Source :
https://pubmed.ncbi.nlm.nih.gov/15367368/

ඔහු යන්න ගියා මැකිලා...🥸
පිරිමින් මිහිතලයෙන් වඳවීමේ අවදානමක!
----------------------------------------

ඉතිං ඉස්සරහට අපිට
"ඔහු යන්න ගියා මැකිලා කියන්න වෙයිද?"

වෙන්න පුළුවන් !!

ඒකට ඉතිං තව අවුරුදු මිලියන 10 ක් වගේ පොඩි කාලයක් තියෙනවා.

පොඩි?
Y වර්ණදේහයේ සම්භවය මීට අවුරුදු මිලියන 300කට කලින් කියලා කියන නිසා ඉතිරිව තියෙන කාලේ සාපේක්ශව පොඩීනේ ..😁

වාර්තාව
---------------
මිනිසාගේ සහ අනෙකුත් ක්ෂීරපායී සත්වයන්ගේ පුර්ෂ ලිංගිකත්ව නිර්ණයට Y වර්ණදේහය ප්‍රමුඛ කාර්යක් සිදුකරනවා.

කාන්තාවන්ට X වර්ණදේහ දෙකක් ඇති අතර පිරිමින්ට X සහ Y වර්ණදේහය බැගින් තිබෙනවා. X වර්ණදේහ තුළ විවිධ ලිංගික නොවන කාර්‍යන් සදහා සක්‍රීය ජාන 1438 ක් පමණ ප්‍රමාණයක් ආරම්භයේදී තිබුණත් Y හි අඩංගු එම අගය වර්තමානය වන විට 45 ක් පමණයි.

Y වර්ණදේහය, X වර්ණදේහයේ ජාන ප්‍රමාණය හා සසදන විට කුඩා ප්‍රමාණයක් වුවත්, එය කලලයක් තුළ පුර්ෂ ලිංගික අවයව වර්ධනය ආදී ක්‍රියාවන්හි වැදගත් කාර්යභාරයක් ඉටු කරනවා.

පිළිසිඳ ගැනීමෙන් සති 12 ක් පමණ වන විට, Y වර්ණදේහයේ ඇති ප්‍රධාන ජානය, SRY (Y වර්ණදේහයේ ලිංගික-නිර්ණ කලාපය) මීට දායක වෙනවා.

විවිධ විද්‍යාඥයන් විවිධ මත දැරූවත්, එක් විද්‍යාඥයන් පිරිසක් විශ්වාස කරන්නේ මෙම තීරණාත්මක වර්ණදේහය ක්‍රමයෙන් පිරිහෙමින් පවතින අතර වසර මිලියන කිහිපයකින් සහමුලින්ම අතුරුදහන් විය හැකි බවටයි.

මහාචාර්‍ය ජෙනිෆර් ඒ මර්ශල්ට ග්‍රේව්ස්ට අනුව එහි අදහස "Y වර්ණදේහයේ අවසානය සනිටුහන් වෙමින් පවතී" යන්නයි.

දිගින් දිගටම මෙම වේගයෙන් ජාන ක්ශයවීම සිදුවුවහොත් තවත් වසර මිලියන 10 කින් Y වර්ණදේහය මානව ගහණය තුළින් සම්පූර්ණයෙන්ම අතුරුදන්ව යෑමට නියමිතයි.

අවසානයේ පෘථිවිය මත පුර්ෂයන් තුරන්වී ස්ත්‍රී ආදිපත්‍ය රජයනු ඇත!

But

පිරිමි සේරම පෘථිවියෙන් වඳවුණොත් කාන්තාවන්ගේ පැවැත්මත් ඉතා කෙටි කාලයකට සීමා වනබව අමුතුවෙන් කියන්න ඕනේ නැනේ. (උපරිම ජාන බැංකු වල සුරක්ශිත සාම්පල අවසන් වෙනකන් පුළුවන්)

නමුත් තව ශුභාරංචියක් තියෙනවා. සොයාගැනීම් වලට අනුව මීයන් වර්ග දෙකක මෙසේ Y වර්ණදේහය අහිමි වී යෑම සිදුවී තිබෙනවා. නමුත් එම ගහණ තවමත් නොනැසී පවතිනවා.

