اتذكر مَره كلتلي
الليل وي غيرك ذنب…
ومَره كتلي الليل وحشه
بعين كل واحد مُحب
ومَره كلتلي.. ومَره كلتلي
وهواي گتلي
وطلع كل حَجيك چذب !

راسه بحضن غيري ودزلي
مرسال
متغير يكلي وانتَ عايل ،
اني عايل ؟

هذاك اليزعَل
وبـ شلونك تنسي
وحاول يبتعِد واغنيه رجعته
ابشرك صار قاسي
وانتَ غيرته !
وعلى كُل يوم چان وياك ندمته.

مو كلشي اله بديل !
اكو اماكن راح تبقى فارغه
ومحد يمليها مهما حاولنا
واكو عشره ما تنسي
بكل تفاصيلها
واكو مواقف تبقى
محفوره بداخلنا
بنفس احساسها اللي چنه
طايرين بي
بأختصار مو كلشي يتعوض.

ماضَل شي بعد
ينكال
وياك الحِچي
شينفَع؟
العتب مرات
فشله يصير
اذا ما يلكه أذِن تسمع

بس هيَ رحلة عمر
وكلشي انتهى بوكته
صفحة وطواها الزمن
رحلة انتهت وبثمن
وبين جبير الفرق
وين اني ووين انتَ

- أنتَ يا اغَلى الخِسَارات العشتهاا .

ما عَليك عَتب انا لبالغت بيك