لطميه للامام الحسين عليه السلام (حزو منحره)

اليوم حسين حزوا منحره اليوم
وضل أهله الترب مسلوب الهدوم

اليوم حسين ضل عريان بالحومه
سلبوا محبسه وسلبوهن هدومه
حزو منحره ومتروس بدمومه
وگفو گبال أخيته براسه الگوم

ثلث تيام. محد بالجذب شاله
العنده أخيه وياه هنياله
گطعوا خنصره وي راسه چماله
يم راسه اخيته تطيح وتگوم

راح حسين زينب عگبه مسبيه
تمشي عالجمر وتدور رقيه
ويعاين لأخيته بعبره اخطيه
وعگب حسين اخيته الحيل مهدوم

يصد لخيامهم بالنار حرگوهه
وزينب الغرب للشام ودوهه
شتموا زينب وبالسوط ضربوهه
وعلى عياله واخيته حسين مهضوم

شالو عالرمح ويعاين لأخته.
توگع عالوجه يشوفهه بنته
يبجن عالاخو بس يبجن بسكته
من دون الاخو الفرحه متدوم

نعي للامام القاسم عليه السلام

آنه امك اگعدلي يجسام
بحضني مو عالرمل ردتك تنام
هجمو علينه يوليدي الماهم ولام

ردت الگمر عمك يزفك
ومبروك يبن الاخو يگلك
ثاري حنو جفك بدمك

امك أنه وبجفوفي ردت احنيك
ثاري عالرمل يوليدي اخليك
بعرسك ييمه ردت اهنيك

مشبوحه بقت بفراگك العين
يبجي عليك الگمر ويون الحسين
بعدك ييمه بأول سنين

ضليت اجر ونه اعله ونه
شمعزته الولد ماينشبع منه
ييمه لا سويت العرس لا حطيتلك حنه

قصيده للسبايه في الغربه (راحن سبايه)

راحن سبيات الحرم
راحن سبيات الحرم

راحن بالغرب سبايه
وانحرگ طارفه العبايه
وصفن من دون الولي
تنادي زينب ياعلي

رقيه تبجي عالابو
لاضل ابو ولا ضل اخو
ماتت على طشت الذهب
والقرط من عده انسلب

الدمع من سكنه انهطر
تبجي تريده الگمر
راح الولي وراح العمر
بين على سكنه الكبر

جسام حنو بالدمه
للشام جان الخاتمه
بالسمه تبجي فاطمهنشر
ورمله اعله ابنهه هايمه

الأكبر نحره انگطع
أبيه منه وماشبع
راح يم ابنه ورجع
راح يمه وانفجع

راحن سبيات الحرم
راحن سبيات الحرم

قصيده (ثگيله )ليله الوداع (نودع ولينه)
گومن نودع ولينه. هيه بس هالليله
يارقيه وياسكينه هيه بس هالليله

گومن نودع ابوجن باجر يذبحونه
وبراس الابو يجوجن من المگفه يحزونه
بس هاليله عدجن باجر يسحگونه

باجر يذبحونه ابوجن
باجر بسياط يضربوجن

احميجن بعباتي واگلجن يا بناتي

لا تخافن أنه يمجن اشگف الجن سياط

هسه نشم صدره ونودعه ونتمعن كلامه
وبصلاة اليل ندعه يرد ألنه بسلامه
وحجي عيونه نسمعه. وبطوله هيامه

طوله باجر يگطعونه
طوله وبالخيل يسحگونه

مطروح يبقه. والحافر يرضه
صدره. برضه. وفرضه. مايكمله

عسى فجرك يالعاشر. لا طلع نوره
نضل بين الزلم والحافر والعده مسروره
عفه گلبي شلون صابر. ومامتت وي الاخوه

صابر وبالگوه أكابر
صابر وحسين حاير
.حسين يبجي. وما گدر يحجي
يبجي. واسمعه. دمعه. عالخوه

عمه يارقيه ابجي. عالابو ورحيله
خالي المهر يجي. الظهر بصهيله
نضل يم الاخو نبجي. وبدمعه ثگيله

