អបអរសាទរខួបលើកទី ២០ នៃព្រះរាជពិធីឡើងគ្រងព្រះបរមរាជសម្បត្តិ នៃព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។
ថ្ងៃទី២៩ ខែតុលា ឆ្នាំ២០០៤ - ថ្ងៃទី២៩ ខែតុលា ឆ្នាំ២០២៤

មូលនិធិអភិវឌ្ឍន៍ជំនាញ (SDF) សូមក្រាបថ្វាយព្រះពរបវរមហាប្រសើរ ព្រះករុណាជាអម្ចាស់ជីវិតតម្កល់លើត្បូងជាទីសក្ការៈដ៏ខ្ពង់ខ្ពស់បំផុត សូមព្រះអង្គមានព្រះរាជសុខភាពល្អបរិបូរណ៍ និងព្រះជន្មាយុយឺនយូរ ដើម្បីគង់ជាមហាម្លប់ដ៏ត្រជាក់ត្រជំដល់កូនចៅប្រជានុរាស្រ្តខ្មែរជ្រកកោនជានិច្ចនិរន្តរ៍តរៀងទៅ។

#SkillsDevelopmentFund #SDF

មូលនិធិអភិវឌ្ឍន៍ជំនាញ (SDF) ជាស្ថាប័នប្រកបដោយទំនុកចិត្ត ដើរតួយ៉ាងសំខាន់ក្នុងការកសាងមូលធនមនុស្សប្រកបដោយចំណេះ និងជំនាញសម្រាប់កម្ពុជា។

បច្ចុប្បន្នមានគ្រឹះស្ថានបណ្តុះបណ្តាលចំនួន ៦០ សមាគមធុរកិច្ចចំនួន ១៩ និងសហគ្រាសគ្រប់ធុនចំនួន ៤០០ ជាដៃគូសហការរបស់ SDF ហើយនេះជាបណ្តាញដ៏ទូលំទូលាយ និងមានឥទ្ធិពលក្នុងការពង្រីកបណ្តាញពាណិជ្ជកម្ម និងអភិវឌ្ឍជំនាញ ដើម្បីគាំទ្រដល់ការពង្រឹង និងពង្រីកទាំងបរិមាណ និងគុណភាពនៃការអភិវឌ្ឍជំនាញកម្លាំងពលកម្មកម្ពុជា ដែលអាចឆ្លើយតបទៅនឹងតម្រូវការក្នុងឧស្សាហកម្ម និងបំពេញគម្លាតព័ត៌មានរវាងភាគីផ្គត់ផ្គងជំនាញ (គ្រឹះស្ថានបណ្តុះបណ្តាល) និងភាគីត្រូវការជំនាញ (វិស័យឯកជន)។

SDF នៅតែបន្តស្វាគមន៍ ដៃគូសហការផ្សេងទៀត ទាំងគ្រឹះស្ថានបណ្តុះបណ្តាល រោងចក្រ-សហគ្រាស និងដៃគូអភិវឌ្ឍន៍នានា ចូលរួមក្នុងបេសកកម្មប្រកបដោយអត្ថន័យខ្លឹមសារនេះ ដើម្បីរួមចំណែកក្នុងការលើកកម្ពស់ជីវភាពប្រជាពលរដ្ឋកម្ពុជា និងជំរុញកំណើនសេដ្ឋកិច្ចជាតិ!

