林卓廷官方頻道 pinned «【林卓廷辭任北區區議員】 小編在此宣布，今日我地團隊已代阿廷向民政事務總署署長謝小華遞信，辭任北區區議員一職，於2021年3月31日生效。 阿廷寫咗兩封信（一封俾香港市民，一封俾北區居民），感激大家多年來嘅信任同支持，同埋對未能完成任期致歉。 ✉️***致香港市民： 我決定請辭北區區議員的工作，正式結束我的議員生涯。感謝市民多年來的信任和支持，亦感謝我的同事義工多年來一直鼎力襄助。 由半年前兼任立法會、區議會雙料議員，到今天先後辭任立法會和區議員，更成為階下囚，人生變化千帆劃過。但無論是雙料…»

【林卓廷辭任北區區議員】

小編在此宣布，今日我地團隊已代阿廷向民政事務總署署長謝小華遞信，辭任北區區議員一職，於2021年3月31日生效。

阿廷寫咗兩封信（一封俾香港市民，一封俾北區居民），感激大家多年來嘅信任同支持，同埋對未能完成任期致歉。

✉️致香港市民：

我決定請辭北區區議員的工作，正式結束我的議員生涯。感謝市民多年來的信任和支持，亦感謝我的同事義工多年來一直鼎力襄助。

由半年前兼任立法會、區議會雙料議員，到今天先後辭任立法會和區議員，更成為階下囚，人生變化千帆劃過。但無論是雙料議員，還是雙失囚徒，我依然自傲，林卓廷仍然是林卓廷。

感謝2015、2019年支持我的北區居民，亦感謝2016年新界東選民之信任，讓我經歷人生短暫但光輝的歲月。

自我當選後，我一直謹記市民的重託，和我的團隊兼顧立法會和地區的工作，盡力實現「反貪腐，反圍標」的目標。經多年努力，團結小業主力量，原本由黑幫操控，掠奪小業主血汗積蓄的樓宇維修圍標集團，已近銷聲匿跡，但香港的貪腐隨著制度失衡每況愈下，令人心痛。最令人心痛的就是我們對痛心已經麻木了。

回想2011年民主黨在北區嚴重失利，只剩下一席對二十幾席的建制和鄉事議員，加上2012年主責北區的黃成智未能連任，北區的民主陣地幾近土崩瓦解，我臨危受命，開展北區的地區工作，終在2015年區選扭轉劣勢，建立橋頭堡，2019年更迎來整個民主陣型的大捷。期間，我和香港市民經歷過佔中運動，反修例運動。今天回首，我經歷了精彩的十年。

歷史雖然沒有如果，但如果當日我獲何俊仁邀請重返民主黨時，預知這十年的經歷和今天陷獄，我究竟會否仍然辭去廉署調查主任之職呢？我想，以我不認命的個性，我必然會選擇此路，因為此決定縱使艱苦，但不會令我永留遺憾。縱使留在廉署保證有安穩寬裕的日子，但物質上的富足，心靈反而空虛，甚至自責，又豈是我應走之路呢？

性格決定命運，721元朗黑夜，若我為求自保不入險地，當日雖然高牀暖枕，我又如何可以安睡呢？白衣人如狼似虎正準備衝入車廂施襲，有男乘客叫我躲在他身後保護我，如此兇險捨身相救，無言感激。只是雙親生得我如此高大，豈能淪為道德侏儒呢？身為代議士，市民受難，只顧自己趨吉避凶，日後有何顏面面對市民呢？縱使嘴角被打穿，手骨被打裂，身體多處受傷，決定挺身在市民之前是我一生無憾的決定。

各位，今次請辭區議會，不但因自知政權不容我宣誓，更因為我身陷牢獄，相當一段時間不能履行議員之職，與其強佔議席不如歸去。沒有議席，不再是「林議員」，但此虛名於我意義不大。我寧願市民叫我阿廷，更加親切。在「愛國者治港」的金科玉律，我這名被稱為「左膠」、「大中華膠」的民主黨人出選之路必盡，至於未來如何？我相信自有主宰。眼前先走完這未知的牢獄之路，天生我材必有用，大家不用為我擔憂的。

