گمنا نشوف وجهك لچن ما نهتم
صرت زايد علينا نطيب من تروح
مثل الزايد منالدم
ولو مو غيرت شكلك مأثر بيك
الخوفة تبين برجلين الملثم
جا هي الگلوب تموت من تندم
وعطرك ما يطول من چنت وياك
بنج مستشفى بس يخلّص منالشم
كرار…

مولاي كلنا ذنوب وانت التشفع
والگلبة يابس لو گصدلك يحسين
عطشان بس تخلي ظيفك ينگع
ونطيح والمديتلة ايدك ويگوم
بس هو والشذرة البچفك يلمع
مولاي احلفك بالعزيز وتسمع
ذاك الگصدلة السهم فارغ بس گال
ابشر وكدامك عيوني وتشلع
زلينا حيل الدنيا تغوي الموزين
بس انا لله و اليكم نرجع
بسمار بطف شوفتة تكسر اضلوع
من اذكر اسمك ليش عيني التدمع

كرار…

يحسين يالكبرت ناسك
شنطيك ؟ وانت اطيت راسك
مو خوف بس عباس جاسك
مننهدم حيلك عالوطية
يحسين عبد الله شحلاتة
لو يكبر ويسند خواتة
واحدنة ضل بمسلعاتة
وزينب تضكها المغربية
يحسين كلنا قصور وياك
والبايگ يگلولة حياك
راح السبي وذاك القصر ذاك
ولسة الحكم لبن الدعية

كرار..

وكأني بالسيدة زينب ع سبية قوية
وهي ترى الخوف في وجوه الاعداء فتقول:

فوگ الرمح راسة شبيكم ترجفون
ولو دم الهواشم عدكم يخوف
السلام انگطع يمكم لان بالچفين؟؟
مايمنا نهر خاطر تجي تطوف
الطير البيه ريش بسهم تتلگوه
مو خوذة ترة روس العدة تصوف
الجندي الگبل رمحة خل يرد لهنا
بكثر ما يلتفت چن رگبتة تسوف

كرار

وحگ الفوگ رمحة دار عينة
علضعنة وصدر لجلة دارعينة
الخيم حرگوها مامش دار عينة
لزينب خاطر تهيد رقية
كرار…

فتحت التفاعل..?

للعاشر..
خلصت وانتصر من هالحرب بس راس
دم الطايحين مندرع ينجاس
وبعد ما جان من حسين
الرضيع اول طفل من السهم ينباس
تراب المعركة ما بيه حيل يكوم
كد ما ساحكة العباس
الطشت والرمح شالنك بغير احساس
ووادم تحتفل بيها الضمير انداس
زلمك تشرب الموت وتعيف الماي
مو مثل الهدم عرضة ويصون الكاس
وزينب تحبس الانفاس
سكينة تكلها عمة اليوم مالومة
الميت ابوها سند عمها يصير
اشو راحوا سوة مو كلمن ويومه
اريد اشتم ابوي الهدم وين الكاه
عبداللة انكتل بس باقية هدومة
عمة العدها ابوج ابيش مندومة
مو بس الزرع من يندفن بالكاع
يطلع من ضهرها مبينة علومة
باجر كربلة تخضر حسين وجيش
وراس الخير محد يكدر يسومة
وخلص ذاك الحوار الما خلص يومة
وطبن للقصر ولسان زينب حاد
وصارت روسهم من جوة بطن امخاد
من عدها وعرفنة الحجي يطيح قصور
يزيد وميت الف ويدورون امداد

سيد كرار الحيدري

علاقتي وطيدة مع العيون..