'Proceedings of the National Academy of Science' කළ අධ්‍යනයකින් හෙළිවෙලා තියෙන්නේ මීයන්ගේ කොඳු ඇට පෙළ මගින් මීයාගේ පුර්ෂභාවය තීරණය කරන නව ජානයක් සාර්ථකව පරිණාමය කරගෙන ඇති බවයි.

මෙම ජාන අඩුවී යෑම මෙතනින් නතර නොවන්නේ නම් හෝ ඉහත ආකාරයෙන් ලිංගභේදය තීරණය කරන වෙනත් ජානයක් පරිණාමය නොවන්නේ නම් අපගේ වඳ වී යෑම සහතික කරගන්න හැකියාව තිබෙනවා.

අලිංගිකව ප්‍රජනනය කළ හැකි සමහර උරගයින් වගේ නෙවෙයි, මිනිසුන් ඇතුළු ක්ෂීරපායීන්ට ප්‍රජනනය සඳහා ශුක්‍රාණු අත්‍යාවශ්‍යයි.

මීයන් තුළ දක්නට ලැබුණ විදියට, නව ලිංග නිර්ණය කරන ජානයක පරිණාමය වීම යනු බලාපොරොත්තු විය හැකි එක වෙනසක්.

නමුත්, මෙම ක්‍රියාවලි‍යත් අවදානම් සහගත එකක් කියලයි කියන්නේ
Y හි ජාන අතුරුදන් වෙමින්,ලෝකේ විවිධ ප්‍රදේශ වල බහුවිධ නව ලිංග-නිර්ණ ජාන සහ පද්ධති පරිණාමය වුණොත්, එය නව මානව විශේෂ ඇතිවීමට හේතුවක් වෙනවා..

එහෙම වුණොත්, වසර මිලියන 10 කින් පෘථිවියට පැමිණෙන කෙනෙක්ට, අද අප දන්න මිනිසුන් සොයා ගැනීමට ලැබෙන්නේ නෑ. ඒ වෙනුවට, ඔවුන්ට විවිධ මානව විශේෂ කිහිපයක් මුණුගැහීමේ සම්භාවිතාව ඉහළයි.

පෙනුම සහ ලිංගික දිශානති චර්‍යා නම් කොහොම වෙයිද කියලා ඒ කාලෙටම තමා බලාගන්න වෙන්නේ..🤷

අන්තර්ජාලය ඇසුරෙන්.

✍️ Swarnarekha Sewwandi
#PDSSD #baiscopemansala

Copied

? නොබෙල් තෑග්ගේ කතාව
The Story Behind the Nobel Prize

සෑම වර්ෂයකම දෙසැම්බර් 10 කියන්නේ මනුෂ්‍ය සංහතියේ ඉදිරි ගමන වෙනුවෙන් ඉතා අගනා සේවාවක් කල මිනිසුන් ලොව උසස්ම සම්මානයෙන් පිදුම් ලබන දවස.ඒ කියන්නේ විවිධ ක්ෂේත්‍රයන් 5ක දියුණුව වෙනුවෙන් කටයුතු කල පුද්ගලයන් හට නොබෙල් ත්‍යාගය පිරිනමන දිනය.ඉතින් මේ නොබෙල් ත්‍යාගය පිටු පස්සේ තියෙන්නේ අමුතුම කතාවක්.කවුද මේ නොබෙල් තෑග්ග නිර්මාණය කලේ? ඇයි එහෙම තෑග්ගක් දෙන්න තීරණය කලේ?මොකක්ද ඒ පිටුපස තියෙන කතාව?

