«سؤال»
شنو معنى الحيـاة بدون الحسـين
شنو طعـم الوجــود بغيـر الونيــن
شنو غير الدمــــع اليطهـــر العيـن
تخيـل والتخيــل فكـره حـل وين
༺༻
يمشي ويصد مشيه الرياح
وبذنبه سد بالغفــــله طاح
هنانه نعـرف معنـه النيــاح
ابچو الغريب ونزلو الرمـاح
༺༻
حسين الوجود حسين العمــود
وبابـه الخدامه وتهـوه اليعـــود
وبحزنه طوف وانطي الجفوف
يترسها غيره وعينك تشـــــوف
༺༻
صل اللهُ عليك يا حُسين
༺༺༺༺༻༻༻
                 «قتراح»
خلي نعيش كلنا بجرح الضعـــــون
يا زلمــــــه الياخـذ دورها ام عــون
يا حرمه التنطـي الوهيـه عيـــــون
عمت عيني عمت چا شافت شلون
༺༻
رادت ابوهـا وماتـت علي
وعدهم عليله تنادي هلي
لا ضل حمه ولا ضل ولي
وضيـم السـده ما ينجلي 

༺༻
زينـــــب اميره زينــــب چبيره
وشافت اخوها نلــم بحصيــره
راح الـــدلال وصــــــار السؤال
ضعن الله وسفه نجـــر بحبـال
༺༻
صل اللهُ عليك يا حُسين
༺༺༺༻༻༻
«حرام»
الريــه تشــم هــوه ما بـي دخان
خلــي بكل مچان الحزنك مجان
هــاي ايــام صوم وهـذا رمضـان
اذكر عطش گلبه وانته عطشــان 
༺༻
اذكر حبيبك وجـري الدموع
خلي المصيبه بحـزنك تلوع
شافته اخته يــون وصروع
عندك اديـن وعنـده ضـلوع
༺༻
عيش بحـداده اعـــظـم اراده
دربك حسيني وثوبك سواده
الخــــدمـة راي وبدعــه هـاي
تروي عشــيره وتنطيـها مـاي
  ༺༻
صل اللهُ عليك يا حُسين
༺༺༺༻༻༻
«جواب»
هاي الدنيه لحضه وباجر نروح
كون نگابـل المعشـوگ بجـروح
كون نون عشگ ما وانه الدوح
لا تنسه الحبيب المات مـذبوح
༺༻
اه يا حســين بحرگه صيـح
غمض تــــرئ گـام ويطيــح
عاري وجروح يمســـها ريح
وچه الله ضل وسفه ذبيـح
༺༻
باگـــــو عباته ونشـفو لهاته
وسفه الخوارج شافـو بناته
لمن ننوح تطيـب الجــروح
كون علـ زينب عينك تروح
༺༻
صل اللهُ عليك يا حُسين

https://t.me/vzdghf
༺༺༺༻༻༻
أسم القصيدة.. معنى الحياة
         عبد ال محمد
  منتظر خالد المنصوري

على عيوني الـــدرب راسمله نيشان
بـ هـذا العــام هم ما چنـي ازورچ
ضليتــــي بـ غرب ما يمـــج اخـوان
وانــه المــــا گــدر يشتـم بخـورچ
متعنــي الأبـو فاضـل تـــره الشـوگ
يرسم باب الخضــر ينعـه طورچ
༺༻
اخ.. يا درب العقيلـه لو شايـب اجيلـه يطلـب حق عويله 
اخ.. مااصح زاير الها لو اموتن شگلها ياهو العنده حلها
༺༻
انطوني حلها يـ هل الحگوگ 
تـــدرون خادم كاتله الشـوگ
مو ما بچـــيت بموتهـا هنـاك
هاي اربعين وگلبي محـروگ
༺༺༻༻
الى حضرة جناب الساكنه الشـام
رساله تختصر شوكي وحنيني
عطشان الضريحج عطشة المـاي
والشاهــد علي نوحـي ونينـي
اميل شمـا يمـيل الميـل مــــرات
وأدعــــي للـفرج يمـته يجيني
༺༻
اخ.. يا سامع دعائي يا صااحب عطائي اناجيك بكائي

