صباح الخير🫶🏻**

‏لم نرى في الحمد إلا زيادة في العطاء، فالحمد لله بقدر كل شيء♥️✨.**

احنا في شعبان والوقت على رمضان بيتقلص خلاص حرفيًا

أنا عارفة إن أغلبنا الفتن أهلكته
حتى احنا مش عارفين نبدأ منين

وكل ما نقوم بنقع باستمرار
مفيش حرفيًا أي شيء بقا بينفع

لذلك في الأيام الباقية هنحاول بس هنحاول نرجع للقلب همته بحاجات بسيطة خالص

الأول هنركز على نقطتين:

-ترك المعاصي
-التركيز على الفروض والطاعات الأساسية

الأول هنقعد نراجع نفسنا إيه الذنوب اللي بنقع فيها نعمل إحصائية سريعة كدا

-تأخير صلاة؟
-أغاني؟
-مسلسلات؟
-غيبة؟
-علاقة مُحرمة؟
-عدم غض بصر؟

والقائمة طويلة يعني وكل حد فينا له بابا ضايع فيه

الخطة هتكون على مدار الأيام الجاية إننا نحاول نقطع أي ذنب والأسباب المؤدية ليه
يعني أنا مش بصلي
ليه؟
ونعدد الحاجات اللي بتخلينا نتراخى
ونشيلها من جذورها تمامًا
بحيث إننا نعالج المشكلة من الأساس
مش نعمل لها حل مؤقت وخلاص:)

وناخد بالنا في حاجات زي الصلاة مفيش فيها تهاون دي هنصلي يعني هنصلي
مش هناخدها تدريجي الصلاة مفيش فيها تدريج.

دي الذنوب هنشوف السبب اللي مخلينا نقع ونحله.

الطاعات بقا
هنعمل تارجت صغير لنا بالحاجات البسيطة
المهم نحاول
-الصلاة على وقتها
وهيساعدنا في كدا الوضوء بشكل مستمر يعني حاولوا تحافظوا طول الوقت على وضوئكم
ودا هيخلينا نمسك المصحف باستمرار بردو
مش يعني حتى لو مش قادرين على كل النوافل
المهم نافلة الفجر بس هنجتهد في الباقي بردو عادي وحتى لو هنصلي واحنا قاعدين النافلة ونحصل نص الأجر بس المهم هنحاول.

من الحاجات اللي لاحظت بعدها تحسن في الصلاة بردو كانت دروس صحة القلب للشيخ سمير مصطفى
كانت جميلة هما ٣ دروس بس
بس سبحان الله فيهم خير رهيب!

مش لازم دروس كتير عن رمضان الدروس اللي بتحسوا إنها بتعلي همتكم اسمعوها
رمضان محطة وليس غاية يعني الغاية الجنة
اللي تحسوا قلبكم بيتغير فيه كملوا مش لازم الدروس اللي حد يقترحها تنفعك كل حد أدرى بحاله..

-القرآن الوقت خلاص مبقاش فيه متسع هنحاول نحافظ على ورد يومي ساعة متقسمة على مدار اليوم
مش عدد أجزاء هي ساعة بعد الفجر شوية
قبل النوم
في المواصلات وهكذا
اليوم هيكون فيه بركة بإذن الله🌸.
والسماع السماع
بصوا اعملوا ختمة من دلوقتي لحد آخر رمضان
مش لازم تخلصوا الختمة في الوقت الباقي بس لا براحتكم خالص!

اقتراحات لأصوات بحبها ولطيفة وهادية:
-الشيخ وديع اليمني نعيم والله عشت معاه رمضان اللي فات كنت عايشة في الجنة بدون مبالغة كنت مستأنسة وعايشة في هدوء وكل ما نفسي كانت تضيق بيا كنت بشغله مؤنس بشكل!

- الشيخ محمد الغزالي جميل جميل بجد كأن الآيات بتدخل القلب بشكل مش طبيعي تحس إنه بيقرأ بقلبه مش بلسانه..

-الشيخ أحمد ديبان -ورش- عشت معاه رمضان قبل اللي فات
وكان بداية عهدي بختمات السماع
كنت عايشة رمضان دا كأني في الجنة قلبي وأذني كانوا لأول مرة يكونوا في الحالة دي بجد
كنت خارجة من رمضان بسبب الختمة دي حاسة إني مش أنا!
بقيت حد جديد وقلبي كأنه اتغسل حرفيًا من كل الذنوب!

