حسيًن مني وانا من حسين

كالها الباري بعضمته
حسين منه وبلحمته
مايصير انسان ثاني
بس ابواليمه وعترته

يالله كل حنه ننادي
وي رسول الله الهادي
حسيًن مني وانا من حسين
==============================
عن رسول الله اسمع
يامحب بدم توقع
غير ابو السجاد ماكو
بالقيامه هوه يشفع

حسين اسمه صلاح نفسي
هو امامي وهوه انسي
حسيًن مني وانا من حسين
=============================
انته تعرف شنهو مني
يعني اسمه وهو رسمي
العطشا وعطش عياله
هاذ طيح مني دمي

البغض إل الله ناصب
فوك عرش الله كاتب
حسيًن مني وانا من حسين
==============================
مختصر كلش احبه
يعيش كلمن مشه دربه
حسين رفعه ومنهج الدين
سلمه كلبك تلكه كلبه

كل حرف بسمه عشگ
كلبي بسمه ضل يدگ
حسيًن مني وانا من حسين

خادم القصيده
ابو معصومه اللامي

هوسات مولد مولاي قمر بني هاشم صلوات الله عليه

ياحرمه الذي جابت مثلك يبو نوماس
بس ام البنين الخلفت عباس
وي كل إلزلم معدوده ما ينقاس

بس البدويه عباس
جابت خوشيه عباس
وصارت علويه عباس
ما جابن مثلك ياغيره

ابو فاضل يوم عاشر كسر اركب زلم
وياشهم يوكف كباله والشرد هاذ شهم
احلمو يشردون همه وطب عليهم بالحلم

الشارد من سيفه عباس
يأخذ بي حيفه عباس
الطف صار بكيفه عباس
ركضهم خيل وخياله

انتخت جيمانها والذات بالحيود
يوم الطب عليها مالثم الصايود
كال الماي حصت لو تطيح زنود

صياد الحومه عباس
يامحله رسومه عباس
يومه وحل يومه عباس
ذب الثامه والكون انسد

فحطت كربله من طبها ابو فاضل
وزينب حشمت ياهلا بالكافل
النهر ولعل نهر بالجربه شايل

شاله من جروفه عباس
حط بيهم خوفه عباس
الشارد ميعوفه عباس
طبهم مختاض ابرشاته

الحب هوه الحقيقي والادب معروف
مو حب ابطمع وبالعركه طك سيوف
الحب والطاعه عنده الزينب انطه جفوف

حب ونطه عيونه عباس
بيهم خيعونه عباس
الغيره يسمونه عباس
انطه عيونه ما يغلن دوم

خادم القصيده
ابو معصومه اللامي

ياكلبي هاذ الحسين ابعضمته
يا كلبي اتحضر اجت امصيبته
يا كلبي عيش بالم وي خيمته

تحضر يكلبي وزيد ابونينك
وطلب مدد من خيمت حنينك
كل تجاه يدور دمعتك
وهملها عينك وابجي الحسينك

ابجي ابجي للخيام يا كلبي
والحكهم ولا تنام ياكلبي
عاود اتصد سهام ياكلبي
حسين ياسيدي
حسين خذ بيدي
@@@@@@@@@@@@@@@@@@
ياكلبي الحك تره تضيع ابوهم
ياكلبي ودنيها روحك يم الخيم
يا كلبي بأجر يريدك تصد السهم

دنيها روحك ولحك عذاب
كل خطوه يمشي ضعنه مصاب
حمل ضعنهم جايب عفاف
بأجر يكلبي يحرموو شراب

كلشي كلشي نمنع ياكلبي
ابجي ولا تبخل ابدمع ياكلبي
غير ابحياتك الوضع ياكلبي
حسين ياسيدي
حسين خذ بيدي
@@@@@@@@@@@@@@@@@@

يكلبي عاود تحب امصيبتك
يا كلبي ماكو اليفيدك بس غربتك
يا كلبي رفها ابحزنهم رايتك

عطشها روحك وبجي نهر
وتلكه ضعنه ماي البصر
انعه الخيامه وغربة رقيه
ياهضمه ويلي بذاك الضهر

الحك الحك الضعن ياكلبي
وبچي طول الزمن ياكلبي
وغربها روحك للمشن ياكلبي
حسين ياسيدي
حسين خذ بيدي
@@@@@@@@@@@@@@@@@
ياكلبي تعلم صدك بس اهل صدك
ياكلبي افهم وضعهم لمن تدك
يا كلبي بس الحسين ليسوه عشگ

