Дархан Әбдіктің ойларының өзегі осы кісіде секілді

Көрген, білгені көп адамнан нашар адам дүниеге келмесе керек-ті

өзгелер енді айтып жүрген адамзаттық деңгей мен адамның ішкі арпалысын Төлен атам баяғыда қаузап тастағандай

сол үшін де краш, сол үшін де сүйім💚

хаосты сезіп жүрсіңдер ме?

сатира — қылмыс болып кетті, қолдап шыққанның бәрі темір торға кетіп жатыр

азық-түліктің бағасы аспандап кетті
5 кг- нан артық картоп сатылмайды дейді. Халықтың ең сүйенетін азық-түлігі нан мен картоп сосын макарон ғой.

біздің халық азық-түлікті бөліп төлеуге алып жүр. Бұл дегеніміз алатын айлық шайлықты жаппайды деген сөз. Онсызда тек көмірсу тұтынады. Ақуызы мол, дәруменге толы тағамдарды қалта көтермейді. Содан аурушаңдық та өсе береді.

жеңістің 80 жылдығын биыл біздің ел дүркіретіп өткізгелі жатыр екен
ана жолы “әскери ауруханаға” барғанда профессор апай растап берді
бұл жеңіс біздің жеңіс пе еді?

салынып жатқан айыппұлдың мөлшерінде есеп жоқ

міндетім адам емдеу болса да басшыға бас изеп бағынатын, құлдық ұратын мекемеде жұмыс істегім келмейді

не өнерде, не сөзде еркіндік жоқ
өз көлеңкемізден өзіміз қорқып өмір сүреміз бе
мойнын салбыратып жайыла беретін қойдан не айырмамыз қалды ?

еркіндікке керек теңдік

ақыл мен жүректің біреуін таңдау деген түсінік жоқ
ақылда нұр болса, нұр ешқашан жауыздық жасамауы керек
ал, жүрек тек сезінбейді және қан айдамайды ол ойлана да алады
ойланатын жүрек, иә ойланатын жүрек

мүмкін ол шынымен де балыққа айналып ақ кемеге жетіп, әкесін көрген шығар…
бала жүрегі алданбаса, қу дүние жойып жібермейтін болса қандай әдемі болар еді

ол екі ертегі білетін.

“Аналық сезім деген бөлек”,-дейді ол
мен де оған “өте әдемі анасың” ,-дегім келді

бізде әйелдер үлгі болуы үшін:
ажыраспаған, 4-5 баласы бар, енесін сыйлайтын сөйте жүріп ғылым не біліммен айналысқан болуы керек, оған қосып күйеуіне тамақ әзірлеп, аяғын сипап отыратын болса тіпті сүйкімді
қоғам әйелден робот болуды талап етеді…

“жүрегі барлар сөйлесін”,- деді
ал менің сөйлегім келсе де үнім шыққан жоқ…

сосын соңғы кезде тек сорпа ғана қуаныш сыйлайтын болған
әй, осы мен қартайдым

көнтент жасаймын деп тик-ток ашқам, дым жақпады
инстадан да қызық кеткен сияқты, бұрынғыдай тартпайды
әлемжеліден дәм кетті ме, мен қартайдым ба