خادمكم علي محسن الزيادي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her
ماخله السبي دمعات تبجيــــــــها
ذكرى امصاب ابوك شلون تحييها
ــــــــــــــــــــ
كل فاگد عرف جرحك نسه اشفاگد
ويه الحزن جنك دوم متواعـــــــــد
مثلك باجي دم مااعتقد واحــــــــد
يصبح عينك الدم ويمسيها
ــــــــــــــــــــ
ماظل دمع بس سهم السبي بعينك
العليل اتعينه زينب ياهو اليعينـــك
شالت نعش ابوك شلون جفينـــــك
نكثته اتراب گبره لو بقه اعليها
ــــــــــــــــــــ
وحدك منهضم لا اخو ولا صاحب
وبحكك الضايع محد يطــــــــالب
گلبك من كثر نـــــــاره شمع ذايب
واجروحك تكشفها وتغطيها
ــــــــــــــــــــ
ساكن بالصحاري وسهر ليليــــــــه
ماتنلام عندك حره مسبيـــــــــــــه
بيك الشام كلما يمر طاريــــــــــــه
تصفك جفك وهامتك تحنيها
ــــــــــــــــــــ
اعيونك ذابله وامحفره اخدودك
وحيل اتريد منك فاتحــة عودك
جنك عمك العباس بس جـــودك
عينك لجن دم مو سهم طافيها
ــــــــــــــــــــ
بيك الفرح مامر حتــــــى لو خطفه
تبجي اضواها خاف اعيونك وتطفه
يالمهدوم حيلك بيــــــــــك عالوگفه
الوادم من تجي اتعزي وتلاگيها
ــــــــــــــــــــ
يامخلوق صبرك گــــــــــــدر يوصلله
خمس اسنين عمره واعله ابوه صلله
ياهو يصيحلك من تعثـــــر اسم الله
ونارك لو دوت ياهو اليطفيها
ــــــــــــــــــــ
بجفوفك قميص حسين المدمم
صار الهوه يلجمك جنك امهشم
تطلب ثار جم مذبوح ومســـمم
وجم مهضومه تنطر فزعتك ليها
ــــــــــــــــــــ
اللهم عجل لوليك الفرج
علي محسن الزيادي
ونسألكم الدعاء
ابوذيه استشهاد الامام الحسن العسكري عليه السلام الى مولانا الامام الحجه عجل الله فرجه الشريف
بگلبك فگد ابوك اشكثر مالاخ
شاب وشيبك الواليــك مالاخ
وحيد او لاجف بمكفاك مالاخ
جنك عمتك بالغاضريه
من سبونــــــــــــــه ويســــــــــــــــرونه
راسك بجه اعله الصار
حادي الضعن من سـار
ــــــــــــــــــــ ــــــــــــــــــــ
سكنه انه الجنت امدللنـــــــي
وماترضه اتمر بيه اهموم
كَوم وعاينـــــــها امدللتــــــك
بعد العز مهضومه اليــوم
يابويه المتعوده اعيونــــــــي
اتشوفك لازم كَبل النــوم
شلون اصبر كَلي اعله افراكَك
وانطيني الحل يامظلـوم
من عفتنــــــــــــــــي يتمتنـــــــــــــــــي
يابويه فكري احتـــــــــــار
حادي الضعن من ســـــــار
ــــــــــــــــــــ ــــــــــــــــــــ
يالغالي وحين الودّعتــــــــــك
رحت وراحت روحي وياك
ظليت ابلا روح اتنطّـــــــــــر
روحي اترد بس ابملكَــــاك
حيلي اتهدم من رد مهـــــرك
منك خالي وظل ينعــــــاك
والدوهنّي وزيّد همّـــــــــــي
كَلبه شلون انطاه خــــلاّك
يبجي شفتــــــــــــه من سألتــــــــــــــه
خلّه الدموع انهــــــــــــار
حادي الضعن من ســـــار
ــــــــــــــــــــ ــــــــــــــــــــ
متوهّم مهرك حسبالــــــــــي
يابويه وحس كَلبه احساس
اشّرلي وكَال اوياي امشــــي
