عادو بيك يا نصر الله الطفوف
… .
عادو بيك كلشي بثورت حسين
يالمبچي المواقف والميادين
رد حسين ثاني وناصر الدين
حتى الشام ردت دگت ادفوف
……
بيك استفردوا الاف الاف
والباقي سكت لاسامع وشاف
سرفنت الذراع الحد الاچتاف
مثل حسين وحدك بين السيوف
… ..
ماهزت دليلك عده واعداد
تحزمت ابمنيه وهيبة اجداد
رادوها الطفوف اعليك تنعاد
واصحاب الغدر متكتره وتشوف
…
مثل عباس لو ماغدر ماطاح
كون ملاگه حتى سلاح بسلاح
چاشفتم ليالي السود واشباح
وهل طبع النذاله رواحنه اتحوف
….
خبر موتك فجعنه وجدد احزان
استورحنه الخيم واحترگ صيوان
عجبه الشام رد اليوم فرحان
راسك عالرمح ينشال معروف
…… .
علي الحاج الصبييحاوي

درب الحسين شماخذ اعزاز
جناز يمشي بأثر جناز
غالين بيك الراحوا اهواي
الماعاف دربك حصل وفاز

سيد حسن والله هظيمه
شيعة علي الليله يتيمه
موتك يبو هادي جريمه
كسره على الشيعه عظيمه

ليك الشهاده مفصله فصال
گول وفعل موحچي ينگال
يالدارس ابمدرسة الحسين
مثلك حسافه ابچتف ينشال

جدك عزيز ونته عزيت
حرگوا عليك الخيم والبيت
من زغرك بحظنه تربيت
الكرهوك طشو هسه چكليت

فرحانه اميه وربع اليهود
رايح عجيد الگوم ميعود
راح اليكفهم كفت الدود
اخ الحزن ماكضته احدود

واليهود
عليه سورة الكوثر واليهود
بعد مامش گلب يهجع واليهود
اليوم احزان لشيعه واليهود
تطش چكليت هيه وال اميه
……
كون اليموت يموت مهيوب
واسود عليه يتفصل الثوب
الناذر حياته الدرب الحسين
خط الشهاده اعليه مكتوب

ميت حسن نصر الله باقي
بگلوب كل شيعي وعراقي

خلصنه يالسيد عمرنه
كل يوم بيه كسره ضهرنه

حزامي وگع يالچنت الحزام
الموجوع گلبه ماغفه ونام
يالتوجع اسرائيل كل يوم
صاروخ مدري الطگك اسهام
طفك جديد بحرگ البيوت
وجدك حسين بحرگ الخيام
… .
يدمعي شمااكفك عيب كفيت
ونه اجروحي ابواچي اعليك كفيت
ثلث تنعام يالوفيت كفيت
شهيد ابدرب حماي الحميه
… ..
علي الحاج الصبيحاوي

رباطات للعسكري
…… .
الليله العسكري ناسه يشيعونه
ميت والامام ابسم يغدرونه
ياحال الامام المهدي ياحاله
مسموم وگضت ايامه وسنينه
شيعتكم غدت هالليله مفجوعه
بسامره الگبر والمهدي دفانه
ضل الوحده مهدينه هالساعه
مات العسكري والناس مهمومه
ياكسرت گلب مهدينه بغيابه
من طب مالگاه گاعد بمحرابه
كفت والليالي الحلوه خلصانه
مدري بيادمع يبچيله مهدينه
يفراگ الابو ماردله دلاله
موجوعه الزچيه الليله موجوعه
راح العسكري والزهره تبچيله
ماشبعوا بواچي بغيبته عياله
مگلوبه عليه هاليوم سامره
يدلال المظيف الليله مچفيه
ميت والشماته هواي فرحانه
چادر للحزن مگلوبه احبابه
اليضمد جرحنه المهدي ويانه
ودعنه الامام بلوعه مخنوگه
هليله نواسي فاطمه الزهره
… .
علي الحاج الصبيحاوي

كلا للباطل واعوانه
جسدها حسين الحنانه
…… .
جسدها القائد وانصاره
وتحزم بالطف تياره
ياموگد ماتخمد ناره
بالسيد اصبح عنوانه
…… .
هيهات من الذل نادينه
ومثلك يحسين شضحينه
اولنه ايودع تالينه
وحسين ابگلبه ونيشانه
……
بمدرسة حسين تعلمنه
رخصنه شمايغله دمنه
عالباطل احنه اتحزمنه
وماباطل بسمك لاوانه
…… .
قائدنه اتحزم بجنوده
عباس وماعايف جوده
من حسين اتعلم زوده
كل موقف گايل هذا انه
… ..
والسيد مادنگ ساعه
حارب كل ناس الخداعه
چن عباس وزود ذراعه
ماصافح چف الخوانه
…….
سيدنه مشهوده افعاله
ماصاحب وادم نشاله
من يطگ ايطگه گباله
احرار العالم سوانه
……
موذيل ولاتابع غيره
معروف الحر من تفكيره
سيدنه امحمل بالغيره
ومشكل للحگ اردانه
…..
علي الحاج الصبيحاوي
.......

