Түшүндүрмө:
Пайгамбар, саллаллаху алейхи уа саллам, Ислам дининдеги беш сыпатты жана элчилердин сүннөттөрүн баяндады.
Биринчиси: сүннөткө отургузуу. Бул балдардын жыныс мүчөсүнүн баш жагындагы ашыкча терисин кесип алуу.
Экинчиси: жыныс мүчөлөрдүн айланасындагы түктөрдү кыруу.
Үчүнчүсү: мурутту кыскартуу. Эрин көрүнгүдөй кылып эркектин үстүнкү эрининен өскөн мурутту кыскартып алуу.
Төртүнчүсү: тырмактарды алуу.
Бешинчи: колтуктагы түктөрдү жулуу.
💡Хадистин пайдалары:
Аллах сүйгөн, ыраазы болгон жана буйруган пайгамбарлардын сүннөттөрү кемчиликсиздикке, тазалыкка жана сулуулукка чакырат.
Бул нерселердин келишиминин шарияттагы мыйзамдуулугу жана аларды көз жаздымда калтырбоо.
Бул сыпаттардын диний жана дүнүйөлүк пайдалары бар, алар: сырткы көрүнүштү жакшыртуу, денени тазалоо, тазалыкка чараларды көрүү, каапырларга каршы болуу жана Аллахтын буйругуна моюн сунуу.
Бул беш сыпаттан башка адамдын табиятындагы кошумча сыпаттар башка хадистерде да айтылган.Мисалы:сакал коюу, тишти мисвак менен тазалоо ж.б. сыпаттар.

Түшүндүрмө:
Пайгамбарыбыз (ага Аллахтын тынчтыгы жана мактоосу болсун) ар бир балакат жаш курагына жеткен мусулман таза ден-соолугуна шүгүр иретинде Аллах үчүн күн сайын дене мүчөлөрүнүн санынча садага бериши керектигин айткан. Бул садакалар мал-мүлктөн гана бере турган садака эмес, жакшы иштердин баарына тийешелүү садакалар. Алардын кээ бири төмөнкүлөр: Урушкан эки адамды жараштырып коюу - садака. Алсыз болгон бирөөнү улоосуна мингизип, жүгүн артып берүү да - садага. Дуба, зикир же салам айтуу сыяктуу жакшы сөздөрдүн баары - садака. Мечитке карай таштаган кадамдын баары - садага. Зыяны тийе турган нерсени жолдон алып таштоо - садака.
💡Хадистин пайдалары:
Адам баласынын сөөк жана тарамыштарынын тартиптүү кыймылдап турганы Аллах Тааланын бизге берген эң чоң нээмат жакшылыгы. Ошон үчүн Аллахтын бул жакшылыгына шүгүр кылып, ар бир мүчөгө өзүнчө садака берилүүсү тийиш.
Аллахтын нээмат жакшылыгы дайыма уланып туруусу үчүн күн сайын ага жаңылап шүгүр кылуу керек.
Күн сайын нафил ибадаттарды аткарып, садакаларды берип туруу керек.
Адамдардын ортосун жараштыруу - артыкчылыктуу иштерден.
Мусулман боордошуна жардам берүү зарыл, анткени ага жардам берүү да садака болуп эсептелет.
Жамаат намазын окуу үчүн басып баруу керек. Мечит куруу да ушуга кирет.
Зыяндуу нерселерди алып таштоо аркылуу мусулмандардын ары-бери баскан жолун таза сактоо важиб.

