Ular bilan qiziqing ?*?*** Balog‘atga yetgan farzandlaringiz kimlar bilan muloqotda bo‘layotgani, qayerlarga borayotgani, ko‘proq nima bilan mashg‘ul ekani, internetda nimalar qilayotgani bilan qiziqing. Albatta, bu narsalar ularni siquvga olish uchun emas, adashib qolishining, xato qilishining oldini olish uchun.

? Ularga yaxshilar bilan do‘st bo‘lish kerakligi, vaqtni behuda o‘tkazmaslik haqida go‘zal nasihatlar qiling. Shuningdek, maktabdan yoki boshqa biror bir joydan qaytishda qiz-yigitlar birgalikda emas, alohida kelishlari kerak. Avvaliga birga yurishadi, keyin qalblari yaqinlashganlari xilvatda ko‘rishishni istab qoladi, qarabsizki, yoqimsiz ish sodir bo‘ladi.

? Yomonliklar darhol amalga oshmaydi, sekin-sekin, nafs va shayton iymonni aldab-avrashiga ko‘ra amalga oshadi. Agar farzandingizning iymoni yoshligidan mustahkam bo‘lsa, yomonlikning ilk chorlovidanoq undan yuz o‘giradi. Bolalarni shunga o‘rgatish kerak.

? Gʻiyosiddin Yusufning «Tarbiya-chi?» kitobidan #iqtibos

Telegram | Instagram

Erkak bilan birga rivojlanish ?

Erkak kishi ish yoki boshqa sabablar bilan ko‘cha-ko‘yda ko‘p yuradi, turli dunyoqarashdagi kishilar bilan muomala qiladi, juma ma’ruzalari va boshqa vaqtlarda ilm majlislarida ishtirok etadi. Ayol esa uyda uy ishlari va bolalar bilan bo‘lib qolib, rivojlanish haqida o‘ylamasa, jufti bilan ayro dunyoqarashda bo‘lib qoladi. Natijada gaplari qovushmaydi.

Ayni shu bandga ayollar qattiq rioya qilishini so‘rardim. Juftingizning dunyoqarashi sizdan katta tafovut qilmasin. U o‘sib-rivojlanmoqdami – siz ham rivojlaning, harakat qiling.

Uy ishlari, bolalar tarbiyasi o‘z o‘rnida, ammo o‘zingizga ham vaqt topishingiz zarur. Aks holda, u bilan gaplashadigan gapingiz ham qolmaydi, gaplashganda ham gapingiz qovushmaydi, bir-birini tushunmaslik, muammolar yuzaga keladi. Keyin esa u o‘zini tushunadigan “suhbatdosh” istab qoladi…

? Gʻiyosiddin Yusufning «Asal oyi emas, asal hayot» kitobidan #iqtibos

Telegram | Instagram

Mutоlaa insоnni go‘zallashtiradi ?

Yosh-u qari, erkag-u ayol – kim bo‘lishidan qat’iy nazar chirоyli tashqi ko‘rinishga ega bo‘lishni, ko‘pchilikning e’tibоri markazida bo‘lishni istaydi.

Mutоlaa insоnning ichki dunyosini go‘zal qilib qоlmay, tashqi ko‘rinishini ham go‘zallashtiradi. Har qanday mavzuda qiziqarli suhbat qura оlish va o‘z bilimini namоyish etish suhbatdоshining mehrini qоzоnishga yordam beradi.

**? Gʻiyosiddin Yusufning «Men ham kitob o‘qiyman» kitobidan** #iqtibosTelegram | Instagram

Agar bolalar biz oʻrgatgan usulda oʻrgana olmasa, biz bolalar oʻrgana oladigan usulni oʻrganishimiz kerak.
**?* Gʻiyosiddin Yusufning «Tarbiya-chi?» kitobidan*** #iqtibos

Telegram | Instagram

UY ISHLARI ?

O‘zingizni oilaga, ro‘zg‘or ishlariga butunlay qurbon qildingizmi, endi minnat qilmang! Hech kim sizga 24 soat oila uchun qul bo‘l demaydi. Albatta, ayol kishi uchun birinchi navbatda oila. Lekin bu dam olmang, kitob o‘qimang, o‘zingiz yoqtirgan mashg‘ulotlardan butunlay voz keching, sog‘lig‘ingizga e’tibor bermang, faqatgina uy ishlarini qiling degani emas. Bu qurbonlikdan bora-bora jazavaga tushishni boshlaysiz. Natijada o‘zingizni qafasda qolgan qushdek his qilasiz. So‘ng o‘zingizni ham tushuna olmay qolasiz.

Oilaviy sayrga, o‘zingiz yoqtirgan mashg‘ulotga, ilm o‘rganishga ham vaqt ajrating. Kun tartibingizni rejalashtirib oling, shunda barchasiga ulgurasiz.

**? Gʻiyosiddin Yusufning «Asal oyi emas, asal hayot» kitobidan** #iqtibos

Telegram | Instagram

Tartib ?*?*** Tartib – jazo emas. Jazo – tartib buzilganda qo‘l­laniluvchi chora, xolos. Tartib – xohish-istak­lar­ni nazorat qila olish va muayyan holatda ko‘ngilga kelganini emas, kerakli ishni qilishdir. Mehr bi­lan yo‘g‘rilgan tartib bolaga o‘z xulq-atvorini ja­miyat talablariga moslashtirishga yordam beradi.

**?* Gʻiyosiddin Yusufning «Tarbiya-chi?» kitobidan*** #iqtibos

Telegram | Instagram

HUSNI XULQ ❤️

Hurmatli ayollar, turmush o‘rtog‘ingizning e’tibori doim sizda bo‘lishi uchun chiroyli bo‘lishingiz muhim. Lekin ko‘ngil go‘zalligini ham unutmang. Go‘zal axloqli, xushmuomala bo‘ling. Juftingizning qiziqishlari haqida o‘ylang. U qiziqadigan mavzuda so‘zlashingiz unga bo‘lgan e’tiboringizni bildiradi. E’tibor esa muhabbatni jalb qiladi.

**? «Asal oyi emas, asal hayot» kitobidan** #iqtibos

Telegram | Instagram

KO‘ZLAR HAM SEVSIN ❤️

Hurmatli ayollar, uyga kiyishga kiyim olayotganingizda ham chiroylisidan oling. “Uyga bo‘laveradi” deb olib ketavermang. Uyda eringizning ko‘ziga chiroyli ko‘rinib yurishdan hech ham malollanmang. Erkakning ko‘ziga chiroyli manzara yoqadi, baribir. Shuning uchun eringizning ko‘ziga yoqadigan darajada chiroyli bo‘lib yuring!

**? Gʻiyosiddin Yusufning «Asal oyi emas, asal hayot» kitobidan** #iqtibos

Telegram | Instagram