عباس ارجع كظ الناگه
…..
يحواس الزلم لو دگت النيبه
يبس ام البنين التگدر اتجيبه
يمحچال المنيه الطاير اصيبه
عباس الحگ طر الحومه
……
يكفو من الكفاءه وياكفو ليها
يمرجال المراجل والرجل بيها
يخيال الخياله وخيل اعليها
وحسين احزامه ابعباسه
…..
يزلمه المايدنگ ساعة املاگه
وهو العباس من ياكتر يتلاگه
اليريد افياي ماواجه المشراگه
يتحذر من سيفه خياله
……
يالمحزم منيه الشدت احزامه
يصگر الماصگر ضل صگر گدامه
اليعيش ايعيش هذا يعيش بحلامه
شاهين وفر بيهم ساحه
…… .
أفه وتبلع بهالزلم وتذبها
هيچ المشرعه العباس من طبها
الروس ابكيفه يشلعها ويركبها
من غير العباها ابجوده
……
الماخذها عليهم شرد من شافه
مثل ضمة نعامه راسه لچتافه
الخيل وي العساكر و النهر خافه
عباس الطف بين چفوفه
… .
علي الحاج الصبيحاوي

يحسين اصحابك وفايه
يم راسك هزوها الرايه
…… .
نبدي بشيخ اصحابك كلهم
وافعاله هيه اتگللهم
شيخ وصاير قائد الهم
يستاهل شايبنه اقرايه
….
اصحابك نزلوا للحومه
يفديك اليومه ومويومه
عابس من شگگها هدومه
تشهدله يحسين ابهايه
……
والحر الضل حر بدينه
عالباطل ماغمضت عينه
خيرته واختار الزينه
والموقف بيه آيه وآيه
……..
وابن القين وزهو افعاله
والنصراني ابنفس الحاله
وگفو والعسكر چتاله
وماواحد يتبدل رايه
… .
نتعذر لو واحد عفنه
خاف الموقف مايسعفنه
ابطال شگد بيهم شفنه
بالعسكر كلهم گصايه
……
يعذرنه المانذكر اسمه
يالراسم تاريخ ابرسمه
ما واحد ضل سالم جسمه
للموت اتمشوا عنايه
… ..
علي الحاج الصبيحاوي

تهدمت والله اركان الهدى
…… ..
صوت جبريل الينادي بالسمه
طبروا المحراب لو حامي الحمه
هذا فرض الفجر لو فرض الدمه
چنها يابو حسين هاي الخاتمه
صرخت الاملاك رددها الصدى
تهدمت والله اركان الهدى
…… ..
ليلة المحشر وسورة واقعه
انجمعن ابطبرت علي وموادعه
زينب ابهاي المسيه امروعه
واليتامه اتعيش اكبر فاجعه
أأه كم أهٍ على طول المدى
تهدمت والله اركان الهدى
…… ..
وحشه ووجوه اليتامه شاحبه
تسمع ابصوت الخبر ومچذبه
ضهور هاشم حنبت ومحدبه
اليوم روح الولي عنهم غايبه
وبكاءٌ في السماء اصل الندى
تهدمت والله اركان الهدى
…… ..
الليله چنها من ليالي الاخره
بيها مطبور الصميده حيدره
قالع البيبان يرهب منظره
الهامه نصين ويلفها ابمئزره
هذا يومً افرحَ اهل الردى
تهدمت والله اركان الهدى
……
بروح الايتام اختنگ حتى الهوه
من طلع منه الطبيب ابلادوه
حسو الدنيا ضلام ابلاضوه
والدليل ابفرگة الغالي انچوه
يامصاباً ابهجَ قلب العدى
تهدمت والله اركان الهدى
…… ..
منين ماتندار حزن امحمله
طبروا المحراب وأية بسمله
معجزه حيدرنه حتى ابمقتله
ينده النايم ويعرف قاتله
ياعليٌ لكَ كل روحً فدى
تهدمت والله اركان الهدى
……
علي الحاج الصبيحاوي