وغيرهم كتير بس بتكلم عن تجربة في ختمات كاملة مش سور معينة بس..

وحددوا سورة لها تدبر لأي شيخ ممكن سورة يوسف لدكتور أحمد عبد المنعم
تحفة بجد هتغير من حالتكم بشكل مش طبيعي!
جميلة أوي أوي:))

الصيام بقا:))
أغلب الناس لسه عندها أيام الوقت لسه قدامنا نلحق نقضي فيه
بلاش نزنق نفسنا أكتر من كدا
الجو جميل واليوم قصير مفيش حجة..
وكمان أكثر من الصيام في شعبان النبي ﷺ كان بيصوم شعبان كله إلا قليل..

طبعًا الأذكار معانا حتى الأيام اللي بنكسل فيها هنحاول نقسمها على فترات عادي

الذكر نخلي لساننا دايمًا رطب بالذكر هتحسوا بأنس رهيب وتيسير عجيب من فضل ربنا ورحمته بيكم!

الصدقة 🤎
الصدقة طول الوقت بنية إننا ندخل الجنة بنية إن ربنا يفتح علينا
احنا لما بنكون عايزين شيء دنيوي بنبذل كل جهدنا فيه
ما نتصدق لأجل الآخرة؟
نحاول لأجل ربنا يدخلنا الجنة!

الأهم من كل حاجة بقا
إننا نستعين بالله قبل كل خطوة
كل اللي فوق دا مش هيحصل منه حرف واحد لو حاولنا بنفسنا بدون الاستعانة بالله
يا رب أنا لوحدي مش بقدر والله!
يا رب أعني على نفسي يا رب أنا عايز أدخل الجنة!
مش هقدر أموت وأنا بعيد وأنا فاسد
يا رب يا كريم أعني يا رب!!

الدعاء واللجوء لربنا طول الوقت قبل ما ننام نقول يا رب صحيني للفجر بدون إرادتك مش هصحى
يا رب يسر لي الذكر
يا رب حبب الإيمان إلى قلبي
يا رب الجنة يا رب

احنا لازم نتذلل لربنا احنا ملناش غيره والله!

باختصار لكل اللي فات:))
-نستعن بالله
-هنبطل الذنوب
-هنجتهد في العبادات بالحد الأدني وقليل دائم خير من كثير متقطع..

هل تستطيع أن تحمد الله بجميع محامد الخلق؟!
نعم !
وكيف ذلك؟!

قال -رسول الله- ﷺ
من قال إذا أوى إلى فراشِه:

الحمدُ لله الذي كفَاني وآواني،
الحمدلله الذي أطعمَني وسقاني،
الحمدُ لله الذي منَّ عليّ وأفضلَ،
اللهم إني أسألُك بعزَّتِك أن تُنَجِّيَني من النارِ؛
فقد حمِدَ الله بجميعِ محامدِ الخَلْقِ كلِّهم.

- صححه الألباني.

من هو الصّحابيّ الذي اهتزّ لموته عرش الرّحمن؟

‏ربّي اسألك مساء تُمسي فِيه قلوبنا فرحًا وعملاً نرضيك به وَ قولا نتقربُ به إليك ‌ امسينا⁩ وامسى الملك لله.
‏
- أذكار المساء نُورً لـ قلوبكم دُمتم في حفظ الرحمن ي رفاق

**اللهُمَّ قِنا شر التدين الإلكتروني

و الإلتزام الشكلي و خواء العقل و فساد القلب!

‏-اللهُمَّ ما تعرفهُ أنتَ، لا ما يراهُ الناس.**

ما السورة التي بُدأت باسم من أسماء الله الحسنى ؟

‏" اللهم ارزقني عملاً صالحاً يقربني إلى رحمتك ولساناً ذاكراً شاكراً لنعمتك، وثبتني اللهم بالقول الثابت في الحياة الدنيا وفي الآخرة."

جاهد قدر المستطاع أن تستفتح وردك القرآني مع بداية كُل صباح ، ضع في حُسبانك أن الوِرْد القرآني كلّما تأخرت عنه كلّما ثَقُل عليك واستصعبته فيكون عُرضة للإهمال ، وكلّما أتيت به مُبكرًا سَهُل عليك وهان واستلذّيت به ورُزقت به البركة وانشـراح الصدر.

من هوا الذي كانت تستحي منه ملائكة السماء ؟