بنينـي
تگلي دائمًا احنه نتأثر بالاشخاص الي ويانه
حتى لو گلنه ما نتأثر
الهادئ ، نهدأ ويا
والفوضوي تصير حياتنا فوضوية ويا
النكدي دوم يطفينه، والضعيف كذلك
والفاشل
والسعيد ينقل النا السعادة
والقوي يعرفنا على نفسنا اكثر
والناجح ، يملي حياتنا بنجاحه

ناسك الي وياك حسبك انت
شنو تكون انت
راح تكون ناسك
✨

ان اعيش في قلبك مدى الحياة 🖤

اليوم رسميًا انتهى تراجع زحل 🪐

أنا صح ما اكون انسان صالح بالقدر الكافي
او شخص عنده ذنوب وامور دنيوية
بس دائمًا احب العلاقة الي تكون مع السماء
وتكون مع الله بدون تدخلات بدون ما احد يطلع عليها ويعرفها
وبدون ما افصح عنها وبدون اي شيء
احب فكرة الاطمئنان من وجوده
فكرة الندم ع فعل الأشياء الخاطئة
فكرة عدم ظلم احد او ما انام وانا مزعله احد مني ، فكرة اكون ملاذ لعباده
واكون الجانب الحنين مهما صار ، وفكرة اكون مثل ما خلقني واعرف قدري بالحياة ورسالتي
وهواي هواي جوانب ، يكون وجود الله ظاهر بيها
وان شاء الله ، اكون يومًا من الصالحين
او ع الاقل شخص عابر غير مؤذي غير ضار
وملاذ لطيف ومُحب من قبل السماء
يُذكر دائمًا بحياة الآخرين
✨❤️

هذا الدعاء ، اله تاثير بحياتي
هو وسورة الرحمٰن

مرة صار وياي موقف ، وهذا الموقف اعرف ما آصار عبث
انما حتى التزم بدعاء كميل وسورة الرحمن
واشوف أثرهم بحياتي

اتذكر جنت أتعاجز اقرا دعاء كميل واگول طويل ومراح يخلص
بس دائمًا عيني عليه ، يطلعلي بكثرة
والاسم يتكرر وياي
إلى ان اجه وقت اقرا بدون ملل ، بدون حجج
وجنت مؤمنة ورا ما اخلص من عنده هو والسورة راح اطلع من الموقف
واحصل الي اريده
وصار فعلاً وأحسن من الي حنت اظنه هم
فصار جزء من حياتي ،
وكل ما اسمعه ابتسم واتذكر شعور النجاح الي صار
❤️🌿✨

12:نوفمبر

الان زخات شهب بمعدل 5 شهب بالساعة
وكذلك احتجاب كوكب نبتون

هذا للي ميلادهم بهذا اليوم .

يَبو طول اليگصر الناس
الأشم من هيبتك يصغر

امس اجت مراجعة للعيادة
جانت تحب الفلك هي امرأة عمرها بالـ 40
نسيت ام الشغل وهي نست الدكتور
وكعدنه نسولف عن الخريطة الفلكية
والفلك
وتحليل الشخصيات واخذت القناة
?❤️

ارجع واگول
ماكو احلى من الإنسان يصنعله شيء بأسمه ويكون هوَ مسؤول عنه
واله اسمه بي

مروان خوري بأحد الاغاني مالته يگول

ليش الاشياء أحلى عطول من بعيد ولَبعيد منلحقها لو مَنّا بالايد منصدّق أوهام ومننفي الأكيد

وفعلاً اكو اشياء وقت تكون من بعيد تلمع مثل حبة الكريستال
وقت تتقرب منها راح تلگاها وهم فقط
لذلك اكو اشياء ما تنفع نتجاهل شعورنا الاول وعدم راحتنا تجاها ونحارب حدسنا ونچذب على نفسنه ونگول خلص هي النه
اكو اشياء حلاتها تكون بعيدة
حتى تحافظ على بريقها بعينك واحترامها
وتعلم مو كل شيء عجبك لازم يكون الك
خليك واعي .