🎵 Oqila Kenjayeva & Umidshoh -

Yomg'ir☔️☔️❤️❤️

Muallif: ✍ Sobitjon Eshtemirov

https://t.me/+LbmILMfD6bM5YWEy

🎧 Ishonmay quydim.

✍ Sobitjon Eshtemirov.

🎤🎼 Shahzod Ismatov. 🎸

✨ 𝐓𝐞𝐥𝐞𝐠𝐫𝐚𝐦 | Sobitjon Eshtemirov. Qushiq bob she'rlari.

Aka-uka duet.
#aka
Buydoq yurib boshing aylandi,
Kamlaring hech to‘lmaydi uka.
Sen tengilar bari uylandi,
Uylanmasang bo‘lmaydi uka.

Sen ho‘p desang boshlamiz tuyni,
Tuyga tayyor qilganmiz uyni.
Onam bitta qiz topib quydi,
Uylanmasang bo‘lmaydi uka.

#uka
Uylanish bu kuchadan kechib,
Ipsiz uyga boylanish aka.
Erkin qushman yuribman uchib,
Qochib ketmas uylanish aka.

Bitta ishni qo‘lga olayin,
Do‘st-yor bilan yurib qolayin,
Buydoq davrim surib qolayin,
Qochib ketmas uylanish aka.

#aka
Nima yetsin qo‘shiqqa kuyga.
Buydoqlarni yetkazsin tuyga.
Kelmay quyding kuchadan uyga.
Uylanmasang bo‘lmaydi uka.

#uka
Nima yetsin sevib sevgali.
Yuragim jiz etmadi hali.
Uylanishning keladi gali.
Qochib ketmas uylanish aka.

#aka
Umr o‘tar o‘yin bilmagin.
So‘zlarimni bir zum tinglagin.
Bo‘ldi yetar o‘yin qilmagin.
Uylanmasang bo‘lmaydi uka.

#uka
Sizlar topgan qizga roziman.
Axir onam yo‘g‘-u boriman.
Bo‘lsam bo‘lay ul qiz yoriman.
Uylanaman hop mayli aka.

✍ Sobitjon Eshtemirov.

✍ Sobitjon Eshtemirov.

🎤🎸Shaxzod Ismatov.

🎧 So‘z demadim 😔😔😔

Qolib ketarman.

Ket deysan bilsayding baxtingni ammo,
Ketsam o‘zim bilan olib ketarman.
Chunki men kuydirgi bittaman tanho,
Yuragingda mangu qolib ketarman.

Baxt nedir bilmaysan kulmas yuzlaring.
Ma‘nosin yo‘qotar aytar so‘zlaring.
Mendan o‘zgasini ko‘rmas ko‘zlaring.
Ko‘zlaringda mangu qolib ketarman.

Bir meni sog‘inib ezilar diling.
Men haqimda so‘rab, keladi bilging.
Ismimni takrorlar bexosdan tiling.
So‘zlaringda mangu qolib ketarman

Afsus, armonlarga bo‘lasan nishon.
Unda kech bo‘lgaydir eng so‘ngi pushmon.
Ismimni o‘g‘linga quyarsan ishon.
Xotirangda mangu qolib ketarman.

Ming bor afsuslarda bo‘zlaysan ammo,
Pichirlab kechir deb so‘zlaysan ammo,
Bugungi kuningdan izlaysan ammo,
O‘tgan kunda mangu qolib ketarman.

Sen mag‘lub men esa g‘olib ketarman.
Sevgim o‘zim bilan olib ketarman.
Eng baxtli o‘shalmas armoning bo‘lib,
Hayotingda mangu qolib ketarman.

✍ Sobitjon Eshtemirov. 02.11.2023.

Sen olovga o‘xshaysan,
Yaqin borsam kuyaman.
Yuragimda yashaysan,
Alloh uchun sevaman.

Jon oladi ko‘zlaring,
Boqsam cho‘kib ketaman.
Oydan guzal yuzlaring,
O‘zgasini netaman.

Sen olovga o‘xshaysan,
Seni o‘shlab bo‘lmaydi.
Kuydirasan kuymaysan,
Tafting qaynoq sunmaydi.

Eritasan muzlarni,
Dilda g‘ashlik qolmaydi.
Sendan boshqa qizlarni,
Yurak seva olmaydi.

Sen bittasan, guzalsan,
Oshiqlaring parvona.
Balki kuysan, g‘azalsan,
Ishqingda men devona.

Bir chiroyli kulasan,
Boli bordir so‘zingni.
Qachon yorim bo‘lasan,
Sevamanda o‘zingni.

✍ Sobitjon Eshtemirov. 2024.

Sinib ketasan.

Pul topib osmonga cho‘zilib ketma,
Bir shovqin solib so‘ng tinib ketasan.
Maslahatim yerdan o‘zilib ketma,
Karillama jo‘ra sinib ketasan.

Ko‘r bo‘lib qolmasin kibrdan ko‘zing.
Qo‘log‘ing eshitsin so‘zlagan so‘zing.
Joyingda sakrama bosib ol o‘zing.
Karillama jo‘ra sinib ketasan.

Bilganingni qilib kucha kezmasdan.
Sendan kuchsizlarni buncha ezmasdan.
Asli kimligingni sezib sezmasdan.
Karillama jo‘ra sinib ketasan.

Har kuni yoningda parvona qizlar.
Ayyorlar oshing yeb maqtashar sizlar.
Avvaldan do‘st edik sen bilan bizlar,
Karillama jo‘ra sinib ketasan.

Ichib, chakib olib segaret, aroq.
Kungling xush aylaysan kayfingni taroq.
Erta ne bo‘lishin bilmaysan biroq,
Karillama jo‘ra sinib ketasan.