دمعج ماينشف ابد
دمعج. والوالي بعد
تبقين بدمعتج. والعبرة تكتلج
تموتين عل راسه يوسفه. ابوج

لطميه ل ليلة الوداع (گومن للاخو )

گومن للاخو خلي نودعه
باجر يروح الولي ما منه رجعه

حسين باجر ينگطع نحره
تضل عدوانه تشتم الزهره
عمامته تصبح من الدمه حمره
واسهام العده بضلوعه مربعه

على عيونه اخويه بين أفراگ
من شفته عندي النفس صاگ
يانار الفراگ الحيل حراگ
باجر الشمر نحره يگطعه

اخويه من الهضم مايگدر يگول
على صدره خيل العده تصول
بالفرگه والسبي حيل مذهول
باجر الظهر يگطعونه إصبعه

حسين يون بسكوت زينب تبجي بسكوت
عسى فجرك يباجر لايطر وحسينه يموت
حجو اخت ويه اخوهه بالگلب مو صوت
طول ياليل الوداع بداعت الزهره

ليله اوداع الاخو وي أخته هاليوم
وباجر على نحره اخيته حيله مهدوم
تضل باجر عليه تطيح وتگوم
محبس الولي بالحومه انضيعه

هوسات لابي الفضل العباس عليه السلام

گصد المشروعه وذل مايهه
وبأسم حسين سماعه
شال الماي بعيونه لأخته يرويهه
اخيته الحره /يرويهه

مارد للخيم خجلان من سكنه
الدم جمد على جفنه
انگطعت يسرته وانگطعت اليمنه
جفونه اعله النهر /ذباهه

شال الماي بجفوفه وذكر لحسين
گال شلون أنه اشرب ودمعت العين
ومات وگلبه ما بطل ونين
الگلب يمرده /بونينه

انگطعت اجفوفه والسهم صاباهه عينه
وگله اعتذرلي يخي من سكينه
ماشربت الماي بنتك الحنينه

سكينه بنيتك/تعذرني

قصيده لابي الفضل العباس عليه السلام (يالكافل )

يالكافل يالكافل

يالكافل اخيتك گوم ليهه
طحتو والخيم طاحت عليه
اجت من الخيم مجويه رجليهه
راحت للغرب مجتوفه أيديهن

جفك بالغرب ياخويه ردناه
خدرنه يابو فاضل ردنه يحماه
طحت عالمشرعه صحنه اويلاه
حسين گلي لخيمه جبناه

جفك عالترب ياخويه طايح
وضل من الخيم ينسمع صايح
الشوف انعمه والحيل رايح
وشيبك بالدمه يعم سكنه سابح

يبو فاضل يخي فيايك راح
عمد خيمتنه من طحت طاح
حسين طاحت خيمتك مدري السمه صاح
مكسور الضهر يم جفك وناح

يبقه حسين من تروح وحده
يگول الگمر بلكت منه هده
الشمر هد وگوم رده
فراغ بدنيتي ضل من يسده

لطميه لانصار الامام الحسين عليه السلام (راحو )

يازينب انصاري /مردو دلالي
راحو. راحو

راحو انصاري يزينب وحدي خلوني
ياشيخ الزلم جانو يسموني
خويه خلوني للعده يسحگوني
وعگب عباس الگمر يسلبوني

كسرو ضلوعي يزينب من رحت ولگيتهم
مگطعين من السيوفومن والحوافر كلهم
كسروني يخويه وحدي مگدر المهم
مدري اخوتي مدري روحي يا خويه شأگلهم
راحو راحو

عافوني وحدي بين سبعين ألف
فرگة الصحبان والاخوه كلف
أنه يازينب يخويه الدوم بأسمي ينحلف
هسه حالي على أصحابي مختلف
راحو راحو

بفراگ صحباني صفيت بغير ناصر
يگطعون جسمي بالسيوف وبالحوافر
واگف وحدي وحالتي تكسر الخاطر
بالوگفه وحدي ياخويه حاير
راحو راحو

الجانو يحمون بخيالي أمن الهوه
طولي بفراگهم هسه هوه
تمنيت كون وي الگمر موتي سوه
الماي شاله تذكراني وما روه
راحو راحو