Эй хожа, чаро аз ин жаҳон бехабари?
Рўзону шабон дар талаби симу зари.
Дастмояи ту аз ин жаҳон як кафан аст,
Он ҳам дар гумон аст, бари ё набари.

Ey, xoja, bu dunyodan nechun sen bexabar?
Har kun-u har tun xayolingda boylig-u zar.
Sarmoyang sening bu jahondan bir kafanlik,
U ham gumondadir, nasib etmas, yoki etar.
Саъдий Шерозий

Izzattalab odamlarga hamma ularning muxlisi bo‘lib ko‘rinaveradi.
"Kichkina Shahzoda"dan.

Шу кунларда Ўзбекистонда ўз жонини олган шоир йигитнинг ўлими матбуотда қандай хабар қилиниши баҳсларга сабаб бўлди.
Эслайман, журналистикани энди бошлаган кунларим Лондонда мен кўчиб ўтган маҳаллага яқин жойда бир иншоотга суицид номи берилганди. У ердан ўтаётганимда, марҳумларнинг оила аъзолари қолдирган номалар ва гулдасталарни кўриб, нега матбуот бу машъум жой ҳақида хабар тайёрламайди, деб ўйлаганман. Кейин фаолиятимда маҳсус трейнинглардан ўтиб билдимки, бу атайин ёритилмас экан. Мақсад - ўз умрини тугатиш фикрида бўлган одамларга ғоявий озуқа бермаслик.
Ўз жонига қасд қилиш - журналистикада ўта-ўта нозик мавзу ва унга жуда эҳтиёткорлик билан ёндошилади (ҳатто сариқ матбуотда ҳам). 15 йилча аввал BBC Радио 4 ҳужжатли филмлари бўлимида ишлаётганимда, ўсмирлар орасида бу борада оммабоплашган маҳсус қора сайтларни қандай ёритишни кунлаб маслаҳатлашганимизни эслайман. Охирги марта эса Голливуд юлдузи Робин Виллямс вафоти ортидан журналистика яна бир бор ўзини ислоҳ қилди. Унгача ҳам қабул қилинган қоидалар қуйидагича:
- Сарлавҳани сенсациялаштирманг
- Суицидни романтизация қилманг
- Суицид юз берган жойларни номламанг ва тасвирламанг
- Суицидни тарғиб қилувчи сайтларни номламанг
- Суицид сабаблари ҳақида спекуляция қилманг.
Ундан ташқари, агар суицид тилга олинадиган бўлса, мақола якунида одамларни бу каби фикрдан қайтариш учун махсус хайрия ташкилотларининг телефон рақамлари албатта берилиши керак. Ибрат Сафо

ҲАЁТ НИМА ЎЗИ?
• Достоевский: бу дўзах.
• Сократ: бу синов.
• Аристотель: бу ақл-идрок, онг.
• Ницше: бу куч.
• Фрейд: бу ўлим.
• Маркс: бу ғоя.
• Пикассо: бу санъат.
• Ганди: бу муҳаббат.
• Шопенгауэр: бу азоб-уқубат.
• Бертран Рассел: бу рақобат.
• Стив Джобс: бу эътиқод.
• Эйнштейн: бу билим.
• Стивен Хокинг: бу умид.
• Кафка: бу ҳаммаси энди бошланаётганлигидан дарак.
Жалолиддин Сафоев таржимаси

Байрам Али ўзининг ижоди билан ўзбек адабиётига жиддий кириб келган ёзувчи. Байрам Али асарларида инсоннинг руҳий ҳолати, муҳаббат, дард ва умид мавзуларига кўп мурожаат қилади.
“Излам” тўпламида дўстим Байрам Алининг “Босириқ” китоби чиқди. Ўйга толасан киши, бу қандай босириқ: инсоннинг босинқирашими ё жамиятнингми? Ижодкор бу номни қўйиш орқали оммага нима демоқчи?!
Лекин ушбу қиссадаги бир гап уни тўлиқ ўқиб мушоҳада қилишга жиддий иштиёқ уйғотади: “Қачондир бахтга эришишига қаттиқ ишонадиган одамдан ҳам бахтлироғини топиб бўлармикан”.

Раҳмат Бобожон шеърлари ўзига хос услубда ёзилган бўлиб, унда турли хил бадиий ва маънавий мазмун мужассамдир. Шеърларида ҳаёт фалсафаси, инсоннинг ички кечинмалари тасвирланади.
Раҳматжоннинг шеърлари анъанавий мавзуларга янгича ёндашуви билан ҳам ажралиб туради. У кўпинча кундалик ҳаётдаги оддий ҳодисаларга фалсафий ёндашади. Ҳар бир тасвир ортида инсон ҳаётига оид муҳим хулосалар ётади.
Раҳмат Бобожоннинг яқинда чоп этилган “Излам” тўпламида “Рўбарў” китоби чиқди. У сизу бизни нимага рўбарў қилмоқчи эканини билиш учун эса бу китобни ўқиш лозим.

Сирларни билишга иштиёқ инсонга хос хусусият. Бу сир дунёнинг сири бўладими, жамиятнингми ё коинотнингми фарқи йўқ. Билишга интилаверади одам. Ёзувчи дўстим Жуманазар Йўлдош ҳам бизни қандайдир “Сир”ни билишга чорлаяпти. Бу сир қандай сир, унда нималар яширинган, бу жуда қизиқ.

Suhrob Ziyoning she’rlari o‘ziga xos uslub va mazmunga ega. Suhrob she’rlarida inson ruhiyatini tabiat go‘zalligi va hayotning murakkabligiga bog‘lab tasvirlaydi. Uning bir she’rini o‘qisangiz butun bir kitob o‘qiganday xulosa olasiz.
Suhrobning “Izlam” turkumida nashr etilgan “Daryo” kitobi ham nazmiy mavjlari bilan sizni o‘z o‘zaniga tortadi, tubidagi marvaridlarga mahliyo qiladi.