Yur doʻstim toʻyiga borib kelamiz
#xulosa

Taksida ketish payti shu qoʻshiqni klipini eshitdim, unda qiz otasi boshqaga berayotganini aytganida "yigiti" siqilishni boshlaydi va qoʻshiq shu "dard" ustiga quriladi.

? Keyin oʻylab qoldim, nimaga bizda bunchalik muammolar koʻp:
- sevgi "iztiroblari"
- sogʻliqdagi muammolar
- oila aʼzolarining oʻzaro muammolari
- mol dunyo tashvishlari va h.k

✅ Aslida bu muammolarga qoidalarni buzish orqali yo'liqamiz:
- sevgidan azob chekmaslik uchun faqatgina toʻydan keyin sev;
- sogʻliqni saqlash uchun kamroq va sifatli ovqat ye, roʻza tutib yur;
- oila aʼzolarining oʻzaro muammolari boʻlmasligi uchun oilada hamma oʻz majburiyati va huquqlarini bilib, amal qilib yashashsa yetarli;
- mol mulkka mehr qoʻyma, boriga shukr qil, harakatlaring yetarli natija bermasa taqdir ekanligini unutma va gʻam chekma va h.k.

? Bizda dinimizni barcha sohalar uchun yetarlicha koʻrsatmalari mavjud. Xaritamiz boʻla turib, yoʻl izlab dovdirab yuribmiz...

? Umuman muammo duch kelganda ushbu gapni eslayman: Bu dunyodagi tashvishlardan (kasallik , faqirlik, qarzlar va h.k) birgina oʻlib qutulamiz, shunday ekan keyin qayerga qanday borishimizni oʻylashimiz kerak.

? Juma ayyomi muborak boʻlsin!

@VMblogi

Har bir ishga 1 soat
#tajriba

? Baʼzan qilishim kerak boʻlgan ishlar koʻpayib ketadi va eng yomon tomonu har biri oʻziga yarasha zarur ish yoki mashgʻulot hisoblanadi. Bunday vaqtda faqat bittasiga koʻp vaqt ajratish boshqalarini qilolmaganim va "boʻynimda turgani" uchun halovatni yoʻqoladi.

✅ Mana shunday vaziyatlarda ayni paytda qilishim kerak deb bilgan topshiriqlarimni yozib, yoniga raqamlab chiqaman. Keyin Google ga kirib random number sequence deb izlayman. Birinchi chiqqan saytga qilishim kerak boʻlgan ishlar sonini bersam u ixtiyoriy tartib yaratib beradi. Shu tartib asosida har bir topshiriqqa 1 soatcha vaqt ajratib bajaraman.

? Masalan:
1. Kitob oʻqish
2. AppSheet ni 6-darsini tugatish
3. Kanalga video yozish
4. Data science kursini davom etish

? Random number sequence yordamida quyidagicha natija olishim mumkin: 3, 1, 4, 2

Ishlarni ham shu asosda, baʼzan oʻzimni majburlab bajaraman ?.

@VMblogi

1-yo'li. Ish tartibingizni tuzing.

✅ Qaysidir maqsadga nimalarnidir bajarish orqali erishiladi. Oʻsha "nimalarni" qogʻozga tushirish kerak ekan.

? Qoʻygan maqsadlarga erishish uchun kuchli formula boʻlib, u 7 bosqichdan iborat ekan:
1. Nimani xohlashingizni aniqlab oling.
2. Yozib boring.
3. Maqsadlaringizga muddat belgilang.
4. Maqsadga yetish uchun bajarilishi kerak boʻlgan ishlar roʻyxatini tuzish.
5. Roʻyxatni rejaga aylantiring.
6. Rejangizni bajarishga darhol kirishing.
7. Har kuni asosiy maqsadingizga yaqinlashtiradigan nimadir qilishga ahd qiling.

@VMblogi

Kitobni tugatish nasib qilmadi. Endigina 104-betga keldim, bu hali 1/3 ham emas ?.

Lekin deyarli har kuni kitob oʻqiyapman. Nasib qilsa davom etamiz ?.

@VMblogi

Ideal odamga aylanish uchun namuna va murabbiy

Juda koʻpchiligimiz ideal odam boʻlish uchun oʻzimiz bilgan insonlarga oʻxshashga intilamiz. Kitoblar oʻqiymiz va yaxshilanishga intilamiz. Oddiygina misol, odamlar bilan yaxshi muloqatda boʻlish va doʻst orttirish uchun Deyl Karnegining kitoblarini oʻqiymiz. Lekin bizni ideal inson boʻlishimizga koʻmak beradigan ideal namuna va murabbiyimiz borligini har doim ham anglayvermaymiz.

Paygʻambarimiz s.a.v'ni Alloh taolo eng goʻzal hulq egasi deb taʼriflaganini oʻzi u insonni biz uchun eng yaxshi namuna ekanligini anglatadi.

Hozirda biz ergashayotgan odamlarni yaxshi tomonlari koʻpdir, lekin oʻziga yarasha kamchiliklari ham bor. Shunday ekan ustoz tanlashda adashmaylik...

@VMblogi

Bahor kunlarida kuzning havosi
#sher

Bahor kunlarida kuzning havosi,
Tanimni junjitar oqshom shamoli.
Nega buncha g’amgin nayning navosi,
Nega qalbim to’la o’kinch va malol?

Barglar orasiga tinmasdan sira
Oshno yulduzlardan to’kiladi nur.
Bilmayman, qiynaydi qaysi xotira,
Titroq yulduz kabi muzlagan shuur.

Mag’lub bahodirning nayzasi misol
Ma’yus egiladi terak uchlari,
Barglar soyasida o’ynaydi behol
Uyqudagi qizning bedor tushlari.

Atrofimda yotar garib bir viqor,
Bilmam, nega uchdi qalbim safosi.
Nima ham qilardim, na ilojim bor.
Bahor kunlarida kuzning havosi.

© Abdulla Oripov

• Kuz soʻzini qishga oʻzgartirish mumkin ).

@VMblogi

Assalomu alaykum hammaga!

Ramazon oyi barchamizga muborak boʻlsin!
Ushbu oyni ezgu va savobli amallar bilan oʻtkazishlikni Allohim barchamizga nasib qilsin!

??

@VMblogi

Kecha va kunduz
#kitob

ℹ Choʻlponning "Kecha va kunduz" romanini ancha ilgari oʻqigan edim. Yaxshi asar, oʻqishni tavsiya qilaman.

@VMblogi