目前，我會繼續將我所知所想的和大家分享，希望大家支持我。同時祝福所有在囚的朋友和家屬，願大家平安健康。

林卓廷 獄中書

✉️致北區居民：

本人決定辭任北區區議員，對於未能完成任期本人謹向各位衷心致歉。

2015年，本人有幸獲選為北區區議員，2016年獲選為立法會新界東議員。自此，本人和團隊一直毋忘市民重託，盡心盡力服務。每次有新同事加入，我本人都會講解服務宗旨 —「只要有一個理由，就需要盡力而為」，本人的同事以心待人，能夠和他們一同工作是本人的榮譽，在此衷心感謝每位曾與本人並肩服務的優秀同事。

近期香港情況越趨困難。去年12月辭任立法會後，本人新康街辦事處被逼關閉。為免服務受影響，本人除維持原有寶石湖邨辦事處，更新增了天平邨辦事處。但福無重至，本人在2月28日第六度被檢控，保釋申請被拒，現正被扣押。雖然指控非常薄弱，本人亦未有任何一宗案件被定罪，亦必定會全力抗辯，但今次案件保釋機會渺茫，本人既然無法親自履行議員職務，實不應強佔民意代表之職，唯有忍痛向市民請辭，敬請見諒。

本人團隊定必盡力妥善安排正跟進的工作，確保維持服務至最後一刻。在此再次感謝各位市民對本人的信任和支持，尤其在本人最困難的日子雪中送炭，無限感激。最後容許本人摯誠感謝多年來風雨同路的義工朋友。

謹祝
平安健康！

林卓廷 敬上

後語：小編都想喺度多謝阿廷俾機會我服務社會，同埋喺你身上學到好多嘢。作為你團隊嘅一員，實在與有榮焉。

未來嘅日子我會繼續喺度update大家阿廷嘅近況，繼續發展佢嘅Patreon 同Youtube，大家可以繼續留意呢個page呀！

最後繼續不厭其煩作出小小嘅呼籲：現值艱難時刻，阿廷身負多宗案件，希望大家可以換個方式繼續挺起阿廷：

1️⃣課金支持林卓廷Patreon
https://www.patreon.com/cheuktinglam
(已新增年費付款選項）

2️⃣免費訂閱Youtube Channel 「林卓廷Table TV」
https://www.youtube.com/c/林卓廷TableTV

感謝大家並送上抱抱?

Patreon

林卓廷 Lam Cheuk Ting is creating 政治評論、生活絮語 | Patreon

Become a patron of 林卓廷 Lam Cheuk Ting today: Get access to exclusive content and experiences on the world’s largest membership platform for artists and creators.

林卓廷官方頻道 pinned «見到大家好關心阿廷嘅狀況，所以小編繼續update下大家： ▍今日廷媽媽又去赤柱探廷仔，佢話因為週末比較多人探監，所以排咗好耐隊先入到去。由於廷媽都有咁上下年紀，而廷爸更加係行動不便，所以我地建議佢地平日去探廷仔會好啲。 本身擔心平日會無人車廷爸廷媽去赤柱，但依家有位朋友表示一個星期七日都可以義載廷爸廷媽（小編在此跪謝呢位朋友），所以佢地一家宜家就容易啲夾邊日邊個探阿廷。 ▍根據廷媽，阿廷今日精神不俗，而阿廷都話自己食得訓得，令廷媽放心左好多。阿廷話因單獨囚禁，每日兩節各一小時嘅運動時間都係得佢自己…»

見到大家好關心阿廷嘅狀況，所以小編繼續update下大家：

▍今日廷媽媽又去赤柱探廷仔，佢話因為週末比較多人探監，所以排咗好耐隊先入到去。由於廷媽都有咁上下年紀，而廷爸更加係行動不便，所以我地建議佢地平日去探廷仔會好啲。

本身擔心平日會無人車廷爸廷媽去赤柱，但依家有位朋友表示一個星期七日都可以義載廷爸廷媽（小編在此跪謝呢位朋友），所以佢地一家宜家就容易啲夾邊日邊個探阿廷。

▍根據廷媽，阿廷今日精神不俗，而阿廷都話自己食得訓得，令廷媽放心左好多。阿廷話因單獨囚禁，每日兩節各一小時嘅運動時間都係得佢自己一個渡過，食飯都係自己一個食。佢話覺得孤單嘅時候就會自己唱下《奇異恩典》振奮下自己，所以大家唔洗擔心佢。

佢又話夜晚隱若聽到出面嘅打氣聲，佢衷心感激各方好友持續支持着佢哋。

▍阿廷吩咐太太攞少許衫褲、內衣褲、懶佬鞋、文具同顏色筆俾佢。但原來聽日禮拜日懲教署唔會有人幫手交物資，所以佢太太好擔心。我地星期一會代為攞啲物資入去，希望佢唔洗咁頻撲。

