Mustaqilligimizning 33 yilligi bilan barcha hamyurtlarimizni tabriklaymiz! Mustaqilligimiz abadiy bo’lsin.
独立記念33周年おめでとうございます♪

​​ЯПОНИЯНИ ТИТРАТАЁТГАН ЎЗБЕК АЁЛЛАРИ!

Ассалому алайкум, фикри теран ўқирманлар. Сарлавхани ўқиб, Япониядаги ҳамма зилзилани шу Ўзбек айёлларимиз қилаябди экан-да деб ўйламанг тағин. Бу аёлларимиз яхши маънода ўз илмлари, одоблари, ақли-заковатлари билан титратишаябди. Шу десангиз, Японияда яшаб, шунчаки соққани қилиб, қайтиб кетиш менга тўғри келмайди. Шунинг учун қўлимдан келганча сизларга Японияни таништираябман. Бундан кейин, "ЯПОНИЯДАГИ ЖАДИДЛАРИМИЗ" рукни остида, муваффақиятга эришган, ватанимизга фойдаси тегаётган юртдошларимизни таништирмоқчиман. Айримлар айтгандек, бизни қадриятларда аёллар икккинчи даражада эмас, ҳар доим биринчи даражада бўлишган. Келинг, бу рукнимизни ҳам аёллардан бошлаймиз.

1. Umida Ashurova опамиз, Япониянинг университетида дарс беради - профессор. Тасаввур қилаябсизми? Ўзингизни вилоятингизда, юртингизда профессор бўлиш қанчалик машаққат. Японияга келиб, Японларга, бошқа миллатларга дарс бериб, университетда профессор бўлиш учун қанақа ақл-у заковатга эга бўлиш керак, қанақа матонатга эга бўлиш керак, тасаввур қилаверинг. Қолаверса, ватандошларимизни илмга тарғиб қилишдаги ишлари ҳам тахсинга сазовор.

2. Mohinur Turdiahunova опамиз, Япониянинг таниқли университетида Ўзбек тилидан дарс бериб, мигратсия сохаси ва экспорт ишлари билан шуғулланадилар. Бу опамизни ҳам ақл-у заковат, матонатларига қойил қолмай илож йўқ. Ватандошларимизни қўллаш, ватанимизни тарғиб қилиш, маслахатларини аямасликларини айтмаса ҳам бўлади. Айниқса, Япония ҳақидаги билимлари, дори-дармон дейсизми, жамиятшунослик дейсизми, хуллас нақд-энсиклопедия)

3. Mahbuba Kamolova опамизга ҳам қойил қолмай илож йўқ. Қачон қараманг, Японияда ватанимизни таништириш учун, презентатсиялар, тадбирлар уюштирадилар. Энг тахсинга сазовор жойи, 6 та фарзандни катта қилаябдилар. 6 та ўғил! Эҳҳе футбол жамоаси-ку, деманг. Ўзбекона қадриятлар ва Японча таълим билан нобелчилар бўлишсин, илоҳим. 6 та фарзанд билан, яна илм йўлида, ватанни таништириш йўлида қилаётган ишлари ва яна бир қанча проектлар - шунчаки респект. Матонатни шу опамиздан ўргансангиз бўлади.

4. Fariza Abidova Ўзимизани Самарқандлик. Бу опамиз 70 эркак йиғилиб, битта Фариза бўлолмас дейдиган даражада катта ишлар қилган. Японияда старт ап бизнеслардан тортиб, корпорация ҳам тузганлар. Тассаввур када метонетми? узр, тожикча кетиб қолди. Чиройли аёлларни кўрсам, ҳаяжонланиб қоламан) Тасаввур қилаябсизми, бир нечта компаниялардан ташкил топган- Корпорация. Қила олмайман, дейдиганлар учун тайёр, наъмуна!

5. Nazimah Zokirova Бу опамиз алоҳида мавзу. Япониянинг иккита университетини тугатган. Ҳозирда халқаро компанияда бўлим бошлиғи даражасига чиққан. Араб, Рус, Инглиз, Турк, Япон тилларида гаплаша оладиган полиглот. Яқинда PhD ни бошлаш арафасида. Буни устига, Япония ва Ўзбекистон ўртасида олиб бораётган проектлари ҳам бор. Мени энг ҳайрон қолганим, бу опамизни турмуш ўртоқлари. Аёлини профессор бўлиши учун қўллаб-қувватлаб ўқитаётган, дунёдаги энг келишган, энг меҳрибон, энг самимий, энг зўр эркак) Ҳар замонда "Ҳей, онангни" деб қолишини ҳисобга олмаганда, МУКАММАЛ ЭР)

