? НОВА АНКЕТА

Послє ваших одговоров на стару анкету, мы имајемо и једно ново пытање. ?

Мы јесмо рапортовали, же форму погледати људи највыше често избирајут како совршены/досконалы глагол, але то имаје проблемы:

• ???? В чешском и словачском то јест фалшивы пријатељ?️.
• ?? В украјинском то је несовршены/недосконалы глагол за повтарјано дєјство. ?

? Просимо вас учествовати в новој анкетє, да быхмо смогли сдєлати јасны избор меджу погледати и погледєти.

? Анкета: docs.google.com

? Резултаты можно видєти тут: Google Sheets

? АНКЕТА О СЛОВАХ С КОРЕЊЕМ "-ГЛЕД-" ?

Драги помочники развоја меджусловјанского језыка, тутдењ мы рапортујемо, же анкета јест скончена и можемо огласити јеј резултаты:

? Оптималне варианты в особливых ситуацијах

• погледнути — за моментално, једнократно гледање, напр.: “шоферка кратко погледнула в бочно зрцало”
• погледывати — за периодично повтарјано гледање, напр.: “он је непокојил се и често погледывал на часовник”

? Универсалне базове варианты

Подолг статистикы, на поглед јужных словјан, обадва варианты выше можно универсално замєнити на: погледати и гледати. В контексту литературы, оне могут быти мење конкретне и точне, але најлєпше разумливе.

? Находкы

Минимална коликост одговоров избирала погледати за ситуације, кде трєбује быти имперфект (несовршены/недоконаны вид: что дєлал/чинил/правил?) – абсолутно множинство мысли, что погледати јест совршены глагол (перфект).

?Новости в меджусловјанском словнику

Итак, послє анализы одговоров:

• Додали јесмо 2 нове рєчи: погледнути, погледывати
• Поправили јесмо глагол погледати: имперфект → перфект (совршены ~ доконаны вид, что сдєлал/учинил/направил?).

*? ANKETA O SLOVAH S KORENJEM "-GLED-" ?***
Dragi pomočniki razvoja medžuslovjanskogo jezyka, tutdenj my raportujemo, že anketa jest skončena i možemo oglasiti jej rezultaty:

*? Optimalne varianty v osoblivyh situacijah*

• poglednuti — za momentalno, jednokratno gledanje, napr.: “šoferka kratko poglednula v bočno zrcalo”
• pogledyvati — za periodično povtarjano gledanje, napr.: “on je nepokojil se i često pogledyval na časovnik”

*? Universalne bazove varianty*

Podolg statistiky, na pogled južnyh slovjan, obadva varianty vyše možno universalno zaměniti na: pogledati i gledati. V kontekstu literatury, one mogut byti menje konkretne i točne, ale najlěpše razumlive.
? Nahodky

Minimalna kolikost odgovorov izbirala pogledati za situacije, kde trěbuje byti imperfekt (nesovršeny/nedokonany vid: čto dělal/činil/pravil?) – absolutno množinstvo mysli, čto pogledati jest sovršeny glagol (perfekt).

?Novosti v medžuslovjanskom slovniku

Itak, poslě analizy odgovorov:

• Dodali jesmo 2 nove rěči: poglednuti, pogledyvati
• Popravili jesmo glagol pogledati: imperfekt → perfekt (sovršeny ~ dokonany vid, čto sdělal/učinil/napravil?).