كَتله شلون وهاي النــــاس
جاباني اووصّلني الجســـمك
وشفتك ياروحـــي ابلاراس
طحت اعليك وجنّك كَتلـــــي
يم عمج روحي العبــــــاس
ياحبيبـــــــــــــي ياطبيبـــــــــــــي
بكَلبي وخيامي النـــــــــار
حادي الضعن من ســــــار
ـــــــــــــــــــــــــــــــــــــــــــــــــ
مااحجيلك ليل العاشــــــــــر
بيّه اشسوّه وبالأيتــــــــــام
خل اتسولفلك عمّتنـــــــــــه
وتشرحلك كــــــــــــل الالام
بس احجيلك من طر صبحه
وجابوها النــــــــوكَ الظلاّم
زينب عمتي اتركّب بينـــــه
وتكَول اشيحملها الشـــــام
عذبونــــــــــــــــــه وسلبونـــــــــــــــــه
نسوه ويتامه ازغـــــــــــار
حادي الضعن من ســـــــار
ــــــــــــــــــــ ــــــــــــــــــــ
يابويه حسين واتمنـــــــــــــــــه
عميه ولا شفت المصبــــــــــــاح
انظر للسجاد امكيّـــــــــــــــــــد
وروس اهلي اكبالي اعله ارماح
احجيـــــلك لو ماتتحمّـــــــــــل
ماتسمع يابويـــــه اصيـــــــــاح
ايتــــــامك هاي ايضربوهـــــــا
يمكن واحـــد منهم طــــــــــاح
أي رقيـــــــــــه اعله الوطيــــــــــــه
عافوها هالأشــــــــــــــرار
حادي الضعن من ســــــار
ــــــــــــــــــــ ــــــــــــــــــــ
ذابت من النوح اعيونـــــي
مهظومه ومخطوفه اللـــون
من ابجي واشرحلك ضيمي
بحيدر والزهره ايشتمــــون
شوف السوط امورّم متنــي
لوكَتلك هم مايرضـــــــــون
حنت حتى النوك الحالـــــي
وانتم بس روس وتبجــون
اتكَلي اصبـــــري وانت تـــــــدري
بيّه اشترك اثـــــــــــــــــار
حادي الضعن من ســـــــار
ــــــــــــــــــــ ــــــــــــــــــــ
اللهم عجل لوليك الفرج
ونسألكم الدعاء
علي محسن الزيادي
مثل طير البلا شجره ولاعش
صرت لا شرب يهنالي ولا عيش
يزهره ابلايه خيمتكم ولاعيش
اشما توسع الدنيه اتضيك بيه
مولاتي العليله ع/
يبويه اعليّه محــــد ليش مَر سال؟
بطيت وعيني منها اعليك مُر سال
من ازمان الك وديت مرســـــــــال
اتاني وماكو رد اجواب ليه
وحك الرضا الباري مرّضتــــها
بسلْ غيبتك روحـــي مرّضتها
الخيل اعظام صدرك مرضتها
وأنه بداري واحسها ترض بيه
مولاي مسلم ع/
تون گالو واگلــــــهم وني لحسين
اشرِدِت گالو واگولن وين الحسين
گالو تفدي روحـــــك وين الاحسن
گلت بالكوفه گبل الغاضريه
مو مرّه متت لجــــلك مياليت
ولفتني الغايره وعنك ميــاليت
الخيول امقصره جرّتني مياليت
فوگي وكسّرت كل عظم بيه
سيد الشهداء ع مع ابو الفضل ع/
اليلزم ظهره مثــــــلك مايعاني
طحت والحيل اجيلك مايعينّي
علي من صاح بويه مايعاني(اوجعاني)
بكثر صيحتك خويه الحك عليه
يگله اعضيدك بحيـــــره مناخاك
وذر ماشفتك اعرفتـــــك من آخك
انحنيت وصحت حاجيني منا اخاك
كوم وخل تهد اصفاحي اديه
مولاتي زينب ع/
وحك اللي بضربتـــه مايثنّي
اخو مثل ابو فاضل مايثاني
اذا ليّــــــــــه بركبته مايثنّي
كلف رچب الهزل باجر عليه
بوجهه اشجم گلب لاهب بردناه
