‏" صدرٍ من الضيقه انهدّت ضلوعه "

‏احساس انك ماعاد تنتمي للمكان - مُرعب.

‏صالح النشيرا :

‏يابعد من صار ظني فوق ظنّه
‏خاطري ذالليل ماحوله رحابه

‏العلوم اللي بـ صدرك مرجهنّه
‏سولفت عنها عيونك بـ النيابه

‏اسمع الشعر الحقيقي من مغنه
‏لايضيع شاعرك زهرة شبابه

‏ايه احبك وادري ان الحب سنّه
‏قد لعب في الانبياء قبل الصحابه

‏ابتسم بـ ارضٍ خلا وتصير جنّه
‏والتفت صوب الشعر ويفك بابه

‏يوم اقهوي مسمعك هيله وبنّه
‏ودي اميزك في وقت التشابه

‏مستحيل اجيب بيتٍ فيه هنّه
‏المجامل طاوله سقم وغدا به

‏في حَرم وجهك سيوفٍ مستسنّه
‏خايف ازعّلك وتقوم الحرابه

‏من غمره رضاك رضي الله عنّه
‏لو علق بين التمادي والذرابه

‏يدغم الشاعر عليك بدون غنّه
‏شيٍ يحيّر فلاسفة الكتابة

‏فـ الشتاء البارد وعندك بوخ ( كنّه )
‏لالفح فـ المتزن يفقد صوابه

‏وان قدرت اقول زينك ويش كنّه ؟
‏كنّي ارد المطر صووب السحابه

‏كل ماعينت وصف وجيت اعنّه
‏ضعت بين الفوضويه والرتابه

‏ماخذ تاج الجمال انسه وجنه
‏مالهم في حقك الشرعي طلابه

‏بايعٍ عمري لـ ابو زمّه وبنّه
‏كل ماشفته مجرّحته ثيابه

‏انت حلمٍ قد مليت الكف منّه
‏واحمد الله واشكره من يوم جابه

‏وجهك مقابله لطفٍ في محنه
‏ياحياة القلب مدري ياعذابه

‏يقرع فوادي عليك اقراع شنّه
‏وانبرى حالي مثل قووس الربابه

‏اعطني قلبك وقلبي لاتحنّه
‏الظبا ماتاكل قلوب الذيااابه

و قال أيضاً :

بقى ذنب واحد من ذنوبي عجزت أنساه
‏بعد ما هداك الله ياقلبي على التوبه

‏لك الشوق يا ذنبٍ تركته لوجه الله
‏عسى سيئات الشوق ماهي بمحسوبه

‏يا كُل الأسرار ما يدري بك إلا الله
‏توبي وأنا تبت والتوبه هي التوبه

توبي وخلّي سبيل من اتجه لله
‏اللي نجى من ظلام العمر بإعجوبه

‏كم ليلةٍ مرّته لو ما رحمه الله
‏يمديه تحت البسيطه وكفنه ثوبه

‏اليوم ما عاد يبغى إلا ما عند الله
‏عمره ماهو شيّ والفردوس مطلوبه

وقّف وشاف العطايا اللّي عطاه الله
و رجّع شريط الحياه وراجع ذنوبه

وشلون كان يتعاظم والعظيم الله
وهو كلّه ذنوب من راسه لعرقوبه

يخاف يوم القيامه لا سأله الله
عن كل ما حصّل من الحب و ذنوبه .

اليوم مرّتني تخطّى بالأقدام
عدت عليّ كنها ما عرفتني

ما كانها اللّي خلت ضلوعي حطام
ولا كان اللّي قبل أسافر بكتني

مدري عرفتني بعد خمسة عشر عام
ولاّ إنها بعد ماكبرنا نستني ):

أنتهت .

و كُتبت هذه القصيده على لسان الزوج قال :

يا حيلة العاجز ويا كسرة الدين
و يا منتهى صمتي عليك إعترافي

ضاقت مساحات الثناء بيني وبين
شكري وتقديري وبوحي و قافي

للّي ثمان شهور من فوق شهرين
ما دوّرت فرصه لقطع إعتكافي

ولا عقّدت حاجب ولا لمّحت بين
ولا بيّنت ضيقه ولا بان خافي

والبارحه ما بين " جرعة مورفين "
و مخدّر وغيره مسكّن إضافي

تكلم الدكتور عن حالتي لين
رميت باقي العُمر كلّه اخلافي

واللّي بقى لي قال حروة إسبوعين
والأمر عند الله وهو خير شافي

أنا على سكّة بها الناس ماشين
و راضي و مستسلم و قانع و عافي

و ياوافيه كفّي دموعك لاتبكين
اللّي من دموعك ذرفتيه كافي

ولو شفتي دموعي تهامل من العين
سواة من ثرّت عليها السوافي

ماني بمتحسّف على العُمر تدرين ؟
إلا السنين اللّي بدونك عجافي

وماني بقايل غير ماتستحقين
لو كان ما ينصفك نظم القوافي

صبري وأخذته منك جرعات تسكين
و وقتك لبسته منك والثوب ضافي

ماتهتني عينك ولا أنتي تنامين
كم ليلةٍ تقضينها في طوافي

ويتغيّر الطاقم من الحين للحين
ولسانك يرددّ " خلوه غافي "

يا كثر ما كنتي عشاني تسوّين
ومع كثر تقصيري ما شفت التجافي

وموقفك يكفيني وعن عُمري سنين
لو ما كتب ربي عليّ التعافي

والله يثيبك كثر ما أنتي تصلين
وتدعين ودموعك تبلل لحافي

و فأمان ربّي والوعد عاد بعدين
في جنةٍ فيها تدوم العوافي

وبإذن الوليّ بلقاك من حورها العين
جزاء ومن ربّي لصبري يكافي

وفراق في الدنيا أجل لا تخافين
وإن ما لقيتيني هاك اليوم خافي .

إلا إنها أصرّت على البقاء وعدم خروجها بدونه مهما كانت الأسباب وخدمته فيما تبقّى من حياته في صوره من صور الوفاء التي نادراً مانشاهدها .

وأستمرّت بالبقاء معه حتى تم خروجه لأقرب مستشفى في منطقته ليتسنّى لوالديه وأبنائه الجلوس معه في آخر أيام حياته رحمه الله .