معنا حالة ثقة للصدقة.. أنت في ظل صدقتك وإحسانك يوم القيامة فكان أحد الصالحين يتصدق كل يوم ولو ببصلة أخ متعفف يريد الزواج ومحتاج المساعدة بأي مبلغ والله في عون العبد ما كان العبد في عون أخيه قال الله تعالى { ٱلَّذِینَ یُنفِقُونَ أَمۡوَ ٰ⁠لَهُم بِٱلَّیۡلِ…

لما الزوج يحب يستضيف حد في بيته ، طبيعي انه ينسق مع زوجته الاول بقدر الامكان . عشان يكون الوقت مناسب ليها ، او عشان لو حبت تنضف المكان او تجهز أكل او تكون الظروف مناسبة ... الخ

تمام ؟ ... اتفقنا؟

تحت مظلة الفكرة اللي فوق ، في بعض الزوجات بقت عاملة حظر للزوج انه يستضيف حد في البيت ... ودايما متأففة من فكرة ان حد يجي عندهم ، عشان بقى الشقة ماتتبهدلش ، او عشان مش عاوزة تعمل أكل ، او عشان الشقة مش متروقة بقالها فترة ومش عاوزة تروقها دلوقتي ، او انها مش عاوزة يحصل أي عارض يهز روتين البيت والاولاد...الخ

لدرجة إن الزوج بقى حاسس انه مش قادر يستضيف حد في بيته . وده شعور مؤذي جدا لأي راجل ، بالإضافة ان الموضوع ده فعلا بيعمل فجوة بين الناس وبيدفع لتسطيح العلاقات في المجتمع بشكل مخل.

مهم ان الزوج يكون حاسس انه عنده الحرية انه يستقبل الناس في بيته وانه يكرمهم ، واكرام الضيف ده احد شعب الايمان .
وطبيعي وهو بيعمل ده بيحاول انه ينسق مع زوجته. ويبلغها قبلها بوقت كافي .
وان ده يتعمل بجرعة معقولة وبشكل يحافظ على حرمة البيت وخصوصيته .... لأن في رجالة عاوزة تفتح البيت كافيه.... او عاوز يستضيف الناس لفترات طويلة بشكل يضرب روتين البيت ومفسد للأولاد ومهلك للزوجة .

ومهم برضه ان الزوجة تحسس جوزها انها في ضهره ، وان عندها مرونة ومش متصلبة ،وإنها تحسن إستقبال ضيوف جوزها وترحب بيهم ، وانها ماتفضلش تتأفف من الموضوع ده وتسبب له حرج إجتماعي.
وعشان تعرف تتحمل تبعات الكلام ده ..محتاجة تجدد نيتها وتحتسب تعبها عند ربنا من باب صلة الرحم وحسن التبعل للزوج واكرام الضيف ، وانها تبقى عارفة ان الأمر ده ليه ضريبة زي مثلا شوية التعب في الاطعام والترويق او بعض الخساير المادية او بعض الاحتكاكات .

وطبعا لازم الزوج يساعدها ويقف جنبها ، ولو الضيف لا يعرف او لا يطبق آداب الزيارة فمهم اننا نهندل الأمر معاه بلطف ، لأن الضيف اللي مش عارف آداب زيارة البيوت ومش ملتزم بيها بيصعّب علينا استقباله .

لكن لو الزوج عاوز يفتح البيت سداح مداح بشكل خارق لاستقرار البيت وخصوصيته ، او مش بيعرف يحميها لو حد من الضيوف غلس عليها او حرق دمها ، حقها طبعا تنزعج من الأمر .

لكن للأسف ، في كتير من الزوجات بقوا فاقدين للمرونة ، ومصممين يريحوا دماغهم حتى لو ده على حساب مشاعر جوزها وزعله وشعوره بالحرج ، لدرجة انهم نزعوا من الزوج حق إنه يستضيف اي حد في اي وقت ، وهو بقى خاضع لده منعا للمشاكل معاها او لأنها بتحطه في حرج بسوء استضافتها للناس .

فانا حابب اقول للزوجات اللي بتعمل كده [اتقِ الله ] وحابب انصحها انها تراجع نفسها وتراجع منظومة القيم جواها.

طبعا البوست ده بعض الزوجات مش هاتستلطفه ، لكن الأمر فعلا محتاج مراجعة

#دفا_البيوت
#محمد_فتحي

ساعة إجابة
فضلا ادعوا لامي ربنا يرحمها ويغفر لها ويسكنها الفردوس الأعلى ❤️

معنا حالة ثقة للصدقة.. أنت في ظل صدقتك وإحسانك يوم القيامة فكان أحد الصالحين يتصدق كل يوم ولو ببصلة أخ متعفف يريد الزواج ومحتاج المساعدة بأي مبلغ والله في عون العبد ما كان العبد في عون أخيه قال الله تعالى { ٱلَّذِینَ یُنفِقُونَ أَمۡوَ ٰ⁠لَهُم بِٱلَّیۡلِ…

زينوا بيوتكم بالرضا ، فإن السخط يُعمي البصر والبصيرة.

النفس إذا تمَكّن منها السخط، لا ترى نعمة ولا سعادة .