මේ පිළිබඳ සැකසූ වීඩියෝව මෙතනින් ?
https://t.me/ScienceSinhalen/298

නොබෙල් ත්‍යාගයේ නිර්මාතෘ තමයි ඇල්ෆ්‍රඩ් නොබෙල් කියන්නේ.1833 වර්ෂයේ ඔක්තෝම්බර් 21 ස්වීඩනයේ ස්ටොක්හෝම් නගරයේ උපත ලද ඇල්‍ෆ්‍රඩ් නොබෙල් කුඩා කල ඉදන්ම විවිධ නව සොයාගැනීම් කල,නිපැයුම් කල නව නිපැයුම්කරුවෙක්. ඔහු ඉංජිනේරුවෙක් මෙන්ම රසායන විද්‍යාඥයෙකුත් වුණා. ඇල්ෆ්‍රඩ් නොබෙල් ඔහුගේ ජීවිත කාලය තුළ නව සොයාගැනීම් 355ක් පමණ සිදු කළ බව සදහන් වෙනවා. එයින් වැඩි හරියක්ම හමුදා සඳහා නිර්මාණය කළ යුධ උපකරණ. ඔහු මේ නිපැයුම් මගින් සොයා ගත් මුදල් වලින් අති විශාල ධනපතියෙක් බවට පත් වුණා.මුළු ලෝකයම දන්නා, ඔහුගේ සුප්‍රසිද්ධම නිර්මාණය තමයි ,පුපුරන ද්‍රව්‍යයක් වන ඩයිනමයිට්.ඉතින් මේ ඩයිනමයිට් සොයාගැනීනත් සමග ලෝකය පුරා විශාල ඉල්ලුමක් ඇතිවුණා.මේ ඉල්ලුමත් එක්ක ඔවු සුපිරි ධනවතෙක් වුණා.

1888 වර්ෂයේදී ඇල්ෆ්‍රඩ් නොබෙල්ගේ සහෝදරයෙක්වන ලුඩ්විජ් නොබෙල් මිය යනවා. නමුත් කරුණු හරි හැටි නොදත් ප්‍රංශ පුවත්පතක් මේ පුවත වාර්තා කර තිබුණේ ඇල්ෆ්‍රඩ් නොබෙල් මිය ගිය ලෙසටයි. ඔවුන්ගේ සිරස්තලය ලෙස යොදාගෙන තිබුණේ "ම.රණයේ වෙළෙන්දා මිය යයි" කියලා.ඉතින් මේ පුවත දැකපු නොබෙල්ට මොනා හිතෙන්න ඇත්ද?ඔහු දුක්වුණා,කලකිරුණා.තමත් එදා සොයාගත් ඩයිනමයිට් නිසා මිනිසුන් කොතරම් පීඩාවට,කරදරයට පත්වෙලාද කියලා මේ නිසා ඔහුට තේරුම් ගියා.තමන් මිය ගිය දවසක ලෝකය තමන් ගැන මතක තබා ගන්නේ මේ විදිහටද කියන එක ගැන ඔහු පසුතැවිලි වුණා.කොතරම් ඵලදායී එකක් වුණත්, ඒ විනාශකාරී නව නිපැයුම තම නමට ඈදෙනවාට අකමැති වූ නොබෙල් ඒ වෙනුවට, නොබෙල් නාමය වෙනුවෙන් වෙනත් වැදගත් දෙයක් ලෝකයට ඉතුරු කරලා යන්න උපායක් කල්පනා කළා. එහි ප්‍රතිඵලය තමයි, නොබෙල් ත්‍යාගයේ ආරම්භය. ඇල්ෆ්‍රඩ් නොබෙල් සිය මරණින් පසු ඔහු සිය මුළු බූදලයෙන් වැඩි කොටසක් යොදවා ලෝකයේ යහපත සඳහා නව අදහස්, නව නිපැයුම් කරන අයට සම්මාන පිරිනමන ලෙස 1895 නොවැම්බර් 27 දා ලියූ ඔහුගේ අන්තිම කැමැත්තෙහි සඳහන් කර තිබුණා.

