اول 5 ينضمو ليهم كرت 50$ 💸

👤꒐الفائز : (أيات الدَّنُونِي)
🧟‍♀️꒐حظ اوفر (المشفشف.@M3MED03)

.

👤꒐الفائز : (𝓗𝓪𝓭𝓮𝓵)
🧟‍♀️꒐حظ اوفر (المشفشف.@M3MED03)

.

يا ناس قناتي الغاليين، مسك الختام ما تحلى إلا بيكم، ووجودكم هو أحلى حاجة في حياتي. والله فرحتوني بدعمكم وكلامكم الحلو، وإن شاء الله نبقى ديما مع بعض على الخير والمحبة. ربي يحفظكم واحد واحد، وربي يقدرني دايماً نفرحكم. ❤️

لا تْسَامِر الرِّيح وتْوَانِس روحك بِالوَهْم، اللِّي مَشَى خَلَّى خَاطْرَه ومَشَى، واللِّي باع مَا يِرْجَع يِشْرِي، لَا تِعْوَّل عَلَى حَد، وَلَا تِقَعْد تْسَنَّى فِي اللِّي مَشَى، الطَّرِيق قدَّامك وَاسِع، والخُطْوَة لُك، أُوضْرُب بِالقَدَّام، ولَا تْلِتْفِت وَلَا تْرَاجِع، اللِّي يُحِبَّك بَاقِي، واللِّي فَات، رَبِّي يُوَفَّقَه فِي دْرُوبَه.

مش لازم تحس روحك ناقص أو إنك مش مناسب لحد. كل حد في هالدنيا عنده قيمته، وأنت قيمتك مش مربوطة برضا الناس عليك. اللي يبيك ويقدرك، بيحبك كيف ما أنت، مش كيف ما هو يبي. ما تخليش حد يهزك أو يشكك في نفسك. انت راهو إنسان مليح، ومن طيبتك وصدقك تبي ترضي الكل، لكن الحق مش عليك لو حد مش قادر يشوف قيمتك. خلي قلبك نظيف وروحك مرفوعة، والي ما يعرف قيمتك، ما يستاهلكش.

بطلوا نفاق وخلوكم ناس واضحة، الدنيا راهي ما تستاهلش الكذب ولا الدوران. العور عور في عينه، وكان عندك حاجة تقولها، قوله قدام الشخص، ما تجيش تدير روحك طيب قدامه وبعدها تقعد تحكي من وراه. هذا ما هوش أسلوب ولا أخلاق. الناس اللي تخزن على حاجات تافهة، راهو تعبت روحها بيدها. الدنيا فانية، والعمر قصير، وكلنا نعرف إنه حتى أغلى حد في حياتنا كان مات، بعد ثلاثة أيام عزاء الناس تكمل حياتها، وما يذكروه إلا بالخير اللي كان فيه، فحاول تسيب وراك أثر طيب
لا تخلي الحقد والغيرة ياكلوا في قلبك، ولا تعيش حياتك تراقب في غيرك وتدور على عيوبهم. ما فيش إنسان كامل، وكلنا فينا نقص، لكن الفرق إن الشخص الواضح واللي على نيته يرتاح، والشخص اللي يدور في العيوب ويحكي من ورا الناس عمره ما يرتاح ولا يشوف الخير.
وكان صاير بينك وبين حد شيء، واجهه بروحه، قله اللي في قلبك وخلاص، أما تبي تدير فيها مخزن للزعل وتحط عداوة بلا سبب؟ راهو تعب عالفاضي. الدنيا توا مليانة ضيق وهم، لا تزيدها بكلام من ورا الناس ولا تخسر ناس على حاجات ما تسوى. خليك واضح، خليك نظيف القلب، وخلي سيرتك زينة بعد ما تمشي.

جمعتكم مباركه

وما بين حب وحب أحبك انتِ انتِ بداية روحي ‏وأنتِ مسك الختام♡

يا خساره الأيام اللي تمر وحده ورا التانيه، وكل وحده أكحل من اللي قبلها، كأنها صيف داقّ علينا بابه، وماشي ما يبوش يروح! مرات تحس روحك محبوس، محاصر، وكل شيء حواليك سواد في سواد، لا حد يواسيك ولا حد فاهمك. يا ريت نعرف كيف حتنتهي هالحكاية، ومتى بتشرق شمس علينا من جديد، لكن الحقيقة الوحيده إننا قاعدين نصبروا، وربي عالم باللي في قلوبنا.