" أنا محتاج شي أشمل من النسيان / أنا النسيان وحده ما ينسيني "

" مثل مايحفظ المصلاح قدر الفارع الميلاف
تمثني روض صدري وأزبني من قسوة إهمالي

وإذا دارت صواديف الزمان وقلتي أسمي حاف
امانه لا تجين لجرحي اللي كان متشالي "

‏" اليوم.. كل الوجيه الحاضره للفناء
‏ يا كل صبحٍ يقود النور للناظرين

‏ من يوم صرت الغريب اللي ملاه العناء
‏ صارت عيونك طريق و صار صوتك يدين

‏ تجيبني من هناك .. و تحتضني هنا
‏ يا مجمل العمر لو العمر هالساعتين

‏ جينا .. كأن الشعور اللي وصل قبلنا
‏ ضم المكان و ملاه من الشغف و الحنين

‏ واللي نحت عودك المعقود.. لين انحنى
‏ ما قبلك من اولين .. ولا بعدك آخرين

‏ يا حلو أحبك بصوتك كن أحبك " لنا "
‏ و اللي بقى من كلام .. لباقي العاشقين

‏ أخاف من حاجتي للي أحبه .. و أنا
‏ من عزة النفس ما أقول الطلب مرتين "

‏" بدون إدراك كنت بكل حرف من القصيد أدرَاك / تخليني جسد لكن ! قصايد لاتخليني "

" ‏ربيت بزاوية بشتك على عز وكرم وجلال
‏ كبر عودي على حس ابتهاجة روحك الطربه

‏ وتثنى من بعد صبح تحزم للفراق وطال
‏تنادي له طيور الدار وينادي على الغربه

‏ من الشبه القديمة والمكارم هزة الفنجال
‏ قتلها صمت نجرك ماتقل له صوت تشعربه

‏ طبيعي كل ماشفت العصا وعقالك الميال
‏ كبر فيني شعور أول حفيد استشعر الكربه

‏ وش اسوي وغرفتك الاخيره ما عليها أقفال
‏ تناديني زواياها.. هنا زاد هنا شربه

‏أنا سبعه وعشرين وبكيتك عن ثلاث اجيال
‏ دموعي من سحابة ذكرياتك تملي القربه

لك الله ما قدرت أسترجع العبره وأنا رجال
وراه أمٍ .. تعزوابه وذيك أخت تباشر به

‏ ياليتك لو تمدد هالأمان وتمنع الترحال
‏حضورك في زفافي كم تمنيت اتفاخر به

‏ عمامي من بعد زولك وضحكاتك مع الأزوال
‏ يشوفون المجالس تفتقد للهرجة الذربه "

" مرحبا.. للمحبه معاذير وللقصيد شرهه "

‏" في تلك الليلة ، كان لدي كلام كثير ، كلمات بليغة ، جمل منسّقة وجاهزة ، حتى النية في الصراخ كانت لدي ، ولكنني مثل كل مرة ، فقدت صوتي .. راقبت مضي اللحظة وأنا صامت ، أحياناً لا نصمت لانعدام الكلام ، بل لكثرته "

‏" لك من العتب ما للعوارف على الجهَّال
‏ ولك من الستر ما ضف الأسرار في جوفي "

" ماحكى في غيبتك عن الغياب لساني / والله إن اللي يسولف في غيابك وجهي "

‏" مثل ما مرت عيونك علي مرت علي أحداث
‏لا زادت نورك بظلمة سماي ولا اخفتت نورك

‏ كثر ما اشتبهت الأحلام في عيني رؤى وأضغاث
‏كثر ما اشتقت أعلمك بظروفي وأخذ بشورك "