Түшүндүрмө;
Пайгамбар, саллаллаху алейхи уа саллам, адамдарга карыз берип жакшы мамиле кылган киши жөнүндө же аларга бир нерсени сатканда бир канча мөөнөттөн кийин төлөөгө макул болуп саткан киши жөнүндө кабар берип жатат. Ал адамдардагы карыздарын чогулткан кызматкерине мынтип айтат эле: «Эгерде карызды чогулткан учурда карыздар адам өтө муктаж болгондуктан алган карызын төлөй албай турган болсо, анда анын карызын же кечип жибер же болбосо кошумча убакыт бер жана аны шаштырба». Же болбосо карыздын канчасын төлөй алса ошону алып, калганын кечип жибер». Ал киши бул кылган иштери аркылуу Аллахтан кечирүүсүн үмүт кылган. Ошондуктан ал өлгөндө Аллах анын күнөөлөрүн кечирип, жамандыктарын жоюп салды.
💡Хадистин пайдалары;
Адамдарга жакшы мамиле кылуу, аларга кечиримдүү болуу жана кедейдин карызын кечип жиберүү - бул кыямат күнү пенденин азаптан кутулуусунун эң чоң себептеринен болот.
Адамдарга жакшылык кылуу, Аллахка ыкластуу болуу жана анын ырайымын үмүт кылуу - бул күнөөлөрдүн кечирилишине себеп болот.

💡Хадистин пайдалары:
Аллах Тааланын ырайымы жана Анын макулуктарына болгон боорукерлиги.
Өлтүрүүнүн жана союунун жакшылыгы – шарият көрсөткөн түрдө болуусу.
Шарияттын кемчиликсиздиги жана бардык жакшылыктарды камтышы. Мына ошол жакшылыктар жаныбарларга мээримдүүк кылууну жана аларга жумшак мамиле кылууну камтыйт.
Адамды өлтүргөндөн кийин денесин кескилөөгө тыюу салынат.
Жаныбарларды кыйнаган нерселердин бардыгына тыюу салынат.

Түшүндүрмө:
Пайгамбар, саллаллаху алейхи уа саллам, Аллах Таала бизге бардык нерседе жакшылык кылууга буйруганын кабарлады. Жакшылык кылуу - бул ар дайым Аллахтын көзөмөлдөп туруусу, Ага ибадат кылуу, жакшылык кылуу жана макулуктарга зыян келтирүүдөн сактануу. Ошондой эле өлтүрүүдө да жана союуда да жакшылык кылуу.
Касас өкүмүн тургузуп жаткан учурда да өлтүрүүдө жакшылык кылуу - бул өлүм жазасына тартылып жаткан адамды өлтүрүү үчүн эң оңой, эң жеңил жана тез жолду тандоо.
Мал жандыкты союуда жакшылык кылуу – бул бычакты курчутуу менен малга жумшак мамиле кылуу. Малды каратып туруп анын алдында бычакты курчутпоо. Башка мал жандыктардын көз алдында мууздабоо.

Түшүндүрмө:
Пайгамбарыбыз (ага Аллахтын тынчтыгы жана мактоосу болсун) кайсы бир пенде күнөө кылып алса, анан жакшылап даарат алып, анан бул күнөөсүнө тообо кылуу ниети менен эки ирекет намаз окуса, анан Аллахтан кечирим тилесе, Аллах аны кечирерин кабарлаган. (Бул хадисти айткандан) кийин пайгамбарыбыз (ага Аллахтын тынчтыгы жана мактоосу болсун) Аллах Тааланын бул аятын окуйт: "(Ал такыбалар) кокус ыплас иш кылып алса, же (күнөө менен) өзүнө зулум кылса, дароо Алланы эстеп, күнөөсүнө кечирим тилейт. Күнөөнү Алладан башка ким кечирет. Алар билип туруп жасаган (күнөө) ишин кайра кайталабайт". (Аалу Имран, 135-аят).
💡Хадистин пайдалары:
Күнөө кылып алгандан кийин намаз окуп, истигфар айтууга үндөө.
Аллах Тааланын кечирими кенен жана тообо, истигфарды кабыл кылуучу.

