#qutlov

**15-fevral – yosh shoir Diyor Rahmon tavallud topgan kun!

Qaytar joyim**

Koinot ishqida koyitma jonni,
O‘zga sayyorada o‘zga hukmron.
Ona yer, vatanga sobit insonni,
Sadoqati uchun derlar qahramon.

Qizg‘aldoq qizargan qishloq – ona yer,
Men uchun shahar ham o‘zga koinot.
Qirda qo‘zi boqib qoplamadi ter,
Kosmosga ketmoqqa egarladim ot.

Qalamga tirmashgan nozik qo‘limga,
Tegmadi otamning cho‘pontayog‘i.
She‘rlarim mash’ala bo‘lib yo‘limga,
Toleyim yoritdi adab chirog‘i.

Yurdim koinotda tentirab-daydib,
Bildim: qaytar joyim yana tuproqdir.
Ko‘rdim minbarlarda ash’orlar aytib,
Qaytanga qo‘y boqsam foydam ko‘proqdir.

Koinoti qolsin fazogirlarga,
Ularda bor ekan qayrilmas qanot.
Choponimni kiyib ketay qirlarga,
Menga hamroh bo‘lsin qanoti yo‘q ot.

@yoshlikjurnali
yoshlikjurnali.uz

Sevinch Shaydo ✍
Sevinch Shaydo 🎙

✍Sevinch Shaydo
🎙 Nurbobo Siddikov

Ijodkor boʻlsang aslo zerikmaysan!
Sovgʻaga yasadim gulga oʻxshabdimi 😁

Kelin chaqiriqda