صباحُ الخير..

يوم جديد = بداية جديدة

استثمِر يومك في عملٍ لم تنتهي منه أو قمت بتأجيله من قبل، واجعل نيتك خالصة للَّه؛ كَي تؤجر بإذن اللّٰه.

«ابدَأ باسمِ اللَّه ولا تعجز».

- حَبيبة أحمَد.

أيَا فتىٰ، جئتُ؛ لِأخبركَ أننا لا نتغيَّر بتغير الأعوامِ؛ نحنُ نتغير متىٰ شعرنا أنهُ وجبَ عَلينا تغيير نُسختنا الحالِية لِنُسخةٍ أفضَل، اِبدأ في أي وقتٍ ولا تكتَرث للبدايات، سِر للأمام دائمًا ولا عليكَ بما سلَف؛ وكُن علىٰ بيِّنة أنَّ ارتقاءَ وتحسينَ النفسِ ليس مقرونًا ببدايةِ عامٍ أو شهرٍ جديد!

إن كانَ هدفُك انتظار البِدايات كي تتغيَّرَ فَبئسَ الهَدف؛ أهدُافنا أجلّ وأسمىٰ من مُجرد انتظار الوقتِ المُناسب، نحنُ مَن نصنع البِدايات متىٰ نُحب ولا ننتظرها حتىٰ المجيء.

تغييرُ الأيامِ ليسَ بُرهانًا علىٰ البداياتِ الجَديدة، وإنما أصدَق بِدايَة تلكَ التِي تُخلق بدَاخلِكَ.

- حَبيبة أحمَد.

تعلَّم أن تكُونَ غامضًا فِي شئونِك الخَاصَّة، اجعَل لكَ ركنًا لا يعرفُهُ أحدٌ مِن البشَر، ليسَ بالضَّرورةِ أن تنشرَ كلَّ كتابٍ تقرؤُه، وتعرضَ على المواقعِ كلَّ هديةٍ يقدِّمُها لك أحدٌ، لا تُفصِح عن كلِّ خطوةٍ تخطوها في حياتِك، أو تستعرِض كلَّ شيءٍ جديدٍ تقتنيه، لا تكشِف عن كلِّ عبادةٍ أو أي عملٍ خيريٍّ فعلتَه!
احتفظ ببعضِ أشيائِك، وعزِّزها في نفسِك؛ فمواقعُ التواصلِ سوقٌ تِجاريٌّ، وحياتُك ليست سلعةً؛ كي تتاجِرَ بها.

- حَبيبة أحمَد.

صباحُ الخير.

استعدّ يا رفيق؛ فاليومُ عيدُنا الأسبوعيُّ؛ إنَّها الجمُعة، وما أدراك ما يوم الجُمُعة!
خيرُ الأيامِ عند اللهِ وأفضلُها، فما بالُك بتوبةٍ فيها!

عُد إليه؛ سبحانَه في انتظارِك، ما زالت هناك فرصةٌ جديدةٌ وهبَكَ إيَّاها، أحضِر مُصحفَك، وثوبَك النَّظيف، واصنع جوًّا إيمانيًّا بروحانيَّةٍ لطيفة، اقرأ كهفَك؛ فإنَّها نورٌ ما بين الجمعَتَين بإذنِ الله، و أكثِر من الصلاةِ علىٰ النبيِّ -ﷺ-، وعدِّدِ النوايا؛ فلِكُلِّ نيةٍ أجرٌ، وزِد من ذِكر اللهِ؛ فالمُحبُّ يتلذَّذُ بذِكرِ محبوبِه، ولا تنسَ اغتنامَ ساعةَ الدُّعاء؛ فإنَّه -بإذنِ اللهِ- مُستجاب.

- حَبيبة أحمَد.

- إزاي أكون شخص مش كسول وأحقق أحلامي؟
عايزة آخد الخطوة الأولىٰ بس بكسل جدًا وأنا مش عارفة أعمل إيه!

= السلام عليكم ورحمة الله وبركاته.

- قسّمي الهدف اللي عايزة تخلصيه لمهام صغيرة.
- خصصي وقت للمهام دي، ومهم جدًا تحفزي نفسك بحاجة بتحبيها.

يعني لو مثلًا عايزة تقرأي كتاب ومش عارفة تبدأي بأول خطوة أو كسلانة، ابدأي صغري هدفك، بمعني خلي هدفك أنك تقرأي كل يوم صفحة واحدة بس، وخصصي وقت مثلًا قبل ما تنامي يوميًا، ومع نهاية كل يوم بعد قرائتك للصفحة كافئي نفسك بحاجة بسيطة تبسطك.?

- حَبيبة أحمد.

#أسئلة_المتابعين.

مساء الخير ?)'

كل هدف، كل نجاح، كل تطوير، كل إنجاز، وكل حاجة عايز تحققها بتاخد وقت.. وقت يشمل سعي، واستمرارية، وجهد مبذول، وصبـر.

مش لازم توصل لِحلمك عشان تبقى ناجح؛ السعي في حد ذاته نجاح.
- حَبيبة أحمَد.