نشدنه وبيّـــن اضمـــــانه بردناه
مشه ورد يمسح ادموعه بردناه
وينادي راح عباس امن اديه
الكون بيوم عاشــــر ماج ريته
ولا ظل دمع بالطف ماجريته
سهم عين ابوفاضل ماجريته
خفت لاتنلجم عين الزجيه
ياگلبي اشتكـــــــابر بعد قربان(قُر بأن)
طحت واعليّه يالنسوان قربان
ل الله خل نقدم حسين قربان
وادعنلي الصبح يصبِح عليه
مره احبس دمعتـــــي مره اكتها
گمت واجدامي عثرت من ركتها
اضلوعك خيل اميــــه من راكتها
وصل صوت الكسر بالخيمه ليه
گضه يبن امي دمعك؟ شوبعينك
دمه. واسهـــام بالطف شابعينك
مَره شبيدي لونّــــي شاب اعينك
وشرط كل السهام تصير بيه
دوه يحســــــين ذاخرتك لهاماي
طحت والهم وصل خويه لهاماي
ساعة ذبحتـــــــك رادت لها امي
تگابلني وعليك انون سويه
اخوي السلبو اعيـــــــاله وماله
ولوني وچفي من التـــل وماله
العطش ماماله عن مهره وماله
سهم الذابح اوليده واخيه
من ثگل المصــــايب حدبينه
ورماد اخيمنه واصل حد أبينه
الذبحكم يابوفاضــل حادبينه
اشتضن واختك عرفني ايحن عليه
حر واعيون ماترحم يصدّن
علينه اوجوهنه ظلن يصدن
حيره اجفوفنه بياهن يصدن
والعيون اكلف امن اسياط اميه
البناتي الماي من جابوه چفنّه
ابوهن ماشرب منــــــه چيفنه
الشمر عكبك يبوفاضل چفلنه
لبن مرجانه ماخذنه هديه
سم اخلاف اخوتي اجرعت مو مر
وعكب عباس صرت انأمـــر ما مُر
بيّه الصار حتـــــــــــى بحلم مامر
بنص سوك وشماته تحيط بيه
الوداع حسين لاظل گلب لا حال
تعبْت ولا بگالي صبـــــــر لاحيل
الهزل جابوها لاظـــل راي لاحل
ومن حبل اليسر مااحرك اديه
ليل انهار گلبـــــــــــي ايلوب ماچن
كلف حيل السده اعله البال ماچان
انعت بالحبل بالســـــــــــوك ماچن
أنه الماشاف جاري اخيال اليه
السيده زينب ع مع السيده رقيه ع//
ابوج الشمر نحره شكثـــر بيداج
وجم حافر ركض للجســد بيداج
هذا حسين ظل بس راس بيداج
موتي اوياه وخل الضيم اليه
ينوگ بعلي امن اتمريـــــن جدماي
خل يسمع رقيه تصيــــــح جدماي
نوبه اتصيح اذانـي ونوب جدماي
ونوبه اتصيح متني ونوبه اديه
بمخاليبه الدهر بالطـف خلبني
صحت لبني حلم واحد خلبني
تمنّيته يزف ابنـــي خال ابني
البنيته انهدم وانذبحو سويه
حرت مرّه تدلّينـــــــــي مردلك
الحافر جم عظم بالطف مردلك
خاف ابلا وداع امشــي مردلك
بكيف الشمر لاتعتب عليه
يقراني امن المّك رايحه اتليك
جم ايه ابسحگهم رايحتـــــلك
اعذرها بليــــل زينب رايحتلك
تودعك باجر تصبّح سبيه
الك وصّلني شوگ الگلب والشام
اشكيلك امن اهل الشام والشام
انشدني بالمتن جم ســوط وشم
ولا تنشدني عن خوله ورقيه
السيده رقيه ع //
بخرابه شلون البحضنك تربّات
وعگب چفك وسادتـــها ترابات
مثلك بويـــه ليليـــــــــه تره ابات
بهيمه وراسك الشاهد عليه
لاتنسونا بخالص دعواتكم
الأقل / علي محسن الزيادي
اللهم تقبل منا هذا القليل خالصا لوجهك الكريم هدية لمولاي الغريب سيد الشهداء صلوات الله عليه وبنية تعجيل الفرج وموساة مولاتنا الزهراء عليها السلام
ابوذيات شهر محرم الحرام ??