නොබෙල් තෑග්ග ආරම්භ වුණේ එහෙමයි. 1896දී ඇල්ෆ්‍රඩ් නොබෙල් අවසන් හුස්ම හෙළුවා. ඒ ඔහුට වයස අවුරුදු 63දී. ඔහුගේ අවසන් කැමැත්ත අනුව ඔහුගේ සමස්ත උරුමයෙන් 94%ක් නොබෙල් තෑගි සඳහා වෙන් කෙරුණා. මුලදී භෞතික විද්‍යාව, රසායන විද්‍යාව, වෛද්‍ය විද්‍යාව , සාහිත්‍යය සහ සාමය යන ක්ෂේත්‍ර සඳහා නොබෙල් තෑගි පිරිනමන්නට කටයුතු කලා. තෑගි පිරිනැමීම සඳහා 1900දී ස්වීඩනයේදී නොබෙල් සංවිධානය පිහිටුවා ගැනුනා. පස්සේ කාලෙකදී, 1968දී ස්වීඩනයේ ජාතික බැංකුව එහි 300 වන සංවත්සරය සමරා නොබෙල් සංවිධානයට විශාල මුදලක් පරිත්‍යාග කරමින් "ආර්ථික විද්‍යාව සඳහා වන නොබෙල් අනුස්මරණ ත්‍යාගය" හඳුන්වා දුන්නා.

ඇල්ෆ්‍රඩ් නොබෙල් ඔහුගේ අන්තිම කැමැත්තෙන් වි‍ශේෂයෙන් නම් කළා නොබෙල් ත්‍යාගය සඳහා සුදුස්සන් තේරීම සිදු කළ යුත්තේ කවුරුන්ද කියා. භෞතික විද්‍යාව හා රසායන විද්‍යාව වෙනුවෙන් සම්මාන තේරීම ස්වීඩනයේ විද්‍යාව සඳහා වූ රාජකීය ඇකඩමියටත්, වෛද්‍ය විද්‍යාව හෝ කායික විද්‍යාවට සම්මානලාභීන් තේරීම ස්වීඩනයේ කැරොලින්ස්කා වෛද්‍ය පර්යේෂණ ආයතනයටත්, සාහිත්‍යය සඳහා වූ සම්මානයට සුදුස්සන් තේරීම නොබෙල් ත්‍යාග පිරිමන ස්වීඩන ඇකඩමියටත්, නෝර්වේජියානු පාර්ලිමේන්තුවෙන් පත් කෙරෙන කමිටුවක් මගින් සාමය සඳහා සුදුස්සා තේරීමටත් ඔහු අන්තිම කැමැත්තෙන් යෝජනා කර තිබුණා. ඒ අනුව නොබෙල් සම්මාන ආරම්භ වූයේ 1901දියි.

පළමු නොබෙල් සමුළුව 1901දී පැවැත්වුණා. එහිදී භෞතික විද්‍යාව සඳහා එක්ස් කිරණ සොයාගැනීම වෙනුවෙන් විල්හෙල්ම් රොන්ට්ජන්ටත්, රසායන විද්‍යාව සඳහා චාලක රසායන නියම සොයාගැනීම වෙනුවෙන් ජේකොබස් වැන් ට්'හොෆ් ටත්, වෛද්‍ය විද්‍යාව සඳහා ඩිප්තීරියාව සඳහා ප්‍රතිකාරයක් සොයා ගත් එමිල් වොන් බේරිංටත්, සාහිත්‍යය සඳහා සලී පෘඩෝම්ටත්, සාමය සඳහා රතු කුරුස ව්‍යාපාරය ඇරඹීම වෙනුවෙන් ජීන් හෙන්‍රි ඩුනන්ට් ටත් ත්‍යාග පිරිනැමුණා.

නොබෙල් ත්‍යාග පිරිනැමීම සිදුකරන්නේ ඇල්ෆ්‍රඩ් නොබෙල්ගේ ජන්ම දිනය යෙදී ඇති දෙසැම්බර් 10 වනදායි. ඉතින් මේක තමයි ම.රණයේ වෙළෙන්දාගෙන් උපන් නොබෙල් තෑග්ගේ කතාව.

#DarshanaUkuwela #Physics #AL #NobelPrize #NobelPrizeWinner #Knowledge

ඉලොන් මස්ක් නිතරම කිවූ දෙයක් තමයි "හොදම කොටස තමයි කොටසක් නොමැතිවීම" කියලා.

