D...га

1. Сени қоим тундан изладим,
   Тонглардан изладим -нур отган.
   Куйлардан изладим ушшоқий
   Манглайин саволлар нуратган.
   Изладим, қуддусий сирларнинг
   Тугуни ечилди, ё сирим!
   Лек сенинг дарагинг бедарак,
   Қайларда юрибсан яширин.
   Тоғларнинг баҳридан ўтиб ҳам
   Топганим тоғдайин хавотир.
   Сенгача билолмам, эй кимим,
   Ё қафас тўсқинлик қилодир,
   Ё нафас тўсқинлик қилодир...
   Насимлар рақс этса, ёдингни
   Хазиндек таратар мутрибо,
   Хазондек тарқатар мутрибо.
   Бир осор атадим бор бўлсанг,
   Анқонинг кўзидан ўқиб ол!
2. Денгизнинг парвойи самогир,
   Сан, о, кел! Чекимда-тўкилиш.
   Бир тутам умримга бер сабр
   Ва ё хушхабар бер, аё Ишқ?!
   Дунёнинг қай бурчи висолранг,
   Қай бурчи шабнамо кўзимдек...
   Тушунгин...
   Мумкиндир йўлларим боғласам
   Худонинг ёнига етмоқлик.
   Сўнг...надир эҳтиёж, аё Ишқ?!
   Эй минг йил интизор кутганим,
   Кел, сен-ла топайин Худони,
   Кел, сенда топайин Худони!
   Кеч бўлмай хабар бер, қайдасан,
   Қаён ишқ?!
   Аё Ишқ!

Зарнигорхон Абдуолимова
август.2022.

Балодан қўрққанчалик Худодан қўрқармидик?!

Behzod_Fazliddin

@Zarnigorxon_1227

Sheʼrning sheʼr boʻlishiga vazn va qofiyaning hech daxli yoʻqdir.

Fitrat, “Adabiyot qoidalari”

G'azablanganda aytilgan gaplar xotirjamlikda rejalashtirilgan.
Jaxlim chiqqanda, bilmay gapirib yubordim degan narsa yo'q...

Koʻp insonlar biladigan narsa bilishga arzimaydi.

Talib Nassim

Qorparchalar ba'zan o'zi tushgan kaftlarni isitishni xohlaydi.❄️

*   *   *

Uyalinglar! Ayollar bilan
Bahslashmanglar, qilmanglar poyga.
Lekin barcha gʻalabalarni
Tashlanglar ularning poyiga.

Ayollarga ketmon bermangiz,
Ayollarga bermang belkurak.
Ayollarga koʻngil beringlar,
Ayollarga beringlar yurak.

Mahkum qilmang temir-tersakka
Hech Mohiroʻy, hech Tursunoyin.
Ayollari erkakshoda xalq
Xotinchalish boʻladi doim.

Matnazar  ABDULHAKIM
@Zarnigorxon_1227

Baribir

Men samodan topgan so‘zni
siz tuproqqa ko‘mgaysiz.
Balki, menga ayon sirlar
sizga biroz o‘ng‘aysiz.
Menga Xudo bergan ishqqa
shunga ko‘zni yumgaysiz.
Men dunyoni sharh etsam ham
baribir tushunmaysiz.

Ko‘ngildan arz etsam, sizlar
qaydan so‘rayapsizlar?
Nafas bo‘lib kirgan qolib,
loydan so‘rayapsizlar.
Gul shirasi bol bo‘lguncha
ming to‘lg‘ongan arining
qismatini boldan emas,
maydan so‘rayapsizlar.
Qay es bilan ishq sharhini
Qaysdan so‘rayapsizlar?
O'z-o'zidan adashganga
Najot bo'ladi qay iz?
Men dunyoni sharh etsam ham
Baribir tushunmaysiz.

Qarang, ikki qanot bilan
bir o‘ram g‘o‘sht uchyapti,
Bu qushlari yolg‘on, tandan
ruh degan qush uchyapti.
Dunyosining sumbatiga
bino qo‘yib yurganlar
bu dunyodan xas ololmay
qo‘li bo‘m-bo‘sh uchyapti.
Ey, kuyini yo'qotganlar,
navo bo'lmaydi naysiz.
Men dunyoni sharh etsam ham
baribir tushunmaysiz.

Milliard zarra birlashgay-u
Bir vujudga jam bo'lgay,
Kimda nedir ortiq bo'lgay,
Kimda nedir kam bo'lgay,
Yo qumursqa, yo burgut, yo
hazrati Odam bo'lgay.
Ne bo'lsa ham bir hikmat bor,
hukmi muhtasham bo'lgay,
Va barchasi avval-oxir
yo'q bo'lgay, adam bo'lgay,
Qo‘yib bersa bu olamga
ustun bo‘lmoqqa shaysiz.
Men dunyoni sharh etsam ham
baribir tushunmaysiz.

Suhrob Ziyo

Bir marta

Suyunchiiiiii?????