جوابي حول فطام الطفل المبكر

رسالة 3

ليوم صباح صبحت عيااانة وفاشلة وشغل دار يستنى وفي لبرنامج كان عندي تسياق و تحضير وجبة الغداء
ولادي يقراو نص نهار وصغير فدار وناض بكرري وحاب يلعب وبيدت نحس بضغط وفي نفس لوقت جسمي تعبااان
تلفتلي وش ندير
وبني صغير يبكي يحوس يلعب قعدت نشوف فيه ونخمم وش نديرلو باه نوض لشغلي وليت مدرت والو قعدت نلعب مع بني جرينا جري لبطة هههه ندغدغ فيه نتخبالو ويقلب عليا ومسكين فرحاان ويضحك ميت بسعادة وجات عجوزي فجأة ?? دخلت قاتلي راكي مع شغل هي اصلا تشوف فدار مقلبة هههه قتلها لالا راني نلعب مع بني قاتلي خليه يلعب وحدو ونوضي لشغل نحي عليك قتلها ايه ان شاء الله وسكت
وكملت لعبت معاه حتى وحدو حب يتفرج شعلتلو تفرج وريقلت 15 د لفرز و كنس و صلاة الابراهيمية نكرر فيها وتحضير لغداء كيما قلتيلنا في جداول وكيما كان لحال 15 د رجعت تشعل لغدا وجد كي جاو لولاد قدقد لاني درت بطاطا مقلية برك مش حاجة كبيرة بصح الحمد الله ولله بلخف كملت صح مسيقتش ووو بثحف فرز وكنس الحمد الله تمت لمهمة بنجاح ❤️
وفي يوم واحد? تم تطبيق درس جداول و درس تربية السهلة و الصلاة الابراهمية
راكي عايشة معاما نادو بلا بيك نضيعو ?
شكرا بزااف نادية ربي يجازيك عنا الجنة و نعيمها يارب ان شاء الله لفردوس الاعلى يارب?

رسالة 2

السلام عليكم ورحمة الله وبركاته،
كيف حالك يا نادية؟ إن شاء الله تكوني بخير وفي أتم الصحة والعافية.

والله يا حبيبتي، كي نشوف الناس يهدروا على الصلاة الإبراهيمية، تجي في بالي الأخت تاع البارح لي قالت نكررها مكان  هههه . أنا والله كي نكررها  وما نشوفش النتيجة مباشرة. ونقول بصح وش هو همي  لكن كي نتعمق ونفكر، نقول: يا سبحان الله  يختار الأنسب باش يفرّج علينا وهي اصلا غفران لذنوب

بصراحة، عندي هم كبير من الناحية المادية، زوجي أكثر من شهر وهو بلا عمل، والأحوال المالية صعبة شوية. لكن، سبحان الله، بارح جاتوفرصة عمل جديدة، وعرفت أنها من فضل الصلاة الإبراهيمية، لأنها غفران للذنوب وسبب للفرج.

واليوم صارت معي حاجة أخرى. كنت خارجة عندي شغل، وفجأة جاني ألم شديد في القولون العصبي. الطريق كاملة وأنا نكرر الصلاة الإبراهيمية وأدعي ربي يخفف عليّ. سبحان الله، الألم ما زادش حتى لحقت للدار، وشربت الدوا وارتحت شوية.

ربي يجازيك عنا كل خير، ويجعل كل حرف تنصحي به صدقة جارية في ميزان حسناتك. دعواتي لك بصلاح الابناء و بدوام الصحة والعافية والسعادة في الدنيا والآخرة.

حبيبتي والله قدما نشكرك قليل في حقك وفي واش راكي تقدمي فعلا الصلاة الابراهمية معجزة كي حكمني الستر ومنكذبش عليك تلفت علي والله المستعان وظروف كلها ضدي لكن انا قعدت غير نصلي علي النبي صلِّ الله عليه وسلم ونتفكر في كلامك كلمة كلمة امبعد رحت للمستشفي وقلبي يخبط والخوف ولقيت صعوبات محبوش يحكموني وانا يجوني افكار سيئة في راسي لكن نحاول نستبدلهم بصلاة الابراهمية وقعدت هكذاك ورحنا لسبيطار اخر وظروف متخليش شحال صعبة وامور معقدة لكن انا قعدت غير ندعي ونصلي علي النبي ووصلنا بخير للمستشفي وزدت لقيت صعوبات تعرفي مستشفيات تاعنا وطلعوني باه نولد وماادراك ماولادة وحالة بيبي كانت في علم وقعدت غير ما الصلاة الابراهمية كلما اجني فكرة نبدلها بصلاة منقلكش كنت نقول فيها غير هي لانو افكار كانت كثيرة لكن انا قعدت نقاوم نفسي ونذكر فيها وفقط نعمة نعمة نعمة ولله الحمد وانتهت رحلة وهن علي وهن وقدر ربي ان اضع مولودي بين يديا ولله الحمد والمنة وقعدت نشكر في ربي وندعيلك لانو كلامك فعلا تذكرة وبلسم ربي يحفظك ويسعدك ويوفقك يارب ويعطيك علي حساب قلبك ويفرحك
نقول لكل اخت متخميش في مشكل صلِّ علي النبي وادعي وتوكلي علي ربي وحتي اذا كانت كل ابواب مغلقة ماتعرفي منين يفرجها الله الصلاة الابراهمية معجزة فعلا نتمني كل اخت يكون عندها نصيب في يومها لهذا الذكر شاركيها مع اخوات لعل شي اخت محتاجة لهذا الكلام وجزاك الله خيراً وبارك الله فيك حبيبتي الغالية ندوش

أنا أرشح شامبو فينوس...ثمن زهيد مقارنة بالنتيجة...ماتحتاجيش ل après champoing

أفكار وتدابير...
أعطونا أفكار والا منتجات ساعدتكم ووفرت عليكم جهد ومال ووقت

??فهرس الدورة....??

?1/ اليوم الأول
فضل الذكر

?2/ اليوم الثاني
الإستغفار

?3/ اليوم الثالث
الصلاة على النبي صلى الله عليه و سلم

?4/ اليوم الرابع
لاحول ولا قوة إلا بالله

?5/ اليوم الخامس
كيف أختار أذكارني

مغارة كنوز

ذكر سبحان الله

?6/ اليوم السادس

علاش ماشربتيش دواك؟

قصة موسى عليه السلام

ماذا لو لم تفرج؟

ماذا لو لم تفرج؟

ذكر لا إله إلا الله

الباقيات الصالحات

?7/اليوم السابع

أدعية مستجابة

?/ نوافذ القلب ومنافذ الروح

?ماذا يفعل تسبيحنا حول العرش؟