حاحكيلكن كلمتين صغار لانو حاليا كل واحد فيكن بلش يندب ويبكي ويقول ماعد لحق خلّص المادة وخلص راح الحلم

اوعك ثم اوعك تفكّر انك حتلحق او لاء.. الجواب ابداً مابجيب نتيجة غير شوية مشاعر عابرة سواء اكتئاب او تفاؤل

- دروس يومياً بكل طاقتك، واوعك تفكر اذا بتلحق او لاء..انجازك الحالي بيتضاعف اضعاااااف لما تقدر تسيطر ع خوفك وتوترك

انا. شخصياً فتت ع اسبوع الامتحانات بالفصل الاول مابعرف شي عن الانجليزي ولا عن التاريخ بنوب.. وعليي نص الكيميا مابعرف عنها شي.. وو 4 فصول فيزيا مو دارسن بنوب
طلع معدلي 86 وترتيبي تقريبا 250 ع 8000 بالفصل الاول..
وهلا ضاللي الوطني وبتخرج من بشري دمشق

بتعرف كيف؟؟
لاني قدرت اتحمل الضغط بهديك الفترة.. انت مابتتخيل كمية الضغط يلي عليك.. كل يوم حتفكر الف مرة انك بتلحق او لا.. كل يوم حتعد تعمل برامج دراسية وتفشل فيهن.. حتطلع ع يلي حواليك حتلاقيهن خالصين وانت يادوبك مبلش

المعادلة كتير بسيطة؛ هاد هو الضغط.. عريف تتعامل معو بتنجح وبتجيب احسن العلامات.

حدد واقعك شو هو ووين انت، كون واقعي بانك عادي يمكن انت مقصر بس لسا باقي اسبوع كاااامل ع الامتحان بتقدر تلحق فيو.. ويلي مابيلحق كملو ملخص واتكل ع الله، بس تتقبل هي الحقيقة وتعرف موقعك وين.. بتجيب كبريتة بتشعلها وبتشعل الشخص يلي جواتك 🔥

كل دقيقة جاية هية مهمة بتحديد مصيرك كل دقيقة

ابدا لاتعطي وقت للتفكير بالندم والماضي وانك درست او لا بس اشتغل ع حاضرك

كل يوم بليل بتحط راسك عالمخدة زعلان ومهموم ويمكن عم تبكي انك ماعم تلحق معلش بسمحلك.. بس بشرط تقوم تاني يوم الصبح بكل همة ونشاط وتبلش من جديد

وبنهاية الفصل بعد الامتحانات.. انت مصيرك شغلتين.. يا اما بالفعل هالشي نجح معك وجبت علامات🔥
او انك أيقظت الوحش يلي جواتك للمواد الجاية و للفصل الجاية.. والفصل الاول بحياتو ماحدد مصير حدا 👌🏻

قوم كون واقعي مع حالك وآمن بنفسك وتحمّل الضغط.

د. أيمن كيوان

السلام عليكم
يعطيكم العافية إخوتنا الكرام
كيف دراستكم ؟ 😁
كيف المعنويات ؟ 🔥

بما أن امتحان أول مادة قرب ، حابب بس نوه على شوية أمور ، او فينا نقول أخطاء ، مهم كتير انو تتجنبوها هالفترة..

🟢 أول شي بدي احكي عنه ، انو لا تقول ما معك وقت ، شو ما كان وضعك كمل ، و ابذل جهدك ، بعبارة أخرى ، اعمل كلشي بتقدر عليه ، منشان مهما كانت نتيجتك - و إن شاء الله بتكون منيحة - تعرف أنو انت ما قصرت و كملت حتى آخر لحظة ، كل معلومة ممكن تكون سؤال ، ف ممكن معلومة تقرأها قبل المادة بشوي و تلاقيها بورقة الامتحان و تحلها و تاخد علامتها
لسا معك وقت لتبذل جهدك ، اي؟ اي تمام

🟢 لا تقارن موسم زراعتك بموسم حصاد الآخرين
اذا انت مبلش من فترة قليلة او هلأ بلشت ، لا تضيع الوقت بالتحسر و تقول رفيقي خلص المادة و هلأ عم يراجع ، و رفيقي التاني عاد المادة مدري كم مرة و انا لسا ما خلصت دراسة أولى
ممكن هم بلشوا قبلك ، ف عادي يكونوا ساقبينك ،
طيب السؤال ، هل هاد يعني انو هم رح يسكروا المادة و انت رح تفرش؟ اكيد لا
ممكن اذا ركزت بهي الفترة و درست دراسة حقيقية تجيب علامة ممتازة اكتر مما بتتوقع ، كل هاد بعد توفيق رب العالمين أكيد
هاد وقت تتخذ فيه قرار انك تكون جدي و ما تقارن نفسك بالآخرين ، لا تضيع وقتك بهي الأمور نصيحة

