بمناسبة عيد المرأة،اتركُ لكم هذا الكتاب الذي يحوي فصلًا قصيرًا عن المرأة ،اتمنى ان تتفضلوا بقراءته .
وكل عام وانتُنّ بخير.

اكو عبارة حلوة لكاتب مصري يگول:
آه ممكن اعاتب اللي بحبهم كتير،بس عشان لما بمشي مبرجعش،مبرجعش تاني أبداً.
نزار قباني بأغنية لكاظم الساهر يكول:
إرمي اوراقكِ كاملةً ،وسأرضى عن أي قرارٍ.

دائمًا بأي شي ندخل بي سواء كان عمل،علاقة حب،صداقة،او اي تجربة لخ لازم نخلي بالنه انه ممكن تنتهي بأي لحظة
بس مو الكل يحب ينهيها مجرد يتخلص من أوراقها ،والمفروض يتخلص من جذورها لأن الجذور اذا ما انگطعت راح ترجع تنمو مرة ثانية وثالثة لحد متموت.

(هنا اني داحجي عن الاشياء اللي تحبهة،مو الاشياء اللي متحبها لأن المفروض هاي تتركها من اول لحظة شفتها غير مناسبة).
"و الباب من ينسد وينقفل ،لتبقي المفتاح بي "
-انت قفلته صح بس هو عمره ما انسد.

علي سُهيل

قمة السخرية والتلزيك ..هو ما يحدث هنا

تخيل عزيزي القارئ..
انه دولة بأكملها بسنة ٢٠٢٣ ،لكي تمنع حالات الغش وتسريب الاسئلة
لامتحان تمهيدي
تقوم بقطع النت وإضعافه وحجبه عن كل البلاد
لمدة ثماني ساعات يوميًا .
بينما الحل المنطقي والمفترض
هو ان تُحاسب مجموعة المخربطين في وزارة التربية الذين يقومون بتسريب الاسئلة!
(اي ولله بس هيچ)

لستُ مستغرباً فهذه المفاهيم تقوم عليها أغلب مؤسسات الدولة العراقية الحديثة
-المشكلة ليست هُنا -
المشكلة انا وأنت وكل العالم يعلم بأنه بضغطة زر واحدة ،نستطيع ان نقوم بتشغيل برامج ال VPN
- فيعود الوضع طبيعي -

المبدأ الذي تقوم بهِ وزارة الاتصالات بقيادة وزيرتها
يذكرني بعلاقات المراهقات ،تلك العلاقات القائمة على فكرة
[شوق ولا تذوق]
الجميع يعلم كيف يتذوق،بس عاجبهم التشويق

علي سُهيل

اهم شغلة بشريك حياتك او صديقك او رب عملك هو ايمانهم بيك . احنه عايشين بنص ناس نتعامل وياهم بشغلنا بتجاربنا وبكل علاقاتنا . محد ينكر الدافع اليجيك من نظرة الناس عليك . هالنظرة كفيلة توجه مسار حياتك للطريق الصحيح
لتدور على شخص يطلع بس مواطن الجمال الشايفها بيك . دوّر على واحد يشوف بيك اخطاء ومقتنع راح تتجاوزها . دوّر عاليلتمسلك عذر مو بأول خطأ يغير نظرته بمزاجة . او يغيره موقف عابر بخطأ ممقصود .
اذا عندك هيج انسان حافظ على علاقتك بي . اكثر البشر تبين حقيقتها بأول مرض . بأول وفاة . بأول أزمة . قبل ذني الأمور كلها أصدقائك وكلها معجبة بيك .
الرسول محمد من جانوا يجيبوله طاري خديجة
جان يكول ( قد آمنت بي اذا كفر بيّ الناس . وصدقتني اذا كذبني الناس وواستني اذ حرمني الناس )
النبي مانسه الخديجة هاي الثقة والإيمان المنحته ببداية دعوته . رسول من الله مبعوث بقوة الوحي بس راد انسان يوكف وياه ويثق بي ❤️**

علي بيرهوف .**

الحياة سريعة وصايرة عبارة عن لحظات وقتية متداخلة، ممكن اقرب شخص الك البارحة متحجي وياه اليوم وممكن شخص قبل دقايق دتضحك وياه هسه ما موجود بحياتك،حتى الافكار دتتغير فجأة وبتناقض جبير الصبح تحلم تغير تاريخ العالم بنهاية الليل تلگه روحك تحلم انه تعيش حياة بسيطة وي عائلتك والمقربين.

تشتت چبير بالقرارات،الاحلام،المشاعر وغيرها من الامور، الإنترنت والبرامج فاقمت الوضعية وخلتنه نتعود انه كلنه لازم نصير مثاليين وأغنياء و كلشي لازم يخلص بسرعة.

كل هذا استهلك اللحظة نفسها،بحيث انت بأسعد لحظاتك اليوم تفكر بأسوء شي ممكن يصير باجر
-الحياة وافكارنا محتاجة اعادة تأهيل.

علي سُهيل