💥Бугун 23 ноябр - аёлларни бағрига босиб, юзидан ўпиб қўйиш куни экан!

Авайланг аёлингизни!

Танингиз соғ бўлса бойлик топилгай,
Турмуш муштларидан тинчлик топилгай,
Рўзғорнинг кемтиги бир кун ёпилгай,
Дўстгинам дайдитманг хаёлингизни...
Авайланг фаришта аёлингизни!

Қалбини ғам, алам қамраб олмасин,
Йўлингизни кутиб кўзи толмасин,
Бечора кўнгилда армон қолмасин,
Сочман сиз ғазабли ҳуморингизни...
Авайланг фаришта аёлингизни!

Фарзанд билан униб ўссин баробар,
Борми ундай ҳусни жамоли лобар?,
Жуфти ҳалолингиз ўшал муштипар,
Берманг маъноси йўқ саволингизни...
Авайланг фаришта аёлингизни!

Дайди итдек энди хурмангиз сира,
Номаҳрамга юзни бурмангиз сира,
Жони қирқта дея ўрмангиз сира,
Бахтли қилиб жуфт-у ҳалолингизни...
Авайланг фаришта аёлингизни!

Майли ғамдан йироқ қочмасангиз ҳам,
Кулиб қучоғингиз очмасангиз ҳам,
Бошидан тилло зар сочмасангиз ҳам,
Йиғиб олинг фикру хаёлингизни...
Авайланг уйдаги аёлингизни!

Шайтон шаробидан бир лаҳза бўшаб,
Пойига гўл сочинг жонингиз тўшаб,
Ёмонлик кўрмасин сиз билан яшаб,
Совутманг меҳрли туморингизни...
Авайланг фаришта аёлингизни!

Дунёга қулф солган бой бўлсангиз ҳам,
Ҳали гижинглаган той бўлсангиз ҳам,
Балки осмондаги ой бўлсангиз ҳам,
Берманг ортиқ энди саволингизни...
Авайланг фаришта аёлингизни!

Қоврилиб аламнинг дардли ёғида,
Тунлари бедор у фарзанд доғида,
Ташвишлардан бўшаб сиз ҳам гоҳида,
Бахтли қилинг жуфт-у ҳалолингизни...
Ўтинчим авайланг аёлингизни!

Ҳамдам Аллаёрнинг илтимоси бу,
Авайланг уйдаги аёлингизни!!!

✍  Ҳамдам Аллаёр.

👇👇👇Суйган аёлларимиз учун битта ёнган юракча босамиз❤️‍🔥

@hamdamallayor

Х А В О Т И Р Д А М А Н ...
Дўстман дея сирларин сотган,
Сўнгра алам, афсусга ботган,
Айрилиқнинг таъмини тотган,
ИСМИМдан хавотирдаман...

Ошиб кетса турфа баҳонам,
Қаср бўлса, кулба-кошонам,
Сажда қилмай қуйган пешонам,
ЖИСМИМдан хавотирдаман...

Кимдир ҳавас, ким ҳасад йўлдош,
Қиёматда бари бўлар фош,
Очкўз сабрим бермай қолса дош,
НАФСИМдан хавотирдаман...

Еган тузим бўлганда ҳалол,
Қаддим уриб юрдим бемалол,
«Қил устида» турган эҳтимол,
КАСБИМдан хавотирдаман...

Дўст, жигардан юлиб қарз олган,
Ваъдаларни айлаб, ёлворган,
Қайтмоғини худога солган...
ЛАФЗИМдан хавотирдаман...

Синовлардан юрагим пора,
Гоҳо манман, гоҳо бечора,
Сирти оппоқ лек, ичи қора,
РАСМИМдан хавотирдаман...

(Қил устида» турган эҳтимол, КАСБИМдан хавотирдаман...)
Ҳамдам АЛЛАЁР.

Kanalga ulanish uchun bosing 👉**👉*👉***@hamdamallayor

Талабалар байрамига менинг арзимас табригим🙈🙈🙈
Ўқитувчи талабаларидан бирига кўнгил қўйса...Бир кун адо қилгай қалбимнинг оҳи,
Не қилай аҳдимдан қайтолмайманда,
«Устоз» деб жилмайиб қўясиз гоҳи,
Сизга мен севишим айтолмайманда!Соғинсам тикилиб суратингизга,
Тасанно айтаман жўратингизга,
Мени қилган шундай ҳурматингизга,
**Ботиниб севишим айтолмайманда!

Гоҳ маюз боқасиз, гоҳида қувноқ,
Кунда бир кўрмасам қалбимда титроқ,
Ўттизга кирсамда ҳали ҳам бўйдоқ,
Уялиб севишим айтолмайманда!Гувоҳман ой каби тўлишингизга,
Умидворман ёрим бўлишингизга,
«5» баҳо қўйганман кулишингизга,
Фақат, севишимни айтолмайманда!

