‌ #شێعرەوزەمانەی
ــــــــــــــــــــــــــــــــــــــــــــــ
#زەمانە...
فایل:📼mp3

✍نویستەی
و
🎤وانـایــوە:#جلیل_خون_دل
ــــــــــــــــــــــــــــــــــــــــــــــــــــ

🎹🎧میکس
و
مسترینگ:#کاوان_محمدی
ـــــــــــــــــــــــــــــــــــــــــــــــــــــــــــــــ

┏━━━━━━━━━┓  
❣️  @wjalilkhondel    🔚
┗━━━━━━━━━┛

‌        #شێعرەوزەمانەی
ــــــــــــــــــــــــــــــــــــــــــــــ
#زەمانە...
فایل:🎥تصویری

✍نویستەی
        و
🎤وانـایــوە:#جلیل_خون_دل
ــــــــــــــــــــــــــــــــــــــــــــــــــــ

🎹🎧میکس
             و
مسترینگ:#کاوان_محمدی
ـــــــــــــــــــــــــــــــــــــــــــــــــــــــــــــــ

┏━━━━━━━━━┓  
❣️  @wjalilkhondel    🔚
┗━━━━━━━━━┛

چەدڵ تـەنـگـەن ئـی وەڵاتـە، خـەیـاڵـیـچـش وەرهـەمـێـنـێ                         
پـەی سـاڕێـشـو زامـو دڵـیـش، هـەوەس بـازێـش مـەرهـەمـێـنـێ
جـەمـعـێ دەسـەو بـێ ئـاوەزا، وێـشـاکـەردەن بـەسـەربـارش
نـەژنـیــەنـشـا بـــوەو ئـەشـقـی، گـــردێ تـــازە بـەرهـەمـێـنـێ
چـێـگـە ئـاسـان نـامـۆ ئـەشـقـی، کـریـۆ پـەنـەش بـێ حـۆرمـەتـی
حـەدوو مـەرزوو وەشـە سـیـایـی، بـەدیـنـاروو دەرهـەمـێـنـێ
دڵ مـەبـیـنـە بـەئـەلـفـازی، نـەزمــی وەشــی
شـاعـێران
گــرد خـەیـاڵــەن جـەدڵ خـێــزۆ، شـوعــارێ یـاسـەرهـەمـێـنـێ
ـــــــــــــــــــــــــــــــــــــــــــــــــــــــــــــــــــ
✍#جلیل_خون_دل
┏━━━━━━━━━┓  
❣️  @wjalilkhondel    🔚
┗━━━━━━━━━┛

پێسەوماباقی یاران، وەختێ وەخاکم بەردێ
خەموومەینەتووڕەنجی،گردی بانگەواز کەردێ

بکەردێ سەرووبانا،بەکوڵ مەینەت بچڕدێ
بواچدێ تاتەو ئەڐات،بەیەکجاپێوەمەردێ

جەزەوقووئی هەواڵی،وەهار شێتانەکەو وێش
بەڵکووبگێڵنۆسووری،بەچین گوراڵێ زەردێ

خۆئی شارەوێرانە، وەفاچەنەش قاچاخەن
هەواڵووئاخرکۆچیم،پەی بێ وەفایابەردێ

بواچدێ پەپوو چۆڵی،ڕەفێقوو دی تەنیای
هێلانەکەت شێویا،بکێشەئاهێ سەردێ
ــــــــــــــــــــــــــــــــــــــــــــــــــــــــــــــــــــ
✍#جلیل_خون_دل

┏━━━━━━━━━┓  
❣️  @wjalilkhondel    🔚
┗━━━━━━━━━┛

شیعرو دەنگ: jalil.khondel

هـەر گیـز نـەواچـی یـارنـی گـیانـی
ئـەلـویـداشـان وات جـە زیـنـدەگـانـی

نـاوەری خـەیـاڵ نـاشـوکـری کـەری
خـەمـو فـێراقـوو ئـازیزان وەری

ئینە فـەرمانێـن جـەئەزەڵ ئـامـەن
مـەرگـش نەیاوان هەرکەسێ خامـەن

تــادەوران بیــەن زەڕوو جــەواهــێـر
کـەس  نەدیـەن بـەچـەم بـێ شەفحەوبـاهـێر

دەوران بـەوێنـەی تـاجرانـی پیـر
چەوەش مـزانـۆ قـەدری زەڕوو لـیـر

زووچـەنـیـن بـیـەن ئیسـەیچ حـەر پـاسـەن
مـەبـەرو پـەی وێـش حـەرکـەسـێ خـاسـەن

ئـێڐیـچ حێکمەتوو  خـوای بــێ باکیـن
چـیوی قـیمـەت دار جەچیروو خاکـیـن
ـــــــــــــــــــــــــــــــــــــــــــــــــــــــــــــــــ
✍#جلیل_خون_دل

