Elektron sigaretalar kontrabandasi haqida bir necha bor yozdim. Istanbuldagi Bosh konsulxonamiz kontrabanda bo‘yicha ogohlantirish bilan chiqibdi. Ogohlantirish matnini quyida o‘qishingiz mumkin.
So‘nggi vaqtlarda belgilangan miqdorlardan ortiq tamaki mahsulotlarini Turkiyaga olib kirishga uringan yurtdoshlarimizga nisbatan “kontrabanda” (kaçakçılık) aybi qo‘yish holatlari ortib borayotganligi kuzatilmoqda. Bunday holatlar fuqarolarimiz uchun jiddiy huquqiy oqibatlarga sabab bo‘lmoqda.

Xususan, hozirgi kunda Turkiya jazoni ijro etish muassasalarida 20 dan ortiq fuqarolarimiz belgilangan miqdordan ortiq tamaki mahsulotlarini olib kirganligi sababli qamoqda saqlanmoqda.

Hurmatli vatandoshlar!

O‘zbekiston Respublikasining Istanbul shahridagi Bosh konsulxonasi Turkiyaga safar qilishni rejalashtirayotgan yurtdoshlarimizga quyidagi muhim ma’lumotlarni eslatadi.

Tamaki mahsulotlari uchun cheklovlar:

18 yoshdan katta yo‘lovchilar shaxsiy foydalanish uchun quyidagi miqdorda tamaki mahsulotlarini olib kirishlari mumkin:
• 600 dona sigareta (30 pachka yoki 3 blok);
• 50 dona sigara.

Elektron sigaretalar uchun cheklovlar:

Turkiya qonunchiligiga ko‘ra, har bir yo‘lovchi shaxsiy foydalanish uchun quyidagi miqdorda elektron sigaretalarni olib kirishi mumkin:
• 10 dona bir martalik elektron sigareta;
• 1 dona ko‘p martalik elektron sigareta qurilmasi;
• 200 dona almashtiriladigan stiker yoki 30 ml suyuqlik.

Tijorat maqsadlarida tamaki mahsulotlarini olib kirish man etiladi.

Muhim ogohlantirish:

Tamaki mahsulotlarini noqonuniy olib kirganligi sababli Turkiya sud idoralari tomonidan belgilangan jarimalarni to‘langandan so‘ng sizga nisbatan qo‘llangan jarima yechilganligini qayta tekshiring va ishonch hosil qiling.

Izoh: Jarimani to‘lagan ammo turk idoralari qaydlarida jarima yechilmaganligi yurtdoshlarimizni chegarada qo‘lga olinishi sabab bo‘lmoqda.

Tavsiyalar:

• Safaringizdan oldin Turkiyaning bojxona qoidalari bilan tanishib chiqing.
• Belgilangan me’yorlardan ortiqcha mahsulotlarni olib kirishga urinmang.

Qonunchilikka rioya qilish orqali safaringizni xavfsiz va muvaffaqiyatli o‘tkazing.

Tushunishimcha, Turkiye Bursları, ya’ni “Turkiya grantlari/stipendiyalari” dasturi doirasida o‘zbekistonlik yoshlar uchun kvotalar soni oshiriladi.

O‘zbekiston tomoni kvotalarni asosan mashinasozlik, yashil energetika, oziq-ovqat xavfsizligi, sunʼiy intellekt hamda tibbiyot yo‘nalishlariga ajratishni so‘rabdi.

“Nusratiya” majsidi Istanbulning Beyo‘g‘lu tumanida, Tophane mavzesida joylashgan. Xalq orasida “Tophane” masjidi deb ham ataladi.

1826-yilda ochilgan mazkur ibodatgohning me’mori arman millatiga mansub Krikor Balyan bo‘lgan. Masjidni barpo etishda imperial va barokko uslublaridan foydalanilgan.

Bu yerda avval ham masjid bo‘lgan, biroq 1823-yilda yonib ketgan. Shundan keyin sulton Mahmud II yangi masjid qurishga farmon bergan.