اخ.. ارزقني الزياره كلبي تطفى ناره بشوفه من المناره
༺༻
عندي طلب من اول العــام
بكلبي يغرس غرسة إسـهام
والله من اجيلج كلبي يرتاح
اتمــنا ازوج  لو بل احــــلام
༺༺༻༻
من اذكر مصابـج تبجـي عيني
وتهيج جروحي وتشتعل نار
هل مـــره يجابــــر انه اسئـلك
جابر ما دريت بزينب شصـار
من ارض الحزينه لأم الحـزان
هم سامع عليها شوية اخبار
༺༻
اخ.. يالـ معني بكلامي ابعثلك سلامي مسك بيها ختامي

اخ.. على زينب جروحي وعلى مصيبتها نوحي حزنت عنها روحي
༺༻
يا ريـح وصـــللها الأكـوله
وخلي نسيمك يطر چوله
امنيتـي ازور انـه العقيلـه
هذا حلـــم من الطفــــوله
༺༺༻༻
تعبني الهجر هجـــرج يهد حيــل
يا هيبة علي ويا نور الحسيـن
هذا انه بشبابي وراسي بي شيب
ومفصل علي ثوب من الونيـن
يكلولي انته عيشة خيـر عايــــش
عليمن هل مشيب غايتك وين
༺༻
اخ.. اكلهم بل مصيبه واطلعها بنحيبه على الضلت غريبه
اخ.. على ذيج الاميره اخت قمر العشيره مصيبتــها الچبيره
༺༻
رجعة غريبه بداخل الشام
بجروحها الما يوم تلتــــام
وسفه الغريبه بلايه حراس
وين الحرس لـباب الخيـام
༺༺༻༻༻
         اسم القصيدة.. يا درب العقيلة
                     عبد ال محمد
              منتظر خالد المنصوري

انختم نور السماء بأخر الاخبـــــــــار
شع لون البياض وكزبره الجلــــــــدي

صارت ضجه من السمه لحـــــد الكاع
وكأس الفرحه مليان وبقه يـــــــندي

الطير البسماء ما حط على الاشجـــار
خبر لخوانه ضل يجيب ويــــــــوودي

انولد مولود من نسل ام حسن يا ناس
حيره شلون اوصفه وصف ما عنـــدي

انولد ثار الله واهل البيت يا حيــــــاه
يا گاع  الله  هونج بلـ الولد هــــــــدي

وجها الكمرر وچنه وعينه عين حسين
جمال  الخد شمس وعلينه متـــــــبدي 

بشروها الانس شرف امير الكــــــــون
ابن العسكري المحبوب حب وجـــدي

يا مولاتي يا نرجس الف مبــــــــروك
تهانينا.  الفرح  بوليدج  انسدعـــــــي

صلي اعله النبي واقريله چم ايــــات
يا ام المهدي افرحي بجية المهـــــدي

منتظر المنصوري

المـامش اخو عدهـا وعـشيره
حيرتـها حـيره ... وماخـوذه للــ شـام
الچـان الـها ملفـوف بحصيـره
وكافـل نضيـره ...  وعــافوها بـ يتـام

يعـني خـلص ...  ماكـو فرص ... تجـمعها بيهم
عشره نگضت ... ومـا لحگـت ... تنـعى عليهـم  

مالـومه زينـب رچبت الـ نـوگ
وبالـسـوگ اخ شصـار بالسـوگ
ازغــر طـفل يـرمـيها بــ حجـار
والـ شتـم صـار بـ كـل الحلـوگ

اويلاه يزينب..
༺༺༻
زينــب تـــــره العاصـر گلبهــا
وحاني ضهرهـــــا ... خيمتها طاحت
حشمة بـ اخوها ومـا حضرها
وعرفت بـ أمرها ... مسبيه راحت

يعني الزجر ... يحدي الخدر ... تبدي الحكايـه 
لوما الـ صبـر ... عدها وعطـر ... مـوت البدايـه

مهـضـوم عـينـه بـ عين مهضـومه
فــوگ الرمـح وتـــعاتــب رســومه
تالي الوكت شــو بلـ سبـي ونـوگ
الـ بـلگـوه يـگـعـد كلـفـتـه الـگومه

اويلاه يزينب..
༺༺༻
زيـنب اميـره ماهــي سبـيـه
وچـم غاضـريـه ...  الـ ضيعـت دلال
راح الدلال وبنـت الـ حمـيه
من هاشـميـه ... الـ چــــف الــ حبـال 