┏━━━━━━━━━┓  
❣️  @wjalilkhondel    🔚
┗━━━━━━━━━┛

مـەواچـان پـایـیـز، زەردەن ڕوخـسـارش...!
داخـۆم چـەدەردێـن، مـەڐۆ ئـازارش ...!

کـەی بـەئـێـننـەو مـن، خـەمـش بـی نـەسـەر...!
وەی تــەورە ئـاهــش کـەردەنـش ئــەســەر...!

نـاحـەق زەردیـش ڕووی، نـەمـامـان کـێـشـان...!
کــەی بــەوێـنـەی مــن، دەروونــش ئــێشــان...؟
ــــــــــــــــــــــــــــــــــــــــــــــــــــــــــــــــــــ
✍#جلیل__خون_دل

┏━━━━━━━━━┓  
❣️  @wjalilkhondel    🔚
┗━━━━━━━━━┛

🏛مەزاروو ماموسا بێسارانی

✍️شێعر :#ماموسابێسارانی

🎤وانایوە:#جلیل_خوندل

┏━━━━━━━━━┓  
❣️  @wjalilkhondel    🔚
┗━━━━━━━━━┛

#داستان_کوتا
#ڕیاکار

سەروو  سەندەڵیەکەیشۆ  نیشتەبێرە، ملش وستەبێ لارە، دەسێش نیێبێنێ سەروو مێزەکەیوە، جار جار تەسبێحەکاو دەسیش ئی دەسوو ئەودەس پەنە کەرێ و مووچرکێ ئێ لاشەشۆری و هەمزەمان واچێ... سبحان اللە....
گوشیەکەش سەروو مێزەکەیوە بێ، گجار گۆش  شل کەرێ پەی دەنگوو گووشیەکەی  سەرێ تەکنێ و واچێ سبحان اللە...
جارو بار مشتەری لوێ دلێ دووکانەکەیش ، حەرمشتەری لوایێ دلێ دووکانەکەیش ،دەس نیێ گووشیەکەیشەرە، دەنگوو  گووشیەکەیش قەت کەرێ، مشتەریەکەیش وزێ ڕا،دماتەر  دەس نیێوە گووشیەکەیشەرە،  گۆش گێرێوە پەی دەنگوو  گووشیەکەیش.
منیچ تبق مەعمووڵ جەکەساسی بازارینە،کونجکاویم گوڵش کەردەبێ، تا پەیم کریایا سەعیەکەرێنا وێم نزیکوو دووکانەکەێش کەروو وە، تابزانوو عانێ مشتەری مزیۆرە و لاش خەڵوەت بۆ  گۆش پەی چیشی گێرۆ، وەروو وێمەرەواچێنا: حەتمەن  گورانیۆ حەسەن زیرەکینە، یام گۆش پەی سیاو چەمانەو عوسمانی گێرۆ، ئاخر حەر عانێ لاش خەڵوەت  بیایا ،سەرو سەندەڵیەکەیشۆ نیشێرە، تەزبێحەکاش گێرێ دەسشۆ، گوشیەکەیش پلەی کەرێ و مل کەج کەرێ و عال گوش گێرێ پەی دەنگەکەی.
قسەکەردەو هامسا دوکانا و دەنگوو ژەناو بازاری، تکەتکوو وارانی، سەرداو سۆڵە، عەجەب زمسانێش ڕازنابێوە پەیما.
سەرداو زمسانی، کزە واو دلێ بازاری،کەردەبێنێش کارێ نەتاوێنا چەنی هیچکەسی قسێ بکەروو، گجار کڵاوەو کۆتەکەیم دێنێ ملوو سەرەیمەرە،  لوێنێ پاڵوو سەندەڵیەکەیم،  لاو چراوەکێنە دەسام نیێنێ بەینوو قاچام و تن تن ساوێنێشا هەنترینیرە تا بەڵکووم ئەپی جۆرە کەمێ گەرمم بۆ وە.
