مصطفى سجاد التميمي
تلي _ @m_u55g
انستغرام | m_u5g
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 5 months ago
Last updated 1 month, 2 weeks ago
سيدي يا سيدي . العشق أخذني والغرام إلى فصيح الكلام العذب حتى قال قلبي
همتُ عطشاناً لنهركَ شجنا
تَبلٌ تدلهٌ صبابةٌ وصبِ ... ❤?
ما ينگحم بالحرب
بي مرجلة لو يطب
والزود الا شكد صعب . عباس
بيده ترف رايته
غيرة علي بيمنته
زود الحسن هيبته . عباس
عباس ... يا شجاعة حيدر
عباس ... بالحرب لو كبر
عباس ... چن اسد لو يزأر ... ابو فــــاضل
ماكو بالفرسان
مثلا ولا انسان
واحد ابو فاضل
حط بالزلم نيشان
شمر العدوان
بالحومه گمر عدنان
كض النهر بجفوفه
رد اشجع الشجعان
ـــــــــــــــ ابو فاضل مدد ـــــــــــــــ
المعتمد بالمحن
يمه الشدد ينكضن
اسمه مدد بل وطن . عباس
جمع العدة شتته
الكل ينتضر موتته
صب عالحرب غيرته . عباس
عباس . قله نلكى امثاله
عباس . نستمع لافعاله
عباس . شرد الخياله ... ابو فــــاضل
عباس تفسيره
حط بينه الف حيره
جل جلاله الله
سبحانه تصويره
مرجلة وغِيره
منهو صعب غَيره
نلگة بشر واحد
يوصل لتعبيره
ـــــــــــــــ ابو فاضل مدد ـــــــــــــــ
قاصر عقل يرفضى
لأن والده المرتضى
طب عالعدى كـ الُظى . عباس
صعب الأصل ينفهم
خصة اذا ابن شهم
شال النهر طم زلم . عباس
عباس ... نور نور عيونه
عباس ... كلهم يهابونة
عباس ... والحروب فنونه ... ابو فــــاضل
هيبة الكرار
سوه الحرب طشار
لو شافو القرآن
تتراجف الكفار
واهس الانصار
يجدح شرار ونار
سيفة كضى الوادم
دخل جيوش انــذار
ـــــــــــــــ ابو فاضل مدد ـــــــــــــــ
هاي الحرب لافته
غيرة ابد لافته
جابت نهر جربته . عباس
كافل عقيلة وخدر
بالحرب لا ما خسر
اسم الكمر منتصر . عباس
عباس ... بي تنخه حسينه
عباس ... السهم ماخذ عينه
عباس ... هد بلا جفينة ... ابو فــــاضل
الروح انطاها
لأجل الخدر عافاها
انه ابو فاضل
ها يختي ناداها
الجربة جابها
حدر حسين خلاها
وصلها ابو الغيرة
الحجاية سواها
ـــــــــــــــ ابو فاضل مدد ـــــــــــــــ
مصطفى سجاد التميمي
التعويد اشد من الحب فعندما تتعدى مرحلة الحب ستصل للتعويد
(عليك تعودت يحسين جزيت وياك حد الحب
إذا يومين ما ابچي الوم بروحي واتعذب)
علموني اهلي قـــــضية .
من الزغر بيها عـــــشت .
الزلمة اذا ينولي صعـبة .
شلون إذا حرمة نولــت . ??
مصطفى سجاد
................................................................
(( يا حسين حبيب روحي يا حبيبي وكلشي بية ))
..................................1..............................
يا مليكي وروحي انت ... ماكو مثلك يا حبـيبي
حتى لو ابــتعـد عـنك ... من اصيح أنت مجيبي
انه احبـك انت تدري ... وصح ذنوبي تأذي گلبك
بس اريدن أبقى يمك ... يا جروحي ويا طبـيبي
.................................................................
(( يا حسين حبيب روحي يا حبيبي وكلشي بية ))
..................................2..............................
أنه تفضحني ذنوبي ... وانت تدعي ربي سـتـره
انه غلطان واجيـتك ... سيدي المُـذنـب تـعـبــره
نفسي ضلمتني يمولاي ... واگصدت مجلس عزائك
يا نصـير المالا واحد ... أنت عالضــالم تـنـصـره
.................................................................
(( يا حسين حبيب روحي يا حبيبي وكلشي بية ))
..................................3..............................
يــا أميـر الدنيا كـلها ... بس احسك چن صديقي
انت أقرب مني اليه ... يا حبيبي ويا رفيقي
بأبي انت وامي ... گلبي ناداك بحسرته
حبنه چذبة كلها تدري ... وحبك أنت شي حقيقي
.................................................................
(( يا حسين حبيب روحي يا حبيبي وكلشي بية ))
..................................4..............................
وحبيبُ القلب ينضُر ... لقتيلٍ او صريعا
والـى ثــار البتـــولِ ... تذرف العينين دمعا
بابي المقتول ضلماً ... وقضى في الطف وحيداً
والى ثار ابانا ... ننتضر في الغدِ جمعا
.................................................................