بـ تالـي الـعمر ... سحگت جـمر ... وشـتد حزنـها
عافـت ضـوه ...  بـ صفه الهـوه ... الـهدلـو متنهـا

مبحوح صوت الحـره مبحوح
وجروح تـرس متونـها جـروح
المـا صـايـر تـشـوفـه العقيـلـه
شافت اخوها بسحگ مطروح

اويلاه يزينب..
༺༺༻༻
صـعبـه علـه زينب ذيـج الـ مناظـر
خـيل وحـوافر  .... فـوگ حــسيـن
طــول الــــدرب يـتــــــــراوه الـها
وشــاغـل فـكرها ... ســهــم العـين

بـ درب السـبي ...  وي اجنـبي ... زينب كسيـره
حـيره الـزمن ... تحرس ضعـن ... تـالي اسيـره 

شـلون زينـب تـمشي للــ شـام
بلايـه حـرس محروگه الجدام
زحـمه وعلـي ومامـرت بـ يوم
بــت الامــــير تــرافـــــگ زلام

اويلاه يزينب..
༺༺༻༻

(أسم القصيده.. معاناة العقيله)
        «عبد ال محمد
   منتظر خالد المنصوري»

بين الماضي والحاضر زينب تكسر الخاطر
        بغربتها وسبية وصعبه المغربية 
                        ༺༺༺༻༻༻
مو كافي الجره بزينب سبي وغربة واذيـه
بـلا كافـل بقــت عدكــم اميره ومو سبيــه
هيه اخت الوگـــف علـمشرعـه وذل البريـه
يــــجي يـوم ويـرد غايـب يذلكـم ال امـيه
༺༻
زينب مو بس مـره.. زينبــــنـه مخـدره
وفوگ الدنيـه تـره.. خل يدري الما دره 
༺༻
هواي وانتم القطره حذره الما دره حذره
      زينب هاشميه وتربات الزچيه
༺༺༺༻༻༻
يــــا كلمـة ألا مـن ناصـر تهيـج جروحـي
ويا ركضة طفل فوك الجمر زيدلي نوحي
روحك تنسبي وسفه يبو فاضل يروحـي
لو حيلي جبل يهتك علئ زينب سفوحي
༺༻
اقســـم بل زلزله.. والضل محد اله
وي بنت البسمله..  هل دنيــا مايله
༺༻
مصيبتها فلا سهله.. سوة كربله عملـه
   حالتها رديته وسفه هل بهيه

༺༺༺༻༻༻
لـم تسـبـى خـدر الله وتضـل زينـب اميـره
ومو يـم العـرش لا بالعـرش هـاي الجبيـره 
من غم الزمـن عن الشـرف صاحـو اسيـره
هاي الخورست خلگ الرهن گلبه وضميره
༺༻
خل يحذر كل بشر.. يوصل الام صبر
نترس حلگه جمـر.. بالشام النه خـدر
༺༻
زينب والدهر قصة خلـت بالزمـن غصة
    محروسه وقوية.. ولعدائج منية
༺༺༺༻༻༻
كـافـلهــا الكمر مـو اي بشـر حدر ضعنهـا
كصدتت بلـ حرم وي الغرب هيه وحزنها
تعبهـا السفـر جا يمتـه ترجـع يـم وطنهـا
تــرجـع هيــه واخوتهـا لهلهـا هـذا ضنهـا
༺༻
لأكن خـاب الأمـل.. مـا رجعـت للهـل
وي كافلها الفحـل.. سلتها الفركه سل
༺༻
يا وسفه الزمن خله.. خـل يفـاركه خلـه
      عافتهم رمية برض الغاضريه
༺༺༺༻༻༻
حرمه وتنولي مو بس حجي ضيم وشماته
وصـارت كافـلـه بعـــد الاخـو وكفلت بناتـه
ومن صار الحجي هزت قصر هوه وطغاتـه
والشايـف علي ضــل صافـن تخيـل صفاته

وزهره ام الحسن.. وكافل مسره الضعن
كلهـن بيها حچن.. لـ حسين من التقـــن

صح تايها بالغربـة.. ولو زلمه وگف گلبه
    بس ذلت الـذية.. وهانت ال امية
༺༺༺༻༻༻
أسم القصيدة..«لـم تسبـى»
        عبد ال محمد
منتظر خالد المنصوري

تخيل حرمه تحشم اخوها
وهيه تحشمه واليه ولوهـا
مـــا رحموهـا شگـد اذوهـا
وفوگ النوگ الهزله خذوها
༺༻
ماخوذه زينب يا اهل زينـب
تعبانه اختكم والتعب بـان
رادت عطر من ريحة الخـوه
وهب العطر من دم الخوان
༺༻
طاحت زينب لـ حگو عليها
مـا بيهـا تشـاگـف مـا بيـهـا
بـرجليهـا النـار وايـــــديهـا
ودخـان الخيـمـه مغطيـهــا

غريبه زينب...

