اللحن خاص خدام 🌹❤️

شلون بلة وتالي وي شلعان كلبي
شلون بلة وكل وكت زينب غريبة
هية المخلية دليلي يفور زينب
عشتي غربة ومتي غربة شهل المصيبة

يم عون كاع الشام مو ليج
يم كافلج كون مدفونة أميرة

اليشبع سبي أمن يموت يرتاح
يا يمة جم دوب تبقين اسيرة

زينب والخرايب و وحشة دربهة
ذني المشاهد توجع كلبهة
من شاهدت شام ابلاية كافل
ضلت وحيدة وهاي شصعبهة

غريبة..... زينب غريبة زينب

شلون تالي اوية الغرب والفركة هاية
شلون فركتنة اوية زينب هاي كلفة
يمة بجفوف الخدم تتباجة راية
يمة عين الشام صارت حيل صلفة

سمعي الينشاغ واللطم حيل
يمة اوية الفراگ حالتنة حالنة

شيگضيهة بلة طلابت الشام
من ذبحو الحسين سلبو دلالة

زينب هاية كلفة ما نبجي اعلئ بابج
محضرين اللطم والدموع لمصابج
المتعود اعلئ الشام اشيقنعة
هاي السنة ما يشتم ترابج

غريبة.... زينب غريبة زينب

زينب انتي عليج مكتوبة المصايب
امنهد كسرت ضلع امج للخرايب
منهد گاع الطف بقت كسرة بدليلج
وبقت عشرة عمر زينب والنوايب

خلصتي عمرج ضيم واهات
وانوب بلشام وحدج غريبة

تغربتي من باوعتي الحسين
بحوافر الخيل تردة وتجيبة

اول غربتج علئ التل من ركضتي
ان كنت حياََ يبن امي صحتي
هدو علئ الخيمات وبناتك
كل وحدة بمجان تنادي عمتي

غريبة.... زينب غريبة زينب

حسن جاسب الفريجي

رديتلك    يحسين من ذاك الدرب..... رديتلك
اعتزايتلك   بلشام سمعوني حجي.... اعتزايتلك
رديت محنية الضهر
جن ضهرك بموت الكمر .........  رديتلك

رديتلك كوم وتلكاني
غير انا اختكم وانتم اخواني
ترضون اختكم تبقئ بلهيمة
يفراكم بالغربة خلاني

ادري الترد مهضومة اخوهة يكلهة بشري
شو محد اتلكاني منكم كلي أمري
يحسين بلشام شكثر ....... حنيتلك

حنيتلك يا خوية        حنيتلك يا خوية

تعبانة... رديتلك من السبي .... تعبانة
ويانة... يا خوية بتك ما اجت... ويانة
راووهة راسك والقدر
استعجل عليهة وما صبر..... ويانة

بجفي الحبل واتفكد عيالي
وسوط الذبحكم خوية يبرالي
ويا حيرتي لمن اجة براسك
التهي ابتك التهي بحالي

يبن امي اجيت أمن اليسر مكسور ضهري
تلكاني لو تنده اخوك يردلي خدري
تعبانة من ذاك الدرب..... تعبانة

حنيتلك يا خوية       حنيتلك يا خوية

مشتاگة .... لكعدتنة يخواني شكثر.... مشتاگة
علناگة ..... مو زينب التمشي بيسر .... علناگة
عتاب اخت ماكلهة الهضم
فركتكم ادك بلعظم ..... مشتاگة

اعتب عليكم يا بعد لوني
جبتوني ليش بغربة عفتوني
ضلمة الدرب من دون ابو فاضل
عيوني اشتهتكم يا ضوة عيوني

غير اليحب يعتب وانا هل عاتبتكم
تعبانة من ذاك الدرب يا بعد اختكم
عفتوني ليش لوحدي .... مشتاگة

حنيتلك يا خوية        حنيتلك يا خوية

حسن جاسب الفريجي

كون العمر يخلص عشك
وللخيمة كلبك ينتمي
احلة انتمائات العمر
صاحب مخيم هاشمي
عاند دنيتك بلدمع
والتهي بجرح العلكمي

عادي اخسر دنيتك وابقة ربحان
إذا صفيت نيتك وي الحسين
غم طعم العمر لو جافة مولاك
تضيع خلافة واتيه العناوين

