدري الحالج
انشالت روحي بنعش الشالج
شيهود هالليله اجروحي
+++++++++++

شلون حاله الليله حيدر ياخلگ ماينوصف
ابكثر ماعالزهره باجي ارسومه ضل ماتنعرف
اتخوصر وكض بيده ظهره مصابه موهين كلف
عملة البسمار عمله والظلع كلش ترف

ضل يصفك جفه ويتحسر
ظلع الزهره يصيح اتكسر
ريت اظلوعي اتروح ابدالج
انشالت روحي بنعش الشالج
شيهود هالليله اجروحي
+++++++++++

بين ماحيدر يغسل فاطمه عل مغتسل
صاح اخ بصوت عالي والدمع عالخد همل
عاين البسمار الاكشر للكب شافاه وصل
وفوگ كل هاي الرزايه الظلع نصين انفصل

مايتصوف حيدر حاله
الباب الذوب كل دلاله
ابدمع اوحسره ضل يناعلج
انشالت روحي بنعش الشالج
شيهود هالليله اجروحي
+++++++++++

آه ياباب النوايب جم جرح هيجته الي
المامدنگ راسه مره منكسر شفناه علي
عملة الباب الفجيعه ابكل دهر ماتنجلي
اثمنطعش هستوها طبت ياهو يقبل تنولي

بالباب وحايط عصروها
موعيب النعمه ايرفسوها
اليوم انكتلج خلي ابالج
انشالت روحي بنعش الشالج
شيهود هالليله اجروحي
+++++++++++

ابلايه رحمه ولاحميه الهجمو بعز النهار
علم عدهم بالوصيه مايجر حيدر فقار
ابكل حقد لمو حطبهم واضرمو بالحضره نار
الكافر البالباب يدفع خله دمها أعلى الجدار

يافضه اتصيح العلويه
مات أوليدي ابين ايديه
طاح المحسن دامي اگبالج
انشالت روحي بنعش الشالج
شيهود هالليله اجروحي
+++++++++++

ربع ابوي المارعوني وجازور العشره ابكسر
يدري نية ربعه شنهي لهسبب وصه اشكثر
كالهم من بعدي حيدر خافن ايكضكم عذر
اذيابه طلعو ياوسافه وطبع الذيابه الغدر

ماخلو للصحبه احجايه
كلمة صاحب حيل هوايه
يادنيه الموت اتهنالج
انشالت روحي بنعش الشالج
شيهود هالليله اجروحي
+++++++++++

ابو أسد البزوني

قصيده للمشايه

شايلين الرايه طلعو المشايه

زاير ايحشم بزاير گامو الجنهم مناير
معتنين الكربله
شفت واحد شال رايه رايد يواسي السبايه
يمشي وي القافله
وانه صحت بصوت اهلا ياهلا بيكم وسهلا
ماتكفي ادري الهله
خنتشرف فدوه بيكم من رحت فدوه لمشيكم
والله كلكم مرجله

نحسب احنه الهايه طلعو المشايه

صار شهرين ونحضر ليمت المشايه تعبر
ونتشرف بيها
رزق هذا امن الله عدنا كلمن احنه يبات يمنا
ابخدمتة انگضيها
اطلب وشتريد تامر احنه خدامك يزاير
التصعب انسويها
ادخل وشرف الموكب ياملك شتريد تطلب
ذبها لتخليها

انزلت بيكم ايه طلعو المشايه بيكم من رحت فدوه
حسين عدنا الي يخدمه الزهره راح اسجل اسمه
ابدفتر اوي انصاره
كل تجاره وبيها تخسر بس تجاره ابو الاكبر
ربح موش اخساره
شتنطي باجر راح ضعفه الله ينطيك ويشرفه
ايحطله كومه اصفاره
استغنم الفرصه يخادم حتا ترجع منها غانم
الدنيه شو دواره

اصعد اول بايه طلعو المشايه شيكم
والله كلكم مرجل
شراح باجر منها تاخذ ضل ببو السجاد لايذ
جلب ابخاجيته
حاشه مايتركله خادم والمعاون كمر هاشم
صار من حاشيته
اخلص ورايح تشوفه اي بشر لا مايعوفه
يدخله راح ابيته
العنده والماعنده رايح مايضل بلعوز طايح
من يمد صينيته

