روي عن أبي جعفر الباقر(عليه السلام):

مَا مِنْ شَيَّ يَعْبُدُ اللَّهَ بِهِ يَوْمَ الجُمُعَةِ أَحَبُّ
إلَيَّ مِنْ الصَّلَاةِ عَلَى مُحَمَّدٍ وَالِ مُحَمَّدٍ .

📚الكافي - ج3

- ‏﴿قَلِيلًا مَّا تَشْكُرُونَ﴾??˚.ꪆৎ .

˚.ꪆৎ ᐢ⑅
- حالياً هوايَ نشوف ناس اذا يطلبون شغلهَ من رب العالمين وهما مُلتزمين ويصلون بس ماتصير هاي الشغلهَ كبل يضوج وينقهر ويكَول ليش ماصارتلي اني اصلي واسوي هيچ كذا شغلهَ ومُلتزم وهيچ وهيچ ، ليش رب العالمين ماينطيني ، او مايحققلي هاي الشغلهَ بس اذا شَخص مايصلي ولاشي ينطي واني تعبت بس تعبي راح ع فاضي . . . ?? .

˚.ꪆৎ ᐢ⑅
- بس انتوا متعرفون لو فعلاً مُلتزمين وتعرفون چان ماحجيتوا هيچ لأن رب العالمين دائماً يريد النا الخير والزين ، يمكن انتَ الشي الي طالبهَ بيه مُضره الك بس متعرف هالشي ؟ چان كلت اني انسان مُلتزم ليش رب العالمين مابعد عني هالشي وماحققهَ ! ونفس الشي اذا مصار الكُم الشي راح تبقون تحچون متأكدهَ ، فـ لازم تشكرون رب العالمين ع كُل شي يصير وياكُم أن كان خيراً او شراً اشكروا رب العالمين حتى رب العالمين يزيدكُم خير ، ودوم كَولوا الحمد للّٰه والشكر ياربِ احمدوا رب العالمين ع كلشي تمرون بيه ويصير وياكُم لان رب العالمين يريدلكُم الخير وميبعَد عنكُم فقط الشي الموزين والي مابيه خير الكُم خلوا عندكُم إيمان وثقهَ بالخالق سبحانهَ وتعالىٰ ?? .

˚.ꪆৎ ᐢ⑅
- ارضوا بالشي الي يجيكُم حتى رب العالمين يعوضكُم ويزيدكُم خير ارضوا باليجيَ ، والشي الي رب العالمين يقسمهَ الك مُستحيل يصير الغيرك لو مهما كان ، ورب العالمين مينطي شي العبدهَ والشخص مؤمن ومُلتزم اذا مو هوَ خير لهَ ?? .

‏﴿لَئِن شَكَرْتُمْ لَأَزِيدَنَّكُمْ﴾ .

" لاتتمادهَ نخبزك خبز العَباس ⚠️ "
. . . . . .
- انشهرت هاي الهوسهَ حالياً بالعبهَ العراق والكويت ، هيَ منزمان لكن حالياً انشهرت اكثر واكثر وصار الكُل يصور عليها وهيَ ميعرفون شنو فقط يصورون ويتمركَصون ، انا من زمان كلت وارجع اكوَل احنا شنو نشوف لازم نقلد واي ترند يطلع لازم نسويه بدون منعرف هوَ حلال ، حرام ، يصير لو ميصير المُهم نسوي الترند مايهم صدكَوني هذا الي جاي يصير حالياً سويتونهَ مضحكه بكُل معنى الكلمهَ يعني اسم ابن فحل الفحول وولي اللّٰه ، الامام العباس عليه السلام تجيبون إسمهَ وانتوا تتمركَصون ؟ لا والبنات اللبس الخزي والركَص مشغلاتها ويركَصن عليها ويدكَن احنا وين نريد نوصل بالضبط! الي نريد نوصلهَ شنوَ يا ترى !! هذا الشي برائيكُم صح ؟
. . . . . .
هوَ العراقيين شهروه منو شهرهَ وسوا هاي المهزلهَ غيرهُم واللّٰه هُما عفتوا كُل شي وكُل الكلام والترندات كمتوا تطلعون وتدكون ع اسماء اهل البيت عليهم السلام ، الي يقهر اكثر شي البنات الخزي الي رايحات والي يصورن وينشرن ع الصوت وهنا لبسهن والركَص والدكَ لاتسولفون عليه وبنص الزلم ??⚠️ . بري منكُم العباس عليه السلام ومن كُل شَخص هيچ وبري من هيچ شكولات همها المشاهدات والترند والتفاعل فقط ميصدكَون يشوفون ترند حتى يطلعون يتمركَصون ويحصلون كم لايك ومشاهدهَ خو البنات استغفر اللّٰه ربيَ ، يجيبون اسم العباس عليه السلام وهما بهاللبس والاخلاق ، بطلوا هاي الترندات السخيفهَ تسووها وانتوا ماتعرفوها شنوَ أصلاً ??? .