РӮЗИ ПРЕЗИДЕНТИ ҶУМҲУРИИ ТОҶИКИСТОН ҲУМОЮН БОД!

Ҳамватанони азиз!

Аҳли коллективи клуби футболи "Регар-ТадАЗ" ҳамаи шуморо бо рӯзи Президенти Ҷумҳурии Тоҷикистон табрик мегӯяд.

Бигзор сулҳу субот, амнияту ваҳдати миллӣ ҳукмфармои ҷомеаи мо – тоҷикон бошад!

Бо Пешвои миллати худ ифтихор дорем!

БОЗИИ НАВБАТӢ МИЁНИ ДУ ДАСТАИ СЕРҶОИЗАТАРИНИ ТОҶИКИСТОН: "ИСТИҚЛОЛ" - "РЕГАР-ТАДАЗ"

🏆 Чемпионати Тоҷикистон-2024
⚽️ Лигаи олӣ-2024. Даври 17-ум
📅 20 ноябр | чоршанбе
⌚️ Оғоз - соати 14:30
"Истиқлол" 🆚 "Регар-ТадАЗ"
🏟 ш.Душанбе, Варзишгоҳи марказии ҷумҳуриявӣ

ШУҲРАТ ЭЛМУРОДОВ НАХУСТИН БОЗИИ ХУДРО ДАР ТИМИ МИЛЛӢ ДОИР КАРД

Ниммуҳофизатгари дастаи "Регар-ТадАЗ", ки бори нахуст ба ҳайати дастаи мунтахаби Тоҷикистон даъват шуда буд, дар бозии байналмилалии рафиқона бо тими миллии Непал, рӯзи 13-уми ноябри соли 2024, ба майдон баромад.

Шуҳрат дар дақиқаи 58-ум ба ҷойи Шаҳром Самиев вориди майдон шуд ва то охири бозӣ ҳунарнамоӣ кард.

БОЗИИ РӮЗ: "РЕГАР-ТАДАЗ" - "ИСТАРАВШАН"

🏆 Чемпионати Тоҷикистон-2024
⚽️ Лигаи олӣ-2024. Даври 22-юм
📅 10 ноябр | якшанбе
⌚️ Оғоз - соати 14:30
"Регар-ТадАЗ" 🆚 "Истаравшан"
🏟 ш.Турсунзода, варзишгоҳи "ТАЛКО-Арена"
📺 Пахши мустақим дар телевизиони "Варзиш"

БОЗИИ НАВБАТӢ: "РЕГАР-ТАДАЗ" - "ИСТАРАВШАН"

🏆 Чемпионати Тоҷикистон-2024
⚽️ Лигаи олӣ-2024. Даври 22-юм
📅 10 ноябр | якшанбе
⌚️ Оғоз - соати 14:30
"Регар-ТадАЗ" 🆚 "Истаравшан"
🏟 ш.Турсунзода, варзишгоҳи "ТАЛКО-Арена"

ШУҲРАТ ЭЛМУРОДОВ БОРИ НАХУСТ БА ТИМИ МИЛЛӢ ДАЪВАТ ШУД

Ситоди мураббиёни тими миллии Тоҷикистон ҳайати мунтахаби кишварро барои бозиҳои дӯстона муқобили тимҳои миллии Непал ва Афғонистон, ки дар Душанбе баргузор мешаванд, эълон кард.

Ба ҳайати мунтахаби Тоҷикистон дар қатори бозигарони дигар, ниммуҳофизатгари дастаи "Регар-ТадАЗ" - Шуҳрат Элмуродов низ шомил аст. Қобили зикр аст, ки Шуҳрат дар солҳои қаблӣ ба дастаҳои мунтахаби наврасон, ҷавонон ва олимпии кишвар ҷалб мегардид ва инак бори нахуст ба тими миллии Тоҷикистон низ даъват шуд.

Қобили зикр аст, ки мунтахаби Тоҷикистон 13 ноябр бо дастаи Непал ва 19 ноябр бо яккачини Афғонистон бозӣ мекунад. Ҳарду вохӯриҳо дар Варзишгоҳи марказии шаҳри Душанбе баргузор шуда, соати 18:00 оғоз мешаванд.

Ба таваҷҷуҳи мухлисон!!!

Бинобар сабаби иштироки дастаи "Равшан"-и Кӯлоб дар бозии даври навбатии Лигаи чемпионҳои-2 КФО рақобати байни дастаҳои "Равшан" - "Регар-ТадАЗ" дар даври 21-уми Лигаи олӣ-2024 сурат намегирад.

Дар бораи тақвими бозиҳои боқимондаи дастаи "Регар-ТадАЗ" рӯзҳои оянда хабар медиҳем.