Шунақа гаплар, азизлар. Бизни миллат аёллари ҳам эркаклари ҳам дунёда манаман деган миллатдан ақлли. Фақатгина бир тизимни йўлга қўйиб олсак бўлди. Бу рукнни йўлга қўйишимдан мақсад. Ёшларга мотиватсия ва Четдаги ватандошлар деганда, кўпчилик, "Салом кузатувчиларим эрим менга тунги кўйлак олиб берди, қаранглар" дейдиганлар ёки менга ўхшаб вағар-вуғур қиладиганлар эмас, мана шундай фавқулотда ақл-у заковатга эга ватандошларимиз борлигини билдириш. Кейинги сонларда яна таништираман. А юғе, шунақа ватандошларимиз борми, деб юборишингиз аниқ.
Сиздан нима қолар, иккита изоҳ,
Икки сандиқ улашиш, битта ёқтирма)

https://t.me/BahodirIskandarov

O'zbekistonliklarning 77% i tibbiy sug'urta to'lovini to'lamay kelmoqda.
Tokyoning markaziy tuganlaridan biri Arakawa tumanida yashovchi aholining tibbiy sug'urta to'lovini to'lmasdan kelayotgan qismi ma'lum bo'ldi. Unda ma'lum bo'lishicha ushbu tumanda O'zbekiston fuqorosi bo'lgan 169 xo'jalik ma'lum bo'lib ulardan 77%i sug'urta to'lovini to'lamasdan kelmoqda. Bu raqam ushbu tumanda yashovchi chet elliklar ichida eng yuqori to'lamaslik ko'rsatgichidi. Jumladan Xitoyliklarda 18%, Korealiklar 22%, Vetnam 50%, Nepal 62% ko'rsatib otilgan.

Imkoniyatdan foydalanib barcha vatandoshlarimizdan tibbiy sug'urta va boshqa soliqlarni vaqtida to'lashni so'raymiz.

Yaponiyada tibbiy sug'urta majburiy bo'lib kasalxonaga borganda 70% xarajatlar aynan shu sug'rta tomonidan to'lab beriladi. Shaxs esa faqatgina 30% to'lab berishi kerak. Bunday yaxshi sharoitni qadriga yetmoq kerak.
https://arakawa.world-tls.com/?p=937

Hurmat bilan,
UYAJ

"YENGILMAS" Kino olish jaroyonlariga start berildi! ? Rasmda siz bosh rol Ulug'bek Qodirov va Yaponiyadagi vatandoshlarimizni ko'rib turibsiz.

Bugun 9-aprel Buyuk bobokalonimiz Amir Temur tavallud topgan kun.
Amir Temur Markaziy Osiyodan G'arbiy Osiyogacha bo'lgan hududda ulkan imperiyaga asos solgan nafaqat o’z davrining balki insoniyat tarixida ham katta o’rin olgan buyuk shaxs hisoblanadi. Amir Temur faqatgina shaharsozlik bilan cheklana qolmasdan ilm-fan, savdo- sotiq rivojlanishiga katta hissa qo’shgan.

Amir Temurning mustahkam saltanat barpo qila olganining sabablaridan biri, shiorini targ’ib qilib amal qilganidir. Madomiyki adolatsizlik bilan xalqlarni birlashtirish, bir yo’nalishda yo’naltirish va ularning ishonchini qozonishning iloji yo’q. Aynan Amir Temurning teran o’ylangan siyosati tufayli Saltanati cheksiz ravishda rivoj topdi.

Bugungi asr O’zbekiston yoshlari ham tarixga nazar solib, o’zligimizni anglab, buyuk ajdodlarimiz singari katta natijalarga erishish yo’lida, ona yurtimizning rivojlanishi yo’lida birlashib, bir biriga yordam ko’rsatib, harakat qilmog’imiz darkor. Zero kuch adolatda va birlikdadir.

UYAJ

Assalomu alaykum.
Quyidagi vatandoshlarimizni biladiganlar yoki o’zlari bizga xabar beraolasizmi?
Yashaydigan joylari masalasida maslahatli gap bor edi.

Manzil : Tokyo Nerima
Ism:
Davlatov Azizjon Bahriddin ugli
Poziljonov Ravshanbek Azamjon ugli

Yaponiyada ovqat tashish xizmati (Demakekan, Uber, Menu va h.k)da ishlayotgan vatandoshlarimiz diqqatiga.

Batareya bilan harakatlanadigan velosipedlar ishitirokida ko'p sonli avto halokatlar sodir bo'lganligi sababli Yaponiya yo'l harakatini nazorat qilish organlari qonuniy chora ko'rishmoqda. Endilikda siz Batareyalik Velosiped haydasangiz sizdan haydovchilik guvohnomasi talab qilinadi. Yo'l harakati qoidasiga rioya qilmasangiz 500,000 yena miqdorda jarima, yomon holatlarda ozodlikdan mahrum qilish choralari ham ko'rilishi mumkin.

Barcha vatandoshlarimizdan ogoh bo'lishni, batareyali velosipedlarni haydovchilik guvohnomasi bo'lmasa haydamaslikni so'raymiz.

Hurmat bilan,
UYAJ