Дўстга зор, душманга хор, номардга муҳтож этмагин.

Бу жумла бирор қўшиқда борми, қайсидир эртак ичидан олинганми, билмайман. Бувим раҳматли туриб-туриб шуни айтиб қоларди. Кекса аёлнинг дўстлари қўни-қўшниси бўлса керак ҳар ҳолда. Душмани борасида эса ҳеч нарса деёлмайман.

Ҳай, мазкур гаплар билан керакли мавзуга киришга уриндим.
Ҳозир ушбу «дуо»даги «душманга хор» деган жойини «дўстга хор» деб айтиб юборибман. Кишини дўсти ҳам хорлаши мумкинми?

Мумкинга ўхшайди.

Кўзингга кулиб қараб, кўнглида сен ҳақингдаги гумонни далилу исботлар билан семиртириб келаётган бўлса... Қалбингга яқин тутганинг хуш кайфиятингга мозор қазиса... Хатоларинг унинг сўз китобига мавзу-мавзу ёзилса... Эркалигинг яширин энсасини қотирса... Ўлчовларида маънавият кейинроққа сурилса...

Бу каби қарашлар чексиз. Хулоса эса, сен дўстлик деб тузган риштанг Аллоҳ учун бўлмаса, ундан хорлик кўришинг аниқ.

Агар энг бошдан биродарлик Аллоҳ учун бўлса, сен ҳақингда ёмон гумонга бормайди, кулгингни йиғига айлантирмайди, айбингни тузатади, ҳар қандай ҳолинг ҳам оғир келмайди...

Тенг тенги билан деган гап оддий гапмас. Ўртоқчиликда ўлчовга моддиятни қўймасангиз, баланд экансиз. Рутбангизга кўра иш тутинг, пастлар билан ўралашманг.

Шу кунларда таржима қилаётганим бир асардан дўстлик борасида муҳим иқтибос бор.

Иброҳим алайҳиссалом ўтга отилишларидан олдин фаришталар келиб, ёрдам бермоқчи бўларкан. У зот малакларга: «Дўстим билан орамизга кирманг!» – деркан. Улуғ набийнинг дўсти – Аллоҳ. Бу ривоят қанчалар тўғри-нотўғри эканини билмайман. Аммо ибрат оладиган жойимиз икки дўст орасига қил сиғмаслиги.

Орага қил сиғмайдиган дўст топиш мумкинми ўзи? Банда билан банда орасида қийин десам, бировдан ранжигансан дейишади. Осон десам, ўшандай яқинимни кўрсатишни талаб қилишади.

Бу жуда мушкул масалага ўхшаб қолди. Демакким, яна бир асл ибрат Иброҳим алайҳиссаломдек дўсти Худо бўлишга интилиш. Халилуллоҳлик иложсиздир, лекин шу йўлнинг йўловчиси, жилла қурса, бу саодат йўлининг ошуфтаси бўлиш зарур ва шунинг ўзи ҳам бахт!

Аллоҳ дўстга ҳам, душманга ҳам, номардга ҳам зор қилмайди!
Аллоҳ дўстга ҳам, душманга ҳам, номардга ҳам хор қилмайди!
Аллоҳ дўстга ҳам, душманга ҳам, номардга ҳам муҳтож қилмайди!

https://t.me/ishqi_ilm

ЙЎЛ

Чалғишга ҳозирман дунёдан буткул,
Енгил юкларидан эзилдим, тамом.
Йўл олганим боис ўзимча нуқул
Ўзимдан кетяпман ўзимга томон.

Ҳар не оғирликни кўтармоқ учун
Ҳиммат берсанг эди, куч берсанг тамом.
Сен айтган йўлнинг мен бошига тушиб,
Ўзимдан кетсайдим Ўзингга томон!

Ўткирбек Муҳаммадсобир

https://t.me/utkirbek_muhammadsobir

Shu bugun o'lmasam,
Sizni izlayman.
Nafasim tiqilgan so'zlarim qasam,
Izlashga shayman.

Yo'lni yo'l demayman,
Armoncha emas.
Cho'lni cho'l demayman,
Hijroncha emas.
Sizga borar dunyo
Hech qancha emas,
Aniq izlayman.

Shu bugun o'lmasam,
Yo'l bo'lsin olam.
Umrimni safarga
Qaram qilgayman.
Men asir bo'lgayman talpinishimga,
Izingiz topguncha izlayman.

