SABOQ

Hayotidan yaxshilik izlamaydigan bir qizga otasi saboq berish uchun oshxonaga chorladi. Uch xil idishdagi qaynagan suvga kartoshka, tuxum va qahva donalarini soldi. Yigirma daqiqadan soʻng barini idishga boʻshatib, qiziga yuzlandi:
— Qanday oʻzgarish yuz berdi?
Qiz kartoshka yumshaganini, tuxum qattiqlashganini, qahva esa xushtaʼm sharbatga aylanganini aytdi.
— Lekin bu bilan nima demoqchiligingizni tushunmadim?
— Hayot mashaqqatdan iborat. Mashaqqatlar iskanjasida kartoshkaday ezilib qolasanmi yo qalbing tuxum kabi qattiqlashadimi, yo boʻlmasam,
qahva donachalaridek, gʻamga boʻyin bermay oʻzingni komillashtirib, hayotingga ayricha taʼm hadya etasanmi?
Qiz oʻzining noshukrligidan uyalib qoldi. Shunda ota qizining boshini silab:
— Hayot hikmat izlab yashash uchun berilgan. Unga kulib boqsang, hayot ham senga kulib boqadi, — dedi.

📚 Lech Makdonald

@kitob_xiyoboni

#mulohaza
Xayriyat, uyg‘onmadi!Dunyo. Xuddi toshbaqaga o‘xshaydigan g‘alati va sehrli xilqat... Uxlamoqchi bo‘lsa, kichkintoy qo‘llarini Quyosh chirog‘iga sekin uzatadi va pishillab uxlab qoladi, u bilan bag‘ridagi sakkiz milliard mardum ham uyqu ayiqchasini bag‘riga bosadi. “Azal va abad yo‘li”da dunyo onaga o‘xshatiladi... Ha, dunyo – ona... Dunyo deganda, ko‘zlarim o‘ngida cheksizlik qa‘rida “sarson gizgizlagan”, sabr ila mushtipar nigohini Allohning rahmatiga tikkancha, og‘irlashib borayotgan dardlari – bolalarini zo‘rg‘a ko‘tarib, jim yashaydigan, goho o‘ziga o‘zi o‘ranib kapalakday ma’sum uxlaydigan, yum-yumaloq Yer sharimizni aytyapman.

?davomi...

@yoshlikjurnali