🟢 لا تتوتر!
ليك شغلة ، أنك تحسب حساب للامتحان و تكثف جهودك و تنشغل بالدراسة عن التسلاية و تضييع الوقت ، هالشي طبيعي
اما انو تبالغ بالتوتر و فرشنا و مافي امل و مدري شو من عبارات الاحباط و التثبيط ، ف لا هاد الشي مو طبيعي و مو صحيح
التوتر ممكن جدا يقلل انتاجية الدراسة عندك ،
طيب أول امتحان هاد..!
اي عادي ليكك قدمت أول امتحان بالبكالوريا و بالتاسع و عرفت انو الأمور بسيطة بإذن الله
هلأ وقت التحضير للامتحان ، التحضير اي؟ انت قدهاا لا تخاف، خليكم رايقين 😁

يعني طيب بعد هاد الحكي عطيني الشي اللي عليه علامات يا أخي

طيب تكرم
- لسا معك وقت تبذل جهدك و تنجز ، لا تقول مافي وقت ، خليك مكمل بكل قوة
- لا تقارن نفسك بالآخرين أبدا ، ضياعة وقت و توتر و احباط ، أنت واعي اكتر من هيك 🔥
- لا تتوتر ، و شكراً 😁

هدول شوية أخطاء حبيت انصحكم ياهم ك أخ كان تحضيرية السنة الماضية ، إن شاء الله ما حدا منكم بيوقع فيهم
و سؤال ، رح تجيبوا تسعينات ولا تسعينات ؟ 90🔥
اي سؤال حطوه بالتعليقات يشبب
بالتوفيق يا رب

د. مجد سوا

زملاؤنا الأعزاء طلاب السنة التحضيرية اقتربت امتحاناتكم الجامعية الأولى ومن الطبيعي انه يسيطر عليكم القلق والتوتر، أنتم في بداية طريقكم في الكليات الطبية وكلنا مرينا بهالمرحلة، وصدقوني، أنتو قدها وقدود! ولا تنسوا انو التعلم في الطب ممكن يكون صعب، لكن ثماره لا تقدر بثمن وهالطريق مليء بالتحديات وكل خطوة فيه رح تعزز من قدراتكم وقوتكم على مواجهة المستقبل.
وبما أن هالفترة كتير حساسة حبينا نقدم لكم مجموعة من النصائح والأفكار للتعامل معها:
بالأول مهما كان تقدمك بالمنهاج قليل بدي ياك ما تفكر بهالأمور هلق لانه هذه المرة الأولى الي بتتعامل معها مع كميات كبيرة ونظام أتمتة فمهما كان تحصيلك من المنهاج فهو ممتاز.
لازم ما تدرسوا بشكل عشوائي ولازم تتبعوا خطة (سواء من تنظيمكم أو تنظيم الدكتور الي متابعين معه) ولا تنسوا تخلوا وقت للراحة والنوم لأن النوم هو جزء من الدراسة(طبعا بفترات معقولة) وبرجع بذكركم بطريقة البومودورو للدراسة(وهي كل نصف ساعة دراسة نأخذ استراحة ٥ دقائق ) والي كتير نفعتني ونفعت كتير من رفقاتكم ولازم تهتموا بصحتكم هالفترة وتبعدوا عن كل الملهيات ومصادر التشتت الي ممكن تضيعلكم من وقتكم الثمين وخصوصي فترة الامتحان لأنه هالفترة بالذات بتزداد انتاجيتكم وبتبلش تطلع قدراتكم الخارقة، ولا تترددوا بالسؤال إذا في شي مو واضح، اسألوا زملائكن أو دكاترتكن. نحنا كمان هون لنساعدكن بأي وقت وتذكروا هدفكن أنتو هون لتصيروا أطباء وتساعدوا الناس. كل تعب هلأ رح يجيب نتيجة بالمستقبل، وتذكروا أنه بمجرد ما تبلشوا ممارسة الطب رح تدركوا أنو كل لحظة دراسة كانت بتستحق التعب.

إذا احتجتوا أي مساعدة أو نصيحة، لا تترددوا تتواصلوا معنا. نحن متل أخوتكم ومرينا بهالتجربة ومنعرف التحديات، ومستعدين ندعمكن بكل خطوة.

بالتوفيق والنجاح للجميع!

د. مصطفى استانبولي

اخبار سارّة ?

