الشاعر المرحوم الشيخ عبدالحسين أبو شبع -

ابـيا  حال  من عفتوني...يحسين فارقتوتي
إمـيـسـره  لـلشام...رحت  بالأيتام
يــحــســيـن فـارقـتـونـي

يـحسين شحجي لك و كل قلبي إجروح
و لـو غـيـري ما لليوم ظلت بيه روح
بـالـسـهـر قضيت أربعينك و النوح
مـن  جـان يدري العائله إيساره إتروح
بـخيال ما شافوني...و بصوت ما سمعوني
و لـنـي مـسـبـيـه ...عد بني ميه
يــحــســيـن فـارقـتـونـي

و إشـلـون شـاعـت يا غيور الأخبار
زيـنـب  الـكـبره إمخدرة حامي الجار
تـمـشـي  يـسيره إبولية انذال أشرار
لـو جـنـت حـي يحسين هذا ما صار
مـا  جان  يتولوني...الأنذال و يهضموني
الأهـل  مـو يـمي...و ضعت يبن أمي
يــحــســيـن فـارقـتـونـي

شـتـشوف  خويه  القوم عدنه شتشوف
أيـتـام  تـتـلاعه و حرم كلها إبخوف
و شـافت كفيل الضعن ما عنده إجفوف
شـافـت عـلـيل إويه الأرامل مجتوف
و إشـلـون يحترموني...عدوان ميهيبوني
هـيـبـتـي عباس...ما عليه ظل راس

ذاك الأخـو الـلـي جان راصد خدري
عـالـنـهـر ودعـتـه إبمدامع تجري
راحـت  الـرايـه  و الأخـو ما يدري
مـن  عـقب  جفه جف عدوه إبصدري
و إسياط فوق إمتوني...بجفوف ذل دفعوني
صـوت روعـنـي...إجـفوف تدفعني

سـوط  الـيـجـيني إبجفي قمت أتلقاه
و أنـخـه أبـو فـاضـل و لـمن أنخاه
إيـقـلـي الـعـدو فوق النهر خليناه
إجـفـوفـه  قـطعناها الراس إهشمناه
شـمـات و يحاجوني...بإلسان شر نادوني
قـمـر  هاشم  طاح...عالشريعه و راح
يــحــســيـن فـارقـتـونـي

لـو  صـحـت  يحسين بألم صاحوا وين
حـسـيـن التندبيه عالرمح راس حسين
و  أشـبـح له عد راسك يبو اليمه العين
و نـاديـت يـبـن أمـي عفتني ما بين
هالناس  ما رحموني...و إنخيت ما حشموني
و  بـشـمـاتـتـهم...غدت  وليتهم
يــحــســيـن فـارقـتـونـي

يـوقـف إقـبـالـي الشمر ما يتهيب
إيـنـاديـنـي  جاوين  إخوتج يا زينب
عـريـسـكـم  ويـنه إبدماه إمخضب
حـوفـة  زفـافـه إبـنار قامت تلهب
يـحجون و يذكروني...إيعيدون إشما راوني
يـذكـروني إشموع...عرس صار إدموع
يــحــســيـن فـارقـتـونـي

إيـروح  الـشـمـر غير الشمر يلفيني
يـسـألـنـي ويـن الأكـبر إيحاجيني
إيـذكـرنـي ابـشـاب النظرته إبعيني
و إلـمـسـت طـبرات الجسم بيميني
هـالشاب بيه فجعوني...لليوم بين إعيوني
مـا نسيت إمصاب...كل أخو كل شاب
يــحــســيـن فـارقـتـونـي

موشح في المصطفى

يارسول الله امتك منهاجها
بعكس منهاجك وفكدت تاجها
.....................................................................................
يالذي مبعوث رحمه على العباد
مصلح اومنهاجك او نورك رشاد
جامع الدنيه اوحشر يوم المعاد
بعمل صالح للثنين اسياجها

ارشدت وانصحت وابذلت الجهد
لعد هالامه اوصرت روح بجسد
بالمعاجز والفضل منهو انفرد
غيرك اوبيك افتخر معراجها

اوجدت لامتك عز اوسلطنه
اباخره اودنيه اصبحت متهيمنه
كونت لامتك حصون امحصنه
شامخه الهام الثريه ابراجها

اشلون امه استفحلت واتخلفت
اشلون امه اتعززت وتذللت
اشلون امه اتحررت واستعبدت
هالذي الاسلام اصبح ماجها

