التناقض والمواقف تختلف مرات
على شفاف العجوز تفشل الحمرة

رجعتني للشعور الچنت
ما أتمنى اعيده
حسستني مالي داعي
من جوابك كلمة صار
وانا كاتبَلك جريدة

گلب لا يقنع ولاتگدر تغيره
طفل متوفيه امه وگالو مسيره
وحده بوحده ارد مثل الله بالخير
بس يعرضلي مثل الوادم الخيره
اطلعة من القفص ..
مو حتى اسجنة اردود
انا اليشتري العصفور ويطيره .

لو ندري الدمع يرجع بيه الراح
امدلج نهر منا لمچانج..

الفُرصة الثانية بسلاحك يكتلوك
ومن نفس الصحن مرتين تتسمم

بأسم غيري صحتلي
وما زعلت وياك
وتزاعلني اعله كلمة العام حاچيها
گلتلك عمت عيني وكتلي حيل وياك
وانه الهسه اشوفن صورتك بيها

امس روحي اشتهت واحد مزعلها
وحنت والمحنة ما اطيحلها
امس جثة هنود نروح تالي الليل
گبال عيون اهلها تحترگ كلها
امس حطيتهن مرسال يم مرسال
وعاينت الردودك ما استاهلها
مثل حطت صواغ بحمل بنيامين
تتهملي بعمايل ماني عاملها
اني روحي التواضع وين وصلها
طير امشي على جدمي وناسي عندي جناح
بكثر ما عاشرت وادم نزلتلها
لشدك بين مهرة ومهرة گلبي اليوم
ومهرة اجلدها يمنة ومهرة اشملها

شهالصدمة الجبيرة الماگدرناها
نفز نلگاك ميت ماحسبناها الوسفة
ويا حسافة وجلمة الياحيف
اليوم عليك بينت صدگ معناها

سيد الجنوب عاش مقاومًا ومات شهيدًا
1960-2024

التحق شهيداً شامخاً بجده الشهيد
رحمك الله ابا هادي
الملتقى عند الحسين