«ДАШНОБОД» НАСОС СТАНЦИЯСИДА ЁШЛАРГА ҒАМХЎРЛИКНИ КУЧАЙТИРИШ ТАВСИЯ ҚИЛИНДИ Сариосиё туманидаги «Дашнобод» насос станцияси 1974 йил қурилган , «Тўпаланг» дарёсидан сув бериладиган «Дамариқ» каналидан битта 350Д90 ва иккита 300Д90 насос агрегатлари ёрдамида сув тортиб чиқариб, 426 гектар экин майдонлари ҳамда аҳоли томорқаларини обиҳаёт билан таъминлашга хизмат қилади. Насос станциялари ва энергетика бошқармаси бош мутахассислари жамоа аъзолари иштирокида семинар ўтказишди.
         Семинарда жамоа аъзоларига лимит бўйича ажратилаётган электр энергиясидан самарали фойдаланиш ва иқтисод қилиш тартиблари  батафсил тушунтирилди. Кейинги йилларда жамоага бир неча ёш кадрлар ишга қабул қилинганини маълум қилган насос станцияси бошлиғи А.Маҳмудов станцияси атрофидаги бўш ерларни уларга бўлиб бериб, қишлоқ хўжалик маҳсулотлари етиштириш ва ўзларини қўшимча маблағ билан таъминлашга амалий кўмак берилаётганини билдирди. Семинар ташкилотчилари раҳбариятга  ёшларга ғамхўрликни янада кучайтириш,насос станциясидаги айрим камчиликларни бартараф этишни таклиф қилдилар.

Аму-Сурхон ИТҲБ матбуот хизмати

"Р-5" КАНАЛИДАГИ БОШ ГИДРОИНШООТДА МУТАХАССИСЛАР ЙИҒИЛДИ

Бугун, Чапқирғоқ Амударё ИТҲБ, “Сувхўжаликназорат” инспекцияси Хоразм вилояти бошқармаси, УПРАДИК бўлим бошлиқлари, Полвон-Ғазовот” ИТБ канал бошлиқлари, Боғот туман "Сув етказиб бериш хизмати" ДМ мутахассислари иштирокида амалий семинар ўтказилди.

Семинар, Боғот тумани "Тошсақа" каналининг ПК250+15даги "Р-5" каналининг бош гидроиншооти мисолида олиб борилди. Ушбу иншоот 1973 йилда қурилган бўлиб, сув ўтказиш қобилияти 40.0м3/сек, "Р-5" каналининг сув ўтказиш қобилияти эса 25м3/сек бўлиб, узунлиги 18.7 км ва туманнинг 4872 га майдонига хизмат кўрсатади.

“Сувхўжаликназорат” инспекцияси бош мутахассиси К.Артиқов таъкидлаганидек, семинарда 30 нафар вилоят соҳа ҳодимлари мазкур объектни яқиндан ўрганиб, уни самарали фаолиятига доир кўрсатмалар бердилар.

Чапқирғоқ Амударё ИТҲБ Матбуот хизмати

Самарқанд вилояти

"Мингчуқур" насос станциясидаги семинардан репортаж.