ضف ختيارك وعطش حنان
ماكو امان إلى الحب امان
ماكو اليسوه يجازي عشرتك
بس الحسين بهاذ الزمان

اترك اترك عالم وهم ياكلبي
حب الخيم وهل الخيم ياكلبي
خل يكفلك راعي العلم ياكلبي
حسين ياسيدي
حسين خذ بيدي

خادم القصيده
ابو معصومه اللامي

ياشهم يلمالك أحد
صبرك ونورك توحد
ياعلي يالعالي كلهن
بيك هايم الله يشهد

علي علي ...حب من الطفوله
علي علي ...احتار من كوله
علي علي ..يمحير العوالم
علي علي ..قانون الرجوله

ابو الحسن ...تفسيري وذاتي ..مالك حياتي ..وكل امنيتي
مولانا علي علي
ابو الحسن ..أعجز لو اوصفه ..بحنيته وعطفه
التاريخ اجتفه ..
مولانا علي علي
@@@@@@@@@@@@@@@@@@
بكل زمن شامخ حيدر
الحبك والاك يطهر
ماتجيس النار جلده
ع سراط تفوته تكدر

علي علي ..مواليك وافتخر
علي علي ..مالكني من زغر
علي علي ..يا حب فاطمه
علي علي ..يلزمني بالحشر

ابو الحسن ..قتال العرب ..حقنه من نحب ..حلال الصعب
مولانا علي علي
ابو الحسن ..خليني أشد ..القنبر عبد ..أهيم وانسعد
مولانا علي علي
@@@@@@@@@@@@@@@@@@
اسمك السوالي غيره
بيه حب كربله ديره
املي بهايه حياتي
نفس ميثم هذا مصيره

علي علي ..شرعي وديني
علي علي ..ناذرله سنيني
علي علي ..حبه رجوله
علي علي ...روحي وحنيني

ابو الحسن ..ذكره عباده ..اسمه من الوالده ..بلساني عاده
مولانا علي علي
ابو الحسن ..رادوني عوفه..بس هوه شوفه ..مدالي چفوفه
مولانا علي علي
@@@@@@@@@@@@@@@@@@

يامير الحب املنه
بلوالايه الله شملنه
ينسعد كلبه اليحبك
بياعلي نرفع علمنه

علي علي ..انته كل حياتي
علي علي ..تحضرني مماتي
علي علي ...دخيلك انا مولاي
علي علي .. شيعي بكل صفاتي

ابو الحسن ..من صياري هويته..وبروحي شتريته
بشده انتخيته
مولانا علي علي
ابو الحسن ..بكبري واندبه..حيدر احبه ..ما عوفه دربه
مولانا علي علي

خادم القصيده
ابو معصومه اللامي

عالم حياة عالم الزجيه
شفنه رفات بمجلس عزيه
رقه وحنان دمعه وبكاء
كهف الضياع للماعنده نيه

بعالم حنان الفاطميه التقينه بسم الزهراء
صنعتنه دمعه ولطمه حزينه بسم الزهراء
على الذبيح ابحركه بجينه بسم الزهراء

يقونت الحب الهاشمي... بنت النبي سوتلي حال
جامعنه كهف الفاطمي ..والعلوي ..اصل الوصال

فاطمه منها العطاء
فاطمه اصل البكاء
فاطمه رب العزاء
==============================
تشري دمع وتنطينه غيره
عل ضل غريب بلايه عشيره
بيها الهدايه نخلقت محنه
نبجي سوه وشكد جبيره

نخلقت هدايه ورزقتنه جمره بسم الزهراء
ناموس العصمه وحجت العتره بسم الزهراء
جف العباس المانشف نهره بسم الزهراء

كلشي بسمها ينعكد ...اوينسعد ...كل خادم خدمها
واجب عطاها ينحمد ..ينولد ...بشكر باسمها

فاطمه نور لله
فاطمه حب وعناء
فاطمه رب العزاء
==============================
تحفت الرب ونور الكواكب
ثامن عجيبه السبعه العجايب
سر الله بيها ام الحسن
لاچن يويلي شافت مصايب

تفاحت اهل الجنه وطعمها بسم الزهراء
مخلوقها هاي الدنيه باسمها بسم الزهراء
كسروها ويلي وباكو حلمها ..بسم الزهراء

ام الحسين وام الحسن ..والله زمن ...كاسرها باب
ورده زجيه وتنعصر ..وتنكسر ....بعمر الشباب

فاطمه سر الرجاء
فاطمه هيه الآباء
فاطمه رب العزاء
==============================
رزق الدموع والخدمه منها
توج الجمر المصاب ابنها
انطتنه غير ونطتنه خدمه
ام ودمعنه هوه البنها