من ذاك الظهر يحســـــين لليل
ماتعبت تدوس بصدرك الخيل
وياك الخدر ضاع اهنا يالتارس الگاع
تريد تكوم ليّـــــه منيلك حيل
ــــــــــــــــــــ
اخوي الگبل متحل ساعة الموت
عمت عيني شكثر مات
لاشوف العطش خلاك لا صوت
ومشيك كله عثـــــرات
گلبي اعليك فت الصخر مفتوت
وكل انفاسي شوغات
شكثر زتيت وانت ابلايه زاتوت
الليله اعله الثره اتبات
تهوس فوكك ارماح ولا خلوك ترتــــاح
اسمعنك تون وبراسك تميل
تريد تكوم ليه منيلك حيــل
ــــــــــــــــــــ
مجبوره صحت من هجمت الگوم
حسين الحك عليه
عميه اتمنه كون وگبل هاليــــــوم
خذت روحي المنيه
گمتلي بلايه راس اتطيــــح وتكوم
واشسوّيت بيـــــــه
ساعه تصيح ضامي وساعه مهضوم
وساعه احمي رقيه
عليك اشما تهب ريح كتر من عندك يطيح
اشوفك تزحف ابّين المجاتيل
تريد تكوم ليه منيلك حيـــــل
ــــــــــــــــــــ
انت الصرت كومه احجار واسهام
اظن لا شـوف ماظل
مابيكم صحت مسلم يظـــــــــلام
خل لبن امي اوصل
اشوف ايدك تأشر كتر الاخيــــــام
ماي اتگلي يحصـــل
لو رايــــــد تلم اوياي الايتــــــــام
وانت امگطع اوصل
اليتامه يجوز تسلم انت شلون تنــــــلم
عايف روحك اتهم بالمداليل
تريد تكوم ليه منيلك حيــل
ــــــــــــــــــــ
التفت الصخر مستنكينها اعداك
الخيل الساحكاتك
يعبرك هذا يسحك عالصدر ذاك
جنهن طالبــــــاتك
حوافرهن حمر غركانه بدمــــاك
حتى العابراتــــــك
يسألنّي وادنّگ خـــــــاف تلگاك
ويموتن بنــــــــاتك
محد غيري يحمل حالك خويه يكتـــل
من راسك الجدمك دمك يسيل
تريد تكوم ليه منيلك حيــــــــل
ــــــــــــــــــــ
طايح واعله جرة النفس مابيــــــك
خويه اختك تعذرك
ادري اصياحي زاد اجروحك اعليك
وهدّك سلب خدرك
الخيل بگومتك خافن ترد ليـــــــك
وماتكتفي بصدرك
ماتكدر تحاجيني امن احاجيـــــك
حافر فوك نحـــرك
اسكن يابعد عون خل عنك يوخرون
جا شلتك لجن تنلجم بالشيل
تريد تكوم ليه منيلك حيــــل
ــــــــــــــــــــ
علي محسن الزيادي
#ابوذيات لشهادة سيدي امير المؤمنين علي عليه السلام
اعله ابوي انعه اعله كيفي منتفي الطور
وماينلام گلبــــــــــــــي من تفطر
نعه اسمعته اعله روحه من تفطر
راح ورجع دامي الصبح ليّه
بشهر رمضان كالو مات آذان
بعد معناها حيــــدر ماتأذّن
بناتك يوم جرحك ماتأذّن
بكثر ماشبعن اخلافك اذيه
الحزن آية الزهــــره عيد آيتها
على زينب التنطر عيد إيتها
مصيبة علي وصارت عيديّتها
دمع والعيد صاحت موش اليه
ونين بروحي ياحيدر دوالك
وجانون بوسط گلبـي دوالك
اخــــذ عمري اذا ينفع دوالك
واذا يندار دير الجرح بيه
ضيفي الفطَرْت اوياه سوه
راح وخنگ ريتي الهـــــوه
وردلي الدوه براســه جرح
ومايرهم الجرحــــــه دوه
ــــــــــــــــــــ
استبشرت من صار ابوي افطاره يمي
الكاع ماشالتني اجـــــاني وزاح همي
حاضره اتمنيت ذيـــــج الليــــله امي
مااكعد؟ اكعد؟ حايره
رديت احس ازغيره
اكثر شفت من حيرتي
بعيون ابوي الحيره
ماردت اسألنّه خفت
لااجرحه راعي الغيره
من گاللي شيـــلي اللبن
اعيوني احـس اتصوبن
وانطفت شمعة فرحتي
وبركان نص گلبي دوه
ــــــــــــــــــــ
بفرحة الافطار احس گلبي تفطر
مو علي الكل ليله اشوفنه تغيّــر
عينه مانزّلها عن الســـــمه حيدر
مثل اليتاني احّد يجي
وبالباب تنشَد عينـــه
شمتاني ابوي امن السمه
هالليــــله شمبشرينه
بس ماظن ابشارة فـــرح
وايعصّـــــــر بجفينه
اشما تغمض اعيونه يفز