(( يا حسين حبيب روحي يا حبيبي وكلشي بية ))
..................................5..............................
سرنا في بحر هواكا ... وهوينا فيهِ رسمك
لم نجد للحب شيءً ... اعضم من ذكر أسمك
عشنا في الطف شبابا ... وانكسرنا فيكَ حزناً
والى ما لا نهاية ... فينا يسري طاري ذكرك
.................................................................
(( يا حسين حبيب روحي يا حبيبي وكلشي بية ))
..................................................................
مصطفى سجاد التميمي
يعباس يعباس...بحماك هاي الرايه
يعباس يعباس...جيب النهر وي مايه
يعباس يعباس...ترعبهم هيه الغايه
دك بالحرايب ثايه
مثل الهوا محد ينضره ويشوفه
أفعال الگمر للناس يي معروفه
حتى العده تتنخه بس بحروفه
مثل الهوا عباس لا ما ينكض
وكبار قبل ازغار كامت تركض
يبو فاضل يا سيدي
..........
بالميدان بالميدان...شافو الرايه ترفرف
بالميدان بالميدان...جبيرهم ضل يرجف
بالميدان بالميدان...حتى النهر ضل ينزف
شوارب زلم ضل ينتف
مثل الحبال الجيش ضل يتلوه
حتى النهر والماي ضل يتجوه
والنهر من عباس بس يتروة
ومن نزل عباس بيهم يرعد
صاعق غده والجيش يركض يشرد
يبو فاضل يا سيدي
..........
العدوان العدوان...مثل الماي تطّشر
عالعدوان عالعدوان...عباس صاح وكبر
العدوان العدوان...محد يواجه يگدر
من الجيش روس أتشمر
جانو جبل عباس صار الزلزال
لو نيزك يهد المناطق والجبال
غير هاشم ما تصح كل افعال
شافو الرايه وكلشي ضل يتراجف
والشوفت العباس ضل يتلاهف
يبو فاضل يا سيدي
........
السبعين السبعين...محد يواجه يگدر
السبعين السبعين...تخيلو جن حيدر
السبعين السبعين...بريولهم تتعثر
شمرها عم الاكبر
من شاهدو نازل يشمر بيهم
الروس الكبار الكلف بس ياذيهم
يكتل زلم لو بس يباوع ليهم
جا خلص السبعين لو ناويها
نخلست زلم عباس فات عليها
يبو فاضل يا سيدي
.........
مصطفى سجاد التميمي
كفو يا ام البنين الطـــاهره
ربت العباس بالطف بـــاشره
نبهته من الزغر يا با الفضـــل
لا تعوف حسين تكسر خاطره
من حشمته سكينه .... كاللها بشري وعلي
جر الماي للخيمه .... وكلالا اخضع الي
هذا جبير الساده الما ينغلب بالنزال
حتماً جبيره افعاله...العباس ابن علي
ـــــــــــــــ يا ابا الفضل ــــــــــــــ
ربته من الزغر اعلى القتال
هوة يمشي زغير بس هيبة رجال
بزغره اذكر سالفها يكولوها
تنخته زينب وگعطها الحبال
بخزره وحده من عينه .... الاشتر كام يرتجف
وراث شجاعة حيدر .... علي امير النجف
الاشتر صاح يا حيدر نضره طفل بس صعب
تمنه تفوت سنينه .... ذاك الشجاع الكلف
ـــــــــــــــ يا ابا الفضل ــــــــــــــ
يا شجاعه ويا كلافه البالهجوم
جبيرهم من خوفه شارد للغيوم
البجه خاله لان عطشان الحسين
صكر بالطف اعلى الفرايس يحوم
ملك الموت من شافه .... هاجم يكطع الركب
وصل رساله بصوته .... عباس حسم الحرب
عباس يا صولاته ماكو مثلها ابد
تربايت امه بحيلا .... وابن قتال العرب
ـــــــــــــــ يا ابا الفضل ــــــــــــــ
من سمع بحسين حاير او وحيد
كلا خويه لا تهم لاحرك يزيد
الماي اجيبه والفرات بطوله
صيحته تعادل الف من الرعيد
جبريل كض السيف ... عن الكاع لا تنشطر
ولو راد شك الكاع... لأن سيفه لا ما ينكدر
عباس شيخ الساده طكته تعادل الف
الخاله خايف منه .... شتتوقع ينكدر
ـــــــــــــــ يا ابا الفضل ــــــــــــــ
ذب حسامه والدروع اعلى النهر
كام جر الماي من النهر جر
كلا يا ماي الفرات ارويهم
كلا ابشر لا تسولف يا كمر
الماي رايح يركض ... للخيمه يروي الضعن
الجيش شافه وتسودن ... عباس يضحك لان
هذا الوجود يديره حيدر علي وبزرته
حيدر بيده الدنيا ... وعباس يصبح وطن
مصطفى سجاد التميمي
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 5 months ago
Last updated 1 month, 2 weeks ago