So‘zlar qaytdi, buzildi qasam,
Tiklagani yaray olmaysan.
Qaytib ming bor ro‘baro‘ kelsam,
Ko‘zlarimga qaray olmaysan.

Bilmam diling bahonasi ne,
Nelar o‘tdi xayollaringda…
"Kelsam yana qiynaladi", – deb,
Achinsayding xayollarimga…

Hadding yetmas kechir demoqqa,
Haqqim yo‘qdir kechirmoqqa ham.
Bir kun bizni belaydi oqqa,
Baxtdan sarxush ichilgan qasam!

?Har kim saqlayverar o’sha vaqtdan,
Har kim berkitadi haqiqatini.
Bir kun izn bermas o’sha vaqt ham,
Bir kun qizg’anadi daqiqasini…

@nosiroglu

Sira tan olmaydi ba'zan erk,
Parvozi qafasda bir qushman.
Amalga oshmoqqa haddi berk –
Suvlarga aytilgan bir tushman.

@nosiroglu

Yillarim yiqildi poyingga
Nomingga ming maktub yo'lladim.
Manzillar aylanib xoinga,
Hech Senga eltmadi yo'llarim.

Bitilgan... peshona haqdir-u,
Bir zumda aylandim Kuzga Man.
Nolish yo'q: bevafo, taqdir-u,
Toledan umidim uzganman.

O'tmaydi kunlarim - yilga teng,
Armonlar bag'rida xush bo'ldim.
Sensiz bu dardlarning bag'rikeng,
Suvlarga aytilgan tush bo'ldim.

G'urur hech keltirmas ko'zga nam,
Jon-bag'ir ezildi firoqdan.
So'nggi bor ko'rgani borsam ham,
Faqat baxt tilarman yiroqdan...

(Boshqa bahonam yo'q "biroq"dan)

@nosiroglu

Hatto orzular ham aylandi kulga,
Endi, uzrlaring kech, foydasi yo'q.
Kecha najot kutib qurigan gulga,
Bugungi yomg'irning hech foydasi yo'q!

@nosiroglu

Bir kun o’z o’zini uradi toshga,
Bir kun yengolmaydi bu qilig’ini,
Bir kun hamma tinglar bir Sendan boshqa,
Bu telba yurakning hayqirig’ini…

@nosiroglu

Istardim holimni bilmasligingni,
(Lek sendan xabarlar kutaveraman)
Men garchi bilsamda kelmasligingni,
Tinmay yo’lingga ko’z tutaveraman…

@nosiroglu

Doim aytganingday bo’lmaydi, tushun.
Qo’lingdan ketganga kuyunaverma.
Keyin pushaymonlar bo’lmaslik uchun,
Uchragan har tog’ga suyanaverma!

@nosiroglu

Bildirmadi hech yoshlarimni,
Hatto har tun holim so’radi.
Bizlar ayro bo’lgandan beri
Yomg’ir seni yomon ko’radi…

?@nosiroglu