#دفا_البيوت
#محمد_فتحي

( الإهتمام - الإحترام )

الكلمتين دول ، لازم كل واحد فينا يسأل نفسه السؤال ده
(إيه معنى الاهتمام والاحترام بالنسبة لشريك حياتي؟ )

لأن المعاني دي تعريفهم فيهم مساحات ثابتة اتفق عليها معظم الناس ، وفيها مساحات نسبية.
الجزء النسبي بيختلف من شخص لآخر حسب تصوره عن العلاقات وطبيعة نشأته وتجاربه الخاصة ونوعه [ذكر أم أنثى] .

مثلا

🔹️في واحدة زوجها طول الوقت عمّال يشتكي إنها مش بتحترمه ، وهي شايفة إنها بتعامله كويس .
لكن الحقيقة انه مش راضي عن بعض التفاصيل في اسلوبها وطريقة كلامها ولغة جسدها ومستوى اللين في التعامل معاه والطريقة اللي بتاخد بيها بعض القرارات والطريقة اللي بتستجيب بيها لطلباته.

فهي شايفة إنها بتتعامل عادي ومفيش حاجة تضايق في اسلوبها ... وهو شايف انها مش بتحترمه.

🔹️ زوجة دايما بتشتكي ان زوجها مش مهتم بيها ، على الرغم انها لما بتتعب بيوديها للدكتور وبيجيب ليها كل الدوا اللي محتاجاه ، وبيحاول يوفرلها كل طلباتها .

لكن الحقيقة ان مش ده بس الاهتمام بالنسبة لها ، الاهتمام بالنسبة لها انه يقول لها كلام حلو فيه مدح وتقدير وحنية ، وانه يبقى حريص انه يسمعها ، وانها لما تبقى مريضة يزود جرعة الحنية والاحتواء وكده .

فهو شايف انه عامل اللي عليه ... وهي شايفة انه مش مهتم بيها.

فمهم ان الزوجين يحاولوا يفهموا دماغ بعض ويتفهموا طبيعة نشأة بعض فيما يخص المعاني دي ... ويحاولوا قدر الإمكان انهم يحققوا توقعات بعض بدون ما كل واحد يتهم التاني بالافورة والمبالغة

#دفا_البيوت
#محمد_فتحي

قيام الليل.?

ادعو لامي بالرحمة والمغفرة وأن يسكنها الله فسيح جناته فضلا❤️
و ادعو لإخواننا في فلسطين ??
وادعولي ربنا يحققلي مرادي فضلاً عاجلا غير اجلا.. "

.تذكير بقراءة سورة الملك ?♥️ .. بِسْمِ اللَّهِ الرَّحْمَنِ الرَّحِيمِ تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ (1) الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ (2)…

لو معملتش حاجة في يومك
الحق اعمل واختم يومك
ولو بركعة وتر
باستغفار
بوجه من القرآن

ما خاب من حاول وسعى..?

من الحاجات اللي مأزمة كتير من بيوت الأزواج المصريين المغتربين (وخصوصا المغتربين في دول الخليج) ... إنهم في علاقتهم بأهاليهم في مصر لسه بيحاولوا يعيشوا نفس الحالة بتاعة المغتربين اللي كانوا بيسافروا في التمانينات والتسعينات واوائل الالفينات ... أيام ما كان المغترب بيكسب كويس مقارنة بالدخل في مصر ..وقادر يحوش فلوس كتير .. وبالتالي كان بيقدر يبعت هدايا كل فترة لأهله وأهل مراته والجيران وجيران الجيران... ولما ينزل مصر يجيب هدايا لكل الناس ... ولما حد من مصر يحب يستلف فلوس كان يكلمه وكان بيقدر يسلفه

دلوقتي الوضع مابقاش كده ... وتركيبة الدخل والمصاريف في الغربة بقت تركيبة مختلفة ...ومع ذلك أحيانا المغترب بيحاول يعمل نفس الكلام بتاع زمان وبيبقى محرج جدا انه يحسس الأهالي في مصر بحقيقة وضعه ... لدرجة إن في أزواج مش بيقدروا يجيبوا زوجاتهم واولادهم معاهم في نفس البلد .. وده بسبب إن معظم دخله رايح في السكة دي

انا متفهم ان في شريحة من الاهالي في مصر لسه عندهم نفس التوقعات ونفس النظرة للمغترب بتاع زمان..و بيبقوا فاكرين انه بقى ثري عربي... ومايعرفوش ان الدنيا بقت صعبة في الغربة وانكم كمغتربين بيبقى عندكم رغبة تسعدوا أهاليكم ... وطبعا حلو ان لما ربنا يوسع عليكم إنكم توسعوا على اللي حواليكم

لكن بلاش تصدروا صورة مش حقيقية عن وضعكم المادي ... لان ده هايخليكم طول الوقت متأزمين ماديا رغم الغربة ... وهايعرقل اي محاولة للم شمل الأسرة في مصر أو حتى في الغربة ... وغياب الزوج عن الأسرة بيسبب مشاكل كتير لا تخفى عننا كلنا

اللهم رد كل غائب واجمع شمل كل البيوت ❤️

#دفا_البيوت
#محمد_فتحي