Билсангиз «ҳайрат»га тўлиб қоласиз,
Дардларим ичимдан юлиб оласиз,
Бир куни ўзингиз билиб оласиз,
Унгача севишим айтолмайманда!Тангрим бериб бахту – саодатимни,
Касбимга айладим садоқатимни,
Ва топсам бир куни шаҳодатимни,
Унга мен севишим айтолмайманда!...
(Менинг энг аълочи талабагинам,
Сизни севишимни айтолмайманда)**17-ноябь халқаро талабалар куни муборак бўлсин!!!

Ҳурмат билан: Ҳамдам Аллаёр.

Каналга аъзо бўлиш учун линкни 👉👉👉 @hamdamallayor

??????? ?????? **Қўлларинг бир бора тутмасдан,
Хаёлда ёнингдан кетмасдан,
Билдирмай, ўзинг-а айтмасдан,
Мен сени пинҳона севгандим.

Баъзилар ошкора севарлар,
Севгисин зарларга безарлар,
Менинг-чи юрагим эзарлар,
Мен сени пинҳона севгандим.

Изладим бир кўрган кўзимдан,
Сира ҳам тушмадинг сўзимдан,
Қизғониб, ҳаттоки ўзимдан,
Мен сени пинҳона севгандим.

Лабингга бир бора босмай лаб,
Қўл тегса қўлларим қалтираб,
Гулим деб баъзида эркалаб,
Мен сени пинҳона севгандим.

Тинч қўймас кўксим ҳол сўрмасам,
Хаёлда сочларинг ўрмасам,
Ўлардим кунда бир кўрмасам,
Мен сени пинҳона севгандим.

Ҳажрингда ўт бўлиб ёнаман,
Гоҳида севгимдан тонаман,
Айт қачон васлингга қонаман,
Мен сени пинҳона севгандим.

Севгида бўлмайди баҳона,
Қалбимда сен эдинг ягона,
Бўлдинг энди афсус бегона,
Мен сени пинҳона севгандим.

(Бир бора қўлларинг тутмасдан, Мен сени пинҳона севгандим.) *14.08.2024й.*

© Ҳамдам АЛЛАЁР.

Ушбу шеър қўшиқ учун берилади мурожаат учун +998995060077
?Каналга аъзо бўлиш учун босинг ?

• ✅Telegram • ?Instagram
•✅Facebook •✈️Twitter

**Bo‘ydoqlarga maslahat!!!

Yor tanlashda adashma do‘stim! #HAZIL_SHE’R

Toldim deysan yorimni izlab,
«Or» talashib adashma do‘stim.
Yor qo‘ymasin bag‘ringni tuzlab,
«Yor» tanlashda adashma do‘stim!

Xoling bo‘lar, bir kuni ayon,
Ko‘nglim arzi baytimda bayon,
Burji ilon, tili lek chayon☝️,
Qiz tanlashda adashma do‘stim!

Dilginangni g‘ashlab ketmasin,
Ko‘zlaringni yoshlab ketmasin,
Yurib, yurib tashlab ketmasin,
Qiz tanlashda adashma do‘stim!

Gullar sochib qiz poyiga sen,
Uchma, boylik saroyiga sen,
Aldanma hech chiroyiga sen,
Qiz tanlashda adashma do‘stim!

To‘ydan keyin she’rlik qilmasin,
Yuzing qaro yerlik qilmasin,
Xotin bo‘lib, erlik qilmasin…
Qiz tanlashda adashma do‘stim!

Majnun bo‘lgin, bo‘lsin u Layli,
Baxtlar kelsin sevgi tufayli,
“O‘qimishli” bo‘lmasin mayli,
Qiz tanlashda adashma do‘stim!

Sodda bo‘lsin nozi bo‘lmasin,
Hukming o‘qib, qozi bo‘lmasin,
Tanlaganing “tozi” bo‘lmasin,
Qiz tanlashda adashma do‘stim!

Yaxshisi, ro‘zg‘oring to‘ldirar,
Bir umr baxtingni bo‘ldirar,
Yomoni, pichoqsiz o‘ldirar,
Qiz tanlashda adashma do‘stim!

Xo‘shyor bo‘lgin baxshisini top,
Ko‘ngilning soz, naqshisini top,Shuncha kutding, yaxshisini top...
Qiz tanlashda adashma do‘stim!

(Tanlaganing "tozi" bo‘lmasin. Yor tanlashda adashma do‘stim.)
© Hamdam ALLAYOR.**

?Каналга аъзо бўлиш учун босинг ?

• ✅Telegram• ?Instagram
•✅Facebook •✈️Twitter

???? ? ??????

Куйма энди ёнма дам-бадам,
Юрагимни қон қилдинг мадам.
Нозлар билан ташлаб гоҳ қадам,
Юришларинг *?* мана бундоқ.

Куйдирмагин бағримни ёқиб,
Соғинч қийнар зулфингни қоқиб,
Кимсиз дея ҳайрон-а боқиб,
Туришларинг ? мана бундоқ.

Кетдинг қалбга севги уйғотиб,
Қолдим ёлғиз ғамларга ботиб,
Жилмайганда нозларни отиб,
Кулишларинг*?* мана бундоқ.