小編同同事們都會繼續幫阿廷張羅私飯，準備零食等等，盡量幫輕阿廷一家。

▍另外佢星期二會就721 ICAC案上庭，如果大家去旁聽嘅話有機會會見到佢。

講開又講，阿廷原來有成10單官司在身，律師費負擔極其沉重。希望大家唔好嫌小編冗氣，繼續呼籲大家換個方式挺起阿廷:

1️⃣課金支持林卓廷Patreon
https://www.patreon.com/cheuktinglam
(已新增年費付款選項）

2️⃣免費訂閱Youtube Channel 「林卓廷Table TV」
https://www.youtube.com/c/林卓廷TableTV

感謝大家，共勉之！

Patreon

林卓廷 Lam Cheuk Ting is creating 政治評論、生活絮語 | Patreon

Become a patron of 林卓廷 Lam Cheuk Ting today: Get access to exclusive content and experiences on the world’s largest membership platform for artists and creators.

【開庭至今已23小時】

小編：由琴日開庭到依家已經等咗成23個鐘，都未輪到阿廷嘅代表律師作保釋陳詞。即便一直強忍思潮起伏，但每當諗起過往國安案件嘅被告都不予保釋，亦即意味住阿廷以及其他35+案被告幾乎不可能獲保釋，難免痛苦莫名。

身處呢個時代，難免要面對越來越多不必要及不應有嘅別離。但只顧對住現況長嗟短嘆而不作為，心中嘅憤怒就只會成為空洞嘅姿態。

所以我地心裏要有各位因呢場運動犧牲咗好多嘅朋友之餘，亦應該銘記場運動給予我地嘅歷練同任務。由第一日我地一齊走出嚟開始，本來就應該係同負一軛。縱使黑暗看似無日無之，剩低落黎嘅人更加應該努力開拓新嘅可能，我地仍要為香港走下去。

另外小編繼續不厭其煩作出呼籲：現值艱難時刻，阿廷身負多宗案件，希望大家可以呼籲身邊嘅人換個方式繼續挺起阿廷：

1️⃣課金支持林卓廷Patreon
https://www.patreon.com/cheuktinglam
(已新增年費付款選項）

2️⃣免費訂閱Youtube Channel 「林卓廷Table TV」
https://www.youtube.com/c/林卓廷TableTV

感謝大家，共勉之！

Patreon

林卓廷 Lam Cheuk Ting is creating 政治評論、生活絮語 | Patreon

Become a patron of 林卓廷 Lam Cheuk Ting today: Get access to exclusive content and experiences on the world’s largest membership platform for artists and creators.

https://www.info.gov.hk/gia/general/202102/28/P2021022800441.htm

www.info.gov.hk

西九龍裁判法院一宗新案件公眾旁聽安排

下稿代司法機構發出︰ 　　司法機構會就明日（三月一日）在西九龍裁判法院處理的一宗預計涉及數十名被告的新案件，盡量預留額外座位，及作出特別的公眾旁聽安排，以應對旁聽座...

https://www.facebook.com/196583419888/posts/10159133649134889

【林卓廷、尹兆堅等五人在內 民主派47人因初選被告串謀顛覆國家 明早提堂】

民主黨成員昨日收到警方通知，就 35+ 被捕的初選者由原訂4月8號報到，提前今日。現時其中五人，包括林卓廷、尹兆堅、黃碧雲、胡志偉、趙家賢，被落案起訴顛覆國家政權罪，明早9:30西九提堂。民主黨已安排律師跟進，詳情將等待更多資訊後公布。

Facebook

Log in to Facebook

Log in to Facebook to start sharing and connecting with your friends, family and people you know.

民主派47人被落案起訴串謀巔覆國家政權罪 通宵扣留至明早9時半於西九龍裁判法院上庭 關尚義、涂謹申、劉凱文、袁偉傑、李國麟、李芝融未被起訴

眾新聞報道、明報報道、now新聞報道、蘋果報道

—————————————
Follow以下channel以獲得立法會選舉資訊
TG：2020立法會選舉資訊轉運站
IG：legco20takeitall
?聯絡admin：@LegCo20_bot

Facebook

Log in to Facebook

Log in to Facebook to start sharing and connecting with your friends, family and people you know.