ඔහු එයින් අර්ථවත්කලේ, ස්පේස්එක්ස් රොකට්වල ඇති කොටස් ගණන අඩුකර එහි ක්‍රියාකාරීත්වය සරළ කරන ලෙසයි. එහෙම කොටස් ගණන අඩුවුනාම, යානයේ අසාර්ථක වෙන්න පුළුවන් අවස්ථාවන් ප්‍රමාණයත් අඩුවෙන බව ඔහු පැහැදිලි කලා.

ඊයේ ස්පේස්එක්ස් සමාගම ඔවුන්ගේ රැප්ටර් රොකට් එංජිමේ අලුත්, 3වෙනි පරම්පරාව හදුන්වා දුන්නා. එය කලින් තිබුනු එංජිමට වඩා බෙහෙවින් සරල බව අන්තර්ජාලයේ සදහන් උනා. මේ පින්තූර බැලුවාම රැප්ටර් රොකට් එංජින්වල පරිණාමය ගැන අදහසක් ලබාගන්න පුළුවන්.

යම් හෙයකින් රටවල් හෝ පාර්ශව ද්විත්වයක් අතර න්‍යෂ්ටික යුද්ධයක් සිඳුවුවහොත් එය අවසානයේදී සැබෑම ජයග්‍රාහකයෙකු නොමැති වීම සහ ජයග්‍රාහකයට ඉතිරි වනුයේ හුදෙක් මාරාන්තික විකිරණ, අළු බවට පත්වූ නඟර, කඳුලු, වේදනාවන් සහ අදෝනා වලින් පිරුණු දේශයක් වීම යන කරුණු නිසාවෙන් ලෝකයේ න්‍යෂ්ටික යුද්ධයක් ඇතිවීමේ සම්භාවිතාවය අප සිතනවාට වඩා ඉතා පහළ මට්ටමක පවති. නමුත් එය කිසිදාක ශූන්‍ය වන්නේ නම් නැත.

NATO ව සහ රුසියාව අතර ඇතිවන මහා පරිමාණ න්‍යෂ්ටික යුද්ධයකින් සහ එහි දිගුකාලීන ප්‍රතිවිපාක හේතුවෙන් ලෝවටා පුද්ගලයින් බිලියන 5ක් පමණ මි. ය යා හැකි බවට ගනන් බලා තිබේ. මෙම න්‍යෂ්ටික පිපිරීම් වලින් නිකුත් වන විකිරණශිලී අංශූන් සති ගණනාවක් පුරාවටම වායුගෝලයේ සිට පෘථිවි පෘශ්ඨය මතට කඩා වැටෙනු ඇත. තවද එයින් නිකුත් වූ දූමාරය පෘථිවියේ සුළං සහ වායුගෝලීය පීඩන විචලනයන් හේතුවෙන් ලෝව වටාම ව්‍යාප්ත වනු ඇත. මේ නිසා ලෝවටා කෘෂිකර්මාන්තය මාරාන්තික ලෙස පහළ වැටෙනු ඇත. එපමණක් නොව විදුලි සැපයුම, ජල සැපයුම, ඉන්ධන සැපයුම සහ ගෝලීය ආර්ථිකයද බිඳ වැටෙනු ඇත. තවද පෘථිවියේ CO2 වායුව O2 වායුව බවට පරිවර්තනය කිරීමේ ප්‍රධානතම ප්‍රභවය වන සාගරයේ වෙසෙන ශාක ප්ලවාංගද ආලෝකය නොමැතිව මිය යනු ඇත.

