МУҲТОЖЛАРНИ КИЙДИРГАН КИШИГА АЛЛОҲ ҚАНДАЙ МУКОФОТ БЕРАДИ?

Ибн Аббос розияллоҳу анҳу шундай ривоят қилади: Ёнимга бир тиланчи келиб савол берди:
- Аллоҳдан бошқа илоҳ йўқлигига ва Муҳаммад соллаллоҳу алайҳи васаллам Унинг элчиси эканлигига гувоҳлик берасанми?
- Ҳа! - дедим.
- Рўза тутасанми?
- Ҳа!
Шундан кейин Ибн Аббос: "Сен сўрадинг. Сўраганнинг бир ҳаққи бордир. Бизнинг ҳам сўраганга бериш зиммамиздаги вазифадир", дейди ва унга бир либос ҳадя қилади. Сўнг шундай қўшимча қилади: "Расулуллоҳ соллаллоҳу алайҳи васалламнинг шундай деганларини эшитган эдим: "Бир мусулмонга либос кийдирган ҳар бир мусулмон, албатта, Аллоҳнинг паноҳидадир. То у кийдирганидан бир бўлак мато ҳам унинг эгнида бўлгунга қадар" (Термизий ривояти).
@QuronTvuz

​​ 🕋🌸АССАЛОМУ
АЛАЙКУМ
ВА РАҲМАТУЛЛОХИ ВА
БАРОКАТУХ!🍀🕌
📿ЖУМА АЙЁМИ
МУБОРАК БЎЛСИН!🌙

🤲🏻 Аллоҳим, Тонгимизни ғамлардан холи қил...!🌺
Илм билан бизни беҳожат этгин...
Хилм билан безатгин...
Тақво билан мукаррам
айла...
🍀
Аллоҳим...!
Илоҳий иймон бердинг, уни бардавом айла.🌷
Эҳсон бердинг, қоим айла.
Бизни ва яқинларимизни
Жаннату жамолингга мушарраф айла...!🤲🏻

@QuronTvuz

✨Расулуллоҳ соллаллоҳу алайҳи васаллам: “Агар Аллоҳ бир бандасини яхши кўриб қолса, худди сизлар касалларингизни сувдан асраганингиз каби уни дунёдан асрайди”, дедилар.

Имом Термизий ривояти.

✅ДЎСТЛАРИНГИЗГА ҲАМ УЛАШИНГ!!!
@QuronTvuz

Барча ишларда истихора қилиш
«Истихора» луғатда «яхшилик сўраш» деган маънони англатади. Истилоҳда эса мусулмон кишининг бирор ишни қилмоқчи бўлиб, у тўғрида иккиланиб қолган пайтда икки ракъат намоз ўқиши ва ортидан Расулуллоҳ соллаллоҳу алайҳи васаллам таълим берган дуони уқиши истихора дейилади.

Истихорадан асосий мақсад, қилмоқчи бўлаётган ишида ишида яхшилик сўраш ва Аллоҳга таваккул қилиш бўлгани учун ҳар қандай ишда истихора қилинади. Мўмин кишининг ҳар бир ишида истихора қилиши, яъни Аллоҳ таолодан яхшилик сўраши Расулуллоҳ соллаллоҳу алайҳи васаллам таълим берган одоб ҳисобланади. Бу ҳақда ҳадиси шарифда шундай дейилган:
Жобир розияллоҳу анҳудан ривоят қилинади: «Расулуллоҳ соллаллоҳу алайҳи васаллам бизларга барча ишларда истихора қилишни Қуръондан бир сура ўргатгандек ўргатар эдилар...» (Бухорий ривоят қилган).

Расулуллоҳ соллаллоҳу алайҳи васалламнинг барча ишларда истихора қилишни Қуръондан бир сура ўргатгандек ўргатишлари мусулмон киши учун бу иш ниҳоятда аҳамиятли эканини билдиради.

Аммо шариатда буюрилган ёки яхши саналган ишлар учун, шунингдек, шариатда ҳаром қилинган ёки қилмаслик тавсия этилган ишлар учун истихора қилиш мумкин эмас. Чунки мазкур ишларни қилиш ёки қилмаслик аниқ айтиб қўйилгани учун мўмин киши уларда иккиланиши асло мумкин эмас. Шунинг учун Жобир розияллоҳу анҳунинг «барча ишларда» деган сўзларидан барча мубоҳ ишлар тушунилади.

Ибн Ҳажар Асқалоний раҳматуллоҳи алайҳ «Фатҳул Борий»да қуйидагиларни айтган: «Истихора юқоридагилардан бошқа вожиб ва ихтиёрий мустаҳаб ишлар учун ҳамда амалга ошириш вақти кенг бўлган ишлар учун қилинади. Истихора қилишга бўлган умумий кўрсатма барча катта-кичик ишларни ўз ичига қамраб олади. Чунки гоҳида бир кичик ишдан катта натижалар келиб чиқади». “Ислом одоблари энциклопедияси”дан.
@QuronTvUz ??

