‏ما يجحد حقوق الرياجيل رجال
‏ولا يحقر سلوم الصداقه سنافي

‏لا خابت الهقوات في بعض الاشكال
‏ماخابت الهقوات في كل وافي

‏النعم مايطلق على كل رجال
‏ولا كل من يبغى المديحه وجدها

‏ولا كل رجلن للثقيلات شيال
‏ولا كل من يزرع زروعن حصدها

‏النعم للي لـ الصعيبات حلّال
‏ولا شانت القالات حلل عقدها

‏لا جا مجال الطيب يضربه امثال
‏على اسمه الخفره تسمي ولدها

‏ماهوب ملقوفن على الربع شيّال
‏معطيه ربه نعمةٍ ما حمدها ..

‏كل ما شانت وجيه الناس وسّع صدرك
‏لا تحسب إن في يدين الناس نار وجنّه

‏القريّب لا تكدّر خاطره وإستدرك
‏سامحه وإن جيته بزلّه تسامح منه

‏ولا تعلّق خافقك باللي ما يحفظ قدرك
‏كثر ما تقدر توخّر عنْه وخّر عنّه

‏لاتامن جميع اصحابك الله يبارك فيك
‏من اسباب فقـدان الامن يـوم تامنها

‏ترى احيان يطلع راعي اقدرك واغليك
‏هـو اشر عدوانك على الارض والعنها

‏ورفـيق ٍمهوب يناصحك كنه معاديك
‏لو تعيش معه افضل لياليك واحسنها

‏مامثل الرفيق اللي مثل لمبة التشييك
‏لياشاف عندك مشكله حـذرك منها

‏سليمان النصيف

‏الصبر زين وعزت النفس تغنيك
‏عن منة العربان قاصي وداني
‏
‏أن ماعطاك الله فلا احدً بمعطيك
‏أقنع بمقسومك ترى العمر فاني

‏مع العزله احس بقناعة رضى وشعور
‏لو اني من الايام فيني وما فيني

‏وادور على كسَب الجمايل بدون قصور
‏ولا اعطيت ما ادور من الناس تعطيني

‏واسامح واعذر الناس لو مَاني بمعذور
‏وعسى الله عن الناس وعطا الناس يغنيني

‏عسى راسي بطيب الوفا والنبا مذكور
‏وعسَاها على الماجوب ما تقصر يديني

قبل لا تزين صورتك في عيون الناس
‏مع اللي فطر سبع السموات .. زينها

‏عناد القثامي

‏تدري وش اللي غيّر الناس يا فلان
‏شرع المصالح وانعدام الصراحه

‏صرنا نجامل بالخطا كل غلطان
‏لين اكثر الغلطات صارت مباحه

‏،،

‏ياربي الرزق بيدينك مفاتيحه
‏مايملكون البشر قفله ومفتاحه
‏''
‏يالله برزقٍ يسر البال وْيريحه
‏والنفس تنعم معه بالخير والراحه
‏''
‏نحتاج والحظ له قومه وله طيحه
‏والقلب حسن الظنون بربه سلاحه
‏''
‏دام الرجا فيك والعةٍ مصابيحه
‏قلبي هموم الليالي صعب تجتاحه
‏''
‏ممدوح التويجري

‏للجود كف ،، و للمكارم ،، رياجيل
‏وللطيب فرصه وان تعدت تعدت
‏ٰ
‏وللقوم شيخ وللصعيبه حلاحيل
‏وللنفس عزه لا اكرهت شي صدت

يحيى الاحمري