වර්තමානය වන විට අපට ගබඩා කර ගත හැක්කේ ලෝක ජනගහනයට දින 60කට පමණ සෑහෙන ආහාර සහ ජලය පමණි. එම සීමාවෙන් එහාට මිනිසුන් මිලියන ගණනක් සාගතයෙන් සහ විජලනයෙන් ජිවිත. ක්ශයට පත්වනු ඇත. පරිවර්තී ගෝලය (Troposphere) වෙතට ළඟා වන දූමාරය වර්ෂාව සහ අනෙකුත් කාළගුණික විපර්යාසයන් නිසාවෙන් ක්‍රම ක්‍රමයෙන් පහව ගියද ස්තර ගෝලය (Stratosphere) වෙතට ළඟා වන දුමාරය එලෙස පහසුවෙන් පහව යන්නේ නැත. එබැවින් න්‍යෂ්ටික යුද්ධයකදී ස්තර ගෝලය වෙතට ළඟාවන දුමාරය අවුරුදු කිහිපයක් වුවද පැවතිය හැකිය. කෙනෙකු, ඔහුගේ සතුරාව විනාශ කරලීම තෝරාගනුයේ න්‍යෂ්ටික යුද්ධයක් නම් ඔහු විනාශ කරලනුයේ ඔහුගේ සතුරාව පමණක් නොව මුළු මහත් ලෝකයමයි.

ලෝක න්‍යෂ්ටික බලවතුන් දෙදෙනෙකු හෝ කිහිපදෙනෙකු අතර එවැනි සිඳුවීමක් සිඳුවුවහොත් මිනිසුන් මිලියන ගණනක් පැය කිහිපයක් ඇතුලත අළු බවට පත්ව යනු ඇත, තවත් මිනිසුන් මිලියන ගණනක් න්‍යෂ්ටික පිපිරිමෙන් නිකුත් වූ විකිරණ හමුවේ වේදනාවන් සහ කඳුළු අතුරින් ජීවිතයෙන් සමුගනු ඇත, මිනිසුන් පමණක් නොව සතුන්ටද අත්වනුයේ එම ඉරණමමයි. වායුගෝලය පුරා විසිරිගිය විකිරණශිලී අංශූ සුළඟ මඟින් වෙනත් ප්‍රදේශයන් වෙතටද රැගෙන යනු ඇත, එම විකිරණශිලී අංශූ සති, මාස ගණනක් පුරාවටම ඉහළ අහසේ සිට පොළොව වෙතට විකිරණ ලෙසට පතිත වනු ඇත. සමස්ථ නඟර සහ විශාල ප්‍රදේශයන් තවත් දශක ගණනාවකටම ජීවයට නුසුඳුසු තත්වයකට පත්වනුයේ මෙවැනි අවස්ථාවකදී නැවත හැරවුමක් නැති බව සනාථ කරලමිනි...

සමහර ගණනය කරලීම් වලට අනුව නම් න්‍යෂ්ටික යුද්ධයන් වැනි මිනිසුන්ගේ ඍජු බලපෑමකින් සිඳුවන ක්‍රියාකාරකම් හේතුවෙන් මානව විශේෂය න්‍යෂ්ඨ වී යෑමට දරන හැකියාව, ස්වභාවික ව්‍යසන වල ඒ හැකියාවට වඩා 300 ගුණයක් පමණ ඉහළය. මිනිසුන් යනු විශ්වයේ අප දන්නා බුද්ධිමත්ම ජිවී විශේෂයයි. සිතා ගත නොහැකි තරමේ සංකීර්ණ විඥානයකින් සමන්විත වන අප සෑම විටම උත්සාහ කල යුත්තේ අපගේ විශේෂය පමණක් නොව අනෙකුත් ජිවී විශේෂ සහ පෘථිවියද ආරක්ශා කරගැනීමයි. නැතහොත් අපටත් සිඳුවනුයේ විශ්වයේ කොතනක හෝ තමන් විසින්ම තමන්ගේ ශිෂ්ඨාචාරය විනාශ කරගත් පිටසක්වල ජීවයක් තිබේ නම් ඔවුන් ලෙසටම හුදෙක් අළු සහ දුහුවිලි ගොඩක් බවට පත්ව නිහඬවී යෑමටයි.