منهج الاسلام ميحب الذليل
اولا لبو وجهين مختلفه يميل
علل هاالامه ابعداد المستحيل
حته عزها اليعجز من اعلاجها

امه اللي عالفكر متعلمه
اوبالاسلام اضحت ابعز متنعمه
جسحت النعمه الغبيه المجرمه
اوسلمت بيد الذياب انعاجها

اوهالشباب المايعه اوهاي البنات
استهترن وتبرجن بالمنكرات
والشريف انفكد والمعروف مات
واضحت الامه الفجور انتاجها

النسه استفحلت بالزي والثياب
والرجال اصبحت مثل ام الحجاب
ايزاحم النسوان بعض من الشباب
بالحفافه اوخيطها وثيابها

كوم وانصر يارسول الله امتك
منهم الاغلب منهاجك فتك
عدموا الدين الحنيف او سنتك
كطعوا ابسيف الضلاله اوداجها

(امير الشعراء ..عبود غفله)

@SS5BOT - 28:57, 26.8 MB

الشاعر المرحوم الشيخ كاظم منظور الكربلائي

مصيبة الطشتين كعديه

«شيعتي»

**سهمين إو رمن گلب العقيله طشتين إو مصيبتهن ثجيـله
مكسورة دهـرها وإحتارت بأمرها
طشتين إو مصيبتهن ثجيله

مثل گلب الحره زينب صابن السهمين عيني
إو من جمر نار المصيبه إو بالنفس يصعد حنيني
چني إبزينب تنادي يالمحب ون إبونيني
إبصحف النوايب گلبت...بمصاب زينب طالعت
سهمين بالعين إنصبت...وأضرب اليسره إبيميني
زينب بالدهـر شاهدت طشتين...إو ما عزّت عليهن دمعة العين
إو تتوچه إبصبرها...وإحتارت بأمرها
طشتين إو مصيبتهن ثجيله

إنصبت بالدلال حربه مثل حربة گلب زينب
نار طشتين إبگلبها إو من سنان الحزن عطب
تشگف إسهام المصيبه إو نايبات الدهر تنصب
عطشان أخـوها إو ينذبح...إشما تهمل العين إو تسح
بالدمع متبلسم جرح...إو لا تبرد چبد يلهب
زينب بالصبر ضمدت جرحين وإبفيض الدمـع خمدت نارين
من دهر الكسرها...وإحتارت بأمرها
طشتين إو مصيبتهن ثجيله

من مضت شفرات سم الحسن وإتگص إبدليله
طاح بحجور المنايه منصرع وإنهدم حيله
إيجود وإيعالج إبروحه مسهر إو مينام ليله
ألله ألله إشجره...إبحالة ودايع حيدره
لحسين وجَّه ناظره...والدمع فجر مسيله
وإتسلم مراسيم ألإمـامه...من الحسن وإنفجعت عمامه
وإتـوادع ذخرها...وإحتارت بأمرها
طشتين إو مصيبتهن ثجيله

إشلون حاله إلبيها زينب صارت إبيوم الموادع
للحسن گصدت إتودعه إو شافته إبحالة منازع
هالله هالله إشهالمصيبه إمصاب من إمصاب أفجع
مطروح إخوها شافته...والسم تملك چبدته
إو بالطشت يقذف مهجته...إوشاهدت گلبه إلمگطع
إو طشت إللي خفـو عنها الميامين...زينب شافته والچبد نصين
صوبها إبنظرها...وإحتارت بأمرها
طشتين إو مصيبتهن ثجيله

إنحنت يمه إشلون حنيه إضلوع خوتهم حنتها
خويه هاي أُمك الزهره إبعين فاجعتك شفتها
إتواصل إجروح إلبچبدك وأنه إبدمعي خيطتها
هاي أُمك الزهره إلتحن...يمك إو لمصابك تون
وإستارثت منها الحزن...إو بالنوايب شاركتها
إختك وأُمك الزهره تره إويـاك...تتگلب عله إوسادة مناياك
إو كسرتلك ظهرها...وإحتارت بأمرها
طشتين إو مصيبتهن ثجيله

هذا أول طشت سحبت روح زينب ساحباته
إوبعد ثاني طشت صك إعيونها إبسهم الشماته
بالطشت راس الحسين إو عالفواطم نايباته
والخيزرانـه إبشفّته...تلعب إو أدمـت وجنته
وإشحال گلب الشافته...والدهر هذي صفاته
وإيزيد إعله عرش الجاهليه...والسجاد بأحضان المنيه
وإعياله إبخطرها...وإحتارت بأمرها
طشتين إو مصيبتهن ثجيله