قربنا نوصل لدراسة الكيمياء العضوية بخطط الدراسة تبعنا.. والعضوية في قسم منكن مادرسها بالبكلوريا او درسها كيف ماكان
بس هي مهمة بالتحضيري وعليها ثلث الاسئلة او اكتر تقريبا.. واسئلتها مضمونة اذا دارس منيح

لهيك مالازم تنهمل ابدا ابدا ولازم تدرسها منيح وتدرسها انت مروق ومرتاح ?

وبما انو العضوية بالكتاب دراستها ناشفة نوعاً ما، لهيك رح يكون في نوطة مخصصة الها من فريقنا ?❤

نوطة بري اكس الجزء التالت (الكيمياء العضوية) ..
فيها كامل المنهاج وشاملة ١٠٠%..
بتنسيق ممتاز رح يريحك كتير اثناء الدراسة.. وبس تشوف العينة المجانية لحالك رح تلاحظ الفرق ورح تشوف انها بتفتح النفس عالدراسة ??

وبالاضافة لكامل معلومات الكتاب؛ النوطة فيها حل جميع اسئلة اختبر معلوماتك + حل اسئلة نهاية الفصل + اسئلة جامعة كامبردج يلي ممكن يتكررو بدوراتك موجودين مترجمين مع الحل تبعهن
وطبعاً حطينا جداول مقارنة يلي هي الاساس بدراسة العضوية كونها بترتب الافكار والتفاعلات المتشابهة الموجودة بكثرة بهالقسم

فيك تشتري النوطة حتى لو مو شاري الاجزاء السابقة.. وهي اكتر نوطة بيرغبوها الطلاب عادةً لان الاغلب مابيحب دراسة العضوية من الكتاب (فيكن تجربو.. ورح تعرفو ليش??)

وخفضنا سعرها شوي اكتر من باقي الاجزاء مشان الكل يقدر يشتريها

ف دلل حالك بنوطة العضوية لترتاح بالدراسة وتمشي بشكل اسرع ?✨

المكاتب المعتمدة:
https://t.me/Pre10Med/1624
عينة من النوطة:
https://t.me/PRE_X/4252

موفقين ❤❤

? إلى جميع طلاب السنة التحضيرية في #جامعة_تشرين، إليكم المصدر الشامل لدراسة عملي البيولوجيا:
https://t.me/Anatomy_DrFawaz/1990

موفقين يا رب ❤️✨ .

بما أنه بكرا بداية أسبوع جديد و خلص أغلب الطلاب أخدت عالجو و صار وقت تعتمدوا مصدركم لتصيروا تدرسوا منه جلسات #العملي اللي عم تاخدوها بالجامعة و ماتراكموا عليكم ??

?? بهاد البوست حتلاقوا مصدركم اللي ما حيضيّع منكم ولا معلومة بإذن الله :
https://t.me/Anatomy_DrFawaz/1984

موفقين يا أكابر ❤️✨ .

كيف نظم وقتي بين دوام عملي ودراسة؟ ?

قسم كبير من الطلاب تأثرت دراستها باول اسبوع دوام، وهاد شي طبيعي
بس اذا الموضوع استمر للاسبوع التاني ف هي مشكلة ولازم تلاقولها حل..
لانو قد تستمر معكن لاخر الفصل وتسبب تقصير كبير ماتقدر تلحق تعوضو ?

?? لهيك هاد البوست بمثابة نصائح كيف تنظم وقتك:
https://www.facebook.com/share/14UWjXUSZg/?mibextid=oFDknk

#سلسلة_تعريفية
#عملي_البيولوجيا ?

?? بأول بوست من السلسة التعريفية بمواد العملي [عملي مادة البيولوجيا] رح نحكي بنوع من التفصيل عن محتوى كل جلسة بالعملي و المحضّرات اللي حتدرسوها فيها ومصدر دراستها ?

البوست على قناة الدكتور أحمد فواز على الرابط ??:
• https://t.me/Anatomy_DrFawaz/1982

موفقين يا رب ❤️ .

الفصل الرابع عبارة عن 14 مبحث
عندي رغبة انو نبلش من المبحث السادس يلي هو مبحث التخدير لسبب ببالي بقلكن عليه بعدين ?
كيف الآلية؟؟
سماع الريكورد بدقيقة وبعدها شوف السكرين ونام ?
ممكن تلاقو المعلومات قليلة بس تراكم المعلومات بتلاقو حالكن مخلصين كمية منيحة وباصمينا بدون ايا جهد يذكر ❤️
https://t.me/pre10history/1221

نصائح مهمة ودفعة معنوية بمناسبة بداية الدوام في جميع المحافظات ?
https://www.facebook.com/share/p/W6TaDqof9bv4UGG4/