وبكلبي جلماتــــــــه تبز
ماحاسبه الليله الگـــدر
وحيدر يفارگنــــــه نوه
ــــــــــــــــــــ
هيّه هيّه يكــــول اسمعه وراد يطلع
ولن طيور الاوَز صاحت ارجع ارجع
دمْعتي طاحت واحس گلبي تصدع
مايرضه لو صحت اخْوتي
خفت وگلت شنهو الحل
ماطر بعد گتله الفجــــــــر
الفارس يگلي اترجّــــــل
وافهمت معنـــــــــــاها لمَن
مأزره بالبـــــــــاب انحل
رحت اركض اندهت الحسن
الحك صحت راح الوطــــــن
الليله اعلى روحه اشكد نعه
وابطلعته غصنـــي التــــــوه
ــــــــــــــــــــ
رجّع ابنه وراح للمحتوم وحـــــده
اگلوبنه جانت اهم من راسه عنده
شلون ساعه ابلا علي خلّصت شده
اذّن وجن صوته نزل
ماي اعله گلبي اليسعر
و رد اشتعل گلبي لمَن
جبريل صاح وكبّر
اتهدّمت اركان الهدى
واطبرو هامة حيدر
ركضت الوادم واركضت
يم عتبت الباب وطحت
زينب صحت شيگوّمج
وسور الذي ايسندج هِوَه
ــــــــــــــــــــ ــــــــــــــــــــ
امناطره وگلبــــــــي ولايسكن ونينه
شفت اخوتي وصحت ياهو الشايلينه
ولنّه بعْمامته الوالــــــي امعصّبيـــــــه
يخواني صحت بساع الي
جيبوه اضمّد جرحه
مسموم سيف الصوّبــــــه
گالو واگلهم يصحه
انا امسح بدمّـــــــه وعلي
دمعي اليصب يمسحه
ياصبح الاگشـــر لا لفه
وياگلبي جرحك لاشفه
اول صبح طر بشمس
حمره ولا بيـــــها ضوه
ــــــــــــــــــــ ــــــــــــــــــــ
علي محسن الزيادي
حيــــدر الليـــــــله يودع اولاده
وصار اله حضن العقيله اوساده
ــــــــــــــــــــ
بدار حيدر باجر ايحل الظلام
وسفه بالدم خضبو نور الامام
يون وي زينب ولا هاد الحمام
الوحي طبرو حيدره من ناده
ــــــــــــــــــــ
الجان اذا لم ولده معناها الحرب
اليله لمهم لجل الاوداع الصعب
دار عينه اعليهم ودمعه يصب
وجرحه سال وگلب لون اضماده
ــــــــــــــــــــ
الليله من سلم لبو فاضل لواه
وضعف صوته وگعده اداها الصلاه
بجت ولده وامل ماظل من شفاه
وذبت اعمايمها يمه الساده
ــــــــــــــــــــ
بحضن زينب راسه ويصد للحسين
ايگله سكت اختك ولا گاللها زيــــن
العيد جاي اتگله رايح بويه ويـــــن
خذك مني الدهر شنهي الراده
ــــــــــــــــــــ
باليتامه ظل يوصي ابنه الحسن
وبالصبر وصاه على غدر الزمــن
وگال ولدي اتساندو بوكت المحن
والقتل لينــــه يگلهم عاده
ــــــــــــــــــــ
من يصد لحسين يبجي ويختنگ
يگله يبني امن ارد اوصيك احترگ
تنذبح عـــــــــــاري تظل وتنسحك
وجسمك اجروحه الف وازياده
ــــــــــــــــــــ
وگال عباس الوصيه انوب ليك
رايتي وزينب امأمنهن بديـــك
لجن لو كطعوها مااعتب عليك
إزعل اليزعل يزود اعناده
ــــــــــــــــــــ
وصه باقي اولاده بولاد البتـــــــــــول
وحين ندّه اجبينه ظل فحل الفحول
يشم زينب شمّة اوداع ويگــــــــــول
والدج رايح دوه مافاده
ــــــــــــــــــــ
علي محسن الزيادي
مامثلك بشر يشبه اثنين اثگـــــال
ولَـو كلكم اثگال منين ماافتـــــــر
ابوك حسين مطروح وتهابه اعداه
وعمك ابوفاضل شــــــــالّ العسكر
خَلقا خُلُقا منطق رســـــــــول الله
وبالصوله ولثامك نسخه من حيدر
من طبع البدر ينولد كــــون اهلال
وبدر من الولاده انت علي الاكبـــر
(11 #شعبان_ولادة_اكبرالحسين عليه السلام )
#متباركين_ان_شاء_الله_احبابي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 3 Monate her
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 Woche her