قرأت كتاب للشيخ الشعراوي ربنا يسكنه فسيح جناته، كان بيتكلم في جزء منه عن: طلاقة قدرة الله في الكون.
بيوضح إن ربنا _سبحانه وتعالىٰ_ جعل في قوانين الأسباب أنه بالزواج يأتي الطفل، ولكن أبقى لنفسه _سبحانه_ طلاقة القدرة فوق الأسباب، فجعل هناك ذكرًا وأنثى يتزوجان أعوامًا طويلة ولا يرزقان بالطفل!
فمع قوانين الأسباب كانت طلاقة القدرة، ولم يجعلها الله سبحانه وتعالى عامة بل جعلها في أمثلة قليلة لتلفتنا لطلاقة قدرته".

إننا كبشر مش لازم نعيش معتمدين على الأسباب بس، وضروري نبقى فاهمين إن الله قادر يعطل الأسباب دي وقت ما يريد، يعني مثلًا النار لم تحرق سيدنا إبراهيم، ربنا سبحانه هو اللي عطّلها عشان تكون رسالة لينا إن كل حاجة في الكون تحت طلاقة وقدرته رغم إن النار سبب في الحرق)"..

بيوضح كمان إن لو الأسباب اشتغلت على طول من غير تدخل إلهي، البشر ممكن يفتكروا إنهم بيعتمدوا على الأسباب فقط، علشان كدا، ربنا بيدينا لمحات من طلاقة قدرته عشان نفهم إن مش كل حاجة بتسير بالأسباب اللي نعرفها، وإن فيه قوة إلهية وراء كل شيء.

وهنا خليني أضرب مثال مهم:
طالب هدفه ينجح ويجيب تقدير واستخدم كل الأساليب اللي توصله للهدف دا، ذاكر، وسهر، وحرم نفسه من حاجات بيحبها في سبيل تحقيق الهدف دا، صرف فلوس... إلخ ولكن يشاء الله أنه ميوصلش للي عايزه! فيبدأ الشخص يندب ويقول ليه يحصل فيا كدا؟ أنا عملت كل حاجة عشان أوصل لحلمي، فيه إيه تاني لسة معملتهوش؟ أنا استخدمت كل الأسباب مسيبتش حاجة! مش ربنا قال ناخد بالأسباب ما أنا اخدت بيها، موصلتش لحلمي ليه!
نيجي هنا نرد ونقول: قدرة اللّه وانتهى.

التخطيط والمحاولات في النجاح سبب مهم لكنه مش إثبات ولا علامة تدل على أنه هيتحقق، لأن التدبير النهائي بيد الله سبحانه وتعالى، فحتى لو السبب موجود، الله قادر يغير مسار الأمور لحكمة أنت مش شايفها.
?? عايزة أوضح إن المحاولات (السبب) مش ضمان لوصولك، بس لو مستخدمتش (السبب) أصلًا عمرك ما هتوصل..
بمعنى: أنت لو عايز تجيب ١٠/١٠ في الامتحان واستخدمت كل المحاولات اللي توصلك لدا وجيبت (٧) في الآخر متزعلش! أنت لو مكنتش استخدمت السبب ومذاكرتش مكنتش هتجيب الرقم دا.
«خليك فاكر أننا بناخد بالأسباب دايمًا، لكن اللي بيحدد النهاية هو الله وحده».

- حَبيبة أحمَد.

تيقنت اليوم أن وجودنا وقضاء الوقت مع أهلِنا هو أثمن ما فيه الحياة، فقد أخذتنا الهواتف ووسائل التواصل بعيدًا عنهم، بل وأحيانًا تفرق بين أفراد الأسرة في بعض البيوت.. اجلسوا مع أهلكم، تحدثوا معهم وافتحوا مواضيع مشتركة، واستشيروا آراءهم في الأمور التي تهمكم، شاركوهم إنجازاتكم، وعبّروا عن حبكم لهم بالطريقة التي يفضلونها، وليس فقط بالأسلوب الذي اعتدتم عليه.

- حَبيبة أحمَد.

حابّة أشارك معاكم كلمة صغيرة:

متدخلوش في أي حاجة إلا وإنتوا ناويين تكملوها للآخر، عشان متندموش في النهاية، أنا بقولكم دا من تجربة شخصية مريت بيها بنفسي، والندم مؤلم جدًا.. فيه فرص فعلًا بتستاهل أننا نتمسك بيها بإيدينا وأسنانا، أي حاجة تبدأوا فيها، كملوها، ودي نصيحتي ليكم?

• بدأت تقرأ كتاب؟ كمله للنهاية.
• دخلت في دورة؟ كملها.
• بدأت تحفظ سورة؟ اختمها.
• قررت تتغير ومشيت نص الطريق؟ واصل لحد النهاية.

متيأسوش، مفيش طريق مفروش بالورود، لازم هنقع في حفر وصعوبات، بس الشاطر هو اللي بيقوم تاني ويكمل، خليك عنيد في تحقيق النجاح، كونوا أشخاص مصممين تنجحوا رغم كل التحديات، كملوا لآخر نفس. النجاح مش بييجي صدفة.

- حَبيبة أحمد.

صباح الخير?

يوم جديد تقدر تعمل فيه حاجات كتيرة بإذن الله، صلّ صلواتك، وردد أذكارك، واعمل كوباية الشاي الجميلة بتاعتك وابدأ فورًا، اتعود تشغل وقتك وتتعلم كتير، توكل علىٰ الله واعقد النية، عد من ١ لحد ٥ وقوم.

بتمنىٰ ليك يوم مُنتج?

- حبيبة أحمد.