MUNAVVAR KUN.
Surxondaryo MTRK - Musiqiy dam olish dasturi.

23.11.2024-yil

RBSM matbuot xizmati:🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

⚡️⚡️⚡️Joriy yilning 23-noyabr kuni Surxondaryo viloyati Termiz shahridagi Termiz iqtisodiyot va servis universitetida talabalarning adabiyotga bo‘lgan qiziqishini oshirish hamda milliy qadriyatlarni targ‘ib qilish maqsadida “Milliy qadriyatlarimiz – bebaho boyligimiz” mavzusida ma’naviy-ma’rifiy tadbiri bo‘lib o‘tdi.

Mazkur tadbirda ijodkor baxshi, xalq og‘zaki ijodiyoti va san’atining yorqin vakili Bekzod Baxshi Xomidov o‘zining doston va termalaridan parchalar ijro etdi. Uning badiiy chiqishi tinglovchilarda katta taassurot qoldirib, milliy qadriyatlarimiz va baxshichilik san’atining noyob xususiyatlariga e’tiborni jalb qildi.

Ushbu tadbir nafaqat talabalarga, balki barcha ishtirokchilarga milliy qadriyatlarimizning bebaho ahamiyatini anglash imkonini berdi. Baxshichilik san’ati targ‘iboti, uni yoshlar orasida yanada ommalashtirish va avlodlar o‘rtasida uzviy bog‘liqlikni ta’minlashda bunday tadbirlar alohida ahamiyat kasb etadi. Shu munosabat bilan Termiz Iqtisodiyot va Servis Universitetida bo‘lib o‘tgan mazkur tadbir milliy madaniyatimizning yorqin sahifalaridan biri bo‘ldi.

RBSM matbuot xizmati:🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

Joriy yilning 19-noyabr kuni Respublika baxshichilik san’ati markazi hamda Qo‘qon shahrida joylashgan O‘zbekiston Davlat san’at va madaniyat institutining Farg‘ona mintaqaviy filiali bilan hamkorlikda “Doston – asrlar qo‘shig‘idir” mavzusida doston kechasi, ijodiy uchrashuv va sayyor qabullari bo'lib o'tdi. Ushbu tadbir xalqimizning boy ma’naviy merosi hisoblangan baxshichilik san’atini targ‘ib qilish, yosh avlodni ajdodlarimizning bebaho ijodiy durdonalari bilan tanishtirish va dostonchilik maktablarini rivojlantirish maqsadida o‘tkazildi.

Tadbirni institutning katta o‘qituvchisi, dotsent G‘afurjon Yunusov kirish so‘zi bilan ochib berdi. U o‘z nutqida baxshichilik san’ati milliy madaniyatimizning ajralmas qismi ekanini ta’kidlab, bu san’atni targ‘ib qilishda ilmiy va amaliy hamkorlikning ahamiyatini alohida e’tirof etdi.

Shundan so‘ng, Respublika baxshichilik san’ati markazi bo‘lim boshlig‘i, O‘zbekiston xalq baxshisi Ochil Chorshanbiyev markazning faoliyati, baxshichilik san’atining yurtimizdagi rivoji va ijodiy maktablar haqida ma’lumot berdi. U, shuningdek, baxshi va dostonchilarning yosh avlodga o‘rnak bo‘lishidagi roli haqida fikr yuritdi.

Tadbir davomida O‘zbekiston xalq baxshisi Rasul Umirov hamda ijodkor baxshi Mamarajab Xusanov o‘zlarining dostonlardan parcha ijro etishdi. Ularning sahnadagi chiqishlari ishtirokchilarga tom ma’noda ma’naviy zavq ulashdi. Ustoz baxshilarning ijrosi tinglovchilarga baxshichilik san’atining betakror go‘zalligi va ohangdorligini yana bir bor his qildirdi.

Tadbir yakunida institutning iqtidorli talabasi Gulruxsor Jo‘rayeva "Oshiq G‘arib va Shohsanam" dostonidan parcha ijro etdi. Yosh baxshining ishonchli va jo‘shqin chiqishi yig‘ilganlarning qarsaklari bilan kuzatildi hamda uning kelgusidagi ijodiga katta umid bog‘lanayotganini ko‘rsatdi.

Ushbu tadbir milliy dostonchilik san’atining yoshlar orasida ommalashuviga xizmat qilishi, baxshichilik maktablari an’analarini asrab-avaylash va keng targ‘ib qilish borasida muhim qadam bo‘ldi. Shuningdek, tadbir davomida sayyor qabul tashkil etilib, ishtirokchilarning baxshichilik san’ati rivoji va kelgusidagi rejalari haqidagi taklif va fikr-mulohazalari tinglandi.

Ushbu ijodiy uchrashuv milliy merosimizga bo‘lgan e’tibor va hurmatning yorqin namoyishi sifatida barchaning qalbida chuqur taassurot qoldirdi.

RBSM matbuot xizmati:🌐 bakhshi.uz | 🌐 Telegram | 🌐 Facebook | 🌐 Instagram | 🌐 YouTube

Joriy yilning 22-avgust kuni Jizzax viloyati madaniyat boshqarmasi Respublika baxshichilik san'ati markazi bilan hamkorlikda "Dostonlar manaviyat o'chog'i" shiori ostida doston kecha, Sayyor qabul hamda jizzax viloyatida yashab ijod qilayotgan Ziyodullla baxshining ijodiga bag'ishlangan ijodiy kecha tashkil etildi. Bu tadbirda Jizzax viloyati 5-sonli bolalar musiqa va san'at maktabi rahbariyatidan Razzoqxon Muqimov so'zga chiqib San'atda bo'layotgan o'zgarishlar, yuksalishlar haqida o'z fikr mulohazalarini gapirib o'tdi va O‘zbekiston xalq baxshisi Maxmatmurod Radjabov, Erkin O‘rolov, Bobosher Mengliyev, Murod Aliqulov kabi taniqli baxshilar o‘z ijodlarini namoyish etishdi. Ular dostonlar va o‘z termalari orqali xalq ma’naviyatining chuqur ildizlarini aks ettirdilar. Bu kabi tadbirlar xalqimizning ma’naviy qadriyatlarini mustahkamlash va kelajak avlodga yetkazishda muhim o‘rin tutadi.

Telegram | Web sayti |Facebook| YouTube |Instagram|

Facebook

Log in or sign up to view

See posts, photos and more on Facebook.