"ជាមួយការប្រឹងប្រែងរួមគ្នា យើងអាចប្រែក្លាយកម្ពុជា ទៅជាប្រទេសដែលពោរពេញទៅដោយជំនាញច្បាស់លាស់ ដើម្បីចូលរួមសម្រេចឱ្យបាននូវចក្ខុវិស័យឆ្នាំ ២០៣០ និង ២០៥០ របស់រាជរដ្ឋាភិបាលកម្ពុជា”

សាកល្បងផ្គូផ្គងជំនាញ ជាមួយនឹងរូបភាពទាំងបីនេះលមើល ដើម្បីដឹងថា លោកអ្នកបានស្គាល់ជំនាញទាំងនេះ ច្បាស់កម្រិតណា?
ចូលរួមកំសាន្តទាំងអស់គ្នា ដើម្បីស្វែងយល់ពីជំនាញ ដែលកំពុងមានតម្រូវការក្នុងទីផ្សារ និងជំនាញ ដែលលោកអ្នកមិនធ្លាប់ដឹង!

#SkillsDevelopmentFund #SDF

ជួបគ្នានៅស្តង់ មូលនិធិអភិវឌ្ឍន៍ជំនាញ (SDF) ចាប់ពីថ្ងៃសុក្រ ទី២៥ ដល់ថ្ងៃអាទិត្យ ទី២៧ នៅមហោស្រពមុខវិជ្ជា និងការងារមេគង្គ ឆ្នាំ ២០២៤ ដើម្បីស្វែងយល់ពីការជ្រើសរើសអាជីពការងារឱ្យត្រូវនឹងចំណង់ចំណូលចិត្ត និងទេពកោសល្យរបស់ខ្លួន, ស្វែងយល់ពីមុខវិជ្ជាសិក្សា និងឱកាសទទួលបានអាហារូបករណ៍ថ្នាក់ឧត្តមពីស្ថាប័នសាធារណៈ និងឯកជន, ព្រមទាំងឱកាសចូលសម្ភាសន៍ការងារភ្លាមៗ (Walk-in interview) ពីគ្រឹះស្ថានឯកជន។
👉🏼ចូលរួមដោយសេរី ពីថ្ងៃទី ២៥-២៧ ខែតុលា ឆ្នាំ ២០២៤ ចាប់ពីម៉ោង ១០ព្រឹក - ៧ល្ងាច
📍ទីតាំង: ផ្សារទំនើប ជីប ម៉ុង ២៧១ មេហ្គាម៉ល

#SkillsDevelopmentFund #SDF

គិតត្រឹម ត្រីមាសទី៣ ឆ្នាំ ២០២៤ មូលនិធិអភិវឌ្ឍន៍ជំនាញ (SDF) សម្រេចបាននូវសមិទ្ធផលសំខាន់ៗក្នុងការគាំទ្រវិស័យឯកជន និងគ្រឹះស្ថានបណ្តុះបណ្តាលលើការអភិវឌ្ឍជំនាញឱ្យត្រូវនឹងតម្រូវការឧស្សាហកម្ម ក្នុងវិស័យអាទិភាព។
ក្នុងនោះ គម្រោងបណ្តុះបណ្តាលចំនួន ១៦០គម្រោង ត្រូវបានអនុម័ត ដែលមានថ្លៃបណ្តុះបណ្តាលសរុប ២៤,៩ លានដុល្លារ និងបានចូលរួមបដិភាគដោយ SDF ចំនួន ១៣,៥២ លានដុល្លារ (ឬ ៥៤%) និងមានសិក្ខាកាមចំនួន ៣១.១៥២ នាក់ (ស្ត្រី=៣៤%) បាន និងកំពុងទទួលការបណ្តុះបណ្តាលជំនាញ។

សមិទ្ធផលទាំងនេះបង្ហាញពីការយកចិត្តទុកដាក់ខ្ពស់របស់រាជរដ្ឋាភិបាល និងដៃគូអភិវឌ្ឍន៍របស់ SDF ដែលបានផ្តល់ប្រភពថវិកាដល់ SDF ដើម្បីគ្រប់គ្រង និងបែងចែកសម្រាប់គាំទ្រដល់ការអភិវឌ្ឍជំនាញយុវជនកម្ពុជារបស់យើង ដែលរួមចំណែកយ៉ាងសំខាន់ដល់ការអភិវឌ្ឍសង្គម-សេដ្ឋកិច្ចជាតិ សំដៅសម្រេចបាននូវចក្ខុវិស័យឆ្នាំ ២០៣០ និង ២០៥០ របស់រាជរដ្ឋាភិបាលកម្ពុជា។