شوف بكلبك خلي عينك ما تفيد
صيح سيد العشك هل من مزيد
لااا تغرك دنيتك وتضل بعيد

كن شجاع
وخلي كلبك للحسين
لا تخاف
والتفت تاليهة وين
تلكه أمام
بكبرك يصحلك معين

خل كلبك يسولف جرح
واتنفس الآلام الخيم
لا تغرس بروحك ذنب
مولاك ما عايز سهم
وابحر بجرحك للازل
واتوكل براعي العلم

هيم بكل جرح واتذكر حسين
وخلي بروحك تعيش الخرابات
آلة خلي انتمائك وانسة دنياك
وحس بكلبك احتركتلة خيمات

عوف ذنبك هوة ما عايز جراح
كون تؤمن بقضيتة اعلئ. الرماح
عيش بخيمة يتضح درب النجاح

لا تعيش
بواقع ايضد الحسين
تدري ليش
هوة لليتبعة عين
بي تشوف
آخرة دربك لوين

اطرح سؤال اعلئ العقل
وطلع جوابة أمن الكلب
ياهو الي ضحة بعيلتة
ولجلك مشة بذاك الدرب
الحب الصدك بس كربلة
والباقي ما يتسمئ حب

خل روحك وتد لحبال الخيام
وتفاهات العمر لتروحك بعيد
ذبهة اوية الحسين تروح ربحان
غير حسين صدك محد يفيد

كون من تموت كلبك مُطمن
خاف تطلع من سجن تدخل سجن
عيش وخلي روحك بذاك الضعن

علخيام
لا تكف عن البكاء
وابجي حيل
سيدك باب الرجاء
ما يعوف
الخلص سنينة بعزاء

كلمات : حسن جاسب الفريجي

.

محاورة بين مولاتي الزهراء عليها السلام
ومولاتي زينب عليها السلام

انا بالخيمة وجوتني النار وانصب الدمع
انتي باب البيت يمة حارگ وكاسر ضلع
طفكم شكبرة
طف دمة وعبرة

لا علي يمج ييمة وانا مثلج صرعة اخوتي اعلئ النهر
انا اهون من وضعكم يمة زينب ما ضگت ذل السفر
انا ما شفت الذبح بس انتي يمة شفتي الحسين انحر
انا ما ناغيت محسن وانتي زينب شفتي عبدالله انشطر

انا محسن شفتة حدري طايح ودمة جرة
وانتي ولدج وي اخوتج گبال عينج علثرة
طف واليحضرة
طف دمة وعبرة
**
بدت الحرة بحجيهة وأمهة تسمع وسيد الموقف دمع
تشابگن والحرة زينب وامهة تدمع مشابگ خيام وضلع
انا عمري ١٨ يا يمة واسمع صرخة ابني وانوجع
والعطش عدكم جبر عبدالله يطلع والنهر عدكم جرع

احنة صح عطشنة ماي وانتي عطشانة لابن
يمة نعمة ومات محسن ما مشة بذاك الضعن
وكلبي شيصبرة
طف دمة وعبرة
*
منين اسولفلج ييمة والله حيرة منين ابدي بلحجي
طول الحسين شحلاتة وبلحصيرة ينجمع هم تنحجي
جان ابوي يگلي أميرة هسة أسيرة الگايد الهزلة اجنبي
والهضمني ما اجت يمة عشيرة وگالو نخص بت علي

يمة انا جفون عيني تزاعلن ما يلتقن
عين تندار اعلئ اخوتي وعين تربى اعلئ الضعن
وسلمت إمرة
طف دمة وعبرة
**
يمة رديت بدمعتي وبغربتي ومن وصلت لكربلة
تذكرت ذاك الدلال البين اخوتي ولمتي اوية العايلة
هنا ذكرت انذبحو اخواني وتجوتي وراح اسم المدللة
يا مرة التصبر علئ الصار اوية زينب تشوف أهلهة مجتلة

يمة من رديت للطف تذكرت كلشي جرة
يمة شفت حسين طايح وشمر يگطع منحرة
وضهرة وي صدرة
طف دمة وعبرة
*
كلمات  :  حسن جاسب الفريجي