اكبر عطاء واكبر فضيله بسم الزهراء
تشارك دمعنه من الخد تشيله بسم الزهراء
بيوم القيامه تجيبه دليله بسم الزهراء

كل خادم الحصل جزائه ..وعتنائه...تلقطه الزجيه
يبقه على حاله وبوفائه ...كل رجائه ..ينال الحميه

فاطمه تريد الوفاء
فاطمه تشيل الدعاء
فاطمه رب العزاء

خادم القصيده
ابو معصومه اللامي

من اخيام الحسين ...طلع زلمه مقاتل
شاب وعمر الورود ..غيره وزود شايل
علي من وجهه ينشاف..وبضهره ابو فاضل

ابن الحسن ..كله حسن...من المضايف صار
ابن الحسن ..بي الزمن ..ضل صافن ومحتار

شمُر شعره عله لمتون...دخيل القاسم
شاب وهيبه مزيون ....دخيل القاسم
الحسن وداله ماعون ...دخيل القاسم

دخيل دخيل ابن الحسن
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
ابن اكرم الساده ...معزب ما يرد ضيف
معروف الكرم زاد ...وهوه معزب بسيف
الذالك بالطف تشوف ...لهلا من نزل وخفيف

شاب وشجاع ..بكلهن يطاع...تسجدله حومه وناس
شاب وشجاع ..سواها كاع....يشبها عمه العباس

لگد مهرته ويصيد ...دخيل القاسم
شجاع عله إلزلم حيد...دخيل القاسم
نزل يكضيهم يريد ...دخيل القاسم

دخيل دخيل ابن الحسن
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

هلا ابناموس الخيام ...هلا يبن الاكارم
لهلا تنكال للضيف ...اليوم الهلا القاسم
نده سيفه من الكراب ..ونزل مغضب وعازم

غيره وشهم ..جتمعن بسم ..جاسم شمعت الطف.
غير وشهم ..زود وعزم ...أفدي روحي يهتف

هلا ياقمر رمله ..دخيل القاسم
جميل وشهم كله ...دخيل القاسم
تناير علم وصله..دخيل القاسم

دخيل دخيل ابن الحسن
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
لكد مهارته ويصيح... إنه ابن العزب الطير
عندي الطف مضايف....واذبح روسكم خير
إنه تربات الدلال ...وموكد راسي صاير

قمر الخيام...شد الثام ..بيمينه حنه وسيف
قمر الخيام ..هيبه وسام ..فارس شهم وخفيف

كل مايعطش يفوح ...دخيل القاسم
شاب ومهرته يلوح ...دخيل القاسم
خله العسكر ينوح ...دخيل القاسم

دخيل دخيل ابن الحسن

خادم القصيده
ابو معصومه اللامي

شسوالف والدموع بلل حجينه
نتعب بلمشي بس ما حجينه
امرنه بيد ناس وناس غربه
نسكت والسياط اتحاجي بينه

مشينه بدرب مابي واحد النه
غربه اجناب ما بيهم محنه
جدمنه محرك ونعثر ابكل اه
وتخنك بجيت البسكوت ونه

نوكف مستحه لو نعثر انكوم
وحادي حبالنه يشتمنه ويلوم
تعبنه من العطش والمشي وضيم
ماضل حيل كل الحيل مهدوم

يجينه اليل يسترنه من العيون
نلتم لمه وحده علا يشوفون
نبجي مباوگ ومايطلع صوت
نعصر بالعيون وما يسمعون

تسايرنه العيون الفوگ الرماح
ويهتز الرمح لو طفل بي طاح
الحيره العطش يشربونه بسياط
شنسـوي وامـرنه بـيد ذبــاح

اذا طبينه ديره ندنك انخاف
ندنك ما نشيل الرأس ننشاف
حتى الباوعنه يكول غربه
زحمه يصيح ذوله بيت الاشرف

خادم القصيده
ابو معصومه اللامي

بسم المرجله نبدي ...ونكحل اعيون مجلسنه
عين الزهره ابو ريشات...دخيله بعينه يحرسنه
قانون الادب والحب ...معلمنه ومدرسنه

ابن ذاك القلعة خيبر
بذكره اليوم نتعطر
واكف والزمن يفتر ..ابو فاضل
بسمه الكتب محتاره
شهم من اول اصياره
حيدر عاف فقاره ...ابو فاضل