Osmonda yurganding tushibdi ruhing.
Salgina ko‘payib g‘amu anduhing.
Vagon edi kecha eslasang duxing.
Karillama jo‘ra sinib ketasan.

Fikr qil o‘zingni olmasdan rosa.
Nafsing bilan oldin qilgin murosa.
Ko‘rgan, kechirganing bo‘lsin xulosa,
Karillama jo‘ra sinib ketasan.

Pul topib osmonga cho‘zilib ketma,
Bir shovqin solib so‘ng tinib ketasan.
Maslahatim yerdan o‘zilib ketma,
Karillama jo‘ra sinib ketasan.

✍ Sobitjon Eshtemirov.14.08.2024.

Bolasining qiziqishini shakllantirmay o‘zi bilganday bir qolipda tarbiya qilaman degan ota-onalarga.......

O‘g‘lim deng, qizim deng, erkalang suying.
Mehr bering ko‘proq mehrga tuying.
Lek unitmang shuni ota-onalar.
Bolani sindirmang o‘sishga quying.

Siz unga o‘rnaksiz tarbiya bering.
Naqqoshsiz mehrdan naqshlar tering.
Siz ham bola bo‘ling qalbiga kiring.
Bolani sindirmang o'sishga quying.

Demang aslo o'quvsiz, nunoqsan deya.
Kimga o‘xshab qolding bundoqsan deya.
Qurqib qolar bola tanbehlar yeya.
Bolani sindirmang o'sishga quying.

Imkon bering unga yo‘lini oching.
Zulmat bo‘lsa yo‘li nuringiz soching.
Cheklamang orzusin yo‘lidan qoching.
Bolani sindirmang o'sishga quying.

Tanbeh bering mayli me'yorda bo‘lsin.
Xatolarin bilsin shu joyda yulsin.
Ota-onasidan bu kungli to‘lsin.
Bolani sindirmang o'sishga quying.

Hali hayot oldinda zo‘r bo‘lib ketar.
Sizni dunyodagi eng baxtli etar.
Urishmang kamsitib, bo‘ldi bas yetar.
Bolani sindirmang o'sishga quying.

Majbur qilmang uni, qilgin deb shuni.
Boshqa narsa qilsa urishmang uni.
Mashhur bo‘lar balkim, nasib bir kuni.
Bolani sindirmang o'sishga quying.

Aytganez qildirmang, bilsa bilmasa.
Yerga urmang uni bilmay qilmasa.
Mayli yordam berish qo‘ldan kelmasa.
Bolani sindirmang o'sishga quying.

✍Sobitjon Eshtemirov. 18.02 2022.

Hilolam

Men g‘arib holini o‘ylab kurmagan,
Tor erur ko‘zimga bilsang bu olam.
Sevib sevgisiga sodiq turmagan,
Sevgim uvol bo‘ldi senga Hilolam.

Ayriliqni boshlab ketgan Hilolam.
Yuragimni g‘ashlab ketgan Hilolam.
Hay-hay o‘lan yor-yor aytildi bugun,
Armon bo‘ldi mangu menga Hilolam.

Qalam qoshin qiyiq qilib terdilar.
Boyni topib boyga qizin berdilar.
Pul topilar qo‘lning kiri derdilar.
Sotishdilar seni boyga Hilolam.

Muhabbatim sochimdagi qormidi.
Sig‘madimmi ayt yuraging tormidi.
Uzun soching buynimdagi dormidi.
Sevgim uvol bo‘ldi senga Hilolam.

Sevib o‘zing sevgimizdan or qilib.
Ko‘zlarimga dunyolarni tor qilib.
O‘zgaga yor meni g‘amga yor qilib.
Tashlab ketgan bevafoyim, Hilolam.

✍ Sobitjon Eshtemirov.01.02.2024.

Qo‘rqaman ona.

Qolib ketibman men yolg‘iz bir o‘zim,
Yomon to‘sh ko‘ribman qorong‘u xona.
Meni tashlab ketmang shu bitta so‘zim,
Sizni yo‘qotishdan qo‘rqaman ona.

Xabardor bo‘lasiz sovimas oshim.
O‘ksinib to‘kilmas ko‘zimdan yoshim.
Siz borsiz qaddim g‘oz egilmas boshim,
Sizni yo‘qotishdan qo‘rqaman ona.

Duoguy sarbonim, yo‘l boshlar, izsiz.
Qo‘rqmayman yov kelsa qalqonim sizsiz.
Kunglingiz ne istar bajaray so‘zsiz,
Sizni yo‘qotishdan qo‘rqaman ona.

Qora sochingizga oralabdi oq.
Kulib turasiz lek kunglingiz qiroq.
Shayton fitnasidan qo‘rqmayman biroq,
Sizni yo‘qotishdan qo‘rqaman ona.

Tuy qilsam boshida o‘zingiz turing.
O‘ynab kulib dildan, davringiz suring.
Nevara, chevara, evara ko‘ring,
Sizni yo‘qotishdan qo‘rqaman ona.

Siz borsiz hayotda, kamlarim yo‘qdir.
Baxtliman, armonli, damlarim yo‘qdir.
Ertangi kunimdan bu kungil to‘qdir,
Sizni yo‘qotishdan qo‘rqaman ona.

Sizdek mehribon yo‘q yorug‘ dunyoda.
Siz borsiz shohdirman, sizsiz piyoda.
Alloh umringizni qilsin ziyoda,
Sizni yo‘qotishdan qo‘rqaman ona.

✍ Sobitjon Eshtemirov. 08.08.2024.