༺༺༺༻༻༻
طگـو هايـه وسلبـو هايـه
وزينب عدها بس حجايه
هسه يجيب الكافل مايـه
ويرد هذا الجيـش ويايـه
༺༻
بـحـدها زينب والعـده صفـوف
وطبع الحده موخوش حداي
يا نـاس حرمـه بعمـر خمـسيـن
فـوگ الـهـزل ومـدوهنـة راي
༺༻
هـاشـم ويـن ويـن القـاده
زاينـب رايتكــم يـ الساده
والما يسوه بسوط تمـاده
ومامش واحد منكم ناده

غريبه زينب...

༺༺༺༻༻༻
صارت وليـه وزيـنب حرمـه
حتـارت ضعنـك وين تضـمه
راحت تشكي بذيج الضـلمـه
وتمشي بدمعه غربه وهضنه
༺༻
شني من شعور يواجـه الحرمه
لو خلصو خوتهـا بفـرد يوم
وزينب تره مو بس فگد شافت
شافت ذبح والذابح يحـوم
༺༻
مالـت زينـب يـ هل الغيـره
نگالت هاي وتمشي يسيره
من ديـره وفروهـا بـ ديـره
ومحد گلها شبيچ بـ حيـره

غريبه زينب...

༺༺༺༻༻༻
كـافـــل بعـد الكافـل صـارت
ترد الجيـش الخيـل حتـارت
وصـوب رماح الخـوه ندارت
والها الروس شموس ونـارت
༺༻
معقـوله زينـب تنسـبـي بنـوگ
هزله وسبيه بجفهـا الحبال
وتدخل قصـر مو ناس اجاويد
وتلكه السواده وسفه تنگـال
༺༻
الما شافچ شافچ مكسوره
وراس الكافل هب حـروره
من شافچ زينـب ميسـوره
تمنى يـرد الجسمـه ودوره

غريبه زينب...

༺༺༺༻༻༻
أسم القصيده... ماخوذه زينب

عبد ال محمد
منتظر خالد المنصوري

نحنُ عبيدُ علي.  نحنُ. اساس المرجلة
نحنُ ايادي الجحيم. قد فينا قول الزلزلة
نحنُ رجال العناد.  قد قالَ فينا الملأ

نحننُ ماكنا مازلنه في عهد علي
نحنُ ابطالًُ. أنصارًُ  في دين علي
نحنُ شجعانٌ اسيادٌ في عهد علي

بالحرب مانرجع لا نخضع
والله هيهات. بينه صولات من حيدر علي

الحوومه لنطب ليها نمحيها
نكطع الساس. بينه عباس. بن حيدر علي

لبيك لبيك يا علي
...............................................
فينا شموخ الولي.فينا. العقيده الصـامده
فينا يلين الحديد. والسيف ينسى مغمده
فينا رجال عونـاد. نسقيهـا كاسـون لعـده
༺༻
سردار ما كانه قد حانه من ولد علـي
سردار ما عده في شده من ولد علي
سردار قد ماتـه هيهاتـه من ولد علي 
༺༻
بالعرك ما عـدنه من عـــدنه
علعيله ينام.. جمـر اخيـام.. من حيدر علي

الغاره احنه نقودها ونعودها
بـأسم الدين.. ربات حسين.. من حيدر علي

لبيك لبيك يا علي  
••••••••••••••••••••••••••••••••••
العز فينا يعيش.. العز.. هـو رفـض المحـال
العز شيئاً يكون. نحنو صخور على الجبال
العز يعني ترى. والـد علـــــي في  القتـــال  

༺༻
يعني ما خابه مـن طابه على حب علـي
يعني قد ناله مـن حالـه على حب علـي
يعني لا طاشه بل عاشه على حب علي
༺༻
بـ المگابـل عيـدنه ومن صيـدنه
مشبعين الموت.. ويله اليفوت

