⚡️Ипотека кредити олишда мажбурий суғурта бекор қилинди30 апрель куни имзоланган Президент фармони билан 1 майдан бошлаб бирламчи уй-жой бозоридаги квартираларни сотиб олиш учун ипотека кредитларини ажратишда ипотека предметини суғурта қилиш талаби бекор қилинди.

ДЕПУТАТ - ХАЛҚ - "ЕТТИЛИК" ЎРТАСИДАГИ ҲАМКОРЛИК

Ўзбекистон Республикаси Олий Мажлиси Сенати Кенгашининг 2024 йил 4 апрелдаги "Маҳаллалардаги муаммоларни ҳал этишда халқ депутатлари маҳаллий Кенгашлари депутатлари ва сенаторларнинг "Маҳалла еттилиги" билан ўзаро ҳамкорлигини йўлга қўйиш чора-тадбирлари тўғрисида"ги KQ-706-IV сонли қарори ижросини таъминлаш ҳамда Ўзбекистон Республикаси Вазирлар Маҳкамасининг 2024 йилнинг 16 апрелдаги "Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида"ги 204-сонли Қарори мазмун-моҳиятини аҳолига тушунтириш мақсадида Мирзо Улуғбек туманининг "Катта Олтинтепа", "Олтинтепа" ва "Алпомиш" МФЙ "еттилиги" ва маҳаллаларнинг фаол фуқаролари иштирокида мулоқот учрашуви ўтказилди. Мазкур тадбирда Ўзбекистон Республикаси Олий Мажлиси Қонунчилик палатаси депутати, Фан, таълим, маданият ва спорт масалалари Қўмитаси раиси Эркин Зоҳидов ва депутат ёрдамчиси Абдуҳолиқ Абдусаматов, O'zLiDeP Тошкент шаҳар Кенгаши раисининг Жамоатчилик билан алоқалар ва мафкуравий ишлар бўйича ўринбосари, Халқ депутатлари Мирзо Улуғбек туман Кенгашидаги партия депутатлик гуруҳи раҳбари Санжарбек Кумушев иштирок этдилар. Учрашув халқ депутатлари Мирзо Улуғбек туман Кенгаши депутати Руслан Ерниязов томонидан ташкил қилинди. С.Кумушев учрашувда модераторлик вазифасини бажарган ҳолда, тадбирни кириш сўзи билан очиб бериб, "Ўзбекистон-2030" стратегиясида белгиланган ҳамда "Ёшлар ва бизнесни қўллаб-қувватлаш йили"да давлат дастурига асосан амалга оширилаётган кенг қамровли ислоҳотлар ҳақида гапирар экан, давлатимиз раҳбари ва ҳукумат томонидан халқ манфаати йўлида қабул қилинаётган Қарор ва Қонунларни аҳолига етказишда депутатларимиз ўрни беқиёс эканлиги ҳақида тўхталиб ўтди. Сўнгра Эркин Зоҳидов ҳозирги кунда мамлакатимизда олиб борилаётган ислоҳотлар, айниқса сўнгги етти йил ичида амалга оширилган улкан ишлар ҳақида фикр билдирди. Хусусан, ҳозирда истеъмолчиларнинг диққат марказида бўлган электр ва газ таъминоти нарҳларининг кўтарилиши ва бунинг асосли сабаблари ҳамда иқтисодиётимиз ривожига бўлган ижобий таъсири ҳақида йиғилганларга сўзлаб берди. Шунингдек, ўз вақтида қонунийлаштирилмаган уй-жой ер майдонларини қонунийлаштириб, кадастр ҳужжатларини расмийлаштириш бўйича берилаётган имкониятлар, қонунчиликдаги янгиликлар, "Яшил макон" умуммиллий лойиҳаси ва яшил энергетика борасида тушунтиришлар берилди, таълим тизимига бўлган юксак эътибор ва ижобий ўзгаришлар ҳақида ҳам маълумот бериб ўтилди. Учрашув очиқ мулоқот тарзида ўтказилиб, аҳоли ўзини қизиқтирган саволлар билан мурожаат қилди ва тегишли жавобларни олди.