آه يا زينب إو گوس العلگمي إبسهمه رماها
إو طاحن إچفوف الكفاله إو طاح عالشاطي لواها
إو سهم إلتفرّس إبعينه صكها بالعين إو عماها
إو هذا العله زينب سـدر...من عگب محزوز النحر
ما أنصف إوياها الدهر...هِدم مبناها إو سباه
إو زينب حيت آثار النبوه...زينب مثلت روح الأخوّه
من وافـت يسرها...وإحتارت بأمرها
طشتين إو مصيبتهن ثجيله

لفاجعة استشهاد مولاي الحسن عليه السلام

الخالد الشاعر الحاج عبود غفله

گعد يبجي حسين ويون عالگبر
اوينعه اخوه الحسن ودموعه حمر
ــــــــــــــــــــــــــــــــــــــ
ياعضيدي العـیش عگبـك لاهنه
اوطود حلمي اتهدم اوصبري انفنه
ريت موتي ايعجل اوليـه دنه
ظلتي شنهي شـسوي ابهـالعمر
ــــــــــــــــــــــــــــــــــــ
ياعضيدي العيش عگبك لا يطيب
واسهرت عيني وعلى افراگك حريب
يبو محمد فگدك ادعاني غريـب
واظلم الدنيا على اعيوني الظهر
ــــــــــــــــــــــــــــــــــــــ
ياعضيدي انوار وجهك من خفت
اگلوب عدوانك المجروحه اشتفت
يبو امحمـد اطربـت واتـشمتت
اوفت اهل الـشام هاليوم النـذر
ــــــــــــــــــــــــــــــــــــــ
ياعضيدي أيضمك اشلون اللحد
يابحر جود أو بدر عز أو مجد
يبو محمد ريتني أوياك أنفكد
حيث مني أوياك مفگود النصر
ــــــــــــــــــــــــــــــــــــــ
يـا عضيدي ايظمك اشلون الضريح
وجودك الوديان من عنده تـسيح
چان بوجودك عفـي كلبي وصحيح
خذمه فگدك ابصمصام الهجر
ــــــــــــــــــــــــــــــــــــــ
اشلون اصابح دارك البيها چنت
اطب واذكـر چبدك اللي بالطشت
ماسده أمفارگ مثل ما فارگت
كسف شمس الدين ومغيب البدر
ــــــــــــــــــــــــــــــــــــــ
أشلون أطب دارك وصابحها ومس
أو هـوت سمر المـوت صادك يا شمس
يبو محمد ما علـى غيري يحس
فگدك الگلّب مهجتي اعلـه الجمر
ــــــــــــــــــــــــــــــــــــــ
اشلون اماسي الدار من بعدك وطب
ولا مهجتي أتلوح بيها والگلـب
صار يومك يشبه اليوم الغضب
علـى الإسلام ومثل يوم الكسر
ــــــــــــــــــــــــــــــــــــــ
شلون اطب دارك مسه يو لا صبح
ولا اشوفن وجهك البي ينبجح
يمن چفك بحر للوادم يسح
سيل والوديان من عنده تسر
ــــــــــــــــــــــــــــــــــــــ
گام من الگبـر آه اشلون گـام
ظهـره مثل الگوس محني امن الأحزام
راد يمشي حسين لاچنـه الأقدام
ما يطيعنـه وتخوصر وإنحسر
ــــــــــــــــــــــــــــــــــــــ
اشلون يمشي وفارگ اعضيده النفل
وبلل أتراب الگبر دمعه اليهل
و گفته اعلـه الحسن يا ويلي مثل
و گفته اعله الليث عباس البدر
ــــــــــــــــــــــــــــــــــــــ
هالمصيبه وين من ذاك المصاب
هاي ما هي الذيج لـو كلهن أصعاب
حين شاف حسين أخو فوگ التراب
وبكتر يسراه ويمينـه أبكتر
ــــــــــــــــــــــــــــــــــــــ
لزم گلبه احسين وعيونه تسيح
ايخاف لن گلبه اعله ابو فاضل يطيح
نوب يبجي ويعتب اونوبه يصيح
ياعضيدي شـتتو شملي الكفر
ــــــــــــــــــــــــــــــــــــــ
چم اخو اعليه وگف ويلي وچم ولد
شاب شعة الگمر ما عذر الخد
وحين طاح حـسين يمه من گعد
من محبينه وهله غير الشمر