මේදිනවල පවතින රුසියානු සහ ඇමෙරිකානු මතභේදයන් අපට සුළු කොට තැකිය හැකි දේවල් නොවේ. ඇමෙරිකාව විසින් යුක්‍රේනය යොදාගනිමින් රුසියාවේ න්‍යෂ්ටික අනතුරු ඇඟවීමේ පද්ධතීන් (Nuclear strike Early warning systems) වෙතට පහරදීම රුසියාව කුපිත කරවීමක් සහ යුක්‍රේනය විසින් සිඳුකරන ලද අණුවනතම ක්‍රියාවක් බව බටහිර මාධ්‍යන් පවා වාර්තා කොට ඇත. එපමණක් නොව NATO රටවල් විසින් යුක්‍රේනය වෙතට ලබාදුන් දිගුදුර මිසයිල භාවිත කරමින් රුසියාවේ නඟර වෙතට යුක්‍රේනය විසින් ප්‍රහාරයන් එල්ල කරහොත් එය න්‍යෂ්ටික යුද්ධයක ගිනිදළු අවුලුවාලීමක් වැනිය.

© Padaartha - පදාර්ථ

අපේ මොලය සහ සුසුම්නාව වටේට, මස්තිෂ්ක සුසුම්නා තරලය (Cerebrospinal fluid (CSF)) තියෙනවා. මේ තරලය සොක්- අබ්සොබර් ( shock absorber) විදියට වැඩ කරන නිසා. මොළය සහ සුසුම්නාව හදිසි කම්පන, සෙලවීම්වලින් වලින් ඩැමේජ් නොවී බේරෙනවා. ඒ කියන්නේ මේක මොළයට කුෂන් එකක් වගේ.

✅ මොළය සහ සුසුමනාවට පෝෂණය සපයන්න, මොලේ පරිවෘත්තිය ක්‍රියාවලින් පිටවෙන අනවශ්‍ය රසායනික ද්‍රව්‍ය, අයින් කරලා ph අගය පාලනය කරන්න, මොළය සහ සුසුම්නාව අවට රසායනික පරිසරය වෙනස් නොවී තියාගන්නත් මේ තරලය අපිට උදව් වෙනවා.

✅ අතීතයේ මාලිගාවල් වටේ හදපු ජල උගුල් වගේ, මොලේ සහ සුසුම්නාවට පිටින් එන සතුරෝ , ඒ කියන්නේ විෂබීජ ඇතුල් වෙන එකත් මේක මගින් යම්තාක් දුරකට පාලනය වෙනවා, ඒ කියන්නෙ බාධකයක් විදියට ක්‍රියා කරනවා.

✅ කොන්දෙන් වතුර ගන්නවා කියන්නේ ඔය තරලය අරන් පරීක්ෂණවලට යවන එක. හිරිවට්ටලා , ඉදිකට්ටක් මේ තරලයේ තියෙන තැනට දාලා, මේ වතුර ස්වල්පයක් ගන්නවා, වෛද්‍යවරු විශබීජ නාශක දියර වලින් කොන්ද පිස දාලා, ග්ලවුස් දාගෙන, පිටතින් කිසිම විෂබීජයක් ඇතුල් නොවන ආකාරයට තමයි මේක කරන්නේ.
❌ මේක කරාට පස්සේ සමහරුන්ට පොඩි හිසරදයක් වගේ ඇතිවෙන්න පුළුවන්, කොන්ද පණ නැති වීමක් සිද්ධ වෙන්නෙ නැහැ,( ඉදිකට්ට දාන තැන සුසුම්නාව නැහැ ) ඒ වගේම ස්නායුවකට ඩැමේජ් වීමක් සිද්ධ වෙන්නෙ නැති තරම්.

? මේ පරීක්ෂණයෙන් අපිට බලන්න පුළුවන්, මොළයට සුසුන්නාවට විෂබීජ ගිහිල්ලද කියලා,(meningitis, encephalitis, tuberculous meningitis)
? අනතුරකදී මොලේ අවට ලේ ගැලීමක් වෙලාද කියලා බලාගන්න පුළුවන්. ඒ කියන්නේ අවර්ණ මේ තරලය ලා තැම්බිලි හෝ ලා කහ පාටක් වෙනවා.
? සාමාන්‍යයෙන් නැති ප්‍රෝටීන් , එන්සයිම, ඇන්ටිබොඩි වර්ග මේකේ තිබුණොත්, මල්ටිපල් මයිලෝමා, ගිලන් බාරේ, Neuromyelitis optica (NMO),Neurosyphilis Sarcoidosis වගේ රෝගී තත්ත්ව තියෙනවද කියලාත් බලා ගන්න පුළුවන්.
? ඒ වගේම මොලේ සමහර පිළිකා තියනවද කියලත් බලාගන්න පුළුවන්.