جەسەردایننە پایێم لەرزێنێ، دەسێم قوەتشا چەنە بڕیابێ، لاشەم هازیش نەمەنێبێ، لاو چراوەکێنە کزۆڵەم کەرد، دەسێم نیێ سەروو زەنگۆڵامۆ، سەرەیچم نیام سەرو دەسامۆ، تینۆ گەرماو چراوەکێ بێ حاڵش وستەبێنا، گجار لوێنێ وەرمەرە بەدەنگوو دەس ورەشەکاو دلێ گوزەری چڵاکێنارە، حەر یۆشا بەدەنگێ جیاواز:بامیەی تازەو شیرین بامیە، سفرەی جوانو نەرم سفرە، دڵق فریزرە دەسماڵە...
کەمێ وێم جەموو جۆر کەرێنا، دیسان سەرەنێنا سەروو دەسامۆ، ئاخر جار عانێ سەرەم بەرز کەردۆ،
خانمێ کۆتا باڵا دلێ دووکانەکەیشەنەبێ ،منیچ بەڕەسموو سڕبیەی هور ئێستاوە لوانێ وەروو دووکانی، وێم نزیکوو دوکانەکەیش کەردۆ،
فرەتاکەم گۆشم دەنگوو خانمەکێوەبێ واچێ: حاجی گیان ئێساڵ وێت مزانی وەزعەو کاروو باروو  کوڕەکەیم وەشەنیەنە، وێچم ناساقەنا، ئەگەر پەیت کریۆ کەمێ ڕەعایەتما بکەرە، بەشکەم کەمێتەر خاترەما گێری، یانێ مەگنا مشتە  پیرە بێنا مەتاوو  ئەسپاب واڕوو وە،
  ئاکراهە تۆ سانێش چەنە ما خوا وێش شاهێڐا سەروو گرد برجێ مەگەر قەرز کەرمێ پەیت،
نیاما کوڕەکەم مانگەکێنە حەر ئاننە بەرمارۆ وەسێ خەرجیما، تو گیانوو وێت،  تو ئاحەجە مەبارەکە لوانی،   ئێساڵ کراهەما پەی زیاڐ  نمەکەرە،بافشارما پەی نێ، حاجیچ سەروو سەندەڵیەکەیوە کە نیشتەبیرە، پای ڕاسش وست سەروو پای چەپیش ، نەما تەسبیحەکاش، دەسێش ئارد سەروو ڕییشەرەو واتش: مشکڵێ نیەنە اگر پیتا مەسووڕیۆ  یانەکام پەی چۆڵێ بکەردێ، حەمەو میزاتوفیقی واتەن من ملوینی زیاڐەت مڐەو ، لوایوە یانە ئەسپابەکەیتاجەم بکەردێ و گێڵدێ شونەو یانارە، ئاقیمەتە واتەنم قەرانێش کەم نمەکەروو،
خانمەکێچ، سەرەش وستەرە، کەمێ ماتش کەرد،  دەسش بەرد پەی گۆشەو چارەکڵەکەیش، هەردوێ چەمێش پەنە ئسەڕی، هەناسێوە کاڵش هورکێشت و زیارە، عانێ خانمەکێ دلێ دووکانەکەیشەنە زیارە،حاجیچ سەروو سەندەڵیەکەیشۆ دالێ خزا دماوە، بەدەسی چەپش لاوگۆشیش کڕناو بە دەسێ ڕاسیش نەما گووشیەکەش،عانێ گووشیەکەش  پلەی کەرد، تەلاوەتوو قورئانی مەبارەکی بەدەنگوو  استاد عبدالباسطی دلێ گووشیەکەینە پەخش بیوە...وَأَمَّا السَّائِلَ فَلَا تَنْهَرْ...
ئەمنیچ لوانێوە دلێ دووکانەکەیم، پاڵوو چراوەکێنە نیشتانیرە، دەسم کەرد دلێ کیسەو کۆتەکەیمەرە، جگەرێ ونستونم بەرئارد، نیام بەینوو ئەنگووسام، ڕۆشنم کەردو  ئارام ئارام  بێ شمەناوەش تائاخر کێشتم
ــــــــــــــــــــــــــــــــــــــــــــــــــــــــــــــــ
نویستەی
✍️#جلیل_خوندل ، 6\ 1\ 1403