يالله افهمو الغايه طلعو المشايه رحت فدوه لمشيكم
وال
الخدم والمشايه باجر مايضل بيهم الحاير
كللها تتوج ذهب
شما اله الشيطان وسوس استبرق الرادود يلبس
وينحط ابرتبة وهب
وراح كل شاعر اليكتب مايضل بالجنه يعتب
اصلاً يشيل العتب
شكثر كل خادم يعاني وزع او شال الصواني
الله يجزيه التعب

ينال خير اهوايه طلعو المشايه كم
والله كلكم مرجله

الشاعر ابو اسد البزوني

شور سماعي

يعباس الحگ تصيح سكينه
يعباس چوه الجمر رجلينه

هجمو علينه ابلا رحم ولاذره عدهم غيره
طكوها عمتي ابكل حقد موهيه حرمه اچبيره
صاحو اطلعن بل عجل وضلينه احنه بحيره
كل وحد بينه اتروعت المن وجهنه انديره

يعباس خويه وعلي احتارينه
يعباس چوه الجمر رجلينه

خوله تصيح امن الفزع يابويه الحگ لينه
نار الخيم يابو علي وصلت ترى الرجلينه
ماعدنا والي ولا حمي اتگبعنه بس بعبينه
لو ماتجي من الرجس ياهوه چا يحمينه

يعباس انطفي الخيم بيدينه
يعباس چوه الجمر رجلينه

ام الرضيع امن البچي ليليه يغمى
اعليها
تگعد تلولي اعلى المهد كل ضنها ويناغيها
ما منذبح ضنها الولد كل ساعه ويحاجيها
وهوه السهم يابو الفضل امن الرگبه طالع بيها

يعباس كلش ترى اتتاذينه
يعباس چوه الجمر رجلينه

هم تدري بالصار وجره لوانه ازيد احزانها
رد المهر خالي الظهر وهيه اسعرت نيرانها
فرهود صاحو عل خيم وهوه اشتغل شيطانها
ترجيه بذن اختي شفت جروها من اذانها

يعباس كافلنه صاحت وينه
يعباس چوه الجمر رجلينه

عل عرجه تصعد عمتي ياعمي اول تالي
الماشاهدت ضلها الشمس صعدت ضهرها العالي
الجانت امير ام الخدر الوحدها وبلا والي
وتشوف راس اعلى الرمح مذبوح اخيها الغالي

يعباس حسينك تره مسلبينه
يعباس چوه الجمر رجلينه

ابو اسد البزوني

موشح ولائي

حسين ندريها تفشل افعالنه
نريد منك كون تصلح حالنه
*___*
نظرك منك ردنا يالكلك نظر
وندري بالجلب ابهدمك ماخسر
خلنه دوم بخدمتك موبس شهر
اتشوف ماينطلع بيها اعمالنه
نريد منك كون تصلح حالنه
___
حسين وفقنا لخدمتك يالنفل
وردنا يامولاي الك خافن نزل
يشهد الله انحبك وقول وفعل
بس ناذيك احنه مدري اشمالنه
نريد منك كون تصلح حالنه
*___*
انلوذ بسمك من مضلات الفتن
والله يعمي عيوني الك لومابجن
اعليك يحسين اقسم بجبد الحسن
غير خدمتكم شنو اشنسوالنه
نريد منك كون تصلح حالنه
___
بشر مامعصوم نخطه احنه ونصب
وانت بابك باب الله وتستجيب
على هاي اذنوبنه اقبلنا الحبيب
غير عفوك امل كلش مالنه
نريد منك كون تصلح حالنه
*___*
شما شربنا الماي تتهاوه الدموع
وبالطم لظلعوك انكسر الظلوع
الوع مثلك سيدي بيوم التلوع
وريت كون الشال راسك شالنه
نريد منك كون تصلح حالنه
___
نعاهدك ياسيدي وذمه العهد
ما نعوفك لوالف طاغي الي رد
كل عمرنه انادي ياحيدر مدد
لو تغطي الكاع تبقا اوصالنه
نريد منك كون تصلح حالنه
**___