#SkillsDevelopmentFund #SDF #SDFMilestones

ការចុះឈ្មោះសិក្សាលើកម្មវិធីផ្គូផ្គងជំនាញ មានភាពងាយស្រួល និងឆាប់រហ័ស។ ដើម្បីចុះឈ្មោះ លោកអ្នកគ្រាន់តែ៖
1. ស្នើសុំការផ្ទៀងផ្ទាត់អាជីវកម្មលើ ថ្នាលភាពជាដៃគូរបស់ SDF
2. ចូលទៅកាន់វគ្គសិក្សាដែលអ្នកពេញចិត្ត ចុចលើពាក្យ “ចុះឈ្មោះ” រួចបំពេញទម្រង់លិខិតពាក្យ និងបញ្ជីឈ្មោះសិក្ខាកាម
3. ដាក់ពាក្យស្នើសម្រាប់ការវាយតម្លៃ រួចចុចបញ្ជូនជាការស្រេច។
👉🏼របៀបស្នើសុំការផ្ទៀងផ្ទាត់អាជីវកម្ម៖ https://bit.ly/3A1qqMP
👉🏼ស្វែងរកវគ្គសិក្សា និងចុះឈ្មោះនៅទីនេះ៖ https://sdfcambodia.org/courses/list

✍️ SDF មិនមែនជាគ្រឹះស្ថានបណ្តុះបណ្តាលជំនាញ តែជាស្ថាប័នអចិន្ត្រៃយ៍គាំទ្រដល់ការអភិវឌ្ឍជំនាញនៅកម្ពុជា!

#SkillsDevelopmentFund #SDF #SkillsMatchingProgram

ទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ "ព្រះបរមរតនកោដ្ឋ" ខួបគម្រប់ ១២ ឆ្នាំ នៃការយាងសោយព្រះទិវង្គត។
ថ្នាក់ដឹកនាំ និងក្រុមការងារនៃ មូលនិធិអភិវឌ្ឍន៍ជំនាញ សូមសម្តែងនូវការចងចាំជានិច្ច ចំពោះស្នាព្រះហស្ត ព្រះរាជបូជនីយកិច្ច និងគុណូបការៈដ៏ធំធេង និងខ្ពង់ខ្ពស់បំផុត របស់ព្រះអង្គ សម្រាប់ជាតិមាតុភូមិ។

#SkillsDevelopmentFund #SDF

ចំណេញថ្លៃបណ្តុះបណ្តាលរហូតដល់៦០% ក្រោមថវិកាឧបត្ថម្ភរបស់ SDF សម្រាប់ការអភិឌ្ឍជំនាញបុគ្គលិកលោកអ្នក តាមរយៈ កម្មវិធីផ្គូផ្គងជំនាញ។
វិនិយោគលើការអភិវឌ្ឍជំនាញបុគ្គលិកលោកអ្នក ជាមួយកម្មវិធីផ្គូផ្គងជំនាញឥឡូវនេះ ដើម្បីបង្កើនផលិតភាព ប្រសិទ្ធិភាពការងារ និងភាពរីកចម្រើននៃអាជីវកម្ម។  
👉🏼អំពីកម្មវិធីផ្គូផ្គងជំនាញ៖ https://bit.ly/4bZ13cb  
✍🏼SDF មិនមែនជាគ្រឹះស្ថានបណ្តុះបណ្តាលជំនាញ តែជាស្ថាប័នអចិន្ត្រៃយ៍គាំទ្រដល់ការអភិវឌ្ឍជំនាញនៅកម្ពុជា!

#SkillsDevelopmentFund #SDF #SkillsMatchingProgram