කොන්දෙන් වතුර ගන්න එක ගැන නොදන්නා කරුණු දැනගත්ත නම් අනිත් අයටත් දැනගන්න ශෙයා කරන්න. ? ❤️

Dr.Priya
Copied

චීනයේ Chang'e-6 අභ්‍යවකාශ යානය පසුගියදා හඳට පිටත් උනේ හඳේ අනිත් පැත්තේ ගොඩ බාලා එහෙන් සාම්පල ටිකක් එකතු කර ගෙන එන්න.

මීට පෙර ඉන්දියානු හඳේ දකුණු ධ්‍රැවයේ ගොඩ බෑවත් සාම්පල් අරගෙන ආයෙත් එන්න සැළසුම් කර තිබුනේ නෑ. මොකද හඳ මතින් යලිත් අභ්‍යවකාශයට පැමිණෙන්න එහේ ඉඳන නැවත් රොකට් බලය පාවිච්චි කරන්න ඕනේ නිසා. එසේ කිරීමට හැකියාවක් එම චන්ද්‍රයාන් 3 යානයට හැජියාවක් තිබුනේ නෑ. එය සිය කාර්යහාරය අවසන් කිරීමෙන් අනතුරුව සදාකාලික නින්දකට වැටුණා.

නමුත් මේ බොහෝ අභ්‍යවකාශ ගමන් වල අවසාන අර්ථය වන්නේ යලිත් පෘථිවියට පැමිණීම. ඒ නිකම් නෙවෙයි එහෙන් සාම්පල් අරගෙන. අනතුරුව ඒවා පරික්ෂා කිරීමෙන් පසු එහේ සම්පත් පෘථිවියට රැග්‍ර්න ඒමට කටයුතු සකස් කරන්න පුළුවන්. විශේෂයෙන් මිනිසුන් ගමන් නොකර දුරස්ථව සිට මේ කටයුතු පාලනය කර යුතු වෙනවා. පෘථිවියත් චීන අභ්‍යවකාශ මධ්‍යස්ථානයත් හඳත් කියන තුන් තැන මේ කටයුතු සම්බන්ධ කෙරෙනවා.

සාමාන්‍යයෙන් ඉදිරි අභ්‍යවකාශ ගමන් වල නැවතුම් පළක් බවට හඳ පත්වීමට නියමිතයි. එයට හේතුව හඳෙ ගුරුත්වයෙන් මිදෙන එක පෘථිවියේ තරම් අමාරු නොවීම. හඳට ඔබ්බෙන් කෙරෙන අභ්‍යවකාශ සංචාර වලදී අභ්‍යවකාශ මධ්‍යස්ථාන මෙන්ම හඳ කියන්නේ නැවතුම් පොළවල්.

මීට පැය කීපයකට පෙර හඳේ අනිත් පැත්තේ සාම්පල් එකතු කර ගත්තු Change'e-6 යානය ආපසු පෘථිවිය බලා පිටත් උනා. මේ වන කොට එය හඳේ කක්ෂයට පැමිණ තිබෙනවා. ඒ කියන්නේ සාර්ථකව හඳේ ගුරුත්වයෙන් මිදිලා. ඉදිරි සති කීපය තුල එය පෘථිවියට ඇතුල් වී චීනයේ ගොඩ බාවි. ඒ සාම්පල් ගැන නම් තොරතුරු අපිට දැන ගන්න ලැබෙන එකක් නෑ. සියළුම මාධ්‍ය රජය විසින් පාලනය කරන චීනයේ තොරතුරු ලෝකයට දැන ගන්න නම් චීන රජයම කියන කං ඉන්න ඕනේ. ඒ කියන්නේ ඔවුන්ට කැමති ටික විතරයි.

පැතුම් කර්නර්
#රටහදනහරිපාර #පැතූනොමික්ස් #හරිත