صرفنة سنين حبنة
وخلصِن بـ تبذير
وعلئ يَوم النشوفك باچر نجدي .
- جبَار رشيد

مَشهد غيابك خرابه
وصوتِي مبحوحَ شيصِيح
الشوارع گِلها مسكونه
وصفيرّ وصَور ريح والهياكل
والجماجم مِلحمه والناس
كل الناس ميته، وحدي
أعَثر واطيَح
ولو خبرَ منك يجيَني
الناسّ تِعدل مِن جديد
ضوة يبيَن مِن بعَيد
مُطر ينزل ، شمسّ تضحك
المشانق تنصُب مرجوحه
لأطفال الشهيد
الورِد ،
الورد يطلع بالجماجم
لو تچيني
واقدملك أعَتذارِي
وانكساري وكُل حنيني
ولو گِلت هذا خطيه
ويامَا گتلك
من أديه تروحَ بسّ مو
من اديه
وياما گِتلك
شوفتني جنازة امي من
ثگل وجهك عليه
لـِ الشاعِر زيد السَومرّي .

بروحك چم سمة وما غيّمت وياي
عليه تزخ عطش ومنشف السبعة
بگصايب ياحلم شديت روحك خيط
خيطك من يمر دخان ما گطعه
ثكلت بروحي جثة وما لكت جناز
وخيالك كمت أشوفه منين ما اضيعة
اليسافر للببجي يأخذ عيوني متاع
على جفني ولام جايه مخيطه الدمعه
اليفاركني شبر أبقه التفتلة سنين
وأتاني بيا جرح يا لجمة الترجعه
لـ عِلي رُشم

بحضنك متبقالي أعصاب
اسلم وارفع ايديني
وبكيفك انا اخليك
تاخذني وتوديني
وبلحظة الخيال يروح
وافز الوحدي الگيني ..

وحرك دم وتعب واهات ودموع
وسلب راحه وسهر والنوم مسلوب
وكل موعد فرح وعياد
ويا وشوف الكون من يروح مكلوب
كل هذا وتكول  عوف ونساه
لا ايوب انا ولا يعكوب
- سمير صبيح

بعد مثل الحواجب كلمن لـ عين
نبت حدر الضلع ريش الملامة
مسكين الندة يعوف البساتين
بوردها وجاي متعنيلة جامة
نار يروحلك طير المراسيل
ويجي من برودتك موش بسلامة
الحمامة التوصلك لو عندك احساس ؟
تجيني مسابگ جناح الحمامة

- علي عگاب

بعدك بالگلب رغم الخِلافات
المسافات انلغت بينك و بيني
ما ينطيني گلبي ازعل وياك
بس أن شاء الله گلبي ينطيني
اتوقع يجي فد يوم أنساك
بس أتمنى اموت و مايجيني
أعرفك مو الي بس اني اهواك
لأن انتَ الوحيد المالي عيني