Фаришталарда ақл бор нафс йўқ. Ҳайвонларда нафс бор ақл йўқ. Инсонларда эса ҳам ақл, ҳам нафс бор. Агар инсон ақлга эргашса фаришталар мақомига етади. Агар инсон нафсга эргашса ҳайвондан ҳам пастга тушади.

@QuronTvUz ??

Rosululloh sollallohu alayhi vasallamning masjidlarida “Juma azoni”

@QuronTvUz

Умматим асло залолат устида жамланмас

Имом Термизий Ибн Умар розияллоҳу анҳумодан ривоят қиладилар: «Расулуллоҳ соллаллоҳу алайҳи васаллам шундай дедилар: «Аллоҳ таоло умматимни (ёки Муҳаммад соллаллоҳу алайҳи васаллам умматини) залолат устида жамламайди. Аллоҳнинг «яди» (инояти, ҳукми, қудрати) жамоат устидадир. Ким ундан ажралиб чиқса, дўзах томон ажралиб чиққан бўлади».

Изоҳ: Аллоҳ таолога нисбатан бу каби сўзнинг ишлатилиши ақийдага оид масаладир. Саҳиҳ хабарларда зоҳиридан махлуқотларнинг аъзолари, сифатларига ўхшайдиган сўзлар Аллоҳ таолога нисбатан қўлланилган. Бундай оят ва ҳадислар «муташобиҳ» дейилади. Бунга «Аллоҳнинг юриши», «кулиши», «қўли», «кўзи», «оёғи» каби сўзларни мисол қилсак бўлади. Салаф уламолар бу каби сўзларнинг маъноларига киришмай, Аллоҳга ҳавола қилишган бўлса, халаф уламолар замон тақозосига кўра бу каби сўзларни Аллоҳ таолонинг олийлигига мос маънолар билан таъвил қилишган, яъни изоҳлашган. Бироқ иккала замон уламолари ҳам кайфийят, яъни қандай ва қанақа экани борасида «Ақл бовар қилмайди, умуман тасаввур қилинмайди, аниқроғи бундай муташобиҳ оят ва ҳадисларга қандай ва қанақа деган савол умуман қўлланилмайди», дейишган.

“Энг шарафли уммат” китобидан.
@QuronTvUz ??

Бойлик ва фақирликнинг ҳақиқий маъноси

Расулуллоҳ соллаллоҳу алайҳи васаллам Абу Заррга бойлик ва камбағалликнинг ҳақиқий маъноларини баён қилиб бердилар: «Эй Абу Зарр, мол-мулкингнинг кўплигини бойлик деб биласанми?» деб сўрадилар. Абу Зарр: «Ҳа, Эй Аллоҳнинг Расули», деди. Расулуллоҳ соллаллоҳу алайҳи васаллам: «Мол-мулкнинг камлигини камбағаллик деб биласанми?» деб сўрадилар. Абу Зарр: «Ҳа, эй Аллоҳнинг Расули», деди. Расулуллоҳ соллаллоҳу алайҳи васаллам: «Ҳақиқий бойлик – қалб бойлигидир. Ҳақиқий фақирлик – қалб фақирлигидир», дедилар.

@QuronTvUz ??

Аллоҳ таоло яхши кўради...

Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам айтганларки: “Бир киши бошқа бир қишлоқдаги дўстининг зиёратига борди. Аллоҳ таоло унинг йўлига бир фариштани қўйди.
Қачонки у (фариштанинг) ёнига келганида, (фаришта) ундан:
– Қаёққа кетяпсан?, – деб сўради.
– Мана шу қишлоқдаги биродаримни (зиёрат қилишни) хоҳлаяпман, – деди ҳалиги киши.
– Сенинг зиммангда унга қайтаришинг лозим бўлган неъмат бормиди?
– Йўқ, балки мен уни Аллоҳ йўлида яхши кўрганман, – деди ҳалиги киши.
– Мен Аллоҳ таолонинг сенга юборган элчиси бўламан. Сен ўша биродарингни Аллоҳ йўлида яхши кўрганинг каби, дарҳақиқат, Аллоҳ ҳам сени яхши кўрди, – деди фаришта”.

@QuronTvUz ??

«Ҳаётнинг ҳар лаҳзасини сенга берилган неъмат деб бил! Одамларга доимо яхшилик қилган киши ҳар қандай қўрқув ва қайғудан омонда бўлади. Яхшилик ва саховатни касб қилган киши эл ичида азиз ва муҳтарам бўлади. Киши яхшиликни ҳам, ёмонликни ҳам ўзига қилади».
Фаридуддин Аттор

@QuronTvUz ??