ТЎРТЛИК

**Ҳаёт ёлғонлардан иборат асли,
Гўёки рост сўзлаб юрамиз ҳар кун.
Ёлғонни ортидан табассум қилиб,
Бировнинг устидан куламиз ҳар кун.

Ҳамдам АЛЛАЁР.**

✍Ҳамдам Аллаёр.
🎙Аҳмади Эверест.

Каналга аъзо бўлиш учун босинг 👉*👉👉
•* Telegram• Instagram • Facebook

УМРИМ ОМОНАТ!

Кимга қадрдонман, кимга ошнаман,
Меҳр булоғига мудом ташнаман,
Тош деманг юраги, ўзим бошқаман,
Умримга  ишонманг! Мен ҳам омонат...

Ризқим қайда бўлса топиб ошайман,
Пойингизга қатлаб меҳрим тушайман,
Билсангиз, доимо сиз деб яшайман,
Умримга ишонманг! Мен ҳам омонат...

Яқиним,  йўлингиз тураман пойлаб,
Тилимга энг соҳир сўзимни жойлаб,
Лек, сиздан садо йўқ - ҳафталаб, ойлаб,
Умримга ишонманг! Мен ҳам омонат...

Мен ҳам туғилганман сиз каби йиғлаб,
Гоҳида кетасиз қалбимни тиғлаб,
Мени ҳам ҳаётга қўймаган боғлаб,
Умримга ишонманг. Мен ҳам омонат...

Ҳаётим бир жумбоқ, умрим тугунча,
Тақдирда қанча бор, яшайман шунча,
Шошилманг қазишга қабримни бунча,
Умримга ишонманг. Мен ҳам омонат...

Бугун мен бордирман, эрта сиз тирик,
«Минг йил яшанг!» деган тилаклар ўтрик,
Пешонамга битган ҳар лаҳзам - битик,
Умримга ишонманг, умрим омонат...

✍Ҳамдам Аллаёр.

Каналга аъзо бўлиш учун босинг 👉*👉👉
• Telegram• Instagram •* Facebook

#КЕТДИДА!
**Ишққа мактуб битди-да,
Кўксим ўйиб кетди-да,
Севаман деб ёр алдаб,
Мени ташлаб кетди-да!

Ваъдалари ёлғоним,
Кўксимдаги армоним,
Муҳаббати арзоним,
Мени ташлаб кетди-да!

Тишга маҳбус бўлди тил,
Соғинчларим хилма - хил,
Айлаб қалбимни чил - чил,
Мени ташлаб кетди-да!

Телба қилиб кетди-да,
Юрак юлиб кетди-да,
Қайтмас бўлиб кетди-да,Кетди-да, кетди-да.

Қош кўзлари қоп-қора,
Юрагим пора - пора,
Унутмоққа йўқ чора,
Дилни ғашлаб кетди-да,

Тушларида кўргандир,
Айтолмайин юргандир,
Мени эслаб тургандир,
Кўзни ёшлаб кетди-да!

Ҳамдам АЛЛАЁР.**

(#қўшиқ, мурожаат учун +998995060077)
Муаллиф рухсатисиз фойдаланилмасин.

Kanalga ulanish uchun bosing 👉**👉*👉
•* Telegram• Instagram • Facebook

**Яна бироз кутамизми Ўзбекларим...!?

Футбол бугун холинг бунча хароб бўлди,
Қанча мухлис умидлари сароб бўлди,
Оҳ жонимга бугун минг бир азоб бўлди,
Бир кун келиб ютамизми Ўзбекларим!?
Яна бироз кутамизми Ўзбекларим...!?

Байтлар битдим изтиробдан кўзларда нам,
Ҳеч бир имкон тополмадик бир голга ҳам,
Эҳ қайданам мухлис бўлдим футболга ҳам,
Бир кун келиб ютамизми Ўзбекларим.!?
Яна бироз кутамизми Ўзбекларим...!?

Сенга мухлис худойимнинг ҳар бандаси,
Чиқди афсус Ўзбегимнинг шармандаси,
Хафа бўлма юртим терма командаси,
Бу тўсиқдан ўтамизми Ўзбекларим...!?
Яна бироз кутамизми Ўзбекларим...!?

Камлик қилди шунча ҳурмат ва эҳтиром,
Фойда бермас режалар, бари бўлди хом,
Ўзбеклар ҳам оларми “ғолиб” деган ном?
Бир кун келиб ютамизми Ўзбекларим...!?
Яна, яна... кутамизми Ўзбекларим...!?

Афсус яна ютқизиб қўйдик...

Ҳамдам АЛЛАЁР.**

Kanalga ulanish uchun bosing 👉**👉*👉
•* Telegram• Instagram • Facebook

Майдонга тушади бугун бу Ватан,
Дилларга сол яна кўҳна ўгитни.
Эй қодир Аллоҳим, илтижойимиз:
Ўзинг қўллаб тургин ўн бир йигитни! 🤲****

Ўлмасбек Самарқандий.

@hamdamallayor

#QO**'SHIQ
Endi sevish sening navbating!

Chiroyingga zeb berma malak,
O'tkinchidir chiroy, savlating,
Boq, sevgimga guvohdir falak,
Sevmoq endi sening navbating!

Yulduzlarga so'zlayman arzim,
Shabbodalar tinglaydi dardim,
Ozor chekar yuraging balkim,
Sevish endi sening navbating!

Dilga armon saroy solguncha,
Sog'inch kunda jonim olguncha,
Xasta yurak to'xtab qolguncha,
Sevish endi sening navbating!

Yodimdadir qo'ling tutganim,
So'ng alamdan qonlar yutganim,
Yillar aytsin qancha kutganim,
Sevmoq endi sening navbating!

Baxtiyorman ko'rmasam hamki,
Shirin xayol so'rmasam hamki,
Kokillaring o'rmasam hamki,
Sevish endi sening navbating!

Vasling xumor yugurdim-yeldim,
Rashklar qilib ko'ksimni tildim,
Shuncha yillar men sevib keldim,
Sevish endi sening navbating!

Qiynoqlaring jonga yetmasdan,
Sog'inchlarim oshkor etmasdan,Isming qalbdan o'chib ketmasdan,
Sevish endi sening navbating!.

© Hamdam Allayor

Ushbu she'r qo'shiq uchun beriladi murojaat uchun +998995060077**

Kanalga ulanish uchun bosing 👉**👉*👉
•* Telegram• Instagram • Facebook

#ҚЎШИҚ **Ўйнанг бугун, ўйнанг, Онажон!

Қилинг энди тўй-ю, тантана,
Яхши кунлар келди-ку, мана!
Азоблардан ўртанмасин жон,
Ўйнанг бугун, ўйнанг, Онажон!

Сизни бахтли курайин доим,
Юз ёшларга киринг илойим,
Қўллаб турсин бизни худойим,
Ўйнанг бугун, ўйнанг, Онажон.

Элга ёзиб дилдан дастурхон,
Яқинларни қилайин меҳмон,
Азоблардан ўртанмасин жон,
Ўйнанг бугун, ўйнанг, Онажон.

Тилак айтсин дўстларим сайраб,
Ўстирдингиз бизни авайлаб,
Фарзандингиз тўйида яйраб,
Ўйнанг бугун, ўйнанг, Онажон.

Қайноқ қалбим қўри сизники,
Давраларнинг тўри сизники,
Куй-қўшиқнинг зўри сизники,
Ўйнанг бугун, ўйнанг, Онажон.

Ҳамдам АЛЛАЁР.**

Каналга аъзо бўлиш учун босинг 👉**👉*👉
•* Telegram• Instagram • Facebook