بـ الحـرايـب قـــاده وسن حاده
النخزره يـروح.. لراب مذبـوح

لبيك لبيك يا علي
••••••••••••••••••••••••••••••••
أسم القصيده.. عبيد علي

عبد ال محمد
  منتظر خالد المنصوري

فجئه رف گلبي وگلت يوليـدي.. يا علي
حرت اكض گفاي اگض وريدي.. يا علي 
حيلي هد جدمي وجيتك گـوه.. يا علي
وصرت ارد الخيل عنـك بيـدي.. يا علي
༺༻
خوفـي بيـن عليـه
بويـــه رجفه بإديـه
رهبت الأب منيــه
يـالولد يـالولد 
༺༻
رايـــد انته تجينـي
تارس الطف ونيني 
بعـــدك انهد حنينـي
يـالولد يـالولد
༺༻
يا ضناي
علــي مو ذاكه علي الودعتـه
يا ضناي
صوتك اذني هذا ما سامعتـه
يا ضناي
شلون عيني رباي ما عارفتـه
يا ضناي
خلي كلشي يروح وتضل انته

ااا يـ الولد ااا يـالولد...
༺༺༻༻
شوف ابوك شلون رايح حيله.. يا علي
الجان يشكيلي صرت اشكيله.. يا علي
حيل ما عندي واشيلك بويـه .. يا علي
وصرت اگلك گوم رجع العيله.. يا علي

بفگــدك ابقـى اعانـي
حط ضماك بـ لسانـي
بـلكت اتفــز الامانـي
يـالولد يـالولد

رادتـك اتهـد ورايـــه
موش تكسـر گفايـه
هاي تاليهـــــا هايـه
يـالولد يـالولد
**
يا ضماي
گلبـي ما يقنـع يشـوفك دامـي
يا ضماي
وين ذيج العشـره ويـن ايامـي
يا ضماي
شلتـك وبالگوه اشيل جـدامي
يا ضماي
يا وليدي البيك اشوف احلامي

ااا يـ الولد ااا يـ الولد
༺༺༻༻
يا ضنـاي الــبيـك اشـوف ايـامـي.. يا علي
بخير اشوفك هاي اقصى احلامي..يا علي
شلــون اقنـع امك واكلهـا وليدج.. يا علي
وانتـه من طعنات وجهـك دامي.. يا علي

بويـه امـك شكلهـا
انته ابنهـا وكحلهـا
شلون بيه شيحلها
يـ الولد يـ الولد

گلـــب امك شيقنعـه
وابنـــهـا هـذا وضعـه
واخوتك ساعه صرعه
يـ الولد يـ الولد
**
يا هواي
حيل مخنوگ الهوه من دونك
يا هواي
على الدنيه العفه بعـد عيونـك
يا هواي
عمت عيني الخيل غيرت لونـك
يا هواي
منين ابوسك بويه اشم متونك

ااا يـ الولد ااا يـ الولد
༺༺༺༻༻༻
ارباتـي من تالـــي الربه يذبحـونه
يا علي
علــي وليــــدي لگيته ازرگ لونه
يا علي
ويلي شمخليه الحوافر بيك اخخ
يا علي
الــلون مـو ذاك الرحــــل بعيـونه
يا علي

علي مو مال اخسرك
بويه شيعوضه عمرك
فيض هدومي نحرك
يـ الولد يـ الولد

توسد يا بويه حضنـي
كضني يوليدي كضني
مغـرگ الدنيـه حزنـي
يـ الولد يـ الولد

يا رجاي
انتـــــه مـــن الله ترد تمشيلـي
يا رجاي
علي يبني جفـــاك كاسر حيلي  
يا رجاي
مو بدايه البيــــك مـن تبديلـي
يا رجاي
التبدي من عزاز تگضي بويلي

ااا يـ الولد ااا يـ الولد
༺༺༺༻༻༻
أسم القصيده.. علي وليدي
        عبد ال محمد
  منتظر خالد المنصوري

ملا مقتدى

عجـل يأبوصالح الك تبجــي الجـوارح
مصيبه جر مصيبه القهر يبدي بملامح

ملامح فرگه بيه ....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻
ترى الفرگه حرام تطول وانا ذنوبي سبب فرگاك
الا من ملگـه يـ الغايـب ودورك وين حتـى الگـاك
تعب گلبي وانه  حاير ابچي العمتك ابچي وياك
يصاحب روحي حاچيني انا المُتعب انا الينخـاك