ياساس ..نبراس ..بسمك كل صعب ينحل
كافل ..شايل ...غيره وزود من تكفل
عربي ...بدوي ...بكلهن سيدي أماصل
يا بالفضل ايا مولاي

==============================
اخو العلويه من يهل ...الكمر يستحي من عيونه
بزغره ماي ما شارب ...ذكر زينب يشربونه
تطخ بلغيم ريشاته ...ونهر يجير عله متونه

يعله وما نزل صيته
شيخ ونكث خاجيته
عرگ والكرم تربيته ...ابو فاضل
حسين يصبح اعيونه
صباح الكافل الشلونه
احله من الورد لونه ...ابو فاضل

يانور...المستور...تعمه عيون اليشوف
ايه ...رأيه ...تساون بالطف ابخوف
انطه ..شرطه ..ينطي زينب اجفوف
يا بالفضل يا مولاي

==============================
نهر صيته عله لمن ..الكافل داسه بجدامه
جذب لو كالو اتروه ... الساقي همه بيتامه
يعطش الكون لويغضب...ساعة صفر بالثامه

من كصته نهر يجري
مو عطشان لا نهري
حسين يكله يا ضهري ...ابو فاضل
كل صعبه وتريد الحل
دعاء ابصحنك أتوسل
ارجع منك امبلل...ابو فاضل

يا ماي ..وفاي ..اخو نعم الخو انته
الحسين ...والعين ..موقف وفه وصلته
تكضي...تنطي .. الحاجه لليجي سكته
يا بالفضل يا مولاي
==============================
اخشع من يمر طرواه...وسجد عبد يم بابه
محه التاريخ ضل ثابت..يشهد كلمن اصوابه
ماكو المنه رد سالم ..كلمن رجع النسابه

عفيه جابته وطلكت
بي غيره علك شدت
بحليبه الوفه انحلت ...ابو فاضل
يدر حسين وعيونه
كمر هيبه يهابونه
محله رأيه بمتونه ...ابو فاضل

عباس ...نوماس ...اسمه مخوف القاده
ياشيخ ..وتاريخ ..عم وسيد الساده
يسطر ..يخزر ...يموت البيهم اتماده

خادم القصيد
ابو معصومه اللامي

كلشي مات بكلب زينب كلشي مات
كلشي مات
كلب ما شاف الفرح بس نايبات
كلشي مات
كلب شاف الضيم ما شاف الحيات
كلشي مات
التمن ابذاك الكلب كل معولات
كلشي مات

مات كلشي وماتن احلام السنين
ودمع يحرك جفنها وتعمه عين
مثل كلب زينب ابد ما شاف راحه
يعيش بيه خيول تسحك بالحسين

كلشي مات منهد جلمت رايحات
كلشي مات رحنه عنه مطوكات
@@@@@@@@@@@@@@@@@@

حيل صعبه يعيش وي ناس غربه
حيل صعبه
بنادم إبلا هله يموت كلبه
حيل صعبه
وعل بواجي يصير دربه
حيل صعبه
يطيح من كثر المصيبه يشيله ربه
حيل صعبه

صعبه من ابنادم يموت ابغرب
لا هله لا خوانه عينه عله درب
يموت سكته وماكو تشيع وبواجي
المحترم بخيام من يموت محروك الكلب

حل صعبه يموت يم ناس التسلبه
حيل صعبه ينتهي بديره تطلبه
@@@@@@@@@@@@@@@@@@

بحسره موته الكلب لو ما يمه خوته
بحسره موته
تكسر الخاطر دمعته ونخوته
بحسره موته
شال كل ذيج المصايب يابلوته
بحسره موته
وتالي بالشام السباها سكوته
بحسره موته

بحسره يكضي أيامه يتجارع صبر
يموت كلشي بكلبه من ضيم اليسر
يعيش مذبوح بمدينه تطلبه ثار
يموت بالوحده ويغربه يا عمر

بحسره موته كاعد يتاني سلوته
بحسره موته الضهر مايلكه تجوته
@@@@@@@@@@@@@@@@@@

زينب اني ودهري كبل خيامي جواني
زينب اني
فراگ اخوتي الهاضمني وعماني
زينب اني
بعد شكثر من مصاب الشيباني
زينب اني
ابديره تكرها طاري اسمي رماني
زينب اني

زينب اني لو ردت تسال يسائل
بت امير وبت نبي تصعد هزايل
اهلي أصحاب الكساء ومتوني زركه.
جان ضهري زود خوتي وهسه مايل

زينب اني فراك اخوتي العذباني
زينب اني الزمن بالغربه سباني

خادم القصيده
ابو معصومه اللامي