هوسات شعبانيه
… ..
چنچ عالفرح يا روحي مكتوله
اجه شعبان بيه كل يوم هلهوله
شهر الخير فرحه ابعرضه وبطوله
جابلنه الفرحه بأيامه
…..
اول مابده شعبان واستفتح ولاداته
نور حسين شع عالكون هل بولها ساعاته
ضحك حيدر علي الكرار وقراها بأذنه أياته
ومبارك صحنه ابميلاده
……
اهلا ياحسين ابمولدك هليت
امبارك لزچيه وفرح اهل البيت
فوگ من الثريا بنورك اتعليت
شع نور حسين وضواها
… .
هل يوم الولاده والعرش مسرور
يانور انخلق من داخل اهل النور
مجموعه الرسل اهل العزم والحور
وتهني بحيدر هليله
……
فرحنه والبشر والدنيا فرحانه
ضوه عالضلام حسين مولانه
فرحنه وكل محب خل يفرح ويانه
كل مخلص خله يهنينه
……
اسد خلف اسد واللبوه بدويه
هلا ابعباس من جابته النشميه
هليله الولاده ومحله طاريه
عباس الكون ايناغيله
…
انولد عباس نور واجه ابميعاده
نهني حسين لو زينب بميلاده
هذا الحيدره احزام الضهر راده
شد بيه حسين وكفاله
……
طگ عرج الهواشم ساعة اصياره
واجه العباس ياهو ايزف البشاره
حيدر سلمه ابميلاده فقاره
يتلفت والجود اگباله
…..
هوسات ولادة السجاد
……
اليوم الحسين ايتهنه منولد ابنه علي
مايگول الاء مره اشتطلبه ايگلك بلي
نوره من نور الرساله واظح النور وجلي
ويشع الكون بانواره
……
علي من نور الجلاله نوره للكون احتوه
الشمس تخجل من تشوفه وماخذه منه ضوه
علي سجاد المساجد من ابوه بيهن روه
والساجد اهله يسمونه
……
مبتشر الحسين واگف يوم جيته ومولده
هنته كل العشيره وطلع نوره ابموعده
ياحسين امبارك الكم سيرته اتضل خالده
ومهنه ابجيته ابهليله
…… .
من علي السجاد صاير نوره غطه الواسعه
والمدينه ابكل اهلها ابنوره صارت قانعه
الليله ميلاده وتهاني حسين يقره القارعه
ويئذن بذنه وحاچاها
…… .
حسين صلا اعله محمد واحنه صلينه وراه
منولد ينبوع عدهم تارس الدنيه ضواه
الله خصه بالامامه وبنشر دينه اجتباه
فرحان حسين ابميلاده
……
علي الحاج الصبيحاوي
هوسات ولادة علي الاكبر
…… ..
نبارك احسين وعترته منولد عدهم صبي
اشبه الناس اعله جده چنه نسخه من النبي
يضوي فوگ الكون نوره يالله غطنه ابعبي
وللاكبر طكن الهلهوله
……
التهاني المن نزفها منولد ابن الحسين
نوره فوگ الكون كله غطه نوره الثقلين
الاكبر شمحله صفاته دره بين الخافقين
يتلاصف وجها ابأنواره
………
حسين صرح هالعباره وگالو اسمعوا ياهلي
لو الي مليون واحد كلها اسميها علي
هذا اول علي عندي ومنه اسامي تبدي
والاكبر هلهل ميلاده
…… .
هذا ابن حسين ضاوي وجها شعشع بالسمه
نبارك ابهاي الولاده للزچيه فاطمه
خاف لاينحسد وجها حطوا اعليه خظرمه
يبراله الرب باياته
…… .
الليله محفوفه السعاده وتنتظر جيت ولد
ماشبه واحد جماله ولامثل نوره احد
محتفل كون الله لجله وغرد الطير ابسعد
ومبارك يهله الوفايه
……
علي الحاج الصبيحاوي

أخذو مرادكم من باب المراد
… .....
يزوار الگصدتوا الكاظميه
لبو طلبه تعنيتوا بقظيه
قدم حاجتك يم الثنيه
تعنيتوا وجيتوا الاسد بغداد
……
يالمعنين يم باب النشامه
مايخسر تره اليگصد امامه
الكرامه هناك تلگون الكرامه
ذوله اهل الكرم واصحاب الامجاد
… .. .
يزوار الذي روحه نحيله
اجينه البابه كلنه نشتكيله
ثجيله جروحنه وعدك جليله
وغيرك مامشينه الواحد وفاد
…… ..
يعنايه لعد باب المصيبه
حبيب وزاير اتعنه حبيه
البعيده اعلينه گدامك جريبه
من زادك نريد انحصل الزاد
……
يهل ماشين لولاد الرساله
الحضره اصيح يالزاير تعاله
امامك عزب ابماله وحلاله
ما رجع طلب من زوده وزاد
.……
يمن زوار للحضره الچبيره
ابو الگبتين المفارگ عشيره
شماتطلب على الكاظم زغيره
كرامه من الله وارثها من الاجداد
……
علي الحاج الصبيحاوي

موسى ابن جعفر عالجسر
وين الذي ايشيعونه
…….
اتنگب انگاب الفاتحه
واللبس بواچي النايحه
جثت عزيز الرايحه
وكل اهله ميودعونه
…… .
خل نعتنيله ابشوغته
ودموم نبچي البلوته
ذبوها ذب اجنازته
فوگ الجسر تلگونه
…….
شدو المحازم للجره
نار المواگد ساعره
جنازتنه حيل امرمره
مات ابسجن تدرونه
… .
حضروا المواكب هالمسه
تلطم زلم ويه النسه
ماتنفع الليت وعسه
مات الذي تردونه
…… ..
منگب يليل الفاجعه
ومحد حضرله ايودعه
كل شيعي يرخص مدمعه
وينصب عزه بعيونه
…… .
مشونه نواسي كل هله
نبچي بواچي كربله
وانصيح اخ السلسله
للكاظم احنه امشونه
… ..
علي الحاج الصبييحاوي