ابو أسد البزوني

نزال لمولاي ابو الفظل العباس ع

يبو فاضل يعباس

يعكال ابوي الزود.
احلام اترسه الجود
طفهم يريد ازنود
بيمينك الماي

من رجله حد الراس
ينكط خجل واحساس
الله على العباس
بيمينك الماي

كدما كريم السهم ضاف بعينه
ياهوه مثله العزب ابجفينه
ماخذها شمره من الحسن وحسينه

الضوه يسمونه
شحلاة عيونه
يبو فاضل يعباس

تشهدله بالطف روس
بجفوفه كلها اتبوس
شحدها الرجال تحوس
كدامه عباس

زينب حجتله احجايه
والطف نشف من مايه
خله الزلم تجايه
كدامه عباس

فوك الشوارب داس اخو العلويه
والعطوه كالاها الكمر منفيه
ياهوه اخو أخيه اليكض ترجيه

سمعنا اعلومه
خلسها الحومه
يبو فاضل يعباس

عالشط ملاحم صار
رد صولته الكرار
خله الزلم طشار
يشهد فقاره

هد وعبالك ريح
خله الثكال اطيح
گام الفرات يصيح
يشهد فقاره

ما يختلف عن حيدر بصولاته
شايل ترافه اوسيف يامحلاته
فوگ الجرف ليهسه ضل جلماته

رفعها الرايه
اعلى المسنايه
يبو فاضل يعباس

صاح بعلاة الصوت
عدنه شحلاتة الموت
عالموزمه احنه نفوت
ونشگ حلكها

شحدها ولسنها اطول
زينب علي شدكول
سيفي ابيمنتي ايصول
ونشگ حلكها

اني انا العباس كافل زينب
جوله بزلمكم راح اطبن ولعب
انه الابوي اثنين شاطر مرحب

الحرب تشهدله
اليميل ايعدله
يبو فاضل يعباس

لحد يجرب احذاي
سكنه اوعدتها بماي
اني انا الرواي
حامي الشريعه

يسولف فقاري اليوم
اكسرها راح اخشوم
زينب تحشم كوم
حامي الشريعه

راح الطفوف اليوم تحجي افعالي
وزينب تصيح اونعم من كفالي
ولجلك يخويه حسين ارخص الغالي

لخو العلويه
ارخص ايديه
يبو فاضل يعباس

ابو أسد البزوني

نزال زينب والحسين ع

من نخيته انه
سرفن اردانه
طب على الحومه وبعلومه اسولف كربله
▪️▪️▪️▪️▪️▪️

ودع اعياله اوتخيل مهرته
ريشة العباس تشبه ريشته
الله يستر مااوصف صولته
سطرة الكرار جنها ابسطرته

ياصلابة سيفه
يحوي بيها ابكيفه
بالحرايب عيده
ومايعرف الخيفه

ياحلاة اسمه
حسين ابو اليمه
صار ابو الغيره
وصاحب الحكمه
كلها تشهدله اليبرزله وياه ابتله
▪️▪️▪️▪️▪️▪️
مايثني بسيفه لوطب ابنزال
هوه زلمه وهمه أشباه الرجال
عاد حيدر كالو الجيش احتمال
طبهاضل يطبگ اليمنه اعالشمال

بالحرايب عيده
ايدور اعالصيده
بالمعارك لوزعل
ينمحي الطف بيده

والله لو كبر
طبها موت احمر
الحومه رجفهه وبلهفه ركعت كلها اله
▪️▪️▪️▪️▪️▪️
فوگ ضهر المهره ويلگط زلم
ابكد ابو فاضل طلع شايل عزم
الجيس كله بطبته خلاه يهم
عنده حض وبخت منه الينهزم

والنزع ثوبه
عنده الف حوبه
الباوع السيفه
يصرخ التوبه

لونكت هدمه
يكتل ابجدمه
حيره حيرهم مرمرهم راعي الاوله
▪️▪️▪️▪️▪️▪️
زينب ابظهر الحسين وهوه هد
اشتعتقد هم يوكف بوجهه العدد
غيم أعلى المهره ابوسكينه ورعد
غنم شردو جنهم ابطبت الاسد
ضل يركضهم
ايطشهم ايلمهم
طاحو اكباله
منجل وطبهم

الصابه ابوسكينه
الله اليعينه
يمشي يتعثر مايكدر رجله اتشلله
▪️▪️▪️▪️▪️▪️
اتوصط الحومه وعالسيف ارتجه
كام يخطب بيهم وسيفه الحجه
حسين بالطف انه اكلك ماشجه
بس على العباس مكسور وبجه