┏━━━━━━━━━┓  
❣️   @wjalilkhondel    🔚
┗━━━━━━━━━┛

ماموسا جەمیل یادش گرامی😔
هەرچن فرە وردی بیەنا ئشناسانم، بەڵام ئشناسای پامەعنا نەویەن کە پێسەو ساڵەو 1395پێسەو دوێ هامسایا  پێوەرە بیمێ،
وەڵتەر چینەی پاسە زانێنا جەمیل احمدی تەنیا دلێ گۆرانیێ هۆرامێنەو تەنیا دلێ سیاو چەمانەینە ئستورەن،پاسە زانێنا تەنیا سیاو چەمانەن تاوانش جەمیل احمدی کەرۆ بە شەخسیەتێوی ماندگار، بەڵام نا جە واقێعەنە  ئینە جەمیل احمدین تاوانش بەسیاو چەمانە ئستوورێ پێسەو وێش سازنۆ،  سیاو چەمانە هەمیشەی بیەنوو هەن، پێسەو ئاسمانی  ماندگار ئەبەدی و ئەزەڵین،
بەڵام ئژناسیای سیاو چەمانەی و هورسوو نیشت چەنی نەواو دەروونی و پیادە کەردەو تکنیکێوی ئاگاهانەی  و مەهارەتێوی قەوی چەنی گژیای کەلیما  کەسێ پێسەو جەمیل احمدیش گەرەکا تا ئی  ئەڵماسوو چیرو بەحری پێسەو مەلەوانێوی مەلەزانی جە چیروو ئی بەحرە سامناکەینە بارۆ جبەر،
بڕێ جار بەشەر پاسەفکر کەرۆ  ئەجۆش وەشبەختی تەنیا فیزوو دەماروو کیسەیشا، بڕێ جار بەشەر پاسە فکر کەرۆ ئەجۆش  خوا وەختێ گەرەکش بۆ بەشەری وەشبەخت کەرۆ مشیوم حەتمەن کیسەش پەڕ بۆ زەڕ ، حەتمەن مشیۆم  ماشینێ مودل بانش بۆ،  حەتمەن مشیۆم  چەنی دەوڵەمەندەکاو مەریوانی ڕەقابەت کەرۆ پەی چێوهایێ کەهیچ رەبتێشا بە تۆوە نیا ،چەنی دەسی هاڵی ئامانی ئی دونیا حەر بە هامان دەسی هاڵی چی دونیایچە ملی.
بەڵام بێ خەبەر چانەی  وەشبەختی یانی دەورانێنە بەدونیا ئامانی  تاوانت بەچەماو سەرەیت  ئوستوورەو سیاو چەمانەی بوینی، دەورانێنە بە دونیا ئامانی  تاوانت  بانەوسانوو هامنی تەجروبە کەری  چەنی لایە لایەو سیروانی و تاریکی شەوێ و بێ دەنگی موتەڵق و ورچەو هەساراو  تێکەڵ چەنی  نەواو عوسمانی و جەمیلی.
تو چووزانی...؟  گاهاس  تەبێعەت گەرەکش بیەبۆ   موحیبەتت پەنەکەرۆ، گاهس گەرەکش بیەبۆ حاڵت پەنە بڐۆ
کێ ماچۆ دماو ئی نەسڵۆ ئێمە  چنها ساڵێتەر  خەڵک  ئاواتە مەوازۆ  ئاکەسانا  کە دەورانوو عوسمانی و جەمیلینە بیێنێ ، دەورەو  عوسمانی و جەمیلینە زندە گیشا کەردەن؟