Түшүндүрмө:
Пайгамбар, саллаллаху алейхи уа саллам, аалымдардын алдында мактануу үчүн жана мен да силердей аалыммын деп өзүн көрсөтүү үчүн илим алуудан катуу кайтарды. Ошондой эле акмактар жана жеңил ойлуу адамдар менен талашып-тартышуу максатта илим алуудан кайтарды. Жыйындарда алдыңкы катарда болууга, башкалардан артыкчылык кылуу максатта илим алуудан кайтарды. Андыктан ким мындай кылса, анда ал риякерлиги жана илим издөөдөгү ыклассыздыгы үчүн отко татыктуу болот.
💡Хадистин пайдалары:
Илим менен мактануу, аны менен талашып-тартышуу, же аны менен жыйындарда өзүн көрсөтүү ж.б. ушул сыяктуу максаттарда илим алган адамга катуу азап менен эскертүү болду.
Илим үйрөнгөн жана үйрөткөн адамдар үчүн ниеттеги ыкластуулуктун маанилүүлүгү.
Ниет – амалдардын негизи жана анын негизинде соопторго жетет.

💡Хадистин пайдалары:
Кубанычка шүгүр, кыйынчылыкка сабыр кылуу артыкчылыктуу иштерден. Мындай кылган адамдарга дүйнө жана акыреттин жакышылыгы болот. Ал эми ким кубанычка шүгүр кылбаса жана кыйынчылыкка сабыр кылбаса, сооптон куру калат. Тескерисинче, ага жамандык жетет.
Ыймандын артыкчылыгы ушунда, мындай учурлардын баарында ыймандуу адамга гана сооп жазылат.
Кубанычка шүгүр кылуу жана кыйынчылыкка сабыр кылуу - ыймандуу адамдардын белгиси.
Аллахтын тагдырына ишенүү - ыймандуу адамды бардык абалды ыраазылык менен кабыл ала турган кылат. А ыймансыз адам тескерисинче, ага кандай зыян болбосун дайыма нааразы болуп жүрөт. А эгер ага Аллахтын кайсы бир жакшылыгы болсо, аны ал күнөө иштерге жумшап, ал аны Аллахка таат-ибадат кылуудан алек кылат.

💡Хадистин пайдалары
Пайгамбардын, саллаллаху алейхи уа салламдын, жакшы таалими. Ал суроо жолунда маселелерди айтуусу.
Сахабалардын: «Аллах жана Анын Элчиси жакшы билет» - деп айтышкан сөздөрүндөгү Пайгамбар, саллаллаху алейхи уа саллам, менен болгон жакшы адептери.
Билбегени үчүн жооп берип жатканда: «Туурасын Аллах билет» - деп айтуу.
Алардын арасындагы укуктарды жана бир туугандыкты сактоо менен коом үчүн шариятты сактоо керек.
Кээ бир учурларда жалпы адамдардын пайдасы үчүн гыйбат кылуу арам болбойт. Мисилы: Зулумдукту кайтаруу. Зулум чеккен адам акысын алуу үчүн акысын алып бере ала турган адамга: «Мага баланча зулумдук кылды, же мага баланча ушундай кылды» - деп зулум кылган адамды айтса болот. Жана түгөй издөөдө, шериктештик иштерде же коңшулук маселеси боюнча ж.б.у.с. кеңешүү иштеринде боло берет.

Түшүндүрмө:
Пайгамбарыбыз (ага Аллахтын тынчтыгы жана мактоосу болсун) кээ бир адептерди баяндаган; заара кылган учурда мүчөсүн оң кол менен кармоодон тыйды. Алды жагын, арты жагын оң кол менен тазалоодон тыйды. Анткени, оң кол жакшы иштерди кылууга дайындалган. Ошондой эле суусундук ичкен идиштин ичине демин чыгаруудан тыйган.

💡Хадистин пайдалары
*Ислам дининин адепте жана тазалыкта алда канча алдында экендиги баяндалды.

*Ыплас нерселерден этият болуу керек. Эгер тазалоо зарылдыгы болсо, сол кол менен тазалоо керек.

*Оң тараптын шарапаттуулугу жана сол тараптан артыкчылыгы бар экени айтылган.

*Ислам шариятынын толуктугу жана анын таалим-тарбиясынын ар тараптуулугу айтылган.