Yusuf qudug'iga otsalar go'zal,
Vaslingiz yo'lida sotsalar go'zal,
Izlab charchamayman telbadek kezib,
Holimga qahqaha otsalar go'zal.

Shu bugun o'lmasam,
Yetti qat yerni
Zarb bilan titratib axtaray bugun.
Yetti falakning-da ko'ksini sitib
Ko'zingiz izlayman
Ko'zlarim uchun.

Kulgichga qadalgan nigohlar haqqi,
Xayollarda tolgan nigohlar haqqi,
Iz izlab borgayman oylarga qadar
Ishqimdan bezigan guvohlar haqqi.

Shu bugun o'lmasam,
Vujudim himmat,
Oyog'im ostida yo'llar toliqqay.
Boshga ne kelmasin barisi qismat,
Yo gulim va yoxud o'lim yo'liqqay...

O'tkirbek Muhammad Sobir
15.08.2023 10:24

https://t.me/utkirbek_muhammadsobir

✍️ Ўткирбек Муҳаммад Собир
? Жавоҳир Камолиддинов

https://t.me/utkirbek_muhammadsobir

Sultonimni sog‘indim

O‘tkirbek Muhammad Sobir
Rustamjon domla Hamidov

https://t.me/utkirbek_muhammadsobir

Орзу отин қамчилаб,
Мадинага кетяпман.
Худойимдан йўл тилаб,
Мадинага кетяпман.
Роббим дея пичирлаб,
Мадинага кетяпман:
Султонимни соғиндим.

Умид карвон бошида,
Нур манзилга отландим.
Шукрларнинг тожида,
Шоҳландим-а, шодландим.
Дуоларим бошида,
Бир жумла шакар-қандим:
Султонимни соғиндим.

Дардларим даво менга,
Мадинада арз этгум.
Тупроғи шифо менга,
Ўпиб соғайиб кетгум.
Баҳсда енга-енга,
Хаёлдан аввал етгум:
Султонимни соғиндим.

Саҳро ошсам гул унгай
Чўлларда салавотдан.
Қуёш кулгай, ой кулгай
Ердаги саодатдан.
Титраб-титраб йиғлайман,
Туганмас ҳаловатдан:
Султонимни соғиндим.

Фаришталар зор ерга
Парвоналик истагим,
Само харидор ерга
Мастоналик истагим.
Ошиқлик даркор ерга
Ҳайроналик истагим:
Султонимни соғиндим.

Ҳарорати куйдирсин,
Кулиб-кулиб кул бўлай.
Суйган сари суйдирсин
Жаннатда ҳам қул бўлай.
Ишқи қалбимда турсин,
Не деса мен шул бўлай:
Султонимни соғиндим...

Олис бўлса шаҳдим бор,
Мадинага кетяпман.
Синмайдиган аҳдим бор,
Мадинага кетяпман.
Соғинтирган бахтим бор,
Мадинага кетяпман:
Султонимни соғиндим.

Ўткирбек Муҳаммад Собир
Андижон. 02.08.2023 16:08

@utkirbek_muhammadsobir

✍️ Ўткирбек Муҳаммад Собир
? Жавоҳир Камолиддинов

https://t.me/utkirbek_muhammadsobir

Қўлида қуроли борнинг қўрқиши даҳшатли ҳодиса. Натижада ҳалол одам марди номардонда ҳалок бўлиши ҳеч гапмас.

Ўткирбек Муҳаммад Собир

https://t.me/utkirbek_muhammadsobir

Ko‘rib turganingiz biror viloyat yoki tuman, shaharning markaziy masjidi emas. Istanbuldan 400 km uzoqdagi Karabuk universiteti jomesi. Bugun juma namozi shu yoqqa nasib, inshaalloh.

Hayırlı cumalar ??

https://t.me/utkirbek_muhammadsobir

Ё Расулуллоҳ...

Қайдасан Макка деб йўлга отлансам,
Ёдингиз банд этса, ўздан ётлансам,
Йўллар озоридан кулиб шодлансам,
Мадина тупроғин суролсам кўзга,
Умрим етганича сизга талпинсам,
Қурбим етганича эргашсам сизга.

https://t.me/utkirbek_muhammadsobir