Умрим ўтди йўлларинг қараб,
Ҳасратимга сен бўлдинг сабаб,
Узун-узун сочларинг тараб,
Уришларинг*?* мана бундоқ.

Фироқларда юз жоним ҳалак,
Оҳлар урсам йиғлайди фалак,
Мовий кўзли хипча бел малак,
Қарашларинг*?* мана бундоқ.

Эй қора соч, қошлари камон,
Сенсизликда аҳволим ёмон,
Кечагидек ёдимда ҳамон,
Юришларинг*?* мана бундоқ.
© Ҳамдам АЛЛАЁР.**

Ушбу шеър қўшиқ учун берилади мурожаат учун +998995060077

?Каналга аъзо бўлиш учун босинг ?

• ✅Telegram• ?Instagram
•✅Facebook •✈️Twitter

**БАХТЛИ БЎЛИНГ ГЎЗАЛ СИНГЛИМ.
(Қўшиқ учун ёзилди).

Қўй йиғламанг сизсиз куним ўтаётир,
Қон юрагим дардин ичга ютаётир,
Сизни эса “Шахзодангиз” кутаётир,
Гаплар отиб аъзоб берманг оғрир кўнглим,
Бахт тилайман бахтли бўлинг гўзал синглим.

Йиллар гувоҳ ўлғайиб бўй етгандир-а,
Чиройингиз бизни мафтун этгандир-а,
Кўнглингиз ҳам мендан совуб кетгандир-а?
Бўлди етар ортга қайтинг индамай жим.
Бахт тилайман бахтли бўлинг гўзал синглим.

Уринманг ҳеч нозлар қилиб рухсатимга,
Жой қолмаган исмингизга рўйхатимда,
Учрамасдан кетақолинг нафратимга,
Айрилиқда кўз ёшингиз бўлар лим-лим.
Бахт тилайман бахтли бўлинг гўзал синглим.

Хипча белга сочларингиз улфат экан,
Айро йўллар тақдир экан, қисмат экан.
Боқсам агар, ҳаётимга кулфат экан,
Сизни ўйлаб эзилмасин сира кўнглим.
Бахт тилайман бахтли бўлинг гўзал синглим.

Жиним суймас ой кўрмаган фалакларни,
Сизга тилай энг чиройли тилакларни,
Кўнглим эрмак қилолмайди малакларни,
Айтай десам ёлғонларга бормас тилим.
Бахт тилайман бахтли бўлинг гўзал синглим.

Гуллар тақиб нозланасиз чаккангизга,
Кўйлагингиз етмадими елкангизга?
Нима дерман уйга бориб янгангизга?
Яхши қолинг уйда мени кутар Лайлим.
Бахт тилайман бахтли бўлинг гўзал синглим.(Нима дерман уйга бориб янгангизга? Бахт тилайман бахтли бўлинг гўзал синглим.) 31.05.2024й.**

*✍️ Ҳамдам АЛЛАЁР.*

Каналга аъзо бўлиш учун босинг ?**?*?
•* Telegram• Instagram • Facebook

Alisher Yusupov - Nomard kimsalarga qoldi bu dunyo.

Каналга аъзо бўлиш учун босинг ?**?*?
•* Telegram• Instagram • Facebook

**БЕВАҚТ ЎЛДИРМА ХУДО!

Орзуларим сўлдирма худо,
Қалбимга дард тўлдирма худо,
Нима қилсанг розиман фақат,
Мени бевақт ўлдирма худо.

Бахт мурғагин бураганим йўқ,
Ҳаёт хаққин тўлаганим йўқ,
Сендан дунё сўраганим йўқ.
Мени бевақт ўлдирма худо.

Кўзларимда кулгу камнамо,
Ғамлар менга эмас муаммо.
Тўрт ёнимда яқинлар аммо.
Мени бевақт ўлдирма худо.

Яшаяпман бандаларга хос,
Болам учун ўтинч шу холос,
Ёлвораман, сендан илтимос,
Мени бевақт ўлдирма худо.

Синдим ташлаб кетди улфатлар,
Бошим узра ёғди кулфатлар,
Қолмай яхши-ёмон суҳбатлар,
Мени бевақт ўлдирма худо.

Кўнгилда дард, камларим билан,
Кўзимдаги намларим билан,
Аламларим, ғамларим билан,
Мени бевақт ўлдирма худо.

Душманга тош отганимча йўқ,
Чин дўстларим сотганимча йўқ,
Гуноҳларим ювганимча йўқ,
Мени бевақт ўлдирма худо.

(Бурчим адо этгунимча то...)
Мени бевақт ўлдирма худо.

✍️ Ҳамдам АЛЛАЁР.
Каналга аъзо бўлиш учун босинг ?*??
•* Telegram• Instagram • Facebook

ТЎРТЛИК

**Ҳаёт ёлғонлардан иборат асли,
Гўёки рост сўзлаб юрамиз ҳар кун.
Ёлғонни ортидан табассум қилиб,
Бировнинг устидан куламиз ҳар кун.

Ҳамдам АЛЛАЁР.**