گێڵندێوە پەیشا، گرد شەوێ تا وەرمشا پۆرە گنۆ، تاگۆشێشا مژنەوا  تاچەمێشا وەرم نەبەرۆشا گێڵندێوە پەیشا، نەوەو نەتیجەیتا ماچوو  نەسڵێ دماینە  زاوەڕوێ کناچاتا، زاوەڕوێ کوڕاتا  واچدێ دیێما  بەچەماو  وێما دیێما، ئادوە ئستوورە  ئادوە هەسارە پڕشنگ دارێ ئادوە قارەمانە ، ئەگەر پەرساشا چەننە بەرزێ بێنێ بەردێشا شاهۆ ئەگەر پەرساشا چننە دڵشا گەورەبێ بەردێشا کۆساڵان سەربەرزانە بە ئفتخارۆ  واچدێ  گۆشما جەدەنگیشاوە بێ، نوعێ تاریف کەردێ باموێ دەسا شا ڕاسێ باوە بزانا ئی دەورانوو  ئێمە ئانەیچ بێ ڕەحم نەبیەن،
تا ڕۆجیار هەن  عوسمان و جەمیلیچ هەنێ،
نامۆ جەمیل احمدی نۆعێ چەسپێنە عوسمانیرە کە هەتاهەتان جیا بیەیش پەی نیا،ئەگەر کەسێ ڕۆحش بە سیاو چەمانەی  چەنی دەورانوو زاوەڕویش نەواو دەروونیش بەسیاو چەمانە و چەپڵە ڕێزان   لکە بوەرۆ قەتعەن مزانۆ  نەعوسمان  بێ جەمیلین  نەجەمیل بێ  عوسمانین.
عوسمان و جەمیل هیچکەس نمەتاوو نامێشا جە یوی جیا بکەرۆ،  پێسە چەنی نمەتاوی نامۆ فەرهادی جە شیرینێ جیا بکەری، وەختێ لەیلێ نەبۆ مەجنون مەعنایێش نیەنە، وەختێ سیاو نەبۆ مەعناو چەرمەی نمەزانی، پێسەو شەوو ڕۆی،پێسەو بەرزوو نزمی، پێسەو درێژوو کۆتای، پێسەو سەردوو گەرمی ، پێسەو عوسمانی و جەمیلی، پێسەو وەهاری و هامنی پێسەو شاهۆی و کۆساڵانی.
ڕاسی نمەزانوو چی حەر وەخت نامۆ شاهۆی و کۆساڵانی گنۆ گۆشم  شەخسیەتوو عوسمانی و جەمیلی مێ زهنم،
گاهاس بێجگەم ئانەی نەواشا چەنی ڕوحیم لکەش واردێبۆ  تێکەڵ چەنی  هاڕەو وەرواوێ و بوەو سوورە هەراڵەی و وانای ژەرەژا  یادو وەشی جارانی باراوە هۆشم،  شەخسیەتشا پێسەو شاهۆی و کۆساڵانی  سافوو بێ گەرد بۆ، سەرسەخت، دڵشا یانەو گرد بێ دەسەڵاتێ، وێپایانە خزمەت بەزوانی و هۆنەری و فەرهەنگی پەی یانەیم و پەی وەڵاتیم،
ڕاسی مەگەر کریۆ کەسێ هەوار نشین بیەبۆ بەڵام نەزانۆ سیاو چەمانە چێشا؟ڕاسی مەگەر کریۆکەسێ کۆساڵانۆ ژیوابۆبەڵام  نەزانۆ جەمیل کێن؟، ڕاسێ مەگەر  کریۆ  کەسێ لوابۆ شاهۆ بەڵام نەزانۆ عوسمان کێن،؟
نا شمە بێندێ و هەندێ و مەندێچ  هەتا هەتان، تاشاهۆ سەر بەرزانە سینەیش کەرۆ سپەر وەراوەروو زوڵمیوە تا کۆساڵان  وێش کەرۆ یانەو یاراو  پەناگاو ئەشقی  شمەیچ هەر مەندێ، شمەنەبیدێ  مێغام سیروانیچ  نەبی، شمەنەبیدێ  باشاهۆیچ و کۆساڵانێچ نەبا...
ـــــــــــــــــــــــــــــــــــــــــــــــــــــــــــــــــ

نویستەی
✍️ #جلیل_خوندل. 23\12\02

┏━━━━━━━━━┓  
❣️   @wjalilkhondel    🔚
┗━━━━━━━━━┛

تا ڕۆجیار هەن تـــــــــۆیچ هەنــــــــــی