ماتدمع عيونه
خافن يشوفنه
بالصعايب مايذل
والله ميكدرونه

بس اذا صله
ايدنگ الله
الغيرة مايخضع ولايركع هوه وكل هله
▪️▪️▪️▪️▪️▪️

ابو أسد البزوني

قصيده إلى عبدالله الرضيع عليه السلام

نايم ليش الولد
نايم مو بالمهد
ليش ليش
عبدالله يوليدي

-------------

يسباح الگلب يبني  مصابك يمه ياذيني
جنت ورده وبعد موتك  ذابت كل رياحيني
يعبدالله اشعمل فرگاك بيضه امن البچي عيني
موجنت امنهز مهدك اناغيك او تناغيني

وينك  عوف السفر
وينك   گلبي انفطر 
ليش ليش
عبدالله  يوليدي 
-------------

يعبدالله يماي العين  شلون اكدر اودعنك
جنت امن اختنگ يبني اجي لمهدك وشمنك
مو هيجي حسبت احساب  بيدي وليدي  ادفننك 
ارجع ياثمر عمري مشتاگه ارد احضننك

رايح  وين العمر
رايح فدوه انتظر
ليش ليش
عبدالله  يوليدي 
-------------

اطلبك بالسهر يبني  وبدر الرضعته انته
لاتمشي وتعوف امك  عالخد دمع
ساچبته
عاد اذكر تعبها عليك  والليل الي ساهرته
هسا بروحتك تدري  شعر  عيوني شيبته

بُعدك   ينهش نهش
بُعدك  شاب الرمش
ليش ليش
عبدالله  يوليدي 
-------------

عطرك يالولد يبني  باقي لهسه بيديه
ست اشهر يعبدالله حرام وتبعد عليه
مااكدر ييمه انساك يالعايش نفس بيه
بحنيتك ولا بالكون توجد يبني حنيه

ويلي مات الفرح
ويلي ابني انذبح
ليش ليش
عبدالله  يوليدي 
-------------

انت سلوتي بدنياي وانت البل گلب تسري
ومن تمشي يبعد امك  چا شلي انه ابعمري
بيدينك تهل اتراب باچر يمه كل فكري
تقرى الفاتحه اعليه وتضل اتبات يم گبري

نحرك  ليش انگطع
نحرك وسفه انرفع
ليش ليش
عبدالله  يوليدي 
-------------

ابو اسد البزوني

شور سماعي للسيده رقيه عليها السلام

بكل دقيقه اتمر عليه تعرض اگبالي رقيه
جنها مسلوبة تراچي وبالطشت شافت رزيه
يامظلومه يارقيه
••••••••••••••••

من اذكرن هالرزيه وابدي بيها
يعرض ابالي المصاب المر عليها
الكافر اشسوت رقيه وشد اديها
بنت الحسين العزيز عالتراب منوميها

ماجرت بالدنيه قصه ويه قصتها اتشابه
طفله ويذبحون ابوها وچم اخو ذبحو شبابه
يامظلومه يارقيه
••••••••••••••••

ماكو واحد عنده غيره الي رحمها
اتخضب اتراب الخرابه ابسيل دمها
كافر الباگ التراچي هم شتمها
ويضحك ايريد بضحكته ايزيد المها

ايلولح ابيده التراچي حتى بالطفله ايتشمت
ماكفاه مذبوح ابوها تنفجع رايدها ضلت
يامضلومه يارقيه
••••••••••••••••

شگد يألم بيه گلبي امنحجي عنها
ارقيه ما نامت يعالم من اذنها
ضلت اتون بابا بابا اوعالي ونها
الله بس يعلم رقيه شگد حزنها

تنتضر يرجع ابوها وبحنانه ايگلها بابا
يمسح بچفينه خدها وهيه تشكيله الخرابا
يامضلومه يارقيه
••••••••••••••••

طفله ومحدب ضهرها اشهل رزيه
اسوت ومغصوبه تمشي هم سبيه
امدللت امها او ابوها اقصد رقيه
عالنحر ميته لكوها وتبچي هيه

حتى من ماتت حزينه عالنحر وتهل بواچي
شافته وصاحت يبابا ذوله باگوها التراچي
يامضلومه يارقيه
••••••••••••••••

انه اول مره اشاهد هيجي موقف
ماتت الي يحبها ابوها ودمها ينزف
عين الحسين ابذبحها وضلت اترف
شاف المدللها جانت كلها ترجف

طاحت ومن حركوها شافو الخنگتها عبره
من كثر حبها لبوها ماتت وحاضنته نحره
يامضلومه يارقيه
••••••••••••••••
ابو أسد البزوني