عـذبنـي حيـل اليــل .... وبيـن غيابـك حيـل
دنيه وحوافر ليش .... خايـف تدوسـك خيل

خايف انـا عالـروح ....  تـطلـع غفــل وتــروح
وماكو دوه المولاي ....  هل دنيه كلها جـروح

الصفار يمر ورگتي العمر ذوب شمعتي
لوان راضـي عليـه تمرني وي دفنتــي

گرب وكت المنيه .... ودورك كل عزيه
       يابــو صالح .....  يابــو صالح
༺༺༻༻ ** ༺༺༻༻
گضه عمري وتعرف الموت ما ينطي البشر فرصه
واذا ما صـارت بدنـياي بخدمتك مـا تصح حصـه
يكون بگبري اشوفك جاي وشـرح حالتـي بغصـه 
وسولفلك على المذبوح وتلجـــم گلبــــك القصـه

غارت وهو مطروح .... وراكت فوگ الجـروح
هنانه الغصه مولاي ....  يحس ما جان مذبوح

ردتـك تضـهـر ويـاي .... ونـاخـذ لصحـن مـاي
نسگي حسين عطشان ...  الضل بحسرة فـياي

يسر حيـرني امـره غيابك سوه جمـره
بگلب كلمن يريدك العشگ لدمعه جره 

بطـه غيابك عليه ....  ودورك كل عزيه
يأبــو صالح  .... يأبــو صالح
༺༺༻༻ ** ༺༺༻༻
وشل صبري وتعب جفي وانه متاني اشوفك جاي
الا ممكن تمرني بطيـف وكولـن كافـي هـذا هـواي
انا العاصـي وانا الندمـان وانا الفاگـد بدونـك رأي
رسائل شوگي بيـه تعيـش اطلعهـا وتعيـش ويـاي

عايـش علـى متاناك .... امنيتـي امـوت ويـاك
شيسوه العمر مـولاي.... لو مـا گضيتـه حــذاك

كـل عـمـري ادور بيـك ... وابقـى بـأمـل الگيــك
لـو امـوتـن انـا ويــاك .... لـو امـوتـن انـا عليـك

اضل انطر اشوفك ازيـد ومـا اعوفـك
وتضل عينك عليه تمد رحمة جفوفك 

حلم نوگف سـويه .....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻ 
كل ليـله الـتمر صــفـنات تــغير بلـــ سـهر لــوني
بيـد الـريـح ادز مـرسال هذا الحــــال وشـلـوني
عايـش بـأسـمك وطـاريـك مجـنونك يســموني
شـلي بعيـشه مـو ويــاك المـن بـاقيـه عـــيوني

سـوالف جروح وشوگ ... تـعبتني يلـ معشـوگ
مـرلي نفــس مـــولاي ... حته الــهوه مخنوگ

يغفـه الـوجع بلـ عين ... واذكـر مصاب حسين
خيـمه وعطش والنار  ... كــافـل بــلا چــفـين

عجال رايد يغايب قبل نوم الترايـب
انا معود مجاس وبواچي ع الغرايب

تــأذي المــغربيه  ....  ودورك كل عزيه
      يأبــو صالح .....  يأبــو صالح
༺༺༻༻ **
عطـر هدمـك متئ يمرني ييوسـف طالـت الغيبــه
احاول بلكي اصير انسان وتـودني ذنوبـي لخيبــه
ذانبت هواي وخدمتي شوي اخافن سببـت شيبـه
وانه الضايـع ضيـاع الحـب يعيش العاشگ مصيبه

كـلمـا يمرني غـروب... ابجي بجي المنهـوب
والدمعه الها حساس... تـاخـذني لـ محبـوب

يالمهدي ساكن ويـن... وشعاش بسواد العين
قصة سبـي وحـبـال... لـو عاشـرك وحسـيـن 

الفرج رايد يمهـدي... محرم توه يبـدي
وفواتحنه بدونـك... بجرح ثاني تعدي

اندبك بصفه نيه،،، ودورك كل عزيه 
يأبـــو صالح..... يأبــــو صالح 
༺༺༻༻**

اسم القصيده.. عترافات
           (عبد ال محمد)
      منتظر خالد المنصوري